|
يالله سترك وستار من خلقك ،،،، شكراً قريتس مساكم الله بالخير جميعاً هارد لك على الخسارة ( المتوقعة ) طبعاً يمكن بعض اللي بيقرون موضوعي بيقولون لا تلومون هالسفية منقهر وكتب الموضوع بعد الهزيمة مباشرة وعقله ما هوب معه ، لكن لا والله عقلي معي وهبالي خذاه قريتس يوظفه في مباراة اليوم عموماً ندخل للموضوع يالله سترك وستار من خلقك ( هذي دعوة دايم يرددونها شيبانا ) صراحة بالنسبة لي شخصياً توني أعرف معناها الحقيقي على أرض الواقع ، لأن الدعوة تمثلت في مباراة اليوم ( يعني بالمختصر ربي رحمنا وستر علينا أنها ما جت تاريخية في مبارة اليوم ) صدق ربي ستر علينا وأعمى عيون مدربهم عن تغيرات مفترض يقوم فيها بوقت أبكر من المباراة تعدم فريق الهلال ( تغيرات إتحادية مبكرة + تخبطات قريتس = 3 صفر أقل شي ) لكن ولله الحمد ربي ستر علينا قريتس ما قصر اليوم حاس أم الفريق وحاس أم التشكيلة وأحرج لاعب شاب مثل سلمان الفرج بإشراكه في مباراة كبيرة مثل هذي وفي خانة غير خانته الأساسية قريتس أحدث فرق في فريقنا خلال مسيرته مع الفريق وذلك من خلال الإنضباطية الفنية في أداء التمارين والحضور والإنصراف وأقر التمارين الصباحية اللي ساعدت الفريق على تأدية مبارياته على أحسن حال خلال مشوار الدوري ( بس الله يرحم والدينكم خذوني على قد عقلي وأشرحوا لي فكرة أن لاعب غير منضبط يعاقبه المدرب بوضعه في قائمة الإحتياط ويلعبه في آخر المباراة ) يعني اللي أنا أعرفه أنك ياقريتس ياتعاقبه وتحطه برى التشكيله نهائياً ولا إذا أنت مقتنع فيه لعبه من أول المباراة ولا تخلي فريقنا شوارع ومحجور حجرة قطو طبعاً أنا أتكلم عن نفسي ( نسيت أشباه خشت مبروك زايد ) والسبب طويل العمر قريتس ( حلو منكم قلتو لي ليه ) يعني المدرب الداهية ملعب لي ناس في خط النص لا هم اللي يساندون الدفاع في إستخلاص الكور عن الفريق ولا هم اللي ساندو الهجوم في صناعة الهجمات صراحة مدري وش يبي ، وبعدين نجي لأختراااااعاته في التغيرات وعموماً ما هيب أول مره يسويها دايم يخترع في التغيرات الله يهديه غصبٍ عنه يعني نواف العابد اللي قاعد يساند الجهة اليسرى ومسوي شغل مضبوط يطلعه ويحرج الفريق أكثر وأكثر ( كنه يقول هاه يا هكتور وش تبي أحسن من هالهدايا اللي أعطيك أياه أنجز علينا وخلص المباراة ) اللي بقوله أن قريتس مدرب كويس في الإعداد ولكن للآسف في قراءة المباريات وخصوصاً في التبديلات رفيقنا ماهوب اللي تبون يعني حالف ومطلق ألا يحوق أي مباراة يلعبها الهلال مباراة الهلال والنصر 5-3 أخترع في أم التغيرات وسلم النصر المباراة في الشوط الثاني والسبب أنه خواف ولا كان مفروض تكون نتيجة تاريخية مبارة الهلال والسد في آسيا ( مباراة الأياب ) نفس الشي يعني لو نرجع لكم مباراة سابقة نلاحظ أن المدرب ( خواااااف ) في تغيراته وصارت معروفه تقدم بهدف إلى هدفين وطلع وسط مهاجم وكثف محاور بس اللي بقوله لكم بالنهاية عدة أمور : 1 - فريقنا ما قصر خلال هذا الموسم وحقق بطولتين وكانت بطولتين قريبة مننا ( كاس فيصل ضاعت بسبب تعنت قريتس بإشراك الحارس شراحيلي ) وبطولة خادم الحرمين اللي ضاعت اليوم (بإختراعاته في التشكيلة اللي تسببت في تسليم المباراة لنادي الإتحاد من بداية المباراة ) 2- نحمد الله أن المباراة أنتهت بضربات الترجيح وفكنا الله من هزيمة تاريخية لو مدرب الإتحاد أستغل اللخبطة اللي سواها قريتس بالفريق اليوم 0 3- أتمنى من إدارة الفريق مناقشة المدرب بالأخطاء الفادحة اللي أخترعها لنا اليوم وتسببت بظهور الهلال بمظهر غريب على الفريق 0 أمنية شخصية : ( طبعاً أرجع و أقول لكم لا تجون وتقولون معصب وقام يخذرف هالشايب ) أتمنى أنه يتم التعاقد مع قريتس من قبل منتخب المغرب أو أحد الفرق الأوربية لنتمكن من جلب مدرب بحجم ( يوزيك ) وبنفس الوقت نفتك من الشرط الجزائي الرجال وخذنا اللي عنده ( الإنضباط + تمارين الصبح ) بس نبي واحد يعرف يقرأ المباراة صح ويعرف يغير صح 0 وتقبلوا تحياتي |
آآآه ياهلآل 4 نهائيات كسبت نصفهآ مع ضل الأرهاق والتعب والظروف واليوم نلعب 120 دقيقه ولدينا لقاء يوم الاربعاء هام فالأتحاد لايوجد مايخسره اخر لقائاته هذا الموسم ودخل اللقاء بقتاليه لأرضاء جمهوره اما الهلال نهنئ هذا الفرييق البطل ويجب الوقوف معهم فالقادم اهم وهو اسيآ ولاتكونون طماعين ياعشاق الهلال ترا مو كل شي ياخذه الهلال من البطولات بالنسبة للنصراووين اشوف فرحتهم اكثر من الأتحاديه ووانا ادري فرحتهم مو للأتحاد فرحتهم هي لخساره الهلال واحب اقول لأي واحد من هذا النوع من المشجعين النصراويين ياليتك تفرح لفريقك وتشوف البطولات لفريقك مو تناقز ومبسوط لغيرك بس تذكر ان الهلال حقق بطولتين هالموسم من اصل 4 تذكر ان الهلال اخرجك من 3 بطولات تذكر ان الهلال كسب الدوري قبل نهايته بشهرين تذكر ان الهلال حقق ارقام الدوري كلها كأفضل هجوم واقوى دفاع اضافه للهداف والوصيف تذكر ان الهلال تأهل اول مجموعته اسيويآ كلها مميزات لموسم ناجح للزعيم والحمد لله اقسم بالله العضيم لو عادوا لقاء الهلال والأتحاد 1000 مره وفاز بها الاتحاد كلها والله اني راضي بالهلال ولن تتغير نظرتي بفريقي البطل بطل هذا الموسم الى الأمام يالزعيم وموعدنا الأربعاء بزف هذا الفريق لدور الثمانيه بدوري ابطال اسيآ وموعدنا يوم الثلاثاء القادم بتتويج الهلال لقبا بنادي القرن في القارة الأسيويه بلندن تحياتي |
يارجال زكاة الموسم وقريتس ماقصر واللعيبه والادراه كلهم كانوا على قدر من المسؤوليه وجابوا الذيب من ذيله وان شاءالله لنا لقاء في الاسيويه بالتوفيق http://vb.alhilal.com/images2/images14/fasel3.jpg |
حمدآ للله ع كل حاااإاال ماقدمنا مسستوى يشففع للفووز خيرهااا بغييرهاا والآسويه << قدامنــآ العتيييبي الف شكرررلكـ .. (( بالنهاااايه ارففـــع رااسك انت هـــلاااااالي )) |
أتمنى من أدارة الهلال أن لااااااااا تفرط في قريتس .. |
:alzaeem: هلحين انا فيني غلقة حاشرتاً حلقي:ranting: بس اروق:rose: ويجيك الرد مع اني اتوقع ان ما عندي رد:to: لانك والله والله جبتها على الجرحs121s |
يابن الحلال والله اني حمدت ربي ان النهائي جاء كذا .... عندنا مباراة مهمه يوم الاربعاء وخلاص كل الروف اليوم علينا ان المدرب لازم يقراء الضغف عندنا والقوة ويلعب يوم الاربعاء به |
الحمدلله على كل حال وخسارة بطولة ماهي نهاية المطاف والى الامام يازعيم القرن الاسيوي وعقبال التاهل لدور ال8 |
يعني تبي تقولي انك انت احسن من جيرتس المدرب ذا اللي تقوله وصلنا لاربع نهائيات وحقق لنا 50% من بطولات الموسم وان شاء الله بنتاهل لدور الاربعه انتو بس خففوا على اللاعبين وشوفو المباراة الجايه كيف |
الحمد لله على كل حال , وهاااااااردلك للزعيم |
أتمنى من أدارة الهلال أن لااااااااا تفرط في قريتس .. |
اول شي لآعبينا يعانون من الضغط ماشاءالله كم نهائي وصلنا له .. كم بطوله لعبنا فيها هـ السنه .. :smilie47::naughty: و جيرتيس مدرب بطل بس العيب فيه تبديلآته .. :s5s: و بعدين وين النتيجه التاريخيه الي تقول الله ستر علينا منها شفت كيف يلعبون ماغير يكسرون احس اني اتابع مصارعه مو مباراه كره قدم :cry: .. ياسر ان شاءالله ماينزل مستوآك ما صدقنا يرجع :cry::smilie47: ننتظر الاربعاء ..:smilie47: |
| الوقت المعتمد في المنتدى بتوقيت جرينتش +3.
الوقت الان » 01:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd