نادي الهلال السعودي - شبكة الزعيم - الموقع الرسمي - مع الاسف ابلعب او تراي ابخرب (اللي ضايق صدره يجي)

السلام عليكم ايها الزعماء

اعرف ان كثير من الاعضاء يحب الدخول للموضوع بدون فلسفة وصف كلام وموضوعي عبارة عن نقاط بخاطري ممكن تضيفون عليها او ابداء اي وجهة نظر

% الحمدلله اني مشجع هلالي
%الحمد لله اللي رزقنا هذي السنة بطولتين ووصيف مرتين
%الحمدلله اننا مازلنا ننافس على اسيا
%تذكروا ان فرق الممتاز 12 وكلها تبي بطولة ويكفيها تفوز على الزعيم وهي احلى بطولة
%الهلال بادارته وجهازه ولاعبينه وجمهوره الكل ماقصر والكل سوا اللي عليه وخلونا واقعيين ترى الدعوى مهيب فلوس وبس لاااااااا قبلها الروح لاغابت غاب الفريق وهذا ما صار امس
%من الخطأ اننا نحمل الفريدي اي مسؤلية او من كلفة بالتسديد فهذي ضربة حظ فاز فيها منتخبات بكأس العالم لاتستحق بالمباراة النهائية ولكن !!!
%الاتحاد لو يملك مثل لاعبي الهلال لسدد الفاتورة ( الخمسة ) امس قياسا على مستوى الهلال
%صدقوني الهلال موجود بالقارة الخطأ فجميع ما فيه يعتبر اوروبي
%كلنا يعرف ان البناء اصعب من الهدم مع ذلك الهلال اثبت ان ذلك خطأ اذا بذل المجهود بطريقة احترافيه يعني اكيد تعرفون (مجنون)البيانات والعضو (البليد) وعذره مسح السبوره ورئيس شركة الفقر للهدم (بكيلان)===مشتقه من بكلين والمرتزقه اللي حوله حاولوا هدم مايبنيه الهلال لكنهم عجزوا لأن النوايا السيئة تعود على اصحابها فهم مثل الغراب اللي يبي يقلد مشي الحمامه ضيع مشيته ومشي الحمامه
%بالنسبه لي لو يخيروني بين بطوله الملك وولي العهد وفيصل مع بعض او الدوري لحاله ابختار الدوري وانا مغمض لأن العالم المتقدم والفرق العالميه هذا هو اكبر همها والباقي ان حصل خير وان ماحصل الحمدلله جبنا اطيب منها
%احمدوا ربكم مازلنا ننافس على اسيا واللي عمره الحين 20 كان عمره بأخر بطوله 10 يعني مايذكر طعمها وش كان والله تسوى كل البطولات
%اشره على من ينتقد لاعب عشان مباراة او مباراتين وينسى ياما فرحه واخص بالذكر ويلي ونيفيز وان ويلي كان يلعب وهو خايف وانا اقول اذا كان خايف من بعض لاعبي الاتحاد فهو معذور لأنه ذاق مايكفيه ولان بعضهم يحسب انه اذا كانت هذي اخر مباراة بالموسم حسافة تنتهي وهو ما انطرد ويدري انه لو انهاء ويلي وارسله للعنايه المركزة فاكبر عقوبة هي كرت احمر وخير ياطير
%شباب ابخفف عليكم شوي ( تخيل انك مشجع نصراوي يعني غمض وتخيل وبعدين فتح وقل الحمد لله اني هلالي راح تحس وتتأكد انك بنعمة كبيرة )
%نصيحه لكل واحد يحب يشيك على منتديات اعداء النجاح اقولك خلك بدارك عشان مايقل مقدارك ولا تتوقع تلقى فيها مايسرك
%بصراحة بعض الأعضاء بكتاباتهم يذكروني بعيال الحارة زماااان اذا وصلوا متأخرين بعد التفريق يقولون نبي نلعب او نخرب والربع هنا يبون كل البطولات والا ترى يبي يزعلون والله لو اننا في عام 1380 يوم مافيه الا كم نادي تتنافس مو مثل الحين كل مايحقر روحه
%تذكر ان كثير من الأحيان كان خصم الهلال هو القاضي بعينه فما لنا الا رب العالمين هو حسيبنا على الظالمين
%اخيرا الهلال والله كبير وغير كل الانديه بجميع مايخصة ولا هو ضروري انه يقتنع اصحاب الميول الاخرى اهم شي حنا نثق وندعم
%الوعد تكفون الاربعاااااااااااااااااء ترى الزعيم محتاجكم لا تخلووووووووونه

تحياااااتي مع شكري الجزيل لكم ولا تبخلون بالردود والتعقيب