جريتس لا يجيد قراءة رتم المباريات ومن ثم إجراء التغييرات اللازمة !! وهذا واقع يجب ان يعالج - نادي الهلال السعودي - شبكة الزعيم

زعيم معتق · #1 08/05/2010, 01:02 AM

واليوم خير دليل

في وقت كنّا ننتظر إشراك عزيز والدوسري بدلا من الفرج والعابد

نجده يجري تغييرا غريبا جدا !!! ويعيد نفس خطأ مبارة الدور الثاني مع الاتحاد في جدة

وهو سحب لاعب وسط واشراك مهاجم تقليدي صريح يجيد اللعب داخل الصندوق فقط !!

وكلنا يذكر مشاركة العنبر وكيف كان وقع ذلك التغيير على تلك المباراة

اليوم اشراك المحياني ( رغم فارق المستوى مع العنبر) هو ارتكاب للخطأ مرة اخرى

وكأن هذا الرجل ( جريتس ) لا يتعلم من اخطاءة

حيث سلم وسط الملعب اليوم للاتحاد وهذه المرة بغياب رادوي !!

وفي نظري حين قرر سحب العابد كان المفترض اشراك الدوسري او الفريدي

وحينما اراد سحب نفيز لسوء مستواة اليوم كان لا بد من اشراك الدوسري

لغرض امتلاك محور العمليات الذي افتقدناه الشوط الثاني الأصلي

وكاد الاتحاد وهو يلعب باب واحد ان يسجل !! ( بركات التغييرات )

ولكن اراد الله ان تخرج المباراة في وقتها الأصلي متعادلة

ونظرا لضعف المخزون اللياقي لدى الاتحاديين ونزول عزيز

حدث تحس في المستوى الأشواط الاضافية

وكان ان وصلت المباراة الى الترجيح

وما كان لها ان تصل لو ان جريتس احسن القراءة والتغيير

ولكن قدر الله وما شاء فعل

المدرب قدير نعم ، ونقل الهلال نحو الأفضل كل هذا لا جدال فيه

لكن على الأدارة الجلوس معه ومناقشته ومعرفة بماذا كان يفكر وتقويمه ان لزم الامر

لأن الأمر يتكرر ومباراتنا الأربعاء القادم لا تحتمل مثل هذه الاخطاء !!!

متعب ا · #2 08/05/2010, 01:24 AM

اللهم لك الحمد
والله انهم ما قصرو والله يعطيهم العافيه

يما فرحونا الحمدلله
والله يوفقهم ف البطوله الاسيويه

باركم الله فيكم يا لعبتنا والله يعيطكم القووه ع ما بذلتووه

شكرآآآ لكم

مزاجي حلووو · #3 08/05/2010, 01:24 AM

الف مبرووووووووووك للحقيررررر نووووواف بن فيصل اسير شووك حرامي القصايد وهاااااااردلك الزعيم

..عشق الكتابه.. · #4 08/05/2010, 01:27 AM

اقول سآمي آلجآبر هو آلي كآن يحط آلتشكيله ..~

غأب سـأمي فـ قأم يتفلسف ,,~

رآدوي فقدنآآآك .. !

دبلوماسي الدخل · #5 08/05/2010, 01:32 AM

رااادوي فقدناااك في هذه المباراه

ولكن الحمد لله على كل حال

الدعله · #6 08/05/2010, 01:35 AM

مع احترامي للهلال وكل الهلاليين بطولة الدوري هالسنة اخذنها عشان مافيه منافس الاتحاد في اسوء حالاته والشباب انواع الاصابات وما قهرني الا انهم يقولون ان قريتس افضل من كوزمن
انا لو ادرب الهلال ومعي هاللعيبه مافيه بطوله تفر ومع احترامي الشديد للمدرب قريتس مدرب عاااااااااادي جدا اللعيبة اللي شايلينه واكبر دليل مباراتنا مع النصر في الدوري ولاعب شوط اول احسن منك بكثير ولا تشوف تغيير يغير نسق اللعب تلقاه على ماهو عليه الين ننهزم
واليوم جاب الطامه الكبرى بإشراك الفرج في مباراة نهائية ومباراة كبيرة زي هذي وهو لاعب صغير والادهئ والامر انه يلعبه في غير خانته الاساسية ومكابرته بعدم اللعب بعزيز من اول المباراة لحد يقول لي تأديب للاعب اذا بتأدبه لا تلعبه ابد وثاني شيئ لو المدرب يعرف يقرأ المباراة كان لعب بالفريدي اساسي بدال الفرج وفي مباراة يوم شاف مستوى العباد طايح كان اخرجه ولعب عبدالعزيز الدوسري مهوب يلعب لي هجوم والكره في الاساس ما توصل للهجوم ابد
ااااااااااه ليتني المدرب كان ابدا ببدال عمر والفرج .. عزيز والفريدي وشف اللعب على اصول ..
ثاني شيئ يومك بتعاقب عزيز وما ودك تلعبه كان في مباراة النصر اللي 90% فايز فيها لا تلعب رادوي من الاساس عشان عليه كرت اصفر والمباراة اشبه بالمنتهيه ومهوب في مباراة نهائية تقعد تجرب علينا

وآآآآآآآسف على الاطالة

الزعيمـ 20 · #7 08/05/2010, 02:20 AM

خلاص ياشباب نقول الحمد لله على كل حال
البطوله مو مكتوبه لنا
وفالنا آسيا ان شاء الله
اللاعبين وراهم بطولع صعبه وخلونا وراهم هالله هالله بالحضور ياشباب

إقتباس

الرسالة الأصلية كتبت بواسطة الدعله


	مع احترامي للهلال وكل الهلاليين بطولة الدوري هالسنة اخذنها عشان مافيه منافس الاتحاد في اسوء حالاته والشباب انواع الاصابات وما قهرني الا انهم يقولون ان قريتس افضل من كوزمن انا لو ادرب الهلال ومعي هاللعيبه مافيه بطوله تفر ومع احترامي الشديد للمدرب قريتس مدرب عاااااااااادي جدا اللعيبة اللي شايلينه واكبر دليل مباراتنا مع النصر في الدوري ولاعب شوط اول احسن منك بكثير ولا تشوف تغيير يغير نسق اللعب تلقاه على ماهو عليه الين ننهزم واليوم جاب الطامه الكبرى بإشراك الفرج في مباراة نهائية ومباراة كبيرة زي هذي وهو لاعب صغير والادهئ والامر انه يلعبه في غير خانته الاساسية ومكابرته بعدم اللعب بعزيز من اول المباراة لحد يقول لي تأديب للاعب اذا بتأدبه لا تلعبه ابد وثاني شيئ لو المدرب يعرف يقرأ المباراة كان لعب بالفريدي اساسي بدال الفرج وفي مباراة يوم شاف مستوى العباد طايح كان اخرجه ولعب عبدالعزيز الدوسري مهوب يلعب لي هجوم والكره في الاساس ما توصل للهجوم ابد ااااااااااه ليتني المدرب كان ابدا ببدال عمر والفرج .. عزيز والفريدي وشف اللعب على اصول .. ثاني شيئ يومك بتعاقب عزيز وما ودك تلعبه كان في مباراة النصر اللي 90% فايز فيها لا تلعب رادوي من الاساس عشان عليه كرت اصفر والمباراة اشبه بالمنتهيه ومهوب في مباراة نهائية تقعد تجرب علينا وآآآآآآآسف على الاطالة

اقول يانصراوي تعرف تنكت حظرتك
ادا الهلال حسم الدوري لضعف الاتحاد و الشباب
انت اخذتوا المركز الثالث لأن الشباب ظروف الاصابات اللي لاحقته غير الأهلي اللي اجانبه ماساعدته
والاتفاق اللي اجانبه هربت والا انت وجه فريقك الثالث الحمد لله والشكر
يسلم عليك فريق الوصل
فشلتونا بالخليجيه وجاي تهدر على زعيمك
حتى والهلال خسران مسبب لكم ارق روح ابلع لك حبوب ضغط

مٍَلاٍَمّح' زعٍيمـٍ' · #8 08/05/2010, 01:34 AM

يا جمهورنا الغالي ..

لو على الكيف ( كان جريتس وده يأخذ الكأس ) لكن مو على كيفه وكيفنا

وهذي مباراة .. تراها ضربات الحظ ..

واللاعبين اصلاً واضح انهم مرهقييين .. ورانا مبااراة مهمة في الدور الـ 16 ..

علينا الحضور والمؤازره

ارفعوا رؤسكم أنتم هلاليين ومو خسارة مباراة يعني نهاية المطاف

غيركم ما ذاق البطوله

الهلال لعب على اربع نهائيات .. وفاز ببطولة الدوري وهي الأهم .. وكأس ولي العهد

يا جمهورنا الراقي أنتم الأبطال ..

واللاعبين والمدرب والإداريين ما قصروا ..

واللهم لك الحمد على كل شي .. وان شاء الله نفرح بفوزنا على الفريق الاوزبكي يوم الاربعاء

وموعدنا الدره لنفرح بتأهل فريقنا

وسن الهلالية · #9 08/05/2010, 01:35 AM

لو قلنا انه اشركهم
ةتعرضوا لاصابة
وش راح يكون موقفنا في المباراة الجاية في الاسيوية
هذي المباراة ماهي مهمه
صحيح على كاس غالي
لكن الاسيوية اهم اهم اهم

بعدين معروق عن جريتس انه يرمي بثقل الفريق من البداية
علشان يضمن النتيجة
وبعدين يغير في نهاية المباراة
لان التغيرات ممكن تصيب وممكن تخيب
على حسب استعداد الاعب ودخوله جو المباراة بسرعة

قناص الاسياح · #10 08/05/2010, 01:36 AM

قــدر الله ومــآشـآء فــعل .. ان شاءالله آنــهـآ خــيرهـ ..

هــآردلك الخســآره ..

الله يعــوضنـآ خيراً منهــآ ..

نازف الجرح · #11 08/05/2010, 01:42 AM

ياناسسسسسسسسس فوز وخساره الكوره

جيرتسسسسسس ايه افضل مدرب مر في السعوديه واحسن من كوزمين الي مالي الدنيا دفاع ياخي فكر بعقلك
لو ان الهلال فايز اليوم كان قلنا الهلال برشلونااا

فكونا من الكلام الي ماله داعي

المدرب اخطاا اليوم ماقلنا شي في التغيرااات بسسسس وش نسوي كوره ومافي فريق في العالم الا ويخسررر

ياناس الواحد يكبر عقله ؟؟؟ ويفهمم منطق الكوره مو لو فزنا اليوم في الترجيح كان قلنا الهلال البرشاا وهوو فعلا ماسوىى شي

تحياتي

هلاليآ متعصبه · #12 08/05/2010, 02:30 AM

يانآآآآآس يآآآآبشررر ليه تحطون اللوم على جيرتس الدآهيه مافيه مثله وربي مهما دوووورنا

والدليل وصولنا لاربعه نهائيات واخذنا بطوولتين

نسيتوآ اللي سوآآآآآآآآآه

والله مع الخساره كل شي يتبخر مازلنآ زعمآآآآآء ومانلوم الهلال مرررررهق آآآكثر شي ترآآآهم بشررر

يتعبوون والأتحاد لعب بأصراار آكثر لانه اخر امل له بهالموسسسم بعكس الهلال

آخذ بطولتين الحمدلله

وربي يوووفقه بالأسيويه صح كنا نتمنى كآس الملك بس خسسرررنا

بضربات الحظ ومع ارهاق اللاعبين لعبوا وصدوآ كل هجمات الاتحاد وكان فيه هجمات للهلال بس ضاعت

ماكتب ربي وآهم شي حضوووركم يو الأربعاء ومساااااااااندتكم له

سر البطولات · #13 08/05/2010, 02:42 AM

تعبت وأنا أكتب من الدوور الأول احنا حبينا قريتس لأنه رجع الخطه الهجوومية بس وهذا لعب الهلال من عرفناه الين جا باكيتا من سبع سنوات ,,لكن الله يآآخذه مايعرف يقرأ المباريات وتغييراته كثيير خطأ ,,
على سبيل المثال لا الحصر مباراة الهلال والشباب الدور الأول طلع نيفيز اللي كانت ذيك أجمل مباراة له وبقى الشلهوب السيء ,,
مباراة الهلال والاتحاد الدور الثاني يطلع ويلي وينزل العنبر !! لاحد يقوول ماتهمنا المباراة أنا معك ماتهمنا المباراة نزل عمر طيب مو لازم الشلهوب او الدوسري ,,
وفييه مبارايات كثيييرة لايسع المجال لذكرها لعدم تأثيرها على سير المباراة ومن أخطاءه بعد مباراة النصر وعدم اخراج رادوي ومباراة النصر الذهاب وعدم اخراج الفريدي اللي كاااان مره سيء الين انطرد ويقول كنت بغير بس مامداني ,,,

نجي عااد للطامه الكبرى مباراة اليوم وما أداراك ما مباراة اليوووم !!!!
ياحبيبي ياجريتس دامك الحين بتعاقب عزيز ومسووي نظامي كأننا في مدارس ليش تضمه !!؟
الفرج أنت قتلته بلعبه اليوم والله مالووومه على أخطائه الكوارثية وفوق كل هذا كووره كلها على ورى لأسامة أو للمرشدي مافيه بااص قدام !
الغامدي ماقد لعب الا آخر عشر دقايق في مبارتين في الدوووري وبعدها يصااب وتلعبه !!
اللي أبغى أوصله إذا أنت مصمل يعني مصمل ماتلعب عزيز ياخب لعب الغامدي والفريدي ,,
بعدين خلصوا اللاعبين اللي في الجهه اليسرى يوم إنك تلعب العابد اللي له عشر أيام مصاب وتوه أمس يشارك يعني ماشارك إلا في آخر تمررين وش ذا التخبط الله يصلحك !!
وفووق كذا تطلعه وتنززل المحياني << أهنيييك صراااحة لأن ياسر ملينا وهو يضيع هجمات !!!! اي فكر خاوي ذا !! ياخي مافيه ولاكوووورة وصلت صح قدام يعني العلة في الوسط نزل الشلهووب الله يآخذك والا الدوووسري ,,

أتمنى عدم التجديد معه الموسم القادم واللي يقول إنك من جمهور المباراة الوحده ومدري شنو يرجع لمعرفي بعد مباراة الشباب الدور الأول وبعد مباراة الاتحاد وبعد مباراة الأهلي الإماراتي الدور الذهاب ,,

آآآسف ع الإطاله ,,

~| A z ! z |~ · #14 08/05/2010, 02:50 AM

سامي .. في الليلة الظلماء يفتقد البدر !
سامي دايم هو اللي يستشيره غيريتس في التبديلات ..

خصوصآ وانه عنده خبره كبيره بمثل هالمبارايات
لكن نرجع ونقول :

خذلان وتهآون وغياب نجوم الفريق .. أم تخبطات العجوز غيريتس وبالذات بالتغييرات .. أم ملعب الملك فهد المنحوس .. أم نجاعة وخبرة لاعبي الإتي ؟

مجنونك يازعيــم · #15 08/05/2010, 03:04 AM

كلااااااااااااااام سلييييييييييييم اتفق معك اخوي

جيرتس خربها

وآآآآآآآآآآهـ ياعزبز لوانك منتظم من من البداية

الف شكر لك وهارد لكم وعقبال الاسيوية