الله يستر


أنا عداد

بس تخيلو أجي استجوب واحد وأقوله عطني اسماء البنات والأولاد وأعمارهم وفيش يدرسون ويمحطني بالخيزران

لا والمصيبة أسأله ها فلانه ولدت اخر 12 شهر ماباقي الا اقول في بطنها شي ومتى راح يطلع


هنالك أسئلة من الممكن جلبها للعداد عن طريق جهات رسمية اخرى هل يعقل لايوجد مصدر يجلب لي معلومة عن ذلك الطفل المولود إلا إني أسأل رب الأسرة ها فلانه ولدت اخر 12 شهر


الشغلة ماهي جرأة مني فأنا جريء اكثر مما تصوروا لكن ياخوفي أحصل واحد متنح ويقول يابوي وراك جاي تسأل عن أهلي لم أوراقك وتوكل



للأمانة التوعية بأهمية التعداد كإستبيان احصائي شامل وخصوصاً بهذا العام ضعيفة جداً ولم أرى تحرك إعلامي توعي بالشكل المطلوب فلاتستغربون أتغيب عن ملاعب الانترنت شهرين للإصابة واطب بواحد مايعرف الله واقوله وش اسماء بناتك واعمارهم يصهدني وقبل يطردني يسنعني هو وعياله


هناك أسئلة كان من الممكن جلبها عن طريق الانترنت وبعد ذلك تكون المهمة هي التأكيد على البيانات المسجلة لإحتمال وجود بيانات غير صحيحة .

فليس من داعي لمعرفة كم عدد التلفزيونات بالبيت مثلاً وكم عدد الكمبيوترات ولاباقي الا يعرفون كم عدد اشرطة البلاي ستيشن


أعي بشكل كامل ومتكامل أهمية التعداد السكاني بشموليته الحالية ولكن ليس كل البيانات مطلوبة عن طريق المقابلات الشخصية مع رب الأسرة وكان من الممكن تسهيل مهمة العداد بشكل أكثر مما هي عليه مع تطور التكنولوجيا والإتصالات وتقنيات الانترنت .


أعي أهمية ظهوري بشخصية تعطي الآهالي صورة حسنة وكذلك أهمية نقل تصور عن أهمية التعداد لكني أطالب المصلحة بتكثيف الإعلانات والتركيز على أهمية الإدلاء المعلومات التي قد تتسب للبعض بالحرج وإن كنت شخصياً لا أرى بها شيء عادي هذا شخص جاي يقدم خدمة للبلد ويعمل استبيان يهمك ويهم عيالك فمن باب أولى أن تتعاون معه .

فيه ناس عيالهم ما سجلوهم وما أضافوهم بدفتر العائلة

العداد مشكلته مشكلة اللي ما سك حي راقي يابخته لكن اللي ماسك أحياء ثانية الله يعينه

مشكلة شعبنا للحين فيه ناس يفكرون بطريقة شوي غبية ولو توعية مليون مرة ما فهم وما أقتنع

الله يعينك على من بتقابل ومبروووووك الوظيفة مع أنها متأخرة شوي

أهم شي أنك تفضح المدير

ذكرتني بزوج عمتي كل يوم أفتش وراه أبي أعرف هو متزوج على عمتي أو لاء لأنه منرفزني

وفوق هذا دايم أحرضها عليه لي متى وهي هبلة

بالحب والإشراق

إقتباس الرسالة الأصلية كتبت بواسطة رائدة الزعيم فيه ناس عيالهم ما سجلوهم وما أضافوهم بدفتر العائلة

جبتيها على الجرح .. !!

في طفل أعرفه الآن يبلغ من العمر 9 او 10 سنوات ... تصدقون لو أقولكم إنه إلى الآن لم يسجل في دفتر العائله ..!! بل والأدهى والأعظم من ذلك أن أبوه الذي طلق أمه بعد محاولات دامت سنتين .. الحمد لله طلقها وارتاحت هي منه .. لكنه رفض أن يدرج إسم إبنه إلى دفتر العائله إلى بتحقيق شرط تعجيزي .. أعتقد أنه تم تحقيقه وتم ادراج الطفل .. إن صدقت تلك الأخبار التي وصلتني .. وان لم تصدق فـ إنه لا زال بدون هوية وبدون إثبات يدل على انه انسان وجد في الحياه ..!!


لا حول ولا قوة الا بالله

عندما تقسوا القلوب .. لا تفرق بين طفل او رجل ..

الله يعيييييييينك ياشيخ على التعداد

جانا واحد مره حق التعداد
فتحت له الباب وقام يسأل
ورديت عليه ,
المهم يقول ياشيخ والله شغلتنا تعب
فيه اوادم ماتفهم واسلوبهم يرفع الظغط
قلت ليه ؟
قال تصدق حتى (الستكر) اللي نلصقه على الباب
يقول لاتحطونه !! لا تخرب منظر الباب

يقول عاد من زين بابهم كله ستكرات حقت مطاعم

.,

والله توني ادري انكم بترجعون مره ثانيه

بصراحه بعترف بشي لكم ياحقين التعداد
انا زدت واحد بالتعداد
عيدو مره ثانيه عدو
ذاك اليوم ماجاني النوم
انبني ظميري هههههههههههه
خربت تعداد السعوديه

إقتباس الرسالة الأصلية كتبت بواسطة Ricky 8 كهرب ولا مويه <~ برى مهمة التعداد السكاني صعبه وصعبه للغايه خصوصا ً في حينا الي حنا فيه ... والله يا اذكرلي موقف مع التعداد .. كنت وقتها في المرحلة الإبتدائيه .. واحد من الاصدقاء جاله واحد من العدادين على قولتك عاد البزر اذبحه بس لا تقوله وش اسم امك .. المهم سأله العداد هذا وش اسم امك وخواتك عاد شف وجهه قلب الوان قوس قزح مرة احمر ومره اصفر ومرة برتقالي وقلبه يخفق والعرق يتصبصب .. والحاله حاله .. تحس مسوي جريمة .. .. الله يقويك على هالشغله .. وزي ما تفضلت المشكلة الكبرى هي عدم توعية الاهالي سواء عبر التلفزيون او بتوزيع نشرات في المساجد او اي مكان .. وبيني وبينك اتوقع اغلب الاحصائيات عكس الواقع .. لان بعض الاسئله زي ما تفضلت ما لها داعي عشان كذا طبيعي تلقى العداد ما يذكرها لتجنب الكوارث التي سوف تقع لاهنت قحماني والله يوفقك

هههههههههه حلوه عداد موية ولاكهرباء

حياك شوف وانا اخوك لازم العداد يكون عنده أسلوب عشان يأخذ المعلومة يعني على قولتهم بالدورة التدريبية واحد دق الباب وقال صاحب البيت مين قلت انا اطلع

بالله ذا اسلوب انت مين

والله اني من جنبها ولاعندي أسلوب لكن بالعين الحمراء أعد جميع السكان والأهالي بعدهم وإما طلعت بالمعلومة وإما طلعت وعيني ملكومة

نورت

إقتباس الرسالة الأصلية كتبت بواسطة رائدة الزعيم فيه ناس عيالهم ما سجلوهم وما أضافوهم بدفتر العائلة العداد مشكلته مشكلة اللي ما سك حي راقي يابخته لكن اللي ماسك أحياء ثانية الله يعينه مشكلة شعبنا للحين فيه ناس يفكرون بطريقة شوي غبية ولو توعية مليون مرة ما فهم وما أقتنع الله يعينك على من بتقابل ومبروووووك الوظيفة مع أنها متأخرة شوي أهم شي أنك تفضح المدير ذكرتني بزوج عمتي كل يوم أفتش وراه أبي أعرف هو متزوج على عمتي أو لاء لأنه منرفزني وفوق هذا دايم أحرضها عليه لي متى وهي هبلة بالحب والإشراق

وليكن كم نسبتهم 1 % قولي 3 % بس بقية الشعب مسجلين ..

أنا بودي يعاد النظر حول البيانات التي تستوفى من رب الأسرة اما كل البيانات فهي مملة أنا متأكد ان كذا رب اسرة راح يمل مني عاد من زين وجهي

وماينلام الإستمارة طويلة مره ومرهقة


التوعية ستفيد في حالات كثيرة وتبقى الحالات المستعصية اللي ماتنظف لو تايد يتدخل فيها شخصيا ً



هههههههه انتبهي تدهوري عمتك

منورة وشكرا لك على تواجدك

الله يعينك بس مااتوقع ان فيه ناس عايشين في عصور الظلام ..

يعني وش راح يصير لما اذكر اسم واحده من اخواتي او اعمارهم ..

وبعدين ليش ما يسون تعداد من المستشفيات الي تصدر شهاده ولاده وشهاده وفاة اريح ..

صدق انهم يعطونك 200 ريال على اليوم ؟؟

إقتباس الرسالة الأصلية كتبت بواسطة هــ0ـلالـ2ــي أن شآءالله تنقل بالريــآض وتجي عندنــآ بالحي .., يآعندنآ وآحد يقــآله عـآتق<< مررهـ أسمه روعه المهم عــآتق هآذآ شـآيب.. أجل شآب هههههههه هذآ الأسم أنقرض أصلآ مآبقىـآ غيرة بالأسم هذآ المهم عـآتق عندهـ ., درزن.,لا لا لا .. درزنين .. لا لا لا ..ثلاث درآزن عيآل بس,ركز على بس ((مآشآءالله)) البنآت الله يستر عليهم مدري ..كم<< طيب وش دخلك أنت..,هههه والله عيــآله بس جيش.., هآآهـ طحت بوآآحد زييه..,؟ مشكوور علىـآ هيك موضووع.. ,

إقتباس الرسالة الأصلية كتبت بواسطة ! Google أجبرتني للعودة للقسم من فترة طويلة ولكن موضوع يستحق النقاش عنه . أعتقد أننا يجب أن نكون في مرحلة أكثر وعي لن نذكر أنهُ يجب أن نكون حضاريين حتى لا نُتهم بالتخلي عن التقاليد والعادات ولكن فعلاً الموضوع يستحق الجرأة قليلاً . فـ مثلاً عندما أعطيه كم عدد البنات أو حتى أسمائهم فـ أين " العورة " هنا ؟!! نحتاج لتوعية في هذا الجانب سواءً مرئياً أو مسموعاً أو مكتوباً . ولا أنسى أن أطلب منك قبل المغادرة بيتين من كتابتك

سعيد جداً بتواجدك اخي الكريم ونورت الموضوع

يارجال قالو بنبدأ السبت وين السبت المفروض كل الأسبوعين الماضية اعلانات والتلفزيون يشتغل برامج توعوية .. ويكثفونها من يوم السبت

شوف يالغالي انا اثق ان الوعي ازداد ولكن برضو باقي مخيخات بتجيب الصداع للعداد



منور

إقتباس الرسالة الأصلية كتبت بواسطة أزرق والقلب أبيض الله يعيييييييينك ياشيخ على التعداد جانا واحد مره حق التعداد فتحت له الباب وقام يسأل ورديت عليه , المهم يقول ياشيخ والله شغلتنا تعب فيه اوادم ماتفهم واسلوبهم يرفع الظغط قلت ليه ؟ قال تصدق حتى (الستكر) اللي نلصقه على الباب يقول لاتحطونه !! لا تخرب منظر الباب يقول عاد من زين بابهم كله ستكرات حقت مطاعم ., والله توني ادري انكم بترجعون مره ثانيه بصراحه بعترف بشي لكم ياحقين التعداد انا زدت واحد بالتعداد عيدو مره ثانيه عدو ذاك اليوم ماجاني النوم انبني ظميري هههههههههههه خربت تعداد السعوديه

اذكر جانا عداد وانا بأبها وقعدت استهبل عليه الحين جا دوري يستهبلون علي

بالنسبة للاستكير شرهتك على اللي قراه مليون مره مافهمه دلالة الأرقام هههههههه اذا قريت عن الأرقام حقته احس اني غبي

بس انا عن نفسي يومياً اطالع بالملصق ودي انزعه من باب شقتي من جد والله خرب الباب هههههههههههه معاهم ولاعليهم

وش زدت اي واحد يتزوج ويخلف ولد يحسب حسابه ان خرب التعداد حقنا وبدل مانصير 21 مليون نصير 21 مليون وواحد ركزو الواحد مهم

منور ياغالي

إقتباس الرسالة الأصلية كتبت بواسطة _ricardo_KAKA الله يعينك بس مااتوقع ان فيه ناس عايشين في عصور الظلام .. يعني وش راح يصير لما اذكر اسم واحده من اخواتي او اعمارهم .. وبعدين ليش ما يسون تعداد من المستشفيات الي تصدر شهاده ولاده وشهاده وفاة اريح .. صدق انهم يعطونك 200 ريال على اليوم ؟؟

صدقني مازال هناك نسبة ماهي بسيطة ممن اسميتها بالعايشة في عصور الظلام

المستشفيات وغيرها كان من الممكن تعطينا بعض المعلومات ويكون دورنا فقط تأكيد دقتها

يعني الحين كل واحد يولد او يموت عندهم خبره لكن تعال مثلا سؤال عدد التلفزيونات ابي افهم ليش

ورة ماحسبتو الغسالات والبتقازات ( صح كذا ) والبلاي ستيشن

بالنسبة ل200 والله قليلة في العمل اللي راح نسويه غير أن الواحد مرتبط بمدرسة من الساعة 6 الى وحده ونص وبعد العصر على التعداد لين 9 ونص ثم بالمكتب لين 11

يعني وش بقى من وقت 200 مو كافية