|
شوفوا وش قال جريتس قبل ما تبداء بطولة كاس الملك للابطال(سبب الهزيمه) السلام عليكم ورحمة الله وبركاته اولا هارد لكم على الهزيمه وهذا حال الكوره فوز وخساره والحمدلله انها صارت بضربات الترجيح(الحظ) ادخل بالموضوع الكل يعلم ان جميع الدول الاوربيه بالاخص يوجد بها ثلاث مسابقات مهمه وهي(بطولة الدوري الممتاز)و(بطولة الكاس) محليأ مثلاً باسبانيا الدوري الاسباني وكاس اسبانيا والبطولة الثالثه(دوري ابطال اوروبا) نرجع لفريقنا (الزعيم) طبعاً جريتس في اول موسم له مع زعيمنا قدم عمل احترافي يفوق عمل مدربنا السابق كوزمين من ناحية معدل التهديف والفوز وصار اكثر من لاعب يقوم بتسجل الاهداف غير المهاجمين مثل الشلهوب ونيفز وولهامسون وياسر طبعا كمهاجم. بالسعوديه لايوجد لدينا ثلاث مسابقات مهمه واساسيه مثل ماهو موجود باوروبا يوجد لدينا خمس بطولات محلياً هي : بطولة( كاس فيصل) وبطولة(الدوري الممتاز) وبطولة(ولي العهد) وبطولة(الملك للابطال) وخارجيا بطولة(دوري ابطال اسيا) طبعا الاهم بشكل عام حققها جريتس مع زعيمنا وهي: بطولة الدوري(دوري زين) وبطولة(ولي العهد) اللي تعادل بطولة الكاس باوروبا وبقى الاهم وهي دوري ابطال اسيا خارجيا لكن قبل التفرغ لهذه البطولة الاسيويه، بقيت بطولة محليه كاس الملك للابطال جريتس ببطولة ولي العهد أراح بعض اللاعبين الاساسين مثل الحارس الدعيع واشرك حسن العتيبي وهذا العمل هو مايقوم به المدربين باوروبا ببطولة الدوري والكاس لكي لا يتعرض الدعيع للارهاق نأتي للنقطه الاخيره والاهم : المدرب جيرتس بالتعاون مع مدرب اللياقه بالفريق اشار لنقطه مهمه وهي ان المخزون اللياقي للاعبين الفريق الاول قد يتاثر وتنقص لياقة اللاعبين بشكل كبير بالفتره القادمه اثناء مشاركة زعيمنا بمبارياته بالبطولة الاسيويه القادمه في حالة مشاركة الفريق الاول بالاساسيين ببطولة كاس الملك للابطال . واقترح المدرب جيرتس على ادارة زعيمنا ان يلعب هذه البطولة بالصف الثاني او على الاقل باشراك بعض لاعبين الفريق مع الفريق الرديف لكن ادارة زعيمنا اصرررت على جيرتس اننا كجماهير نريد حصد جميع البطولات،دون استثناء مما ادى هذا الطلب الى تفاجئ جيرتس وبالنهاية رضخ جيرتس لطلب الادارة والجماهير ولعب زعيمنا بالفريق الاساسي بهذه الطولة . لكن للاسف بنهاية البطولة شاهد الجميع معدل اللياقه ينخفض بشكل كبير باغلب المباريات خصوصا بالشوط الثاني واليوم بالنهائي كان الفريق بشكل عام مرهق لياقيا منذ البداية وهذا ما كان يحذر منه جيرتس ومدرب اللياقه بالفريق منذ البداية بعدم رغبته باللعب بالفريق الاول بهذه البطوله وللاسف بالنهاية تعرض زعيمنا لارهاق تام بهذه البطولة وياليته حقق البطوله بالعكس خسر تحقيق هذه البطوله وتعرض اللاعبين لارهاق تام لياقيا .. اخشى ان هزيمتنا اليوم ستكون بالاضافه للارهاق العام بالفريق تؤثر على زعيمنا بمشواره الاسيوي بصراحه تمنيت لو زعيمنا اراح الاساسين للاسيويه اهم من بطولة الابطال. لاننا بصراحه كجمهور عادي نخسر بطولة الابطال ونحقق الاسيويه لاننا متعطشين لها اكثر من اي بطولة اخرى وجيرتس ماقصر حقق الدوري وولي العهد وباقي الاهم الاسيويه اتمنى انه محد يطلع ويقول المدرب جيرتس فاشل ومايقراء المباريات ومثل ذى الكلام لو جيرتس مدرب فاشل ما كان منتخب ساحل العاج يطالب فيه بتدريبه بكاس العالم القادمه وما كان منتخب المغرب يطالب فيه لحد الان وجالس يفاوضه بالاضافه لناديه السابق مرسيليا الفرنسي يفاوضه للموسم القادم للاطلاع وابداء مرياتكم حيال الموضوع تحياتي |
كلام صحيح وبنفس الوقت منطقي يعني قدر الله وماشاء فعل والحمد لله بطولتين بالموسم ووصيف كاس فيصل ووصيف كاس الملك شي جميل والأن نتمنى وقفت الجمهور يوم الأربعاء بالبطولة الأغلى |
إقتباس:
جيرتس قالها قبل راح نلعب بالصف الثاني على العموم حققنا اهم بطولتين واصعبها باقي لنا مباراه مهمه يوم الاربعاء . شكرالك |
آنـآ عندي عآدي نخسر بطولة كأس خإدم الحرمين الشرفينٍ بس مانخسر أسيآ الله يوفقنا يوم الأربعآء ..تحيتـي .. يعطيك العآفية على الموضوع |
الحمد لله قضاء الله وقدره اهم شي البطوله الاسيويه وبالتوفيق للهلال وجريتس |
يبقى قيرتسس كبير وان اخطـاء في هالمباراه :d :smilie47: الهلال بمن حضر ولكن للأسف اليوم كانت لياقة اللاعبين مشش ولابد خصوصا الوسسط افتقد نجميين كبار سبب الخسساره هو وسسط الهلال | بمجرد دخل عزيز ابدع الزعيم :yes: يعطيك العافية :rose: |
الله يعطيك العافيه كلام عين العقل ولاحظنا الأرهاق على لاعبينا وهاردلك والعين على الآسيويه بأذن الله |
آهم شي بطولة آسيا .. بطولة الـ3 مباريات هذي ما همتني :) |
صحيح كلامك وهذا الي كنت خايف منه لياقه الهلال في اخر الموسم نزلت 50% والله يستر من مباره الاربعاء القادم بالنسبه للمدرب وخسارتنا كاس الابطال المدرب يتحمل الجزء الاكبر من الخساره امام الاتحاد لان فيه اشياء بسيطه لو سواها المدرب من بدايه المباراه اتوقع ان المباراه راح يكون لها كلام ثاني يعني المفروض عزيز بدل الفرج والفريدي بدال الغامدي يعني تبديلات بسيطه ويتغير التكتيك كله لكن الحمد لله على كل حال لاتنسون الاربعاء موعدنا |
الحمد لله على كل الحال .. والوعد يوم الاربعاء في الدرة يا زعمااء .. |
الحمد لله الهلال هالموسم غيييييييير عن نفسي كنت متوقع الخساره اليوم وبطولتين هالسنه نعمه الفريق صار يسجل بغزاره حتى شفنا الخمسات تتكرر على كل حال الاتحاد اخذ البطوله ومبروك لهم والزعيم تنتظره مباره مصيريه ويجب على الاداره والجمهور دعم الاعبين معنويا وبالتوفيق |
صح عليك كلاامك جدا مقنع :rose: لك |
كلامك هذا خطير وحرام عقب هاذا الكلام تلوم جيرتس... حتى ياسر في احدى المقابلات سئلة المذيع عن البعد عن بطولة أسيا و قال نفس كلام جيرتس!! هاذا منكم يا جمهور الارهاق حرام واللة حتى في السونى ماتقدر تجيب بطولة خارجية وأنت مركز جهدك على المحليات ! شاكرلك |
الحمد لله على كل حــال ... مباراة لم تكتب لنا ... @ في البداية أقول : قلنا قبل البطولة ياليت نلعب بالرديف لأن "من كبّـر اللقمة غص" ومو لازم نحقق كل شيء ونرهق في آخر مباراة في الموسم وأهمها لكل هلالي وهي دور الــ16 الآسيوي ، عند الكثير من الهلاليين للأسف خسارة واحدة تخرب كل الفرح ، وترى الهلال ما انهزم لسنة كاملة إلا 3 مرات من النصر والشباب والاتحاد ،، ومرتين في مباريات تحصيل حاصل والباقي فوز وهزايم للخصم ... تذوقوا طعم الهزائم اللي ذاقتها كل الفرق من الزعيــم ... @ بالنسبة للمباراة فهي شهدت أخطاء كثيرة وشهدت تشكيلة غريبة وشهدت هبوط حــاد لمستويات نيفيز وويلهامسون وهؤلاء هم أهم لاعبين في الفريق مع الروماني رادوي الغائب ... @ تشكيلة غريبة ، غياب رادوي ، غياب الغنام المفاجئ ، عزيز على الدكة والفرج محور !!! ومن ثم يشرك عزيز لاحقا ، إذن لماذا المكابرة من البداية !!! ، في الشوط الثاني كل لاعبي الوسط والهجوم يلعبون بالقدم اليمنى فقط !!! ، تغييرات حاولت التصحيح ولكنها متأخرها ، غياب سامي أثر معنويا وفنياً ، مثل ماحدث الموسم الماضي: الأجانب يحرجون الفريق في وقت الحسم !!! @ كل ماسبق يهون في مقابل أن يتأهل الهلال لدور الــ 8 آسيويا ويحقق اللقب بإذن الله ... ما نريده الآن هو فقط التركيز على تجهيز اللاعبين نفسياً للفوز أمام بونيدكور القوي والخطير ومساعدي مدربهم حضروا المباراة اليوم ودونوا كل شيء لديهم ... لابد من وقفة الجمهور وأعضاء الشرف مع الفريق في هذه الفترة الحرجة ... @ قد يكون من حسن حظ الفريق أن رادوي والشلهوب لم يشاركوا اليوم وهم مرتاحين لحد كبير ، وكذلك نيفيز خرج في الشوط الثاني ولم يرهق كثيراً وعزيز لم يلعب إلا في الإضافي ... وهذا يعني أن خط الوسط تقريبا بالكامل لم يتعرض لإرهاق كبير بخلاف بقية اللاعبين الأساسيين ... أتمنى من المدرب أن لا يكثر من التغييرات الغريبة في التشكيلة في المباراة القادمة ... ولابد من مشاركة رادوي وخالد عزيز في المحور وأمامهم الشلهوب ونيفيز وويلهامسون ... نريد من اللاعبين تعويضنا في المباراة القادمة ووقتها سننسى هذه البطولة وبعدها لكل حادث حديث ... |
صراحة وضع كرتنا السعودية غير صحيح لا تطوير ولا إحتراف وبالمقابل زيادة عدد المسابقات وأيضا زيادة عدد فرق الدوري المفترض الدوري وكأس ولي العهد = كأس الإتحاد مثل الإتحادات الأخرى لكن ما أدري ما الهدف من هذا كله ؟!!! هل هو زيادة حصص الفوز لأندية لم يسبق لها الفوز ببطولات ....:d أم ماذا غير معسكرات المنتخب الطويلة والجدولة السيئة !!!!!! وبالأخير تقع على رؤوس اللاعبين !!!! لذلك لن يفهم أوروبي (مثل جريتس) لماذا هي مهمة بطولة كأس الأبطال عند الكثير على بطولة الدوري !!!!!!!!!!!!!!!! والله يصلح الحال ويوفق الهلال في مشواره الآسيوي |
| الوقت المعتمد في المنتدى بتوقيت جرينتش +3.
الوقت الان » 05:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd