|
بالنسبة لروح اللاعبين في الملعب للاسف اللاعبين والمدرب دخلوا اللقاء وأعينهم على الاسيويه وهذا سبب التراخي أعتقد أن الكثير من اللاعبين كانو يفكرون في توفير مخزون لياقي للمباراة القادمه خصوصا ويلي هامسون حتى إنطلاقات لي يونج كانت قليله ونيفيز كان خارج أجواء المباراة تماما. حسن العتيني كان نجم اللقاء وحاول إضاعة الوقت كثيرا بعد أن رأى تراخي اللاعبين بسبب المخزون اللياقي بالنسبه للقسم الذي أقسمته فما تقوله هو من علم الغيب ليس كل نادي لا يقدم مستوى يخسر الهلال مع الاتحاد كان في أسوأ المستويات وكاد أن يفوز بالركلات ومن الممكن أن يقدم مستوى سيء وينتصر في المباراة القادمه فلا أرى أنه من الواجب القسم والتشديد في القسم فالقسم ليس بالشيء الهين عند الله أخي الفاضل صحيح أن الاتحاد إستطاع أن يهزم الهلال مرتين ولكن الهزيمه الاولى كانت مباراة تحصيل حاصل وحصل فيها الاتحاد على ضربة جزاء وهميه وتم طرد لاعب من الهلال ومباراة اليوم كما قلت مسبقا اللاعبين دخلو اللقاء وعقولهم في الاسيويه كذلك أن الفريق في نهاية الموسم ويعاني من الإرهاق عكس الإتحاد الذي لم يقدم مستوى يليق به إلا في نهاية الموسم وأستغرب حديثك عن بدلاء الإتحاد والمحترفين والذين في وجهة نظري أنهم أسوأ المحترفين في هذا الموسم فما الذي إستفاده مدرب الإتحاد من الثلاثي بوشروان والشرميطي وهزازي عند إدخالهم في المباراة فهم لم يقدمو أي شيء يذكر ولو بقو في دكة البدلاء لكان أفضل بينما في الهلال يوجد في الاحتياط نجوم مثل عزيز والدوسري والمحياني والان رأينا الموهبه القادمه سلمان الفرج ولا ننسى الدعيع والغنام وخيرات فلا أظن أن دكة بدلاء الفريق الإتحادي تقارن بدكة الفريق الهلالي أبدا لذلك لا نريد أن نكون متشائمين فمن العقل والمنطق أن لا نعلن الخساره قبل أربع أيام من اللقاء !!! |
خسارة كأس الملك ليست نهاية المطاف .. وأنا متأكد انها راح تكون جرس إنذار للزعيم بالتوفيق ان شاء الله يوم الأربعاء |
وانـا أيـدك فـي كـلامـك وظـح غـيـاب {رادوي} |
من قآل ان زعيمنآ افضل فرريق هذا الموسم .. يجآآآآمل ! مو عشان الخسآره ننتقد الفريق .. بس فريق عآلمي يبي ينآفس على البطولات غيآب لاعب يخلي الفريق يتغير جذرياَ ولا يقدر يستلم ويسلم كوره زي النآس ولا ينضم هجمه !!!!!!!!! انا بكون متفآئل زي مايبون بعض الجمهور وبقول بنهزم بونيدكور 5 _ 0 .. بس لو فرضنا رآدوي + ولي كروت صفر او رادوي خذ احمر ومبآرآة دور الـ 8 شي طبيعي بتكون اقوى من دور الـ 16 .. مآذآ سنقدم !! كل اللي زعلانين عشاننا نتقد الهلال ومسوين الأخلاق العاليه لو لاسمح الله خرج الهلال الأربعاء ... اول من ينتقد انتـــــو ويمكن يكون انتقآآآد تجريح مآهو بنآآآء .. مخرج / لو حدث لنآ مآحدث للشبآآب وغيآبآت نجوم فريقه واصابات وووو !! ماذا سيحدث لنــآآآ ! |
كلاامك صحيح 100% ولكن يبقى الأسلوب ياخوي يعني تقلل من فوزنا على الاتحاد في الدوري بالخمسة عشان نور لم يلعب؟؟؟؟؟؟ ألا يكفيك حسم الدوري قبل 3 جولات؟ هل كان نور هو السبب أيضا؟ ياخي كلامك أن مستوانا كان سيء طيب هل تريد أن نلعب كل مباريات هذا الموسم بنفس الرتم؟ ياخي اتق الله في عبدالرحمن بن مساعد يعني رئيسنا توقع الخسارة قبل المباراة ؟؟؟؟؟ مثلك مانبيه في مدرجات استادالملك فهد يوم الاربعاء وخلك من هذا التشاؤم الله يهديك تحياتي.. |
يا جمهووور الزعيم الكبير يبقى كبير ولا عزاء للحاقدين ارفقوا على الزعيم صحيح بان مباراة البارحة ماكان في مستواه كليا لكن لم يكن لقمة سائغه للأتحاد واثبت وجوده في الملعب طوووال 120 دقيقة المشكلة الكامنه في مباراة البارحة كانت في قلب خط الوسط المتمثل في خالد عزيز والدليل بانه يوم دخل بدءت هجمة الهلال لكن قدرالله وما شاء فعل الذهب ذهب للاتحاد ونقول له مبروووك وهاردلك في الاسيوية للزعيم لفته للزعماء لكي تعرف مقدار الهلع والجزع في جمهور المسيارانظر لمنتدياتهم كلها سب ولمز وهمز في الزعيم مع انهم ماخذين الكاس إلا ان نفوسهم متوجسه والسبب نادي الهلال الزعيم مسبب لهم عاهة مستدية في عقولهم فأصبحوا متوجسين من كل ازرق كم انت كبير يا زعيم وحتى إن لم تكن في يومك |
والله بديت أشك أنك نصرررررررررررررررررررراوي منسدح بينــــــــــــــــــــــــــــــنا ياخوي روح منتداك خلهم يفعلونك بصـــــــــــــــــــــــــــــــراحة روح ما فيه بس موللدرجه اللي قاعد تحشها في روسنا |
مشكور على موضوع وصدقت في كل كلامك .... انا اول مرة اشوف الهلال بهذا المسنوى .... مافية روح مافية اصرار على الفوز...ماادري ثقة زايدة ولا خوف ولا تهاون ماني عارفة نفسي القى سبب يقنعني ....والاتحاد كان امس مستواة نازل ...بس لو استغل الهلال مستواة ....واحمدوا ربكم ماانتهت المباراة 4ولا5 والله كان الاتحاد بامكانة يجيبها ....المباراة امس مباراة حسن العتيبي و ماجد المرشدي ...الوسط لا للتعليق ...الهجوم ماجاة كور علشان نعرف مستواة.... ماادري ايش استفاد غريتس من الفرج ((لاعب صغير اول مرة يلعب نهائي قدام جمهور))يعني اكيد ماراح يقدم ...لاحظوا اللعب تغير يوم نزل غزيز لاكن قدر الله وماشاء فعل....الفريدي ماله داعي في الهلاااااااال ....لو نزل الشلهوب احسن من الفريدي ... وياسر امس كل كنترولاتة ضايعة ...والتمثيييييييييل الزايد عندة ...ولا استفاد منها غير كرت اصفر واصلا ما وصل لياسر ولا كورة زي الناس .... لاكن نحمد الله انها انتهت على كذا ...((بلنتيات لعبة الحظ))....والله يعين في الاسيوية وتكون دفعة قوية لهم لانة ((مو دايم الفربق عالي مستواة حتى لو اخذ كل البطولات )) وهذا الكلام لمصلحة الهلال مو لشي ثاني ... |
الحمد لله على كل حال ياخوي ولاتضيق صدرك الخساره مو نهاية المطاف اهم شي الاسيويه وياليت نكون كلنا بالملعب وان شاء الله نتاهل لدور ال8 والله يوفق زعيمنا |
اخوي هماي انا والله العظيم انك جيت على الجرح وانا من زمان مثلك اقول الفريق ماينشدبه الظهر خصوص في البرازيلي والدفاع ماعندك احد والمشكلة فيه المطبلجية ذولي يدربون روسهم ويقولون جايب اهداف يابوي احلمو بالاسيوية اذا كان فريقكم هذا مستواه اجل مباراه كاملة مافيه هجمة وحدة للهلال صحيحة ومنظمة والله فضيحة مابعدها فضيحة ويستاهل الاتحاد اخذ البطولة بالقوة |
والله ياخوي اللعبين ماقصروا البارح ماعدا ولي ونيفيز الي كانهم اول مره يلعبون وصح ان المدرب اخطأ خطا فادح وكابر على حساب الفريق بس يالله خيرها بغيرها والفريق ماقصر طول الموسم نافس على جميع البطولات وجاب ثنتين والحين ماشين في الاسيويه تمام وش تبي اكثر من كذا والي بيزعل عشان هزيمه وحده وضياع بطوله هاذا يقووول انه يشجع ياخي شوفو جماهير الانديه الاخرى حاضرين ومساندين انديتهم ولهم كم موسم ولا بطوله وقولو الحمدلله على فريقنا الي يرفع الراس غصب عن اي واحد ... |
الموضوع في الصميم ويجب ان الهلال يرتب اوراقه كان يجلب لاعبين جدد سواء اجانب ام سعوديين اهم حاجه نبغى الاسيويه وتكفا يابن مساعد راجع الاوراق مع المدرب واجلبو لاعبين على مستواء اللهلال لكي تحصدو البطولاتوتكفا ترا تكفا تهز الرجاجيل |
والله صدق جماهير تحس انها بس تنتظر الهزيمه علشان تبدع في المواضيع صح انه جماهير الهلال تطالب بكل بطولة يشارك فيها الهلال لكن بعد ماننسى انه فيه فرق بعد تنافس على البطوالات هذي ويعني كثر الله خير اللاعبين والمدرب والاداره كل نهائيات الموسم هذا لعبنا عليها واتحدك تحصل فريق غيرنا حقق مثل هذا وغير كذا حققنا نصف بطوالات الموسم وتاهلنا على الاسيوية وبعدين الاعبين امس واضح عليهم الاجهاد لا تقولي روح ومادري ايش الهلال اكثر فريق لعب مباريات في كل بطوالات الموسم وفي الاخير نجازيهم ونقول روح ومادري ايش والله عالم مادري كيف تشجع |
أخي الكريم خرج الاتحاد من الآسيوية وهو بكامل أبطاله وحاول واجتهد وفشل ،، وتعادل مع الهلال وفاز بالركلات الترجيحية وليس بغيرها وهو في أفضل حالاته والزعيم في أسوأ مستوياته !! لا أشكك إطلاقاً بحبك للزعيم ولكن أستغرب تشكيكك أنت كمشجع هلالي في قوة الزعيم وكونه لم يحقق الفوز على الشباب والاتحاد إلا لأن نجومهم لم يكونوا متواجدين في بطولتين الأولى منها تعتبر المعيار الحقيقي للحكم على قوة الفريق وكأنك تؤكد مايردده بعض الإعلاميين ومن خلفهم جماهيرهم عن سبب ظهور الزعيم وتحقيقه لبطولة الدوري وكأس ولي العهد ووصافته لبطولة كأس فيصل بن فهد وخادم الحرمين الشريفين وتصدره لمجموعته في أبطال آسيا !! وهل يُعقَل أن تسمح الأندية الأخرى لو كانوا قادرين ( بكامل نجومهم ) اتحادهم وشبابهم بأن تقهرهم الظروف ليتنازلوا عن أهم البطولات ( الدوري السعودي ) والتي تُظهِر بالفعل مستوى الفرق " طوال فترة هذه البطولة " واختفائهم بجانب الهلال ؟ ثم ألم يلعبوا مكتملين في بطولة ولي العهد ؟؟ أم أن الخلافات هي السبب أيضاً في حصد الزعيم لها ؟ أوافقك على أن الهلال ظهر مهزوزاً ولم نشاهده بهذا المستوى أبداً لا هذا الموسم ولا المواسم السابقة ولكن ليس السبب في قوة الاتحاد وإلا لهزمه الاتحاد في الوقت الأصلي وبخمسة لأن مستوى الهلال أسوأ من السوء ليلة البارحة ولانتقم لنفسه وهذا يؤكد أن مستوى النمور بنورهم لاشيء ولا يستحقون لقب قطط حتى ، وهزيمة الهلال ليلة البارحة بسبب روحه التي لا أعرف لها سبب لكي تجعله يلعب بهذا المستوى !! ولكن قدر الله وما شاء فعل ،، البطولة لم يكتبها رب العالمين للزعيم ونحمد الله أنه خرج من البطولات المحلية ببطولتين ولم يخرج صفر اليدين . |
كلامك صحيح ميه بالميه غياب الروح هي السبب الحقيقي وراء إنخفاض مستوى الفريق ؟!!! يجب على المدرب واللاعبين التركيز في البطولة الآسيوية والعب بشعار الفوز دون غيره ... |
| الوقت المعتمد في المنتدى بتوقيت جرينتش +3.
الوقت الان » 07:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd