اما نكون اللي نبي ولا عسنا مانكون تعالو شوفو وش قال (طلق المحيا) و(سامي) والداهية(جريتس) - نادي الهلال السعودي - شبكة الزعيم

?? عشقي الزعيم ؟؟ · #1 09/05/2010, 08:34 PM

السلام عليكم ورحمة الله وبركاته

.,

" هاردلك لكل الزعماء والحمد الله على كل حال ولاهي نهاية المطاف"

هذا مايخفي على ألجميع أن الزعيم وصل أربع منصات تتويج خلال هذا الموسم ودائما الزعيم طرف ثابت في منصات التتويج والباقي متحرك وهذا بقيادة شبيه الريح والداهية السيد جيرتس وهذا بحد ذاته شرف كبير وأتوقع الجمهور الواعي والمخلص يعي ويدرك هذا العمل الجبار والاحترافي من كل أجهزة الزعيم من قبل إدارة وأعضاء شرف وجهاز فني ولاعبين... هناك أهم من هذي البطولة نعم أهم وقسم بالله عندي البطولة الأسيوية أهم من هذي البطولة بكثير ولا يخفيك هي الشغل الشاغل لكل هلالي وأنا اعتبرها الولد العاق لـ الزعيم .,

*عموماً أمس أنا حضرت تمرين الزعيم تقريباً قبل المغرب بنص ساعة ودخلت مع البوابة الشمالية للمدرج الشرقي طبعاً البوابة الرسمية اللي هي البوابة الغربية مايدخل معها سوا أصحاب بطاقات الاشتراك السنوي المهم قلت لابد أن اشترك ذهبت لمكتب شخص يدعى أسمة أبو عبدا لله بعد ماارشدني إلية احد رجل الأمن الصناعي الموجودين في النادي وطلب مني صورتين شخصية وصوره بطاقة الأحوال ومبلغ مالي وقدره "300" ريال المهم دفعة المبلغ وعطاني وصل قال هذا الوصل أثبات لما تطلع بطاقتك أن شاءا لله بعد أسبوعين أو ثلاث المهم دخلت التمرين كان في المدرج جمهور بسيط تقريبا أربعين شخص أو اقل المهم والجمهور الحاضر جلس يحيي اللعيبة وهم يدورون حول الملعب وكأن اللعيبة أصابهم شي غريب من قوة أصوات الجماهير الحاضرة والشي المفرح من الجماهير الحاضرة يحيون الكابتن احمد ألفريدي يقولون " تفداك 100 ركلة جزاء يااحمد " والكابتن احمد جلس يحيي الجمهور وكانت معنويات اللعيبة بعد التشجيع الحار من قبل الجمهور الحاضر عالية .. بعد ماانتها التمرين توجهت عند مواقف السيارات اللعيبة و قابلت.,

*"طلق لمحيا" سئلتة كم سؤال يوم الأربعاء كيف وضع الفريق ؟ قالي هذي رسالة وصلها للجمهور الأزرق قال نبي 70 ألف مشجع يوم الأربعاء وتركو الباقي علينا قلت نيابة عن الجماهير الزرقاء ابشر بالحضور أن شاءا لله والجمهور مايقصر ابد وأخذت كم صوره مع أبو إبراهيم .,

*, شوي يوم طلع علي " سامي أبو عبدا لله " وسلمت علية وقلت أبو عبدا لله يوم الأربعاء نبي نفرح وقالي على يديكم..! قلت كيف ؟ قال الله الله بالحضور يوم الأربعاء ونبي 70 ألف يشجعون الفريق وقلت نيابة عن الجمهور الأزرق حاضرين حاضرين والجمهور الأزرق مايقصر أن شاءا لله راح يعبون مدرجات الإستاد قبل بداية المباراة بساعة بس لتفشلوني مع الاسطوره تكفون ياجمهور الزعيم وأخذت كم صوره مع أبو عبدا لله لبى قلبه .,

*المهم طلع الداهية السيد "اريك جريتس " والله ياهو وحش وهيبة ومع هذا كله متواضع لبعد الحدود وكان وقتها يضحك ومبسوط .. وقلت خلني استغل الفرصة وأسئلة كم سؤال في وضع الفريق كيف وضع الفريق بعد مباراة النهائي ؟

وقالي الفريق راضي علية وعلى الأداء اللي يقدمه خلال هذا الموسم وقالي باقي مباراة يوم الأربعاء وهذي المباراة أهم مباراة عندي خلال هذا الموسم ولا استغني عن مساعدتكم ياالجمهور الأزرق..!!قلت كيف ؟
قال 70 ألف مشجع في الملعب أشوفهم قبل بداية المباراة ولكم مني الفريق يقدم المستوى اللي شفته أمام مباراة السد .. قلت كفوو والله هذا اللي نبيه .. وقلت وبالنيابة عن الجمهور الأزرق غالي والطلب رخيص وان شاء الله الجمهور الأزرق يكون في الموعد وما يفشلني مع الداهية بحكم اني صرت صديق الداهية وأخذت كم صوره مع الداهية.,

المطلوب

بعد كل هذا الحديث اللي صار بيني وبين "طلق المحيا "و "الاسطوره أبو عبدا لله " و "الداهية اريك جريتس " الكل اجمع أن الوقود الحقيقي للكتيبة الزرقاء انتم ياجمهور الزعيم نعم انتم الوقود الحقيقي لكل انجاز يحققه زعيمكم ,وهذا وقتكم فلا تبخلون من المساندة نبي حضورك يوم الأربعاء لنزف " نادي القرن وزعيم أسيا " لدور الثمانية في البطولة الأسيوية أن شاءا لله

الشريك الرسمي ماقصرحسب ماوردني من أخبار أنة اشتراء تذاكر المباراة وإنشاء الله دخول الجماهير بالمجان والكل شاهد أمس في الجولة مداخلة شبيه الريح وهو يشكر رئيس نادي الاتحاد ورئيس نادي الشباب لحضورهم مباراة الأربعاء وإنهم أول الحاضرين يوم الأربعاء أن شاءا لله ومن هنا نيابة عن الجماهير الهلالية اقدم كل الشكر والتقدير كلاً من الدكتور " خالد المرزوقي " والأستاذ "خالد البلطان " على هذي البادرة الطيبة والنبيلة ولاهي غريبة عليهم .,

*" من خلال هذا المتصفح نبي تسجل حضورك يوم الأربعاء أن شاء الله".*

ومضة ..

"نختلف في وجهات النظر ونتفق في حب الزعيم"

وكلي أسف على الإطالة .,