نادي الهلال السعودي - شبكة الزعيم - الموقع الرسمي - || سواق الباص هو السبب في خسارتنا ~

السلام عليكم ورحمة الله وبركاته
أخبار جماهير الزعيم في كل أنحاء العالم:ga:

الصراحه شيء محزن وغريب يصدر من بعض جماهير الهلال :s5s:
أبيكم تركزون معي أوكيه :s2:

تعالو نتخيل الهلال لعب بطوله وفاز فيها شلون تبي تكون الردود :

نيفيز يالبييييييييييييييييييييه أنت اسطورة الكوره البرزيليه حرام مايختارك دونقا :cry:

آآآه ياويلي سويت فيهم العجايب يا فتى السويد :s2:

آه يا يونغ صدق إنك شلت عنا هم الظهير الأيمن

وآه عليك يا بو عزوز .....

إلخ من المديح الزايد إلي يخلي اللاعب كنه الكنق وبقية اللاعبين ماسوى شيء في نظره ..طبعا لا تنسون تنزيل المواضيع لكل لاعب يحبه ويخليه أسطوره ..

طيب خلونا نتخيل وش يصير لو خسر الهلال بطوله :s2:

يا شبيه الريح تكفى ما نبي نيفيز هذا عاله على الفريق ما شفنا منه شيء <<هآآآآآآو :s5s: توك تمدح ومسويه كنق وراك قلبت ؟؟؟ الأجابه في الأسفل :s2:

يا بان مساعد ولي عجز خلاص ما نبيه أعيروه <<<يؤؤؤؤ مره وحده عجز أهنيك على نقدك عز الله ما عندك ما عند جدتي .. قبل شوي بطل الحين صار بصل :ranting:<<<الأجابه في الأسفل :s2:

يا ابن مساعد الفريدي وعزيز والغنام عاله الفريق نسقوهم <<<وراء ما تصير الرئيس ولا المدرب يا موينهو :s2:...وش سبب تغيير رايه من بطوله لبطوله :s2: <<الأجابه بعد الفاصل :s2:

::: فاصل إعلاني ونعود :s2:::::

يقول أفلاطون : الحياة أمل من فقد الأمل فقد الحياة.
ويقول أيضا : غاية الأدب ..أن يستحي المرء من نفسه أولاً.
يقول أفلاطون : نحن مجانين اذا لم نستطع أن نفكر ومتعصبون اذا لم نرد أن نفكر وعبيد اذا لم نجرؤ أن نفكر.

ويقول أرسطو : شر الناس هو ذلك الذي بفسوقه يضر نفسه والناس.

::: عدنا ::: <<حس إنه في سبيس تون :s2:

طيب ودكم تعرفون وش الأجابه ؟ كم تدفعون <<تره مبتعث ومابعد صرفو المكافئه:cry:

شوفو يا زعماء ..مشكلة بعض جماهيرنا هي لما نفوز مايبقى لاعب مايمدحه حتى سواق الباص :s2:بس خلونا نخسر يسب كل شخص يشتغل في نادي الهلال حتى صباب القهوه :s5s:
أول شيء في شيء لا زم نعرفه أي فوز أو خساره تكون بسبب الله سبحانه وتعالى ..لكن في أشياء هي تسبب الفوز وتسبب الخساره وكل شيء بتوفيق من الله سبحانه وتعالى ..صحيح لما نخسر قد يكون في سبب وسبب خسارتنا بطولة الملك الأرهاق وحطو تحت الأرهاق مليون خط ..يمكن البعض يقول أي ارهاق وأي كلام ..أنا أرد عليه وأقوله لما تلعب دوري وتنتصر في 98% من المباريات ..وتلعب بطولة كاس ولي العهد وتفوز في كل المباريات وتلعب البطوله الآسيويه وتفوز او تتعادل وتقدم جهد ..هذا مهب كله إرهاق .؟؟؟

طيب نجي لنقطه مهمه وهي المدح والنقد ...ليه حنا لا جينا نمدح نطلع اللاعب كنه ملاك ولا جينا ننقد نطلعه كنه عدو لنا ؟؟؟

يا بشر لازم تراعون في المدح والنقد شعور اللاعب ..يعني لا جيت تمدح بكل حياديه مهب علشانه لاعبك المفضل ولا علشانك تعرفه ...ولا جيت تنتقده لا تنتقده علشانه مالعب في مباراه وحده صح لأنك لما تنقده علشان مباراه وحده هذا دليل إنك مع الخيل يا شقراء (يالبى شقراء مشتاق لشوفتها متى أرجع بس:cry:) ما أقول لا تنتقد ولكن انتقد نقد بناء نقد يرفع من مستوى اللاعب نقد يخلي اللاعب يخجل من نفسه ويقول لازم أركز أكثر علشان اسعدهم ..يعني لما تجي وتقول أعيرو الاعب ولا نسقوه أنت تحسسه إنه غير مرغوب فيه من الجماهير ولا تحسسه أنه عدو وهذا الشيء يحبط من عزيمة اللاعب وبالتالي النتيجه ضياع بطوله وضياع لاعب ..ولنا عبره في نايف هزازي يوم نسق من الأهلي وراح للأتحاد والحين الكل يخاف منه لا لعب :s5s:

الحين باقي مباراه وحده امامنا وهي خلاصة الموسم ...محتاجين دعم لكل شخص عامل في نادي الهلال حتى سواق الباص:naughty:.. نبي ندعمهم بكل شيء بالحضور وبالمواضيع وبالردود وبالتصاميم بكل شيء ...والله أتمنى أكون الحين في السعوديه علشان أحضر هذي المباراه ..ولحد يتعذر يقول التذاكر غاليه موبايلي تكفلت بالتذاكر ولحد يتعذر يقول الأمن حقين الملعب لو يفصخوني ويجلدوني والله لأحضر دام هذا الشيء من أجل الزعيم :smilie47::smilie47:...

أخيرا ..
يقول أفلاطون :كل انسان يصبح شاعراً إذا لامس قلبه الحب.
وأنا أقول : كل انسان يصبح هلاليا إذا لامس قلبه حب الكيان الهلالي.
يقول أرسطو : من لم يكن حكيما لم يزل سقيما.
وأنا أقول : من لم يكن زعيما لم يزل فقيرا :s2:s121s:naughty:

دعواتكم اني اعيد هالسنه عند امي:cry:
كتبه لكم $HILALE 4 EVER$