|
التطبيل والتزمير والتبرير لايجدي...وقيرتس أضاع 3 بطولات هذا الموسم والرابعة قد تضيع بمباركة الإدارة المثالية لن أضيع الوقت في مقدمات لكن هذه هي الحقيقة ضاعت بطولة فيصل أمام الشباب بسبب العناد في المباراة النهائية أمام الشباب وذلك بعد رفض اشراك بعض العناصر المهمة مع الفريق الأولمبي فطارت البطولة بسبب الغرور والتعالي. تكرر المشهد في مباراة شباب الهلال الحاسمة أمام شباب الإتحاد وذلك من أجل الظفر ببطولة الدوري حينما أصر على عناده ورفض طلب مدرب شباب الهلال بالإستعانة ببعض اللاعبين المهمين كالفرج والعابد وشافي الدوسري. والمشهد الثالث هو ماحصل في نهائي كأس الأبطال أمام الإتحاد حيث أصر على التخبيص بإشراك الفرج كمحور دفاعي برغم أنه بالأساس مهاجم وقليل خبرة لصغر سنه، وعلى النقيض أشرك الغامدي المبتعد كثيرا كمحور هجومي مما تسبب بضياع الوسط الهلالي. أنا ربما كنت سأتفهم لو أنه أصر على معاقبة عزيز ولم يشركه طوال المباراة، مع جزمي أنه قمة الغباء أن تعاقب الفريق وتحرمه من بطولة بسب العناد والتعالي، ولكن المضحك المبكي أنه أشركه في نهاية المباراة. أنا سأطلب كل من يقرأ هذا الموضوع بأن يجيب على هذا التسائل: لو استعان المدرب المتعالي قيرتس بالفريدي وعزيز من بداية المباراة بدلا من الفرج والغامدي مالذي كان سيحدث؟؟ أترك الإجابة لكل من له القدرة على فهم أبجديات كرة القدم بما فيهم الرئيس المثالي. أقول لإبن مساعد ترى المثالية الزايدة ستضيع الملايين!!!! |
كلامك في محله لكن ان شاء الله ماتتكرر الاخطاء الاربعاء القادم والمدرب الحقبقة بصمته واضحة على الفريق لكن الكمال لله وحده لعبنا على اربعة نهائيات وحققنا اثنين نقول الحمدلله ولا تنسى اخوي زيدان والله الارهاق البدني والنفسي على اللاعبين كان واضح لعبنا مباراتين قوية مع النصر اثرت على الاداء العام ودمت بود |
عجبً من ابن ادم وش تحسبون الفريق بياخذ كل شي المدرب يحق له يسوي كل شي والحمدالله بفضل الله ثم بفضل الاداره والمدرب صرنا احسن فريق ابي اعرف كل هذا تبون كل البطولات مافيه فريق في العالم يجيبهم في موسم الا ما ندر وبنسبه للمدرب منتب ابخص منه يعرف من يدخل ومن يطلع ومن يعطي في فريق الشباب من افضل المدربين وبتعلمونه شغله |
المدرب الحقبقة بصمته واضحة على الفريق لكن الكمال لله وحده لعبنا على اربعة نهائيات وحققنا اثنين نقول الحمدلله خير الكلام ماقل ودل |
يا أخي سبحان الله!!!! جيريتس أفضل مدرب في الموسم غصباً عن الجميع و الإداررة أعطته الصلا حية الكاملة و هو وش قدم ...!!!!! ولا شي ... (بــــس) بطل الدوري و كأس ولي العهد .... و وصيف فيصل و الملك!!! و شوية غرور !!! يااخي ارحمــــــــــــــونا... في سياسة واضحة ماشية عليها الإدارة و الجهاز الفني عزيز أفضل محور سعودي لكن عدم انضباطيته هي مشكلته و اشراكه في بداية المباراة فيه ظلم لبقية اللاعبينا أتمنى أن تتعود على هذا الفكر الاحترافي ... تراك تشجع الهلال!!! |
انشـاء الله معوضين خير بالآسيوية والصرآحـة شي مفرح إن جمهورنا ما يرضى إلا بالذهب اما غيرنا { يموتون } على المركز الثآلـث ]> حق مشروع الله يوفق الهلال بالآسيوية ووعدنا استاد الملك يوم الأربعاء |
كلامك في محله !!! تشكيله جيرتس امس قمة قمة في الغبـــاء ..! الفريق مو قادر يصنع هجمه ولاتغير ولاشي ..! يأخي غير في الملعب مو لازم تستعين بالأحتياطي ..! مثلاً ويلي اجعله يضم للوسط كثير ..! وليش الأصرار على المحياني كجنـاح وعندك الدوسري عزوز ..! واشراك عزيز امس اساسي كان هو الحل الأمثل ..! لكن غباء ..! على العموم هالبطوله ماتهم كثيراً الأهم دور الـ 16 واللي لايغفر فيها اي اي خطـاء |
يا جماعة احمدوا ربكم..! بس ابن ادم طماع هالمدرب الي مب عاجبك هزم الاتحاد 5 واخذ الدوري بفارق 12 نقطة ولعب على اربع نهائيات وهالمثالية الي برضوا مو عاجبتك جابتلنا بطولتين والثالثة بالطريق ويكفي انه اول مرة الهلال يوصل نهائي الملك..وكل هذا مب عاجبكم تبون الفريق يفوز بكل شي,,وبعدين من زين الفريدي اليوم عشان يلعبه اساسي والله لو مالعب ابرك ما غير دخل وضيع البلنتي هذا الي اذكره اذا سوى شي ثاني ذكرني..! |
انتي من النوعيه اللي للآسف اذا انهزم فريقه قام يخلط الحابل بالنابل جريتس افضل مدرب مر ع السعوديه شئت ام ابيت البطوله ياعزيزي مكتوبه للاتحاد يعني لو لعب باللي يلعب به راح ينهزم ارجع للدوري ارجع للخمسات وعلى من ؟ ارجع لكاس ولي العهد وصل لجميع النهايئات هالسنه ونافس عليها كلامك هذا ضار اكثر من انه نافع ياناس قفلوا موضوع كاس الملك وتكلموا في الاسيويه ودعواتكم وحضوركم واتركوا الامور الفنيه والاداريه لهلها انا معكم ان فيه نوع من التعنت ولكن هذي لمصلحة الفريق ككل وقد قالها ابو فيصل (مستعدين نخسر بطوله وان لانخسر فريق) دمتم زعماء وبالتوفيق للجميع |
مدري وش اقولك,, يعني تبغى عزيز يغلط وما يعاقب ؟؟ بعدين يا حبيبي المباراة طبيعية كذا ورانا اسيوية ياهووووووو اسيووووووية والحمدلله طلعنا بالاهم وهو بدون اصابات |
, × آلحمممممد لله ع كل حآل .. قدر آلله ومآشآء فعل .. آلف مبروؤوؤك للــ آتحآد يستآهل .. آلزعيم مآ قدم مستوى .. وبآذن آلله هذة آلبطولة مهر آلآسيوية .. آبطآلنآ هذآ آلموسم قدموآ موسم نآجح بــ كٌل آلمقآيسس .. آقف وآصفق لهم موسم آستثنآئي .. معوضين .. * آلرد آلموحد لــ جميع موآضيع آلليلة .. , × |
مثلث البطولات الهلال الشباب الاتحاد وكنت متوقع فوز الاتحاد بعد ماشفت الفريدي وعزيزفي الاحتياط تعاقب عزيز وتلعبه ياخي لعبه من بدايه المباره ولا لاتظمه الفرج والغامدي ماقصرو ولكن لوكان الفريدي موجود معزيز لاتغيرات المباره وفاز الهلال المدرب من فتره وهو يحوس في الوسط مره الشلهوب اساسي مره احتياط وينطبق المثل علي كل لاعب في الوسط مبروك للاتحاد وفعلا غرور المدرب اخرجنا تبي تعاقب الاعب لاتظمه اما تحطه عندك في الدكه وهو افضل الموجودين تلك مصبه وانت تبحث عن الفوز والاتحاد يستاهل وهو مثلث البطولات كل موسم هلال شباب اتحاد والبقيه تتفرج |
جريتس عليه تشكيله مادري وش تبي ..!!! وبعدين ترى ـآ هذي مصيبه , تلعب واحد ماعنده خبره اقل مافيها لعب حسن خيرات بدل الفرج .. على العموم الله يستر من تاليهـا ,, [ الله يستر من يوم الاربعاء لا يجيب فينا الغايبه ] |
بالفعل هناك اخطاء من المدرب ولكن لانصفه بالفشل كون هذا الموسم ناجح بنسبة 95% احرزنا بطولتين من اصل اربعه ولعبنا جميع النهائيات فلا نستطيع ان نمحي مجهوده بأعادة بريق الفريق كما عهدناه سابقا واستطاع حسم الدوري قبل جولتين وهذا رقم قياسي وايضا من الناحيه التهديفيه حطما الارقام العالميه وتخطينا فرق اوروبيه لكن ايضا تحدث هذه الاخطاء كون المدرب عنده بطولتين واللاعبين مع احترامي للسعوديين امكاناتهم على قدهم ولا يطبقون ما يطلب المدرب منهم ويمكن نسبة تطبيقهم للتكتيك 60% فلا الوم جريتس نهائيا ويمكن هو قاصد يضهر الفريق بهذا الشكل لأن هناك عيون تراقبنا من المدرجات لأجل الاطاحه بنا في المبارات الاسيويه فأنا مرتاح نفسياً وراضي عما قدمه الفريق هذا الموسم :alzaeem: |
لو استعان المدرب المتعالي قيرتس بالفريدي وعزيز من بداية المباراة بدلا من الفرج والغامدي مالذي كان سيحدث؟؟ انا اجيبك لو ادخل عزيز والفريدي من اول المباراة لكان عزيز ضرب بدون كره وطلع احمر زي العام الماضي وعام البحرين اما الفريدي كان تنرفز وهاوش الحكم وعطاااااااااااه احمر كالعاده نخسر بطوله ولانخسر فريق الفريدي استهتاري ولكن لاننا نامن بموهبته سنصبر عليه لعل الله يحدث بعد ذلك امرا |
| الوقت المعتمد في المنتدى بتوقيت جرينتش +3.
الوقت الان » 02:05 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd