بيبي غورديولا وما يفعله في برشلونة
 

السلام عليكم
أنا لست من مشجعي برشلونة ولكن مايفعله غورديولا من تخبطات في التشكيلة في كل اسبوع على سبيل المثال
البدء في غابي ميليتو في مباراة مصيرية ضد انتر وهو خسر المباراة الاولى 3-1 على الجهة اليسرى بالرغم من وجود ماكسويل وابيدال على قائمة البدلاء ومن ثم اخراج ابراهيموفيتش وادخل بويان بالرغم ان انتر مطرود منه لاعب وفي المباراة التي في السان سيرو اخراج ابراهيموفيتش وادخل ابيدال وهو خسر 2-1 وفي الكلاسيكو بدا بالفيس في الوسط الايمن وبويول في الجهة اليمينة وبين الشوطين اراجع الفيس الى مكانه الطبيعي ومن نقل بويول الى الجهة اليسرى ووضع ماكسويل وسط ايسر فكيف لمدرب مثل هذا ان يدرب برشلونة

بكل اختصار .. عنصرية بيب هي من ساهمت في ( اضعاف ) برشلونه ..!!

عنصرية بيب ... هي من اخرجت ايتو + 40 مليون مقابل (( ابرا )) في مقلب غريب صعب يبتلعه حتى نادي النصر ( العاطفه هزمت العقل ) ..!!

عنصرية بيب ... هي من اجلست توريه الدكه واشركت ( المايع ) بوسكيتس منذ فتره ليست بالقصيره ..!!

عموماً , بدأنا نرى ( اسرع ) بادرة ندم في تاريخ الكره بتقديم عروض مجنونه للمبدع ( فيا ) قبل انتهاء الموسم , والبعض ذكر انها ( حُسمت ) بانتظار نهاية الموسم للاعلان ..!!

لا اتوقع رجوع البرسا لسابق عهده بهذه المنهجيه ..!!

بارسا ( هنري + ايتو ) مع المجموعه الحاليه صنع السداسيه ..!!
وابرا ... ( يا قلب لا تحزن ) ..!!

من هالحاله واردى يا برشا
وكفووو يا مورينهو

::

بالفعل عنصرية هي المبرر الوحيد
مع إن بيب من أولى صفقاته سيدو كيتا مع دانيل ألفيش

مشكلة بيب خروج البرسا
دائما الهزيمة تصنع الأسئلة والمشاكل


×

انا معك انو بيب عنده تخبطات كثيره هالموسم...وتقدر تقول عنصريه أو انه يحاول يثبت ان شباب الكتلان مميزين...!!
لكن انك تهضم حق ابرا هالموسم...هذا شي غريب...!!
من خلال متابعتي للانتر ايتو ما يقدم أي شي للفريق غير الركض والصراخ:)...!
ايتو في الموسم الماضي كان منتفخ ولياقته منتهيه ومهمل جداااااا....ما يستحق اللعب لفريق مثل البرسا...!!!
هذا غير انه كان مخرب على الفريق جماعيته بكثرة انانيته
ابرا من الهدافين هذا الموسم وقدم بداية قياسيه وكان متفاهم مع المجموعه...لكن الاصابات لعبت فيه لعب...!!
وهنري انتهى لياقيا وفنيا من الموسم الماضي...وخل عنك المجاملات!!!
أنا اشوف ان الفريق كمستوى فني افضل من الموسم الماضي لكن بيب سوا حركه بايخه..وهي مكابرته واصراره على اللعب برأس حربه واحد طوال الموسم...!!!!!!!!!
يعني اذا غاب ابرا تورط البرسا وضاع لأنه يلعب بدون راس حربه..!!
فيطر انه يلعب ابرا عند اول عوده له وبعدها ترجع له الاصابه...!!
جوارديولا لازم يشوف حل لبديل في راس الحربه والجناح الأيسر والظهير الأيمن لأن الفيس اذا غاب انتهت خطورة الجهه اليمنة بحكم ان بويول منتهي هجوميا..!!

يظل بيب جوارديولا أحد افضل المدربين في الوقت الحالي لكنه كابر هالموسم وما تعاقد مع مهاجم في الانتقالات الشتويه..عشان كذا يتحمل التبعات وانا والله كنت متوقع في أكثر من مره انه ما راح يقدر يكمل الموسم بالهنقص الكبير في الفريق والترقيع باللاعبين الصغار!!

يعني عشان مباراة تهدم اللي سواهـ كله

أنت تكلمت عن مباراة الريال مباراة الريال التشكيلة اللي لعب فيها لخبطت أوراق أبو ضاري والكل أجمع على نجاح هالحركة

تتكلم عن دخول ميليتو في مباراة الإنتر

أنت تدري إن الإنتر يلعب معاهم إيتو وميليتو ولا ما تدري ؟؟

هاللاعبين ممكن من هجمة وحدة ينهي لك المباراة فهو حطه كتأمين دفاعي عشان بيكي يأخذ راحته بالتقدم

وإذا بتقولي طيب طلعه في الشوط الثاني لأنه شاف إن موري ما يبي يهاجم

ما يبي يحسمها

شاف موري مقفل ورا وقال خلهم يأخذون الكورة

لاحظنا لاعبين برشلونة في كذا لقطة يهدون اللعب يبون لاعبين الإنتر يأخذون الكورة عشان يفتحون الملعب شوي بس لاعبين الإنتر ما يهاجمون يقطع الكور ويشتتها يرجع يدافع وهذا تكتيكهم محد يقدر يعترض عليه لكن بنفس الوقت ما يهدم شغل قوارديولا

تغيير إبرا وببويان هو صحيح المفروض إنه يطلع كيتا وينزل بويان

لكن إبرا نفسيته زفت وتفكيرهـ بعيد عن المباراة + يبرد الهجمات في منطقة الإنتر برود موب طبيعي

فأنت اختار تطلع مهاجم بارد وتنزل مهاجم متحرك وتسرع الهجمات ولا تنزل مهاجم زيادة بس الهجمات باردة زي ما هي


قليلا من المنطق أخي الكريم

مدرب في ثاني سنة تدريب له وفي فريق كبير زي برشلونة وسوا شي ما سواهـ أي مدرب قبله ما تغفر له غلطة بسيطة أفقدته بطولة ؟؟

تبي الصراحه توفق كثير لكن المره هذي ماتوفق

ولا نلومه ولكل جواد كبوة مدرب شاب ومجتهد

بيب لو هو السبب في خروج البرسا من دوري الابطال فدووهـ له , لو مانحقق مع بيب اي بطولة الموسم هذا عاادي

ولو اني اشووف ان بيب اخطأ في المباراة الاولى من مباراة الانتر انه لعب في ابرا هجووم لو لعب في تشكيلة الريال الذي فزنا بها 2 - 0 , يكوون كلام ثاني .

ما اشووف ان بيب له بصمه كبيرة في اخراج برشلونة .

وجهة نظري ماتوفقت اخووي في موضوعك .

اصلا جوارديولا مدرب محظوظ مشت معه العام الماضي الست بطولات خصوصا ابطال اوروبا تاهله للنهائي على حساب تشلسي ظلم وغش وفشل تحكيمي
اجل مدرب يحقق ست بطولات العام الماضي والعام الحالي لم يحافظ عليها وقد يخسر بطولة الدوري ايضا

88888888
ياليتهم امرحو
اجل مشت معه 6 بطولات
اجل لو مامشت ولا بطولة ؟ الله يصلحك بس اشوى ان المدارس جت وفكتنا منك
اما بالنسبة للي يقول غوارديولا عنصري فوين العنصرية ايتو 29 سنة وافريقي يعني ممكن يخرب عليك الدعوة في اي لحظة ولا تنسون دروقبا النجم الاول لتشلسي بعد رحيل مورينهو وخاصة عند قدوم سكولاري كانوا ينوون بيعه لأن الافريقي عندما يكبر في السن لا تستطيع التحكم به فالخلاص منه ابرك اما بالنسبة لقولكم بعدم نجاح ابراهيموفتش وانا ارى عكس ذلك فهو اتى من دوري محصن دفاعيا وطريقة لعبة ممله ومختلفه 180 درجة عن المتعة الاسبانية وجلس فيه 6 مواسم وهذا اول موسم فأكيد الوضع بيختلف عليه وايتو كذلك مانجح في الانتر ولا هوب ناجح لأن الانتر ليس بالفريق الذي يساعدك على النجاح اما اللي يقول بوسكيتس مايع ؟ لاعب مهاري ومحور دفاعي من الدرجة الاولى تقول عنه هالكلام ونفضل عليه يايا توري مع احترامي لياياتوري بس عصبيته اكثر في المباريات ولازلت تتباكى على هنري؟ اذا هنري معترف بنفسه ان مستواه الفني هابط والمفروض هنري يكون هذا اخر موسم له 33 سنة وفرنسي وش ترجي من وراه ؟
وفي الختام 6 بطولات في موسم انجاز لا احد يستطيع الاتيان به وان شاء الله هالموسم تصير بطولتين يعني 8 بطولات في موسمين مع مدرب لمدة موسمين فقط ؟
انجاز لم يسبق تحقيقه .

الحين .. اذا ما دخل لاعب او شي .. صار عنصري ؟ ..

ولو انه الاتهام هذا اشوف ماله داعي ادافع عنه فيه .. ومابيقولها الا واحد مايتابع برشلونه .. مهما كانت درجة متابعته

اذا هو عنصري .. ليه بيحاول يتعاقد مع اديبايور .. او بيحاول يفكر في تراوري لاعب بوردو .. او بيفكر في سانيا .. وليه يشرك كيتا دائما .. وليه معجب جدا بأبيدال ؟!

او اذا هو عنصري لهالدرجه .. ليه بيعطي مكافآت المباريات الا كان ياخذها في قطر الى عمال نظافه في النادي ؟!

ارحمو عقولنا بس .. المدرب مومحتاج يعامل ذو البشره السمراء معامله خاصه علشان يقولو عنه رجال ومو عنصري وراعي اخلاق ..

مقلب ابرا ؟! .. ولو انه الشي مبكر للحديث عن مقلب .. باقي سنوات عديده في عقد اللاعب وارقام اللاعب تختلف عن مسمى مقلب .. بس فييا .. مطلب لأي نادي .. واذا فكر فيه النادي .. ماهو شرط علشان ابرا .. ترى هنري انتهت رحلته مع البارسا وعادي يجيبه برشلونه كجناح

وبعدين الا يقر الردود .. يحس من كلامكم بانه برشلونه يجهز نفسيات جماهيره للتعامل مع الدرجه الثانيه

ياريت تكون فيه منطقيه شوي .. فيه مسببات للخروج من كل بطوله .. بس مو عنصريه وتخبط ومادري ايش

مانشستر / ليون / ميلان / ارسنال / تشيلسي .. كلهم طلعو .. عادي .. اللعيبه بشر

موسم يسبق كأس العالم .. وبعد موسم سابق شاق جدا بعد مالعب الفريق كل المباريات الممكنه

وشو يعني ؟ ما يهبط تركيزهم شوي ؟

الكلام على انه برشلونه اضعف من العام الماضي ! .. حاليا الرصيد النقطي في الليغا اكثر من النقاط الا اخذها بختام العام الماضي ! .. خرجنا من نص نهائي امام فريق كبير وماينقصه اي شي علشان يفوز على برشلونه ! وعلى النقيض تماما .. العام الماضي اللي هو اقوى من الحين تأهلنا من امام تشيلسي بتأثير اخطاء تحكيميه .. على عكس هالموسم الأضعف خرجنا بتأثير اخطاء تحكيميه علينا

مادري .. غريب

المنطقيه زينه ترى !