|
مواقع كاميرات السرعه ( ساهر ) في الرياض كاميرات ساهر ومعلومات خطيرة للأسف لا يعرفها سائقي السيارات 1- طريق الامام محمد بن سعود ( الجامعه ) بين كبري ابو بكر (مخرج 6 )و طريق الملك عبدالعزيز (مخرج 5)، كاميرتين باتجاه الشرق و الغرب. 2، امام نادي الشباب مباشره. 3-طريق الملك فهد كاميرتين أمّام وزارة الداخليه بـ اتجاه الشمال والجنوب 4-طريق القصيم عند مقهى المسآفر ( موقع صراحه قوي ) 5-المديور حق ركا [عند الشجر الي اول ماتديور يجيك على اليمين ] ( مقابل بوابه الجامعه (بوابه الكتاب)) 6 -شارع التخصصي بعد الامام سعود (مخرج 9) ووجهك شمال وقبل الامام سعود ووجهك جنوب على طريق الثمامه قبل المخرج إللي يوديك المطار ٧- تركي الاول (مخرج 2) بعد شارع المقاومات بعد طريق الملك عبدالله (مخرج 10) بأتجاه الشمال 8 -طريق خريص بعد (مخرج 13) باآتجاهـ الشرق قبل وكاله هوندآ 9-مخرج 8 وأنت قادم في الدائري الشمالي باتجاه الغرب عندما تأخذ الكبري الخطير اللي يوديك للملك فهد جنوب محددين السرعة40 لوحتين وبعدها كاميرا قدامك المشكلة كيف توصل سرعتك 40 وأنت جاي من الشمالي وسرعتك 120 لو حاولت اللي وراك يصدمك حتى لو مسكت اليمين!!!!!!!!!! 10- الجسر المعلق فيه كاميرا 11-مخرج1 بين كبري العمارية الي كبري الجبيلة مخالفات جديدة .. أذكر منها الأتي : (أ )- عندما يكون مسموح الإلتفاف نحو اليمن والإشارة حمراء ... هنا توجد ملاحظة بسيطة . يجب ان يتوقف قائد السيارة .. لمدة ثانيتين .. قبل خطوط المشاة .. ثم بعد ذلك تعبر الى اليمين .. بمعنى لو لم تتوقف و إتجهت الى اليمين .. فأنت قاطع للإشارة .. والنظام لا يرحم .. حتى لو الطريق خالي .. (( يجب ان تتوقف تماما عن الحركة لمدة ثانيتين .. ثم تتجه لليمين )) . (ب) - نفس الموقف السابق ..ولكن تكون انت في المسار الأوسط .. وتريد ان تتجه لليمين .. فانت قاطع للإشارة .. حتى لو توقفت لمدة ثانيتين .. لذا يجب ان تكون في المسار الأيمن عندما تريد ان تتجه للإتجاه الأيمن من الاشارة .. وتتوقف لمدة ثانيتين .. (ج) - في الاشارات التي لا يوجد بها خطوط مشاة فإن ( عامودي الاشارة هما المحددان لك ) فلا تتجاوز عامودي الاشارة .. ولكن إنتبه قد يكون هناك خطوط للمشاة ولكنها ممسوحة ..! د- عندما تضطر لقطع اشارة .. بسبب حالة طارئة مثل وجود اسعاف او دفاع مدنى ... بعد ان تقطع الاشارة وتفسح المجال لتلك الحالة الطارئة ...تأكد من أن الاشارة ليس بها نظام ساهر .. وإن وقعت عليك المخالفة ... تذكر بأن لك عشرة ايام فقط للإعتراض .. لذا يجب عليك ان تتوجه للمرور .. وتقدم إعتراضك .. وسوف تسقط عنك .. تذكر ( 10 ايام للإعتراض ) . هـ- تذكر النظام يعمل 24 /24 يعني في آخر الليل ستكون الشوارع خالية .. لذا انتبه .. والتزم بالسرعة المحددة . و- حاليا ومن يجد انه ارتكب مخالفات عبر نظام ساهر ... أرى بأن يتمهل في التسديد .. لأني اتوقع بأن ساهر سيجمع اكبر عدد من المخالفات في تاريخ المرور .. وقد يتم النظر في طريقة التطبيق ... لسبب أو لآخر .. لذا اعطى نفسك فرصة , حتى 25 يوم وقبل إنتهاء المهلة ومضاعفة المخالفة ز- للعلم هناك كيبل يقطع الشارع عند خط المشاة مدفون تحت الأسفلت عند تخطيك الخط والإشارة حمراء خلال 10 ثواني يتم تصوير لوحة سيارتك من الأمام والخلف حتى لو كنت ماشي 160 ح- إذا مشيت في شارع التخصصي والسرعة المحدةة 70 ومشيت فوق السبعين وحتى 95 يتم رصد مخالفة عليك 300 ريال وإذا زدت عن 95 تكون 500 ريال وهذا ما يفسر عبارة( بما لا يزيد عن 25 كيلو) أو عبارة( بما يزيد عن 25 كيلو). الكاميرا لا يوجد لديها مشاعر يعني من اول رجل المرور يسامحك إذا مشيت 80 لكن الكاميرا لو تمشي 72 مخالفة على طول وهي نفس اللي مشى 94 والله ظلم نصيحة استعملوا مثبت السرعة على 70 في طريق التخصصي أو اركبوا ليموزين ويمكن للأشخاص الحصول على تنبيه عبر رسائل الجوال بالمخالفة مباشرة دون الحاجة في كل مرة للأستفسار أو الأستعلام عنها وذلك من خلال تحديث بيانات رقم هاتفهم المتحرك الذي يرغبون استلام تنبهات المخالفات علية من خلال الرسائل القصيرة وهذا موقع نظام ساهر الالكتروني http://www.saher.gov.sa/Default.aspx |
طيب انا لوحاتي قديمه ضنك يصيدونا ؟ |
الله يعين الشعب السعودي طيب ليش مايسووون ساهر لسرقة المنازل كل يوم نتعرض للسرقة أعانكم الله |
إقتباس:
والله مدري بس اليوم جاني رساله قسيمه وقعدت اون اون اون اون هههههههههههههههههههه انتبه بس |
إقتباس:
بس ساهر السيارات بتقعد تدفع انت الين تكره العافيه |
أحسن حـــــل : استريح بالبيت !! :s5s: :s5s: :s5s: كرّهونا بالطلعات :mad: يسلمك ربي يالغالي على المعلومآآت .. , |
إقتباس:
انا الحمد لله ولا قسيمه جتني بس خايف من ساهرهم خاصه الي عند نادي الشباب لاني هناك ما انزل عن 160 لين اوصل لسدير s121s إقتباس:
|
هلا والله اخوي .. :smilie47: اللي اعرفه ان اغلب كاميراتهم متنقلة يعني كل يوم بشارع .. :yes: بس الى متى بنقعد نسوق وحنا خايفين .. ؟!!! :( :s2: يازين اول قبل ساهر .. اذا ما شفت دورية والا حط رجلك .. :d يعطيك ربي الف عافية ,, :smilie47: |
,,, أجل شغل قفط من غير رحمه نبي واحد يتكرم ويعلمنا بكاميرات ساهر بالشرقية إذا في ...؟ :s2: ,,, |
إقتباس:
آلحمدلله آحنا البنات ما نسوق توني آحس بالنعمه :d :smilie47: |
عشان فيها فلوس يسوون ألف خطه مثل ساهر لكن لو فيهم خير وفعلا يهمهم المصلحه العامه كان اهتموا بالعاطلين اللي مو لاقين ياكلون |
.. .. .. .. .. .. ياحول الي ماله بريــــدة :d من جد الله يعينكم ..:( .. .. .. .. .. .. |
والله ما لقاها الا البنات :mad: احس فيني نذاله ودي البنات يسوقون بقعد اضحك عليهم ضحك تشوفها متحجبه اذا شافت كاميرا عشان ما تصورها ههههههههههههههههههههههههههههههه |
شي يقهر والله والعسااكر الي منثرين عند كل اشااااره يخلصون دفتر في ساعه والله يكفينا شرهم |
طيب هالنظام السروقي كم بيجلس :d لا تقولون مكمل الى مالا نهايه :( |
| الوقت المعتمد في المنتدى بتوقيت جرينتش +3.
الوقت الان » 04:49 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd