يسلم راسك والله عالموضوع بس لو فعلآ نيفيز رايح من الهلال فالأفضل إحضار لاعب كبير صانع لعب مكانه فهذا مايحتاجه الفريق لو رحل نيفيز.
واما إذا كان الفريق يحتاج لاعب بخانه أخرى فأفضل شي جلب لاعبين محليين .

لا اتمنـىا خروج نيفيز

خلهم يصبرون علـيه الى اقرب فترة انتقالات

ولا يقولون لهـ وبتشوف بيكون لاعـب مهم

قول تبينا نفرط فيه زي كماتشوا والا التايب ماعنده ما عند جدتي

نيفيز لاعب كبير وواحد من اهم عناصر الهلال والدليل صناعته وتسجيله لاهداف حاسمه للهلال

واللي يقول غير كذا صدقني ما يفهم كوره

شوفتوا العام كيف شبيتوا على ويلي وهذا هو افضل صانع لعب هالموسم وهداف بعد يعني عندنا مدرب واداره وهي اعلم بمين يجلس ومين يروح

يعطيك العافيه

لبى قلبك ..

بس الجمهور يبي كعبات وكباري !

وبعدين اذكرو ويلي السنه اللي راحت وشوفو وش صار هالسنه !

و نيفيز جاء من الدوري البرازيلي وما ارتاح الا 13 يوم بـــس !

عوآفي

نيفيز كويس لكن فيه الافضل منه , وبعدين نيفيز الى الان ماقدم نصف الي قدموه التايب وكماتشو للهلال

اولا لي الشرف اني اكون اول واحد يرد عليك واتفق معاك مع نيفيز لاعب متميز على رغم انخفاض مستواه في اخر عشر مباريات للهلال والعذر معاه لانها لاعب موسم كامل قبل لايجي من فلومينزي واستمر بلعب للهلال واتوقع انخفاض مستواه هو الارهاق واتوقع نجاحه الموسم القادم بس ياخوي لاتقارن نيفيز بالتائب نهائيا الله يرضى عليك التائب لو فيه خير مارماه الطير لاعب مثله مثل الفريدي مايفيد الفريق اطلاقا والسلام عليكم

اتمنى اعارة نيفيز لموسم واحد ... نبي نشوف العله فيه وإلا في النادي >> ماهو مرتاح ...

والله العظيم لاعب كبيرررررررررررررررررر وقدم الشي الكثيررررر لكن المشكله في صغار السن بالمنتدى نعاني منهم كثير والله
ويحطمون الاعبين بمجرد يخلص المباراه في الملعب يرجع ويطبل للاعبين بعد الفوز لكن بعد التعادل او الخساره يسفههم سفه

مشكله

انا اصلا ما ادري كيف فرطنا في ***كماتشو*** !!!!!!!!!!!

أبولافي الهلالي <<<<<<<<<< كفيت و وفيت يا بطل

إقتباس الرسالة الأصلية كتبت بواسطة أبولافي الهلالي سجلت دخول من أجلك موضوعك فقط .. نيفيز لاعب لا يصلح للهلال أبدا .. لاعب مزاجي خايف على نفسه من الاصابة , ولايهمه أن يقلب نتيجة أو يغير الحال ان كان الفريق مهزوم .. أتينا به والميزة الكبيرة تسديداته للفاولات وتفاجئنا بأنه على طول الموسم وفي كل المسابقات لم يسجل سوى فاول واحد امام الشباب وباقي الفاولات أم بالحائط او عالية جدا ولا تشكل أي خطورة .. أبثر بنا بفاولاته الي كلها بدون فائدة وكلها هو من يسددها !! لاعب لا يدافع ولا يعرف ان يتحرك كثيرا ويموت دائما في الشوط الثاني ولا ترى منه اي شي !! يا جماعة ارحموا عقولنا من سالفة انتظروا انتظروا أأ الرجال له موسم وشارك في كل المسابقات تقريبا اساسي ومع ذالك لم ينسجم ؟؟ يعني ايش المطلوب نصبر سنتين ؟؟ ممكن نصبر ربع موسم بالكثير بالكثير نص موسم لكن موسم كامل وبالاخير بعد تقولون اصبروا اصبروا ؟؟ ليش عشانه لاعب برازيلي نوعا ما مشهور ؟؟ الفريدي الفنان الي عنده بعض العيوب الكل يهاجمه وعاادي .. ونيفيز البارد يشوفوون بروده تكتيك !! يا جماعة قدموا مصلحة الهلال على اي شي آخر .. نحتاج لمهاجم أجنبي بقدرات فكتور سيموس لاعب الاهلي الذي اتى باخر الموسم ولم يترك فريق لم يسجل به هدف وثنين وممكن هاتريك وانسجم بسرعة البرق وانتم تنتظرون سنة ثانية على نيفيز !! نحن ننتظر نهاية مباراة بونديكور لنعلن انهاء التعاقد من نيفيز وتسريحه وبالتوفيق للعابد والدوسري عبدالعزيز والفريدي وويلي والشلهوب والفرج في قايدة وسط الزعيم .. أرحموا العقول ولا تتكلموا في نيفيز , واتركوه بحاله ترى ما عاد لنا صبر عليه ابد .. ع الاقل لا تمجدونه ... فكونا من اي موضوع عنه .. وبهالفرصة احب اذكر الاخ عصبي مرة الي نشر موضوع مثبت بالارقام عن نيفيز مدافعا عنه وهاهو يثبت الفشل في اهم المباريات بعد ان تفرج على الموسم كاملا شبه واقف !!!

يؤسفني انه فيه اعضائه مثلك ..
هذا جمهور طارق .. جمهور الكباري والمهارات ..
يعني عاجبك ويلي هامسون في مباراه الاتحاد ..؟؟؟؟؟
والله العظيم ان نيفيز لعب احسن من ويلي في اخر مباراه ..
ولو تدري اخي الكريم ..انو بداية نيفيز .. افضل من بدايه ويلي ..
يابوي الرجال ما ارتاح .. موسمين ونص ما ارتاح ولا اسبوع ..!
ومع الــ15 هدف ..الي سجلهم .. والــ14 هدف الي صنععهم .. على قوله احد الاعضاء .. خورافي !
زي ماصبرنا على ويلي .. اصبر على نيفيز