|
من ينقذنا من تعسف المسئولين في وزارة الخدمة المدنية .. الظلم يلحق بنا عيني عينك السلام عليكم في قرار عجيب غريب ويدل على تربص واضح ببعض المتقدمين أعلن ديوان الخدمة المدنية عن فتح التقديم وليس مشكلة أن يفتح ولكن أن يضع شرط من ضمن شروطه أن لاتقل الخبرة عن تسعة شهور وهم يعلمون أن أقصى مايمكن الوصول له هو سبعة شهور فهذا قمة التلاعب بالعقول . كيف تصل الخبرة لتسعة شهور وهي تبدأ من 6- 10 وبعضنا تبدأ لديه يوم 23 - 10 لنقل من 6- 10 وهو أول يوم بالعام الدراسي من هذا التاريخ إلى 5-6 آخر موعد للتقديم نجد أن الفترة يادوب تصل سبعة شهورإذا لماذا تعبنا بالمدارس الأهلية وتحملنا ماتحملنا ولامجال لحصر مانعانيه ونتكبده من متاعب في تلك المدارس وكل يوم يمر نحسبه بساعاته ونخصمه من تاريخ نهاية دوامنا فيها ونقول متى تجي يا 18- 7 ماهذا الذي يفعلون بنا هل يريدون منا أن نوحد صفوفنا ونترك المدارس الأهلية ولك أن تتخيل لو ترك 60 % من الخريجين بتلك المدارس الأهلية مدارسهم وحجم الضرر الذي سيلحق بها . المدرسة الواحدة تترنح إذا قدم واحد استقالته فمابالكم بطاقم سعودي كامل ماذا يريدون من وضعو القياس لعرقلتنا ثم وضعو المقابلات الشخصية ثم الآن بتدمير سلاحنا الذي تكبدنا من أجله الكثير .. بصراحة إما يلغون الخبرات نهائيا وإما يأجلون التقديم أو يمددوه أو يسمحو بتسجيل الخبرات حتى تاريخ 18- 7 أما مايحدث الآن فهو ظلم وتعسف لايقبله عقل ولامنطق لم يبقى لدي أي تساؤل إلا عن ذلك المتعجرف الذي إقترح هذا التوقيت للتقديم على الخدمة المدنية بدون أن يضع بحساباته تضررنا من هذا التقديم .. ألا يكفي أنني تعبت بدورتين خذتها بنفس التوقيت وبالآخر يقولك ماتتسجل إلا وحدة هناك تعارض بالوقت . الحمد لله على كل حال كل عام أنصدم بقرار أقوى من اللي قبله لكن هذا قدر الله وقضاءه والحمد لله أتمنى أن نتعامل بأسلوب حضاري فالتقديمات يجب أن تحدد وكل القرارات يجب أن تتخذ بوقت كافٍ تعال في بداية السنة وقولي التقديم بيكون بشهر كذا ولازم توصل تسعة شهور سأريح رأسي وبلا وجع الأهلية بلا همها .. حسبي الله ونعم الوكيل |
الخدمة المدانية بدات تعمل بشكل صحيح للامانة كما اشاهدها.. لكن ما يعاب عليها انها تنقل قرارات الوزارات و لا تتدخل بها .. فقرار الخبرة اتوقع صادر من وزارة التربية و التعليم لان الخدمة المدانيه قبل فترة وضعت شرط الخبرة 6 شهور ... اما الدورات فأستغرب هذا القرار العجيب .. كان الشرط السابق ان لا تتعارض الخبرة في التواريخ ... اما الدورات فالطبيعي ان تاخذ دورة في وقت وااااااااااحد ... الله يوفقكم و يرزقكم |
حسبي الله على هالفايز مادري قسم بالله وش يحس فيه احسه يوظف العالم من حسابه الخاص وقرارات ينزلها مثل وجه العابس قاهرني بحياتي أقدم وزير متواجد حالياً :ranting: من مسك وزارة الخدمه المدنية مافلتها من يقول لي ليش ؟ s121ss121ss121ss121s اجل بتقديم الأخير لحملة الدبلوم يلغي الخبرات !! وبحجه قبيحة اللي هي فيه ناس ماعندهم واسطه عشان يتوظفون ويكسبون خبرة s121s طيب واللي متوظف بدون واسطه وش ذنبه ؟؟ اللي له ست سنوات كرف بالقطاع الخاص وطفش ويبي ينقل لأهله ويستقر عند أبوه وأمه وجايب خبرة عشان تدعم الترسيم حقه وش يسوي هالمسكين . مانقول الا الله يمحق كل من يقطع ارزاق المسلمين ويشغله بنفسه ويرزقنا اشخاص يخافونك فينا ياعزيز . القحماني مالك الا الصبر والدعاء والاستغفار :smilie47: شكراً على موضوعك خليتني افضفض s121s |
ياويلييي وش هالحكي ..هالحين اختي تتعب وتشقى ودورات وغير تحملها للمدارس الاهليه وبعدها يجون وينزلون هالقرار واااوك لو تدري بتنجلط وبعدين معهم يعني الى متى يلعبوون فييكم وانتم ساكتيين ولا انتو مساكين لاحول لكم ولا قوه حسبي الله ونعم الوكيل بسس ياويلي 9 شهور من وين تجيبونها الا كان تزورونها :d الله يكون معكم وفي عونكم يارب |
|
حسبي الله ونعم الوكيل فيهم... اش ناويين عليه ؟؟يعقّدون الشعب والا ايه.. وما نقول غير الله يخلف علينا بس والله يكون في عونكم... |
أخوي algohmani يعني من بدايتها ما أرجي خير ورآآهم أخوووك بالله أنقبل للمفاضلة في التقديم الأخير حق خريجين الدبلومات,, وأطيـــــــــــــــــر من الفرحة قلت جاتني وظيفة حكوميه.. بلا قطاع خاص بلا هم ويعلم الله مرتين وأروح لفرعهم بالمدينة ومابه لوون .. الموظفين اللي يقول تابع معانا كل فترة سيًًــــر علينا . واللي يقول رآآجع الموقع,, مليت وأنا أزور الموقع حتى خبر للضًـعوف اللي مثلي مافية. لكن الله يرزقنا ويفتحها بوجيهنا إن شاء الله من حيث لانحتسب.. هاذا اللي نطلبة فقط. معلـــيش أخوي شطحت بالموضوع بس كــلنً على همه سرى. |
بصراحه اكثر الشباب ما لقوا نصيب بالوظائف بسبب او بدون سبب جامعي او ابتدائي وتعقيد الدراسة والاختبارات والقياس بس تعقيد يعني والله حرام اسئلة غبية يفقد الطالب نص تعبة بالدراسة وتنقص نسبته التعليمية بسبب القياس دمتم بخير |
حسسسسسسسسسسسسسسبي الله عليهم عذبوا العالم الله ينتقم من الظالم |
وعليكم السلام ورحمة الله وبركاته .. اهلاً وسهلاً بك ابو عبدالله .. ما اقول الا كان الله بعونك وبعوننا .. الامور تزداد صعوبه .. والتعقيد يزيد .. ولكن ادعوا ربك .. وهو يفرجها .. وبالتوفيق لك .. تقبل احترامي وشكري .. دمت بخير |
الموضوع بالنسبة سيحسم غدأ وخبرتي ستكون من بداية رمضان اليوم كلمت الوكيل ووافق بس باقي المدير إن سواها لي جزاه الله كل خير وإن ماسواها فما أقول غير أن الله يوريني يوم باللي أصدر هالقرار الغبي شكرا لكم جميعاً على المرور مع الإعتذار الخاص ل mito alharthi |
ما اقول الا الله يعطيهم على قد نيتهم :wub:( الخبيثة تبعا ) :d هو حل من اثنينs13s يا نحط يدنا بيد بعض ونرقع قضية على وزارة الخدمة المدنية ووزارة التربية والتعليم :s3s: او نصبر ونحط يدنا على خدنا :cry: |
إقتباس:
أنا شنيت حملة لمقاطعة المدارس الأهلية سيتضرر منها التعليم الأهلي ولكن للأمانة شاك بتنفيذ الحملة من قبل زملائي :naughty: لكن نجي للشكوى نقدمها لمين ومين راح يسمع كلامنا .. وزارة الخدمة والتربية كل شهر بقرار ألعن من اللي قبله واحنا مانملك نقول شيء هذا احنا تعبنا بالأهلية وبالأخير ضيعوها الله يضيعهم كنت متفائل ومأمل خير تنحل قضيتي وحتى لو انحلت سيبقى قلبي مع بقية الخريجين لكن لم تحل والسبب ادارة التعليم بعد موافقة المدير وقال انا مستعد اعطيك سنتين لو تبي لكن روح للإدارة والله مايوافقون الا على وقت مباشرتك s121s |
هلا اخوي ,, اولا : اعتذر عن ردي الاول , لاني ماقريت الموضوع تمام ,, ثانيا : الله يعينك اخوي على القرارات الغريبة اللي تصدرها الوزارة , صراحة تعقيد مابعده تعقيد , يعني الواحد عشان يقدم يبي له سنتين يدرس بالاهلية عشان ياخذ الخبرة اللي يبونها ,, الله يعينا على قرراتهم التعسفية اللي تهدف للتقليل من عدد المتقدمين .. تحياتي .. |
أخوي بشكل عام السلك التعليمي من اسوأ مجالات العمل بصراحة .. ومن خلال معرفتي البسيطة ، الأنظمة والقوانين ما تحمي الموظفين والمعلمين! أقلها في نصيب ساعات التعليم .. ما أقول غير الله يكون بعونكم وبعون الجميع يارب |
| الوقت المعتمد في المنتدى بتوقيت جرينتش +3.
الوقت الان » 04:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd