السلام عليكم ورحمة الله وبركاته
ماراح اكتب مقدمات لاني مااعرف هالشي
فيه شي اعتقد الكل ملامحظه ويبيله حل وبسسسرعه
اذا كنا نببي الدوري واسيا والبطولات الثانيه
اللي هي البرود بعد التقدم بفرق اكثر من هدف يعني اللاعبين كنهم
خلاص ضمنو النتيجه والفوز والثلاث نقاط .. هالشي يبيله حل وبسرررعه
"طبعا مو كل اللاعبين بس الاغلبيه "
اعتقد الكل شاف مباراه اليوم يعني صراحه والتعادل بعد ماكنا متقدمين
بفرق هدفين ومن فريق اقل امكانيات من الهلال في كل شي ..
وبعد مباراه الاهلي نفس الشي نكون متقدمين وبعدين نتعادل ونفس الشي الهلال افضل
من الاهلي شي يقققهر صراحه وكلها في شوط واحد
وبعد محاوله استغلال
أغلب الفرص السهله يعني تضيع فرصه محققه بنسبه %99
هذا شي ممكن يكلف الفريق نقاط كثيييرهـ ونتحسف عليها بعدين وتكلفنا ناط مهمه او بطوله بكبرهـآ
..
ممكن مباراه اليوم اهدافها من ركلات جزاء ..
صراحه الاولى ماشفتها زين بس الثانيه
ماله داعي ابد من العتيبي هالتصرف وحتى لو انه مالمسه
بس هو في منطقه محاسب فيها على اي شي يعني في المره الاولى ماكان
الحكم حاسب عليها شي .. ماله داعي الشي اللي سواه في المره الثانيه
لانه كلف الهلال نقطتين مهمه
..
على العموم هذا الشي اللي ابي اوضحه وياليت نلاقي له حللل بأسرع وقت اذا كنا
ماني نقاط ثانيه تضيع وبعد نحقق آسيا
..
نقـطه ..~
* اليوم اعتقد ان خروج الفريدي غلط لانه من افضل اللاعبين اليوم يعني كان يوصل لمنطقه 18 ويعمل
خطورهـ على التعاون والافضل اخراج الشلهوب لانه بذل مجهود كبير في بطوله الخليج
وكان الافضل ترييحه
"ماادري اذا فيه احد متفق معي او لا بس
وجهه نظر"
أمنيه ..~
*مشاركه الشمري بدل العتيبي في المباريات الجايه وش استفدنا من حسن في البدايه كان شعله وكان مستواه ينقال ماعليه بسبب الحماس بس الحين وش استفدنا منه .. الشمري افضضضل بكثييير منه من قببل .. وان شاء الله الاداره ماتفر فيه ويجددون له بأسسرع وقت ~
* الشفاء العااجل لجميع مصابين الهلال
..
كل التوفيق للهلال في المباريات الجايه
وان شاء الله تكون هالمباراه آخر مباراه لتضييع النقاط
سواء في الدوري أو ـآسيـآ
"والحمد لله على كل حـآل
...
الوضع المتطور
