*

السلام عليكم ورحمة الله وبركاته

أصعب موضوع يمّر علي
يمكن لأن ضميري صاحي ويأنبني بشكل رهيب
صح ان علاقتي بالنت ما تتعدى المجلس العام والفورم سبرنق
لكن أنا موب راضيه عن حالي أبد
ما أشوف ان فيه استفاده مني هنا
كله ضحك واستهبال
وماخذه الدنيا سهاله
ونسيت ان فيه ملكين يسجلون كل شيء

*

قبل فتره التزمت وصرت ما أسمع أغاني ولله الحمد
صرت أخفض صوتي عند السواق ومع البائعين
طبعا عبايتي على الراس واسعه بدون تخصير ولا زينه
وصح اني ألبس نقاب بس عيوني أغطيها
لكن حاليا قررت ألبس القفازات السوداء والشراب الأسود عشان يكتمل ستري

*

يا ما قلت بأترك المجلس بس غصب عني أرجع له وربي
صعب صعب صعب جداً علي اني أتركه
بس ان شاء الله ربي يعيني على فعل الخير
والواحد منا ما يدري متى يموت
على الأقل أخليكم وأنا طيبه وبخير وعافيه
أحسن من ما تسمعون خبر موتي

*

أحبكم في الله ما أبي منكم شيء في هذي الدنيا
بس أبيكم تبيحون مني وتحللوني وتذكروني بالخير
وتدعون لي بالثبات ويجعلني من عباده المستورين من فوق الأرض ومن تحت الأرض وفي يوم العرض
عسى ربي يجمعني وإياكم في الفردوس الأعلى بإذنه
الله يجزاكم عنّي كل خير .

*

أستودعكم الله الذي لا تضيع ودائعه

[متآبعه بصمت ]

أسأل الله لي ولكِ الثبات والهداية وأن يغفر لنا ما قدّمنا وما أخّرنا
مالذي يمنعنا أن نكون مثلها ونشارك في المنتدى !!
هل في ذلك خطأ ؟!!
جميعنا نشعر بتأنيب الضمير ومحاسبة النفس مجرّد ما نضغط على أيقونة إيقاف التشغيل !
لكن نحاول أن نعدّل ونصحّح الأخطاء في كل مرّة ولا تنسيّ " كلنا ذوو خطأ "
راجعي نفسك وصحّحي أخطائك " إن كان هناك أخطاء " والأهم العوّدة !
::

اللهم دبّرني فإني لا أُحسن التدبير :ba1:!!