|
مكابرة جريتيس تخسر الهلال كاس الملك !!!!! السلام عليكم ورحمه الله وبركاته تحية طيبة للجميع في البداية الف مبروك للاشقاء في نادي الاتحاد الفوز المستحق بكاس الملك وحظ اوفر لجميع الجماهير الهلالية. قلتها مسبقا وقبل المباراة بعدة ايام وفي عدة مواضيع سواء هنا او في منتديات اخرى بانه يجب ان لا نكابر لكي لا نخسر كاس الملك ونخسر التاهل لدور الثمانية في الاسيوية، فاتوقع بان ما كنت خايفه منه حدث ووقع (فلا فات الفوت ما ينفع الصوت)!!! - في هذا المساء (المدرب جريتيس) خرج لنا بعناصر لو مرة تشارك في المباراة كاساسين، خرج لنا باللاعب الشاب (سلمان الفرج) وكان مستوى هذا اللاعب جدا متميز لكن اتوقع بان هذه المباراة ليست مباراة اعطاء فرصة للاعب شاب، وخاصة في ظل بان المباراة تعد نهائي ولا فيها فرصة لتعويض الاخطاء، فانت كـ (مدرب) محترف تملك اللاعب الذي يستحق بان يلعب كاساسي ولكن المكابرة قادتنا لكي نخسر هذا النهائي، والطامة الكبرى بانه دفع باللاعب (خالد عزيز) في اخر الشوط الثاني بعد ان اقتنع بان الوضع سيء في وسط الميدان. - خسرنا تغيير كنا في اشد الحاجة له والسبب مكابرة المدرب، فلقد كان وسط الميدان الهلالي اشبه بانه هناك حلقة مفقوده، فبعد غياب (رادوي) انكشف وضع الوسط الهلالي واصبح الدفاع الهلالي في حالة حرجة. - قلتها مسبقا دعونا من المكابرة ولابد من لعب (خالد عزيز) كاساسي في ظل غياب (رادوي) وانخفاض مستوى (عبداللطيف الغنام) ولكن اتوقع بان المدرب والادارة كان لها كلمة اخرى، فهم يريدون تطبيق النظام وليته على هذا فلم يكتفوا بابعاد اللاعب عن مباراتين والخصم من مرتبه، بل ان اللاعب (خالد عزيز) لعب في اخر الشوط الثاني!!!!! - نفس السيناريو حصل الليلة سبقا ان حصل في نهائي كاس الامير فيصل ابن فهد قبل موسمين عندما لعب الهلال امام النصر، فلقد كابرنا ولعبنا ببعض العناصر الاساسية وتركنا العناصر الاهم وخسرنا تلك البطولة، والبعض من تلك العناصر الاساسية في الهلال اعتزلت!!!!! - سؤالي للمدرب (جريتيس) لماذا دفعت بـ (خالد عزيز) في هذا الوقت وانت من الاساس تريد معابقته ؟؟ هل هو بانك اصبحت مثل الغرقان الذي اصبح لا يعرف ان يخرج نفسه ام انك تريد احراج اللاعب امام جماهير ناديه اذا خسر الهلال!!!! - (نخسر بطولة ولا نخسر فريق) هذا ما يردده بعض الهلاليين، واتوقع باننا خسرنا بطولة محلية، وبعدها باسبوع نخسر بطولة اسيوية، وقد نخسر الفريق والسبب معروف بانها (المكابرة) فلنكن واقعيين بعض الشيء. - (محمد نور) يقول بعض الهلاليين لي عندما نشاهدك تمدح هذا اللاعب فحنا نغسل يدينا منك، واتوقع بان محمد نور يتمناه كل هلالي في الهلال فلا نكابر، فاتوقع بان دفع الهلال للادارة الاتحاد 45 مليون خير شاهد. - الهلال هو من يصنع المدربين وليس المدربين من يصنعون الهلال، فـ (جريتيس) مدرب محترف ونحترم قراراته ولكن لا نريدها بان تكون ضد الهلال، فحضور 50 الف من جماهير الهلال هذا المساء تخرج من الملعب وهي حزينة والسبب مكابرته فنحن لا نريد هذا الشي، نحن جماهير اعتدنا على البطولات ومن حقنا بان نظفر بجميع البطولات. - هذا المساء المدرب (جريتيس) اخطا وبمكابرته واتوقع بان هذه ليست الاخطاء الاولى له، ففي المباراة الشهيرة بين الهلال والنصر (5-3) كان هناك اخطاء فادحة ارتبكها المدرب، ولكن الهلاليين بعد المباراة تركوا المدرب، وجعلوا كل غضبهم على الحكم السعودي (خليل جلال)!!!! - اعيد واكرر واقول بان الهلال هو من يصنع المدربين وليس المدربين يصنعون الهلال، فهذا هو (كوزمين) والذي جن جنون الهلالييين عليه قبل موسمين، يلغى عقده من قبل نادي السد القطري والسبب لانه فشل في تدريبه معهم!!!! - وهذا فريق مرسيليا الفرنسي يحقق الدوري الفرنسي هذا الموسم بعد غياب 18 عام، علما بان المدرب (جريتيس) كان يدرب الفريق الفرنسي الموسم الماضي؟؟!!!! - اسامة هوساوي هناك اخطاء بسيطة يرتكبها تحرج الفريق وتنشف ريق المتابع، ولكن هناك اشياء يفعلها داخل الملعب يجعلنا نقول له (يعطيك الف عافية يا بطل). - (احمد الفريدي) كرت احمر امام النصر، وغياب في المباراة الثانية، وكرت احمر امام مس كرمان الايراني، وغياب في المباراة القادمة في دور 16 في البطولة الاسيوية، وبرود تام في مباراة الاتحاد واختتمتها بضياع ضربة الترجيح (ماذا بعد هذا يا فريدي ؟؟!!!!) - شوفوا لنا حل مع (عبدالله الزوري) اما بالتعاقد مع (كامل المر) وتحويل الكوري للجهة اليسرى، او اعطاء الفرصة لشافي الدوسري او سلمان الفرج، اهم شي فكونا من (الزوري عبدالله) !!!!!! تقبلوا تحياتي،،، |
يا رجل ضاعت البطولة علينا بسبب عنجهية المدرب ولا روح لدى اللاعبين لماذا اذا قابلنا الاتحاد على اي نهائي نلعب بطريقة عجيبة مخزية مذله ................. وغريبة جدا امام الاتحاد وكأن الهلال فريق من الدرجة الثالثة ويا عجبي وقهري |
آآآه ياهلآل 4 نهائيات كسبت نصفهآ مع ضل الأرهاق والتعب والظروف واليوم نلعب 120 دقيقه ولدينا لقاء يوم الاربعاء هام فالأتحاد لايوجد مايخسره اخر لقائاته هذا الموسم ودخل اللقاء بقتاليه لأرضاء جمهوره اما الهلال نهنئ هذا الفرييق البطل ويجب الوقوف معهم فالقادم اهم وهو اسيآ ولاتكونون طماعين ياعشاق الهلال ترا مو كل شي ياخذه الهلال من البطولات بالنسبة للنصراووين اشوف فرحتهم اكثر من الأتحاديه ووانا ادري فرحتهم مو للأتحاد فرحتهم هي لخساره الهلال واحب اقول لأي واحد من هذا النوع من المشجعين النصراويين ياليتك تفرح لفريقك وتشوف البطولات لفريقك مو تناقز ومبسوط لغيرك بس تذكر ان الهلال حقق بطولتين هالموسم من اصل 4 تذكر ان الهلال اخرجك من 3 بطولات تذكر ان الهلال كسب الدوري قبل نهايته بشهرين تذكر ان الهلال حقق ارقام الدوري كلها كأفضل هجوم واقوى دفاع اضافه للهداف والوصيف تذكر ان الهلال تأهل اول مجموعته اسيويآ كلها مميزات لموسم ناجح للزعيم والحمد لله اقسم بالله العضيم لو عادوا لقاء الهلال والأتحاد 1000 مره وفاز بها الاتحاد كلها والله اني راضي بالهلال ولن تتغير نظرتي بفريقي البطل بطل هذا الموسم الى الأمام يالزعيم وموعدنا الأربعاء بزف هذا الفريق لدور الثمانيه بدوري ابطال اسيآ وموعدنا يوم الثلاثاء القادم بتتويج الهلال لقبا بنادي القرن في القارة الأسيويه بلندن تحياتي |
, × آلحمممممد لله ع كل حآل .. قدر آلله ومآشآء فعل .. آلف مبروؤوؤك للــ آتحآد يستآهل .. آلزعيم مآ قدم مستوى .. وبآذن آلله هذة آلبطولة مهر آلآسيوية .. آبطآلنآ هذآ آلموسم قدموآ موسم نآجح بــ كٌل آلمقآيسس .. آقف وآصفق لهم موسم آستثنآئي .. معوضين .. * آلرد آلموحد لــ جميع موآضيع آلليلة .. , × |
اكتفي برد اخوي شبيه الريح تحياتي |
عوافي ياشباب وقريتس يستاهل الوقوف معه امتعنا وجاب لنا بطولات واثبت نفسه والحمدلله في انتظار الاسيويه ان شاءالله http://vb.alhilal.com/images2/images14/fasel3.jpg |
والله انا بالنسبه لي اليوم الهلال كثر الله خيرهم اللاعبين وكثر الله خير الادارة على المجهود الجبار اللي سوته يعني يعني الهلال الموسم هذا الحلقه الثابته في كل النهائيات وغير كذا ينافس على الاسيويه وحتى البطولة الاخيره ماخسرنها غير بضربات الحظ كبير يا زعيم والله |
الحمدالله علي كل حاال وثانين المدرب ماقصر الموسم هذا بطوليتن وصيف كل النهايات هذ فخر لنا كهلالين واهم شي الاسيوية اتاهل فيه وننسا بطولات ركلات الحظ الف مبروك لكل هلالي هاذا الفريق العملاق والف مبرووووك لنا هالمدرب والاعبين والادارة والجهاز الفني الف مبروووووووووووك لزعماء المستواء الجميييييييييل يعطيكم العافية بتوفيق للزعيم امام بندكيووور |
تحمدو الله وأشكروه على النعمة اللي موجودين فيها لعبنا على النهائيات كلها وأخذنا النصف يكفي. ألزم ماعلينا بمشيئة الله الأسيوية هي رأس المال ولا البطولات المحلية خلاص . هاردلك يازعيم وماضر برشلونه ياأبطال. |
بسبب المدرب خسرنا كأس الملك وبسبب المدرب حققنا الدوري وبسبب المدرب حققنا كأس ولي العهد وبسبب المدرب تأهلنا لدور16 اسيويا وكل هذي النجازات كانت بعد توفيق الله سبحانه وتعالى ثم الجهاز الاداري والجهاز الفني واللاعبين وبسبب المدرب سنحقق كاس اسيا بأذن الواحد الاحد |
يا اخوان والله من البارح وانا مرتفع ضغطي ابي بطولة كاس الملك، وابيها من قدام الاتحاد، يا اخوان لا نكابر حنا ما قلنا ان جريتيس سيء لكنه البارح كابر يعني لو انه لعب خالد عزيز من البداية كان بيتوفر لنا تغيرات عدة لكن حنا خسرنا تغير والسبب المكابرة شفتوا شلون اللعب تغيير يوم دخل (خالد عزيز) تحس ان الوسط فيه لاعب وسط وفي الشوط الاول والثاني كان لعب الهلال مجهود فردي فقط... يعني لو لعبنا من بداية المباراة بعزيز وبجانبه الغامدي، وفي الشوط الثاني ندفع بالفريدي او عبدالعزيز الدوسري كان فزنا بالبطولة حرام بس التاريخ يسجل بان الهلال خسر امام الاتحاد كاس الملك |
خلاص قضاء وقدر تعبنا واحنا نزيد ونعيد خلاص يا حبايبي انسوووا :yes: ورانا آسيا نبي نركز عليها بس:smilie47: |
صحيح ان جيريتس اخطأ ... لكن قد يكون صب كامل تركيزه مع اللاعبين على آسيا ..,.. |
فعلا احد عنده عزيز ومحتاجه واخرتها يحطه احتياط ...؟! يعني مسكت معهم شده ونظام..؟! |
اثبت المدرب فى المباراة النهائيه انه مدرب اعدااااااااد فقط ... يعتمد على الانضبااااااط وتجهيز اللاعبين لياقيا وطبيا بفضل الاجهزه المساعده له ... والخطه وطريقة اللعب واحده ومع جميع الفرق القويه والضعيفه .... ويفتقد للدهاء والخبث الكروى...وارجعوا للمباريات مع الفرق الكبيره لتقفوا على الحقيقه للى يفهم فى الكوره... اجل مدرب ومباراة نهائيه على كاس فيصل يلعب بالحارس الثالث ...ونهائى الكأس بدون محاور دفاعيه ... اذا لم يناقش فى اخطائه الفنيه الكبيره فعلى كأس اسيا السلام... اللى يحليها ان التبديلات انتهت ولا ان كان شفنا العنبر!!! |
| الوقت المعتمد في المنتدى بتوقيت جرينتش +3.
الوقت الان » 05:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd