السلام عليكم ,,
هاردلك يا زعماء على الخساره اللي بصراحه ترفع الضغغغغغغغغغغغغط ..!!
مشكلة الهلال في المباراة تكمن في :

* جيرتس أخطأ ودايم يخطي في نواف العابد ,, ياخي هذا اللاعب يدخل في الشوط الثاني على آخر ثلث ساعه وتشووفه يقلب لك الملعب فووق تحت ,, يعني إلى متى وجيريتس يدخله من أول المباراة ,, ياخي عندك الشلهوب والله إنه أطلق منه .. ولا تنسى خبرة الشلهوب ..

* نيفيز ماكان في يومه والأيام اللي قبل ماكانت أيامه مدري يعني إذا جات المباريات المهمه و الصعبه انكشف الغطاء ..

*جيرتس كان مرتبك في المباراة وأحسه ما يدري وش الطبخه .. كله بغياب الذيب سامي .. غاب سامي ,, وغابت التوجيهات .. <<<< الكل بقول جيريتس مدرب كبير وما يحتاج أحد يتشاور معه .. لكن لا تنسون إننا في أغلب المباريات نشوف قبل التبديل سامي وجيرتس يتشاورون ,, لكن عالعموم كان المفرووض جيرتس يقوم من النوم و يهيج الأمواج ..!!!!!


* حسن العتيبي حارس كبير وفنان .. لكن تنقصه الخبرة في البلنتيات ,, لو تشوف الإعادة يمكن في أخر بلنتيين أو ثلاثه .. كان يتحرك قبل ما تنشات الكووره ,, يعني بلنتي نور الأخير قبل ما يشوت راح حسن يسار ونور حطه يمين لأن القول مكشووف ..!!!!!!!

* رادوي غبت وغابت معك روح القتال .. وآآآآآحسفاه ..

* الجمهور كان ساااكت المفرووض يعني يكون له صوت عشان يحمس اللاعبين ,, لأنه إذا تحمس الجمهور تحمسوا اللاعبين ..!!!!!

* طيب الحين لعبنا بالتشكيله هذي ,, المفروض الشوط الثاني على بدايته ,, يطلع نواف ويدخل الشلهوب أو الفريدي ,, ويطلع نيفيز ويدخل عبدالعزيز الدوسري ,, وإذا ما ضبط الوضع يطلع سلمان ويدخل عزيز ,,
لأنه وش الفايده تدخل عيسى هجوووم ,, وانت أصلاً ما عندك وسط ..!!!!!!!؟؟؟؟؟؟؟؟؟؟؟؟؟؟؟

* ياسر ما جاته ولا كووره إلا بعد التبديلات والحوسه والأشواط الإضافيه ,, في الأشواط الأصليه ولا كووره لياسر ..!
لحد يقول ضغط ومدري وشو اللاعب ما جاته ولا كووره هذا يدل على إن الفشل في الوسط .. والمفرووض جيرتس يتدارك الموضوع من بدري ويبدا تغييراته ..

وفي النهاية إن شا الله ما طولت عليكم ..

وأنا والله ما كتبت هذا الموضوع كرهاً في الهلال ..

إلا والله حباً في الهلال وعشان تصحح الأخطاء قبل ما تطير الآسيوية ..

ودمتم بود ,,