|
تفكير بعـض جماهيرنا للأسف ! بسم الله الرحمن الرحيم تفكير بعض جماهيرنا للآسف ! اشاهد كثير من المواضيع للاسف وليس فقط موآضيع بل ردود وحديث من الجمهور عن الخشونة من لاعبين الاتحاد واصابة نجوم الفريق مثل ويلهامسون ونيفيز وغيرهم ! دايم تبقون ماعندكم ثقه بالاعبين الاحتياط ! طيب واذا اصابو نيفيز وويلهامسوون ! بالتاكيد مانبي ولا لاعب يصيب . بس ليه دايم ماتعطون الاعبين الاحتياط ثقه , نتكلم وكان الهلآل نيفيز وويلهامسون واذا مالعبو خسرنا آسيآ ! ياعيال ركزو شوي نبي فكرنا فكر فني ونفسي على لعيبتنا لو الاعبين الاحتياط شافو كلامنا وش بيكون شعورهم ! احباط نفسي ويقولون حنا تكملة عدد , الهلآل دائمـآ لآيقف على لآعب , ويغيب لاعب يجي الي احسن منه , اتمنى التركيـز من الاعبين بالنهآئي وعدم الخوف والاتفات الي تلك الامور التي تسبب الخسآرة , واراهن ان التفكير في آسيا قبل مباراة النهائي هو سبب الخسارة الحقيقي للنهائي , لننسىآ آسيا مؤقتآ , ونفكـر بالنهائي وبعدها نفكر بآسيآ ورآح تشاهدون النتائج , صدقووني صدقووني لنرتقي بفكرنا نرتقي بفريقنا يعطيكم العافية :rose: |
للـرفـــــــــــــــــــــــع |
كلامك سليم أخوي لكن يبقى فرق المهارة قدامنا دوري ال16 أهم شي في الموسم عموما أنا متفائل إن شاء الله ومشكور على الطرح |
كلام سليم يالغالي ولابد ان يكون هناك فيه ثقه للاعب الاختياطي وبالتوفيق للزعيم |
كلامك صحيح بس فيه فرق بين الاعبين وفارق المهاره والسرعه مثل ويلي ونيفيز في التسديد |
يعطيك العافيه اخوي وصراحه كلامـ جميل بكره بيدنا بطوله المفروض نلعب بكل قوة واللي يجي من الله حياااه الله والزعيم ما يوقف على لاعب محدد |
أتفق معكـ يعطيك العافية بالتووفيق للزعيم يوم الحمعة ........ |
كلامك كله عسل وربي عندنا ناس على الدكه يمثلون اساسين واكثر مع الفرق الثانيه يسلم خيو |
أخوي انا ماقلنا ان الاعبين الاحتياط تكملة عدد لكن ولهامسون ونيفيز مؤثرين جدا في الهلال في مباراة الاتحاد والهلال خرج ولهامسون وضااع الفريق ولاتنلى انهم لاعيبه اجانب ولهم ثقلهم على كل الانديه وكلامي هذا مومعناه ان الهلال يوقف على لاعب واحد لا كلامي انا ان ولي هامسون لاعب مؤثر بالهلال مشكور والله يوفق هلالنا |
بلاش نضحك على بعض , وليهامسون لو توقف مافي احد يغطي مكانه , وخطة المدرب تعتمد على ازعااج المدافعين من ولي , لو عندنا لاعب صاحي ولياقته باسم الله عليه مثل ( وليهامسون ) ذيك السااعه اقولك انت صح ,, وليهامسون ياناس والله طاااقه ماشاءالله عليه , واغلب المباريات الي يلعبها تحصلون فوق راسه لاعبين ولا ثلاثه , جيبولي لاعب مثله وانا اقلكم الهلال مايوقف على لاعب معينَ ,, وجهة نظرك واحترمهاا يالغالي ,, |
الاتحاد مستواه عالي جدا امام الهلال لانهم يخافون منه لكن الهلال قدها دعواتنا للزعيم ان شاء الله 7-0 مادري ليش هالنتيجه من يومين حاس فيها |
ماقلنا الإحتياط ماينفع بس دور السته عشر يبيله لاعبين قد هالمباراه عموما مافيه أحد بيسد غياب ويلهامسون لاقدر الله لاإحتياط ولاغيره ............ |
كلام سليم لكن حنا مانقلل من قدرة لاعبين الاحتياط .. بل نثق فيهم لكن المشكله.. دور الـ 16 وامام فريق يدربه مدرب عالمي ولاعبين خطرين ويعد من افضل الانديه بآسيا حالياً ويجب ان نقابله بكامل نجوم الفريق لكي نضمن التأهل بإذن الله .. وأشكرك اخي على اهتمامك .. تقبل مروري أخاك : للفن أصول |
يعطيكم العافية ع المرور وابدآء آرآئكم , إقتباس:
انت تتكلم عن مباراة الاخيرة في الدوري المحسوم قبل ثلاث جولآت ! المباراة التي لآتعني لنا شيئآ في السنـة ولآ تعني لنا بطولة ! فلن نلعب بكل حماس وقوة للفوز , وكان الفريق متخوف من الاصابات في تلك المباراة , وهي سبب الخسارة , وويلهـآمسون اصاب ولخبطت اورآق جيريتس وتعطل الفريق , ! وبـإذن الله رآح تشوفون الفريق من دون ويلهامسون وشلون ! مشكور اخوي ع المرور |
الاتحاديين معروفين بالخشونة ولكم لاعبي الهلال على قدار المسوؤلية |
| الوقت المعتمد في المنتدى بتوقيت جرينتش +3.
الوقت الان » 03:21 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd