|
نظام " ســاهر " .. هل انت مع او ضد ؟ بسم الله الرحمن الرحيم .. تم تطبيقـه من فترة قريبه في الرياض ومن بعد الرياض سوف يتم تطبيقه على باقي المدن ،، نظام اعتبره من افضل الانظمة المروريه واللي بتحمي الكثير من النفوس باذن الله ، فما يقوم عليه النظام من رصد بـ كميرات لمن يتجاوز السرعه وغيره من المخالفات والرادع المخالفات .. ! في تصوري نظام جـيد ، ولكن لم يطبق صحيح ، والدليل على ذلك إصدار المخالفات على سرعات عاديه ولم تتجاوز الـ 100 .. ! بصراحه اعتقد اخطوا في تطـبيقه كان من الافضل تعديل اللوحات الارشاديه للسرعات فـمثلاً طريق التخصيصي والامير تركي السرعه المحددة 70 !! .. ومن يتجاوزهـا مخالفه بقيمه 500 ريال !! .. وخويكم واحد من اللي كان له نصيب المخالفه حيث ان تجاوزت السرعه بـ مقدار 25 كيلو ! .. كانت وقتها امشي 95 ومخالفه بـ قيمه 500 ريال !! .. في تصوري قمه الظلمـ ! ... في رأي الشخصي ، كان من المفترض تعديل جميع اللوحات ومن بعدها يتم فرض مخالفات ، ولكن بهذه السرعه تطبيق المخالفات على اللوحات الموجودة ! .. نظام سهر رائع وجيـد ولكن في تصوري لابد من تعديله لانه من غير المعقول الواحد يمشي في طريق الامير تركي 70 .. في تصوري كان من المفترض تعديله الى 100 ورفع المخالفه الى 1000 ريال في حاله تجاوز السرعه المحدده ! .. سمعت كثير بأن جميع اللوحات سوف تتعدل وتتغير السرعات المحدده ، ولكن ما ذنب من اخذ مخالفات ! .. ايضاً نقل لـ اي احد الاخوان بـان قيمه المخالفات لـمدة اسبوعين تجاوزت الـ 70 مليون ! .. نظام " ســاهر " .. هل انت مع او ضد ؟ دمتم بخير،، |
هلا أخو معذبهم و آحلى باك و أحلى رجعه لنا و لشبكتنا صراحه النظام هذا ما يبله كلام و بس , اذا من أولها و كذا , أنا مع النظام هذا إذا طبق تحت أنظمه واعيه و معقوله و قبل كل شئ يبيله وعي من قبل المجتمع , نص الي بالسعوديه ما يدروون عنه شي . لاهنت على الطرح و تحيآآتي لك عادل |
اهلاً وسهلاً بك اخي معذبهم .. نورت المجلس بطللتك .. بحكم اني احد موظفي ساهر راح اوضح اهم النقاط .. :s2: بس ترى ماطرح مخالفات عليك عليك الله لا يعوق بشر :s2: من ناحية النظام ممتاز جداً وراح يقلل من المخالفات وخاصه السرعه .. لو شاهدنا الطرق السريعه في اوروبا ووالولايات المتحده تجد ان السرعه القصوى 90كلم ومن يتجاوزها قد يتعرض للمسائله القانونيه :d اما هنا فالشاب سياره جديده وتهور وعقليه لك عليها تجدا يمشي الـ 200 بدون اي تفكير او انتباه ! وهناك الكثير من الطرق الفرعيه السرعه القانونيه 70 الا ان الكثير يجهل ذلك .. انا اطلع على العمل وهو دقيق وآلي ونادر مايحدث الخطأ .. نظام ساهر خلال 6 اشهر او بالكثير سنه سوف يقلل باذن الله نسبة الحوادث والكوارث فعدد الحوادث في المملكه بازدياد وارقام فلكيه خياليه :to: نسال الله السلامه .. ومن ناحية اللوحات الارشاديه عاده ان احنا السعوديين مانتبعها .. لذلك تجدها في بعض الطرق كالملك فهد ولا احد رفع راسه وقرا ان السرعه 100كلم !! المشروع كلف ملاااايييين وكبدايه يعتبر جيده وللمعلوميه الآن سوف يتم نشر لوحات ارشاديه عن السرعات المحدده في الطرق الفرعيه المهمه .. انتشر ايميل ان مواقع كاميرات ساهر 12 موقع او 14 وهذا خاطئ هناك 170 موقع تتنقل بينه الفانات , وراح يتم تركيب كاميرات ثابته خلال فتره قريبه .. مع تحيات سهراوي من ارض الحدث :s2: ساهر .. لسلامتكم :s2: تقبل احترامي وتقديري .. واعتذر عن الاسهاب بالحديث .. دمت بخير |
^ ^ ^ ^ ^ ^ عز الله مابشرتنا بخير :d أما بالنسبة لرأي فأنا مع ساهر بالتأكيد وكلام مدير مرور الرياض قبل كم يوم خير شاهد على فاعلية النظام بعد ما أكد أن نسبة المخالفات أو السرعة خفت في شوارع الرياض إقتباس:
|
أنا ضد برنامج ساهر الله يكون في العون بس سجلوا سيارتكم با سم أمهاتكم حل واضح |
,,, هلا وغلا اخوي معذبهم أنا بقووووة مع نظام الساهر هالنظام راح يقلل فعلا من السرعه أهم اسباب الحوادث يوم الاثنين الماضي طلعت اقدم برزنتيشن :d تكلمت فيه عن نظام ساهر وشلون راح يقلل من الحوادث مع الوقت، الدكتور سألني قال وش معنى صاهر ..؟ قلت له the person who remain awake all the night شفت ملامح الاستغراب على وجهه حسيت انو ما اعجبه الأسم. :s2: اللي بعدي طلع وقال انو نظام ساهر ما ينفع :ranting: لأن الناس تعرف أماكن الكاميرات ودي اسحبه هنا وأخليه يقرا رد الكلاسيكي، إلا اقول عادل انت صقيقي واحسن سهراوي في السعودية :d اذا ما عليك امر ارسل لي خريطة للشرقية توضح فيها اماكن كاميرات ساهر. s121s شكرا لك اخوي معذبهم على الطرح :rose: ,,, |
سقى الله زمان يوم كنا ندق سلف ونحركـ والحزام مانعرفه الا اذا شفنا فيه تفتيش اما اللحين اول شي اسويه اربط الحزام لدرجة حسيت ان اسمي جورج وتربية كاليفورينا هو النظام فينا فينا بالطيب بالغصب مامنه فكه فلذالكـ انا مع النظام وبعنف :d واشد على يد الدوله بزيادة اسعار المخالفات s121s والله ودي نمشي بنظام مو الطريق مكتوب فيه 70 ويشطفونكـ ماشين 120 :ranting: لدرجة اني اشكـ هل الملكـ يوزع شرهات قدام :s5s: الدراهم تروح وتجي بس الروح مابعدها روح:cry: ان شاء الله مع هالنظام تقل نسبة الحوادث ... والمطفوق يركد شوي ويمشي مثل الناس والا قسم لأخلي ساهر يربيه هـع:s4s: |
مرحبا اخوي معذبهم منور المنتدى من جديد :) بالنسبه لساهر انا أأيد وجوده فوجوده صار مطلب ضروري .. كل دول العالم المتقدمه عندها هالنظام حتى البحرين اقربها .. والله تستغرب فيه دول ماعندها حوادث ولا مشاكل مروريه مع ذلك انظمه متطوره وكاميرات على اعلى مستوى . انا اشوف المشكله الاكبر مو في نظام ساهر وغيره . المشكله الرئيسيه فالواسطات واسقاط المخالفات والمعارف . يعني لو عندي معرفه قويه فالمرور لا ساهر ولا غيره بيضرني .. اوقفوا هالامور وخلوا كل شي الكتروني والمخالفات تصدر الكترونياً وما احد يتدخل في الغائها . بعدها حطوا ساهر وغيره . انتوا عاد الله يعينكم بالرياض عندكم الطرق سريعه والمسافات طويله داخل البلد . بالنسبه للدمام ما اشوف فيه مكان مؤثر غير شارع الكورنيش وطريق الخبر , حتى هالطريقين ماتقدر تسرع فيهم من الزحمه . عموماً موضوع رائع واسف على الاطاله :rose: |
>>ترا ما خذ مخالفه البارح والله يضهر لي والله اعلم ان السكن في سدير مطلب ضروري طفشنا من الرياض وزحماته ومشاكله |
نظام اسمه ( ازرف المزروف اكثر ) ! الله يعين بس يعطيك العافيه |
طبعاً معه اكيد بسبب هالاحصائيات من ساهر احصائيات : 13 مليار ريال خسائر مادية سنويا. - 9 مليون مخالفة سنويا. - 18 حالة وفاة يومياً. - حالة وفاة كل ساعة ونصف الساعة. - إصابة أو إعاقة كل ربع الساعة. <?XML:NAMESPACE PREFIX = O /><O:P>- بلغ عدد الحوادث المرورية العام الماضي 485931 حادث مروري.</O:P> <O:P>- بلغ عدد الوفيات العام الماضي 6458 حالة وفاة, اي هناك 13 حالة وفاة لكل 1000 حادث.</O:P> <O:P></O:P> <O:P></O:P> <O:P></O:P> <O:P>صراحه الي باللون الاحمر يخليك تأيد النظام غصب !</O:P> <O:P></O:P> <O:P></O:P> <O:P></O:P> <O:P>صراحه وبكل فخر السعوديه راح تطلع اكبر ميزانيه في العالم كله من البترول والخالفات بكل فخر :s2::smilie47:</O:P> <O:P></O:P> <O:P>وعسى تزود الوظايف :naughty:</O:P> |
انا مؤيد ومؤيد ومؤيد :d ياخي ملينآ اعلى معدل في العالم في الحوادث والوفيات انا وسكآننا 20 مليون حرآم والله لآزم يطبق النظام وعلى الكل بدون اسقاطات ولآشيء صح انه طب علينا فجأه وبدون مقدمات وماتعودنا بس مصيرنا ننضبط ونصير قانونيين شاكر لك |
نظام وضع لـ سرقه جيب المواطن فقط !! |
طبعا انا مع النظام و مؤيد جدا لأته راح يقلل من الحوادث وانا ولله الحمد لست من هواة السرعة بداخل المدن، اما الطرق السريعة بين المدن قد اسرع قليلا لطول المسافة . كان من المفترض على القائمين على نظام ساهر ان يقوموا بحملة توعوية كبيرة بجميع السبل المتاحة وبجميع اللغات ( لان هناك اجانب لم يعرفوا عن النظام). وتم اصطيادهم. وتغريمهم مبالغ كبيرة. ومن المفترض انهم كانوا يرسلون رسائل تحذيرية لمدة أسبوعين للمخالفين مثلا ( تأتيك رسالة تقول انت مسرع على الطريق الفلاني ووسرعة كذا نأمل منك التقيد بالسرعة، علما انه سيتم تطبيق النظام من تاريخ كذا). وبكذا تبدأ الناس تحسب حسابها ولا تسرع، الا اذا كان الغرض مادي:d بعض الطرق من المفترض تعديل سرعتها وقد سمعت ان هناك توجهه لتعديل سرعات بعض الطرق ( لا اعرف مدى صحته). مثلا التخصصي من المفترض ان تكون السرعة 100 أو 90 . لأن التخصصي مساند لطريق الملك فهد أوقات الذروهـ ( تخيل كل السيارات تمشي 70 زادو الزحمة زحمة)... انا صادوني في طريق التخصصي بسرعة 81 . وتغريمي مبلغ 300 ريال وانا في طريقي للدوام. لكن نريد حلول أخرى للزحمات، وايضا كثرة السيارات سبب من اسباب الحوادث نريد مترو ينقلك من البيت للدوام وانت مرتاح بدون زحمة وبدون مخالفات:ranting: تحياتي للجميع . |
أنا مع نظام ساهر لأنه يحميني من تهور بعض الشباب ويحميني من نفسي لو بتهور لكن المشكله مثل ما تفضلت قسائم السرعه ( سرقه )!!. مثل شارع التخصصي السرعه المحددة فيه 70 وإذا زادت فوق 70 إلى 95 بتآخذ قسيمة بمبلغ 300 ريال!!. وإذا تعدت سرعتك 95 كم القسيمه توصل إلى 500 ريال!!. ليش يا أخي أنا ماشي 200 علشان تعطيني قسيمه بـ 500 ريال!!. سواق زميل لي بالعمل راح يصلح لمبه بصناعيه أم الحمام قيمتها 30 ريال رجع البيت وعليه قسايم بـ 1000 ريال :s2: المفروض القسائم العاليه تطبق على الطرق السريعه أما الطرق الفرعيه ما تتعدى 100 ريال أغلبيه المواطنين رواتبهم ما توصل 5000 ريال وبعد خصومات القروض ورفع جزء للإيجار وتسديد الجوالات والهاتف والكهرب ما يبقى معك إلا ريالين :s2: فمن وين أسدد لك 1000 ريال شهرياً قيمه قسائم :s2: اللي عرفته إن نظام ساهر تكفلت فيه شركات ولها نسبه من دخل القسائم لأنها المموله للمشروع وهالشركات بتسترزق من وراء ظهور هالضعوف :d |
| الوقت المعتمد في المنتدى بتوقيت جرينتش +3.
الوقت الان » 02:54 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd