ودي اقول لكم ان مدرب الاتحاد ماجاب التكتيك العالي في المبارات من راسه وانما من مدرب النصر!!
وشلون اقولكم وشلون..
لو شاهدت مبارات النهائي مع الاتحاد ومبارات الهلال مع النصر في الدوري والتي فاز فيها النصر 2\1 في نفس الوقت بتشوف العجب نفس الخطه ونفس التكتيك وكانهم مدرب واحد الفرق ان مبارات النصر فيها اهداف.
... كيف اقولكم كيف..
في مبارات النصر لعب بتكتيك دفاعي مكون من اربعة في الدفاع وثلاثه في المحور لوتتذكرون كان حسام غالي وابراهيم غالب واحمد عباس كانو في مهام دفاعيه بحته وكان ثلاثه في الامام للشق الهجومي وعلى ماأذكر السهلاوي وفيقاروا واظن زيلعي او ريان ونجحوا في ذلك والحقو بزعيمنا او هزيمه في الموسم .
ولسان حال المدرب الاتحادي لما بدأ بالاستعداد للنهائي اتوقع انه سأل من حوله من الفريق الي فاز على الهلال في هذا الموسم فقالوا له النصر فقال لهم ابغى اشوف المبارات وطبق نفس التكتيك اربعه دفاع وثلاثه في المحور كريري والصقري وسلطان النمري وثلاثه في الهجوم ابوشقير ونور وزياييه ونجحوا ايضا بقتل التوهج الهلالي.
واخاف ان مدرب الفريق الاوزبكي يمشي على نفس التكتيك وبعدين الله يستر لاتطير الاسيويه والمصيبه العظمى في هذا التكتيك والشي الي اتمنى ان احد يوصله للأخ الواثق جدا جريتس ان ثلاثه فقط في الارتداد الهجومي لاي فريق وان لم يملكو المهارات العاليه قادرين على لخبطة الدفاع الهلالي كاملا مع المحاور وهنا بيت القصيد ياجريتس

والمشكله الاخرى ان الهلال يملك امكانيات ومهارات ولكن لايملك روح عاليه طول المباريات تجدها في بعض المباريات ونفتقدها في مباريات الحسم.الله يستر يوم الاربعاء

ياشباااااااااب كلمه ولو جبر خاطر!!

لا والله

اخوي لاتفشلنا بتفكيرك لو كان في مدرب النصر خير كان فاز فريقه ماراح يوزع خطط

مباراه راحت بخيرها وشره ولا ابي اطول في الموضوع



سبحان الله وبحمده سبحان الله العظيم

يابن الحلال اي تفكير مدرب النصر .. تسميه مدرب او فريق او تكتيك .. لو فيهم خير اقل شي كان وصلوا نهائي ( اللهم لاشماته )

وبعدين ياعالم ترا تتوجنا بالدوري السعودي .. يعني عند الفيفا اهم مليون مره من كاس الملك !

وبطولة ولي العهد ووصيف باقي البطولتين .. وقدامنا الاسيويه


الله يوفق الهلال يوم الاربعاء ان شاءالله واتركوا هالمواضيع بعد مباراتنا الاسسسسيويه ... تكفون خلوا هالمواضيع لوقتها

يعطيك العافية .
الحقيقه هي ان جيرتس ليس من المدربين الذي يستطيع قراءة المبارة اثناء سيرها بمعنا يلعب بتشكيله واحده قبل بداية المبارة واذا نجحت نجحت وان لم تنجح لايستطيع وضع لمساته السحريه في تغير الاعبين لدرجة اننا نراه مثل الابله يتفرج ولايحرك ساكنآ وحتى اذا تدخل بعد طلوع الروح نراه يتدخل بتغير لا يدل على حسن قراءته للمبارة حيث انه في اغلب تغيرته تزيد من وضع الفريق سوء وهذا يدل على محدوديت فكره في قراءة المباريات ومعرفةنقاط القوه والظعف في فريقه والفريق الخصم.
يجب علينا الاعتراف بئخطاء قيرتس الفنية في قراءة المباريات وانتقاده حتى يستطيع معالجة اخطائه قبل لا نخرج من الاسيوية بسبب اخطائه ومكابرة الاعلام وادارة النادي والجمهور المحابي له والنقد ليس عيب اذا كان سبب في معالجةالانسان لأخطائه
وتقبل شكري وتحياتي.

لارسال كيف الحال اشترك في موبايلي


موضوع مااااااااله دااااااعي

هل تعلم

جرتيس
حينما كان مدرب لمارسيليا

كان توب الى الرمق الاخيـــــــــــر

وهدم اللي بناءه بتخبطاته

ياخوفي يتكرار بالهلال

إقتباس الرسالة الأصلية كتبت بواسطة نادرالميزاني هل تعلم جرتيس حينما كان مدرب لمارسيليا كان توب الى الرمق الاخيـــــــــــر وهدم اللي بناءه بتخبطاته ياخوفي يتكرار بالهلال

اشكرك على المعلومة المفيدة اذآ لماذا نحن جمهور الهلال نكابر ونغظ الطرف عن اخطاء قيرتس والمشكله انه لديه سوابق في نفس المشكله التي نعانيها منه في الهلال بداء بداية قوية معنا وهانحن اليوم نراه يهوي بالفريق الى الاسفل بعد ان كان في القمة وهذا اذا دل يدل على غروره وتعاليه على الجميع ووثوقه في نفسه وفكره وعدم مشاركته اراء الغير لاربما يستفيد من ارائهم والمشكله ادارة الهلال تركت في يده جميع الصلاحيات وحتى انه اصبح فوق النقد والمحاسبه على تقصيره واخطائه وهذا اذا يدل يدل نقص الفكر الاحترافي لدينا نحن العرب صحيح انه يجب اعطاء المدرب كامل الصلاحية لاكن مع محاسبته في تقصيره وتنبيهه الى الاخطاء التي يقع فيها .
الف شكر لك على معلومتك التي ضللنا الاعلام عنها وجعل منه اكبر من مدرب الانتر مورينهو .

تفاااااااااااااااائل بالخير يااااااخوي

تفائلوا بالخير ياجماعة

اذكروا الله

ثقوا بالله الواحد القهار واسألوه النصر المبين

من الطبيعي ومن ابسط اساسيات وحقوق اي ندرب يبحث عن اي مباراه خسر فيها الفريق الخصم
هذا ليس نشكله لكن المشكله كيف اني اغير من طريقتي وافاجي الخصم بطريقه جديده وغير مكرره

موضوووع باااايخ وماله اي داااعي
يااخوووي ترى ورانا مباراة مهمه يوم الاربعاء ..
خل تركيزنا عليها .. وبعد المباراة اكتب بيديك ورجليك ..

الله يوفق الزعيم في اللقاء وباذن الله الفوووز هلالي ..

تحيااتي

ياخوفي انه يكون ختامها زفت من جد .. المكابرة والعناد ما نبي نشوفها في البطولة الآسيوية يا قيريتس

اللهم وفق هلالنا تحت اي سماء وفوق كل ارض يااااااااااااااااارب