نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى الجمهور الهلالي (http://vb.alhilal.com/forumdisplay.php?f=28)
-   -   اتركوا الشاشات للسيدات...(عليكم بالمدرجااااااات).. تعالوا شوفوا وش سوا فيني الهلال!!!! (http://vb.alhilal.com/showthread.php?t=890150)

احبك..ياهلال.. 30/04/2010 05:45 AM

اتركوا الشاشات للسيدات...(عليكم بالمدرجااااااات).. تعالوا شوفوا وش سوا فيني الهلال!!!!
 
السلام عليكم..


(صباح/ مساء) الخير لكل الزعماء الغالييين والزعيمات الغاليااات...

اول شي معليش اخواتي الزعيمات بس ممكن تتكون على جنب شوي؟؟

ههههههه (يمزح) ولا زعيمة تعصب علي:mad:

بس احب اخص الزعماء الذكور بهالموضوع
رسالة لجمهور الهلال العريييض..
رساله لكل هلالي عاشق للهلال...
لن احدد الي فالرياض فقط
دعوة لكل من له الاقدرة على الحضور والمساهمة في زف العريس الهلالي لنهائي كاس الملك..
حتى لو كنت فالصين وعندك القدرة عالحضور فلا تبخل على حبيبنا الهلال..


انا بصراحه ازعل كثيييييير من بعض مشجعي الهلال الي يتابعون المباراة في خلف الشاشات حتى لو كانت ضد فريق الجبلين
عاد كيف بمباراة ديربي؟؟؟ ونص نهائي؟؟؟ اوووووه والله قوية

انا عندي بعض الاخوياء هلاليين لاكنهم ما يحضرون للملعب وبصراحه اعذارهم بااايخه..
ممكن يكون التلفزيون امتع بالنسبة لهم بخصوص الراحه والاعادات البطيئة وغيره من الاعذار الي اشوف انها ما تساوي حب الزعيم...
صدقوني الي يحب الهلال راح يحضر ويضحي بهالراحه لعيون ابو مساعد وعيون اللاعبين وجيريتس..

انا ولله الحمد المباريات الحاسمة الي حضرتها كلها فزنا فيها
جمييييييع مباراياتنا الي حضرتها مع النصر فزنا فيها والمبارايات الي فاز فيها النصر كنت غايب عنها باعذار صعبة والله...(طبعا مو عشاني غبت انهزمنا اكيد هذا قدر)
مبارات ولي العهد حضرت وفزنا وصارلي في هذيك المبارات حاجه ما انساها...
بعد هدف ويلي قمت من الفرحة وحسيت بدوخه وطحت مغمى علي..
كنت ما اقدر اتحرك ولا اتكلم,,,
بس كنت اسمع صياح الجمهور الهلالي يهز الملعب...
كنت اتمنى اقدر اقوم واشاركهم لكني عجزت..
شاركتهم بدموعي...
والله بكييت من الفرحه....وقسم بالله شعووور خيااااالي ما يحس فيه الا الي يحب الهلال من قلب...:ba:

رفضت اطلع المستشفى الا لين تنتهي المباراة...
انتهت المباراة وبدا الجمهور يطلع وانا باقي منسدح على الصبة في المدرج ومعي خويي ..كنت صاحي بس ما كنت اقدر اوقف على رجولي لان السكر عندي (طاااااح تحت) لاني كنت صايم هذاك اليوم
جابلي خويي ببسي وفطيرة مدري وش اسمها الي يبيعونها فالملعب..
بعد فترة المدرج تحول الى شبه فاضي كان منظر بااايخ بصراحه..
طلعنا برا وراح خويي يقرب السيارة وبديت اصحصح ويوم رجعت البيت حسيت بالم في راسي ورحت المستشفى طواري ودخلت عالدكتور وقلتله السالفة,,
قالي ان هذا شي طبيعي خاصه اذا تحول الشعور من زعل الى فرحه مفاجئة ونصحني ماعاد احضر...

هههههه

والله انك تسمع بها يادكتور وقلتله يادكتور اذا بيغمى علي فرحاا للزعيم فمرحبا الف بالاغماء من الفرحه..وقلت له انت ما تحب الهلال ولا كان اغمى عليك زيي(هذي قوية شوي)...

الموقف الثاني كان قريب في مباراة الهلال والسد الاياب راحت علي نومه ذاك اليوم وقمت متأخر وشغلت السيارة وعالدائري(حتى غسلت وجهي فالسيارة من العجلة) وكانوا اخوياي ينتظروني فالملعب ومستغربين تاخري..

المهم وصلت عند الاستاد وباقي ربع ساعة عالمباراة شوي ويدق علي ولحد من اخوياي هلالي

قالي: وينك؟
بعدين قطعني وقال: لا ترد اكيد فالملعب..
قلتله: انت وينك؟
قال: فالبيت
قلت: ليش ما تحضر
قال: ماعندي سيارة!!
قلت: يالله انا جاي اخذك

ديورت من عند الملعب ورحت ابي اجيبة وبيته ما هو بعيد من الملعب ...المهم وانا ماسك طريق جابر ومقلع ابي اوصل بسرعه دخلت طريق الملك عبودي وحطيت رجلي عالصاجه.. حسيت الموتر يقول يرحم اممممك بشويش..
شوي يسقط علي راعي هايلوكس وانا الي اسير على ظهر موتره...
وياليل ابو لمبه..الحمد لله سلمت لكن موتري وموتر الرجال انعدمت..
جونا نجم وغلطوني 100 بالمية لان ما عندي رخصه
قالولي وين التامين؟
قلت ما عندي..قالوا طيب بتدفع للرجال وتتصالحون...
فزعولي الشباب وجمعنا 5000 ريال لكن الرجال عيا
يقول ابي 15000 لان سيارته وكاله 2010 وبصراح هشمت ظهرها..
طلبته يرحم امك خفض المبلغ شوي
لكن الرجال عيا (شكله نصراوي)
قال حق نجم ما فيه الا التوقيف؟؟؟
المهم ما اطول عليكم لكن راحت علي ذيك المباراة,,وجعلكم ما تدخلون توقيف مرور الشمال...




خلاصة القول...
انا يوم الاحد ان شاء الله حاضر مع اني طالب فكلية الطب وقسم بالله عندي اختبار يوم الاثنين جاااامد لكني شديت حيلي في هالويكند وحبست نفسي عشان يكون عندي مجال احضر....




طلبتكم يا زعمااء خلوها فل..
حلات الاستاد ممتلىء بجمهور الزعيم..
تكفوووووون نبي نفلل كل المقاعد الهلالية زي مباراة الذهاب واكثر بعد...


اخر شي اختم برسالة موجهة للزعيمات..

خلاص يا زعماء تكوا على جنب انتهى ووقتكم..جاء وقت الزعيمات
ههههههه (يمزح) ولا زعيم يعصب علي:mad:

لا تحرمونا من دعواتكن يا زعيمات من خلف الشاشات وهذا الي نبيه منكن ولا تبخلون على الهلال


ختاما....

شكراا لكم..
ويا حلوكم من مشرفين واعضاء
والله لايغير علينا في هالمنتدى.........


محبكم...




احبك..ياهلال..:alzaeem:

احبك..ياهلال.. 30/04/2010 06:00 AM

بانتظار الرفع يا احلى مشرفين

wem11 30/04/2010 12:59 PM

(احبك ياهلال) انت رائع ذكرت مواقفك , والمؤازره, والتضحيه الله الله الله عليك يوم قريت موضوعك كامل حسيت هالكلام

دايركت تقوله بوجهي ع العموم<<< سجل عندك حااااااااااضر من اجلك يازعيم<<< خمتكم بالحضور يالرقم الصعب

احبك..ياهلال.. 30/04/2010 01:40 PM

انت الاروع الي عطيتني من وقتك...
مشكور عالمرور الجميل وبالتوفيق لك ولزعيمنا في المباراة الجاية.......

هـلالي بالسماء عالـي 30/04/2010 01:54 PM

اول شي لاتتكلم على الجبلين رجاءً > الي يسمعه يقول عمره شاف مباراة للجبلينhttp://www.walroo7.com/vb/images/smilies/wafe48.png
هههههههههههههههههههههههههههههههههههههههههههههههاي
الحمد لله على سلامتك والزعيم يستاهل من يضحي عشانه
s115s
ان شاء الله الي يقدر اكيد راح يحضر المباراة
اما الي يقدر ومايحضر وخاصه من الرياض
بصراحه ماادري وش اقول عنهم لاتعلييييييق http://www.walroo7.com/vb/images/smilies/wafe42.gif
شكلي راح اتعامل معهم بالاسلوب الثانيs55s :ad:
الله يعطيك العافيه اخوي
ماقصرت




!هلالي حتى الموت 30/04/2010 01:57 PM

يعطيك العافيه على الموضوع المحفز للجماهير ,,,,

سجل عندك ان شاء الله اكون اول الحاظرين,,,,


بالتوفيق لــــ الهلال

سلطان نجــــد 30/04/2010 02:03 PM

طرح راقي

واتمنى ارى جمهور يملاء الدرهـ

تحياتي

هلالي والقلب ساري 30/04/2010 02:21 PM

إقتباس:

الرسالة الأصلية كتبت بواسطة هـلالي بالسماء عالـي (مشاركة 14895016)
اول شي لاتتكلم على الجبلين رجاءً > الي يسمعه يقول عمره شاف مباراة للجبلينhttp://www.walroo7.com/vb/images/smilies/wafe48.png
هههههههههههههههههههههههههههههههههههههههههههههههاي
الحمد لله على سلامتك والزعيم يستاهل من يضحي عشانه
s115s
ان شاء الله الي يقدر اكيد راح يحضر المباراة
اما الي يقدر ومايحضر وخاصه من الرياض
بصراحه ماادري وش اقول عنهم لاتعلييييييق http://www.walroo7.com/vb/images/smilies/wafe42.gif
شكلي راح اتعامل معهم بالاسلوب الثانيs55s :ad:
الله يعطيك العافيه اخوي
ماقصرت





كلش الا الجبلين خلك مأدب:mad: :cry:

KendeL 30/04/2010 02:23 PM

أحمد ربك يارجال أنا أتصقع بقسايم طول الوقت في مكة عشاني هلالي < السيارة كل أمه هلالية
عندنا العسكر كلهم إتحادية و نصراويين
بس لجل عيون الزعيم ناخذ قسايم << إيشبه يسددها هههههههه (والله يعرفونها)

بالتوفيق و أكيد بنحضر لاتشيل هم الأمير عبدالرحمن طلبنا و لا يهون أبو مساعد

جماهير الزعيم ... لبوا النداء

عاشق ياسر والزعيم 30/04/2010 02:27 PM

ياسلالالالالام اي جنون يمتلكه مشجعوا الازرق

والله انا بعد يجني صياح وبكاء كل هذا فداء للزعيم

مستـ عزوووزـــر 30/04/2010 02:28 PM

ههههههههههههههههههههه تكفى ارحم نفسك ولاعاد تحضر




مشكووور على الموضوع الحماسي وبالتوفيق للهلال يارب

مرعب الخصوووم20 30/04/2010 02:29 PM

مشكور ويعطيك العافيه انشالله الحضور يبيض الوجه

9 زعيم ومن قدي20 30/04/2010 02:31 PM

استمتع بالقصه صراحه يعطيك العافية ربي
وكلامك سليم100%
وتقبلو تحياتي:ابــــــــــــــــــوعلي

عليا الهلاليه 30/04/2010 02:36 PM

رائع وقمه الروعه موضوعك

باذن الله الدره بتمتلي

الله يعطيك الف عافيه

وهبي الزعيم 30/04/2010 02:38 PM

هههههههههههه

قدام مشينا من اليوم للملعب

التذاكر علي؟

ازهلوه!!!!!!


الوقت المعتمد في المنتدى بتوقيت جرينتش +3.
الوقت الان » 01:16 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd