|
شكـراً للقنـاة الرياضـية ,, لكن ما كملتي الجميل ..! .. السلام عليكم ,, ألف مبروك تتويج الهلال بنادي القرن . اللقب المستحق الذي تشرف بالزعيم .. و شكراً للوفد الغالي الذي شرفنا بحضوره رفيع المستوى .. و هذا الحفل الكبير سيبقى على مر السنين باقٍ في الذكرى .. لا ينسى ! و أشكر القناة الرياضية - قناة الوطن - على النقل الحصري و الذي يدل على تقدمها إلى الأمام .. لكن لدي بعض العتب و أتمنى أن يصل :: - النقل فقط للتتويج ماشفنا دخول أو خروج أو الحضور في أماكنهم مثل مانشوف في الحفلات الأخرى .. أقرب مثال حفل جوائز الرياضية و موبايلي .! - التصوير أثناء التصاريح قبل الحفل كان ملاصق للمراسل أحمد العجلان و كأنهم مايبون أحد ثاني يطلع ! - ملينا من الإستديو التحليلي اللي ماكان وقته ,, الحفل على مستوى العالم و فيه شخصيات كبيرة كثير ., حلو إنكم تتكلمون عن الهلال و تاريخ الهلال لكن مو بكل هالوقت الطويل ! - الكاميرات كانت ضعيفة و مافيه كاميرات من فوق تشمل الصالة كلها ,, كلها كاميرتين على المنصة و على الوفد السعودي ! و الإخراج ضعيف جداً .. مافيه تنسيق للقطات ! - العجلان أخذ تصاريح من كل الوفد الرسمي إلا الكابتن منصور الأحمد لأسباب قديمة !!! أين الإحترافية ؟! * للأمانة ,, كنت أعتقد الحفل سيء و ضعيف إعلامياً جداً .. و كنت أتساءل أقول معقولة هالحفل في لندن ؟! لحد ماسمعت الصحفي طلال الغامدي و شفت تغطية شبكة الزعيم .. انصدمت ! وين ماشفنا هالشخصيات المهمة و لا القاعة الحلوة .. بشكل عام :: للأسف ما أعطونا جو الحفل نهائياً ..! * أدري عندنا مباراة مهمة اليوم ,, و ممكن مو وقته هالكلام .. لكن الوضع يقهر و مايُسكت عنه ! شكراً لكم .. و بالتوفيق للزعيم اليوم أمام بونيودكور الأوزبكي و بإذن الله مايخيب رجاء الزعماء و لا رجاء الأمير عبدالرحمن بن مساعد الرجل اللي مابخل على الهلال بأي شي ونتأهل لدور الثمانية و نأخذ كأس آسيا .. يا رب . |
موضوع ولفتة جيدة بصراحة منك لكن هل صحيح الناس بتسمع منك،،،، <<< يارب بس على فكره شيء طبيعي اخوووي لو كانت الجزيرة الرياضية كان شفت الاحترافية صحيح لكن جهد طيب على امكانياتهم وقدرات الرياضية المعروفة ،،، |
الحفل كان متواضع جدا ... ولكن الهلال خل له قيمه اكيد واوفقك الراي في الاخراج و ترجمه تاخرت كثير !!! ولكن وجود بعض الشخصيات مثل مورينو اعطت حدث شي جميل , |
يمكن فيه شي فوق اركبه ولا يبونا نشوفه |
ما فيه احد معصوم من الخطأ بعد زين من القناة السعوديه الرياضيه قناة حكوميه ولاكن كما وعدونا رجال القناة السعوديه الموسم القادم نبي نشوووف قناة هبااال (( رهيبه)),,,,,... فيه بعض النقآآآط اتفق معك جدا جدا الآ وهي احسب والله العظيم ان الحفل مو ذاك الزود لاكن يوم شفت الصور والشغلات هذي قلت وين القناة عنها ... على العموم مشكوره على هالنقاط الي اتمناه ان تآصل هالنقاط لمسئولي القناة ليتعلمو من اخطا ئهم ويصححههوا |
والله تمنيت إنهم ما كسبوا حقوق النقل الحصري على هالنقل البايخ :s3s: لهم فترة ومستواهم بدأ يتطور لكن خربوا كل شي أمس !! هالحفل مهم لنا وما راح يتكرر إلا بعد 90 سنة .. ومن فترة وهم عارفين إن النقل حصري لهم .. ليه ما استعدوا ؟!! أقل شي جابوا مخرجين من القناة الأولى .. هذا حفل عالمي !! الله يوفق الزعيم اليوم ونتأهل :ba: الله يعطيك العافية .. :smilie47: |
إقتباس:
المشكلة إن الرياضية كان نقلهم ممتاز في الحفلات الثانية أقربها مثل ماقلت في الموضوع , جوائز الرياضية و موبايلي النقل حلو و عشنا الحفل كله .. لكن تصويرهم أمس كان مخنوق .! |
اتوقع هذه امكانياتها ومثل ماقلت نشكر الرياضيه ولكن فيه بعض الاخطاء وهذه الاخطاء توجد بكثره في نقل مباريات الزعيم مثلا الجمهور ومجلس الجمهور الهلالي يتعب لرسم صورة فنيه رائعه بالمدرجات والقناة الرياضيه تقتلها بعدم اخراجها!!! عدم اظهار الجماهيريه الهلاليه ونحن نشوف النقل المجاور لنا يحاولون ايهام المتابع ان فيه جمهور وعندنا يتم اخفاء الجمهور وتضييع تعب الجمهور بتفويت لقطات رائعه لهم يعني الموج والزلزال ماقد شفتهم الا قليل خاصه الموج اتمنى غدا ان يركز على الجمهور وعلى اللوحات الفنيه التى سوف تظهر وليس التركيز على مقاعد فارغه ان وجدت |
والله النقل تقل كنه حفل عشاء في فندق البطحاء من هالاخراج اخراج ضعيف تأخر الترجمة وضعفها نص الحفل غير منقول تصوير اكثر من بايخ |
يعطيهم العافيـه ، هذي آمكآنياتهم ، و سوو الي يقدرون عليـه . لاتنسى ان الحفـل بلندن ، والمكآن مزحووم . |
لاهنت اخوي بس ترى هذي امكانياتهم لا تطلب منهم اكثر من اللي سووه لا يمكن يضغطون على ميولهم ويطلعون لك عمل احترافي لعلمك 80%من اللي يدهرون خلف الكواليس ميولهم(اصفر) في القناة وهذا الأنجاز (عورهم شوي) عاد والله مدري شوي والا كثير الوكاد انه عورهم فلا تلومووووونهم ,,خفوا عليهم شوي |
بالفعل الحفل كان جيد جدا وقيمة اي حفل تكمن من قيمة حضورة وكان الحضور لافت ولولا مباريات الدروي الاسباني الحاسمة لـ استمتعنا بحضور اكبر واللي استلموا جوائزهم صباحا بسبب انشغالهم بمبارتي الحسم واعتقد النقل كان جدا متواضع وهذا لايمنعنا من ان نشكر القناة على تصديها للنقل ولكن واضح ان الاستعداد لم يكن كافي الاهم اللقب وحصدناه وان شاء الله تكمل افراحنا الليلة بالتاهل |
والله شي جميل أن القناة الرياضية تنقل الحفل لا كن متعودين على الأخراج السيئ وعلى تعتم الصورة ياخي لية مايطورون الصورة نشوف بعض القنوات تفتح النفس وقناتنا تحس أنهم بعزاء ويالله يتكلمون يجب وضع خاصية الصورة العالية مانبي الــHD بدري علينا ...! لاكن حسنوا الصورة أشوي وأستوديهاتكم زيدوا الأنوار فيها حقيقة لاحطيت قناتنا يعورني بطني وراسي وتنسد نفسي من الأكل .. وأتمنى التوفيق لقناتنا ((( الذهبية ))) مدري على أيش ذهبية...؟؟؟؟ لاكن بالتوفيق |
مع احترامي للرياضيه السعوديه ........ تغطيه ولا بريال.......... أن جيت للاستوديو اللي بالرياض .. كنه بعزاء ما كنه بحفل أنديه القرن... الأضاءه خافته... والمذيع لك عليه ... والضيوف اللهم لك الحمد.... مع احتراماتي... صح لاعبين هلالين بس مالهم أي جمهور.... و أنتصفت الحلقه مالقوا أحد يترجم.... بصراحه حفل ماله طعم............ ودمتم سالمين.......... |
عيب القنوات الفضائية عدم التنويع .. في المحلليين وعدم محاولة الانتقاء للأفضل .. اعرف ناس اشتركوا في الاي آر تي بسبب تحليل ( خالد الشنيف ) ...يعني المحلل الموهبة يفرق ... لا اجد محللين نستفيد منهم في الرياضية السعودية سوى يوسف خميس معقول !! والمتواضع جدا في مستواه التحليلي هو المدرب ( الخالد ) فهو كثير المداخلات كثير المقاطعة ... ومع ذلك لاتستفيد من تحليلة .. فهو يردد اشياءروتينية مفهومة ومتداولة كثيرا وسطحية .. مملنا سماعها ..ثم انه يلمع بعض الاعبين بأستمرار تشعر بانه بينه وبين بعض الاعبين ؟؟!! علاقة شخصية تأثر على حيادية تحليلة ؟؟!!! نحن طموحنا للمحلل الموهبة الذي ( يعطيناا شيء جديد ومعارف جديده لم نسمع عنها..!! تفيد المجتمع الرياضي ككل من اعلام ولاعبين واداريين ) ...علاء رواس مطلوب اكثر لنعرف طريقة تفكيرة في التحليل لانه مازال مجهول ؟؟؟؟!! كنت ارى في مروان الشيحة ذلك المحلل الموهوب ..لكن الرياضية السعودية للأسف فرطت به ؟؟؟!!! الرومي على محيسن على مدني رحيمي على الخالد ..كل هؤلاء محللين عاديون جدا لايملكون موهبة التحليل الفطرية ... يكررون اشياء روتينية سطحية مللنا سماعها .. ثم يعاودون تكرارها ولو تقصيةمايتكلمون عنه في التحليل لأستخرجت خمسين معلومة فقط قاعدين يكررونها ؟؟؟ مباراة بعد مباراة ؟؟؟!! اريد محضرون اريد منضرون اريد فلاسفة يملكون النضره التحليلية الثاقبة التي تدعمها الفطرة الربانية ..التي يحبوها لمن يشاء .. مثل خالد الشنيف ..ومروان الشيحة يمكلون الاقناع ان يكونوا محللين رياضيين ......؟!! ************************************************************ ضف على هذا شيء هام جدا .. وهو وقت التحليل ...؟؟ وقت التحليل قصير جدا ؟؟؟!! لايستطيع المحلل ان يقول كل شيء عنده ...؟؟ ؟؟ فماذا استفدنا من تحليلهم ؟؟ انت جئت بهم لكي الكل يستفيد منهم ... كيف نستفيد ولم يعطو الوقت الحد الادنى من اظهار مايودون اختصاره حتى ؟؟؟!!! انا ارى ان يكون المحللين للمباراه 3 محللين فقط والوقت قبل المباراه ساعة وبعد المباراة ساعتين ونصف .. ولايجب ان ينظر البرنامج لمصلحة المحلل ويترك الملايين من المشاهدين التي بودها ان تسعد ..تكون قسمة قمة في الغباء .. ياناس اسعدوا الجماهير بالبرامج التي تروي عطشهم .. مثل التحليل الي نصه مقابلات بايخه جدا بعد المباراه ووثلثه دعايات ؟؟؟ والثلث المتبقي فقط ( الباقي من التحليل ) ؟؟؟؟!! |
| الوقت المعتمد في المنتدى بتوقيت جرينتش +3.
الوقت الان » 07:05 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd