[c]بسم الله الرحمن الرحيم

السلام عليكم ورحمة الله وبركاته..

أخواني أعضاء منتديات شبكة الزعيم..كما عودناكم في المرات السابقة في استضافة عضو من أعضاء الشبكة .. ويكون الاختيار حسب تميز العضو أو مكانته أو موقعه في الشبكة..

واليوم يتجدد لقائنا بكم عبر منتداكم العام وبصحبتنا ضيف عزيز.. محبوب من الجميع عرفه الجميع بمشاركاته الكبيرة وله العديد من المشاركات المميزه والمفيدة وهو دائم التواجد بالمنتدى بالمشاركة وبالردود على جميع مواضيع اخوانه الاعضاء .
لا نريد الإطالة عليكم في المقدمة فـ ضيفنا لا يحتاج منا الى تعريف ، نترككم مع ضيفكم لهذا الاسبوع لتلقى اسئلتكم نترككم مع (( صمت العيون ))

بعض المعلمومات عن ضيفنا لهذا الاسبوع .. [/c]

إقتباس [c] صمت العيون عضو نادر تاريخ التسجيل » 10/06/2002 البلد » بحر العيون مجموع المشاركات » 839 [/c]

دعوتنا بالتوفيق للأخ الغالي صمت العيون ...

@ ملاحظة : للضيف الحق في عدم الإجابة عن أي سؤال يراه غير مناسب .

هلا بالأخ صمت العيون

س / ماذا يعني لك هذا الأسم ( صمت العيون ) ؟
س / ماذا تعني لك شبكة الزعيم ؟

والله يعينك على الاسئلة اللي من الاعضاء


تقبل تحياتي.

الحمدلله ثاني متسابق والله عجزت اسبقك يا الوليد بأي موضوع ما شاء الله عليك لكن سأغلبك متحمس



ياهلا والله بصمت العيون سؤالي
س1) كيف لقيت المشرفين على الموقع في حل الكثيرمن مشاكل الأعضاء؟

أخوي صمت هلا وغلا فيك !!

عندي سؤالين الأول :
لو كنت مكان نيوتن يوم سقطت التفاحة هل ستفكر بنفس تفكيره أم لا ؟؟؟؟


الثاني سؤالي المعتاد :
وانت جالس بجانب البحر رايت عضوين هما ( شموخ والبارق) يغرقان أي منهم سوف تنقذ ؟؟



تحياتي لك والله يعينك على اسئلة الأعضاء

هلا صمت العيون

لو رجع الزمن ألى اليوم الذي أشتركت به في شبكة الزعيم هل ستغير أسمك


وياليت بطاقتك الشخصيه

بــســـــــم الله الــرحمن الــرحــــيــــم .....

السلام عليكــم ورحمــة الله وبركـــــــاته...

[COLOR=blue] أولا ً : حــبــيــت أرحــب با العــضــو الرائــع بل والأكـثر من رائــع[/ COLOR]


((( .... صمـــــــت العـــيــــــووون .... )))


العــضــو الخــلــوق.. العــضــو اللي ينــور كـل مــوضـــوع

لمــا يــرد عـلـيـــه... العــضــو اللي لــه مــكــانتــه..

ولــه قــيــمــته الكــبــيــره عــنــدنــا..

العــضـو اللي كل وااااااااحد من اعضــاء الزعــيـــم يكــن لــه..

مــشــاعــر المــحــبه .. والـوفـاء .. والتــقــديــر..

لــــو تــكـــلــمــت من ها اللحـــظـــه الى ...... ما لا نهــــــايـــه.......

لا يمــكــن اني اوفــيه حــقه...

(( === لآ ن شــهـــــادتـــي فــيه مـجــــرووووووحـــه === ))

وهـــــــاذي أســألــتـــي يــا صمــــــوووتي وأتــمــنــى تــجـــاوب عليــهــــــا.........؟

(( إذا قال لك أبـوي الكـنـز نـوااف... متى بـتــجــيب المهــر..؟شــراح تــرد عــلــيــه...؟

---------------------------------------------

(( صمــت العــيــون..... وش يعنــــي لك هـــا الإســم ..؟ وليــــه اخــــتــرته...؟

--------------------------------------------

(( لــو شــفــت ابو الذهـــب وجــهــا لــوجــه...!!!!.... وش راح تقــــوووول له...؟؟؟

-------------------------------------------

((لو كــنــت وزيـــر... مــيــن تـرشــح مـن اعضـــاء المنتـــدى يــكـــون وكـيــل وزااااااره.......؟

-----------------------------------------

(( لو ربحت مــلـــيوووون ... في برنــامج ( من سيربح المليووون )...,, كــم راح تــعــطـــيــنـــي....؟؟؟هههههههه

---------------------------------------

أرجـــــــــو انــي أكــــــــــون مـــــاثقــلــت عليــــك با الإســـألــه....

السلم عليكم ؛؛؛؛؛؛؛؛؛؛

هلا والله وغلا


بصموته
هههههههههه

امزح صموت


عندي سوال

س1/ كم وجبه تاكل في اليوم ؟
وكم مره تنام في اليوم ؟
ولو سمحت ممكن صورتك‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍!!!!!!!!!!!!!!





يالله مع السلامه

هلا اخوي الغالي صمت العيون
انا عندي سؤال واحد بس
سؤالي هو : وش ودك تصير بعد ما تخلص من الكليه؟

هلا اخوي صمت العيون



انا عندي سوال واحد

لو خيروك تقايل شخصيه سياسيه من تختار تقابل ؟؟ ولماذا اخترت؟



:ولك تحياتي


اخوك صوت الزعيم

صمت هناااااا...؟؟..

الله حيووووووو... ;) ..شالاخبار؟؟

ابشر بالاسئله اللي مالها اخر..بس استحمل يالبطل والمعرس الجديد ;) ..

1-من هو أول عضو اخطبك بالمنتدى..قبل لايدري انك ولد مو بنت.؟؟

2- ايش رايك بخطابه المنتدى..؟؟

3- متى يتم عرسك من شهد..؟؟..

4-ماذا يعني لك الكنز نوااااف والمهر..؟؟

5-من هو العضو اللي تموت من الضحك من رده..؟؟

6-البطاقه الشخصيه..؟؟

7-من العضو او العضوه اللي ودك انك اتقابله..؟؟

8- ايش رايك بالكويت..؟؟ ومااجمل مكان ودك تروحله بالكويت..؟؟

9-من هي اجمل عضوووه او عضو بالمنتدى..؟؟

10-ايش رايك في موضوع مطلوب عروسه..؟؟..وهل اسفدت منه..؟؟;)

11-ايش رايك بالمنتدى الزعيم..؟؟

12-ايش رايك بالمشرفين الحلووووين.؟؟;)

13-ابأي خريطه تقع بحر العيوون..؟؟;)

14-ماهو شعورك اذا عيونك مشرف..؟ هل توافق او تقبل؟؟.. <--لا مالها طريق

------

وووووودي احط اسئله بس ازحّم عليك...يالله اخلي الباقي للاعضاااء

[gl]اشكر الاشراف العام على الاستضافه واتمنى ان اكون عضو خفيف عليكم وسهل البلع
اهم شي يا اخوان ارفقوا علي بالاسئله [/gl]

[c][gl] الوليد [/gl] [/c]
س / ماذا يعني لك هذا الأسم ( صمت العيون ) ؟


الصمت يعني السكوت والهدوء اما العيون معروفه ما يحتاج<<<بالله عمركم شفتوا عيون تتكلم
اما اجابتي الحقيقه فالاسم يعني لي الشئ الكثيييييييييييييير

س / ماذا تعني لك شبكة الزعيم ؟

وش تبيني اقول فيها اخاف اهضم حقها..... بس شوف قبل امس كم وصل عدد الزوار...... وهذا وش يدل..... اكيد ابداع من يوم لاخر
وانا معشش بالمنتدى بس اخاف يجيني احد المشرفيين ويقول وين الاجار
ومشكوووووووووووووور على اول سؤالين حلوين

[c][gl]ابو سعود الهلالي[/gl] [/c]
س1) كيف لقيت المشرفين على الموقع في حل الكثيرمن مشاكل الأعضاء؟

وش ناوي عليه اخوي انا ما اعرف اتكلم بالسياسه ترى فيها قص ارقاب طيب نتكلم بس لا تعلم المشرفيين ما يقصرون وجهودهم كبيره لانجاح المنتدى ما نقول الا لا يحرمنا منهم والله يعطيهم الف عافيه والله يكون بعونهم عليينا
يسلموا السؤال السياسي بس الله يرحم والديك لاتعلم اني حشيت فيهم
[c][gl]الكنز نواف[/gl] [/c]
لو كنت مكان نيوتن يوم سقطت التفاحة هل ستفكر بنفس تفكيره أم لا ؟؟؟؟

وشو نيوتن هذا اكيد الخباز اللي يبيع فول في محل على الشارع لا تخافون انا مثقف اعرف نيوتن
لو كنت مكانه اكيد بدون تردد اكل التفاحه

وانت جالس بجانب البحر رايت عضوين هما ( شموخ والبارق) يغرقان أي منهم سوف تنقذ ؟؟

لو انهم عزيزين وغالين بس حياتي اولى يعني اروح اجازف بعمري واموت وهم اللي يعيشون بعدين انا ما اعرف اسبح <<<جحد يعني انه ما يعرف يسبح
ومشكوووووووووووووووور على الاسئله المحرجه لكن حلوه من خالي...

[gl]البقيه له رجعه للرد على ردودهم واللي يبي يسأل الله بالاسئله اللي تجمد على الشارب بس شوي شوي علي[/gl]

[c][gl] (ابومحمد) [/gl] [/c]
لو رجع الزمن ألى اليوم الذي أشتركت به في شبكة الزعيم هل ستغير أسمك

انت تو قايل انا احسن اسم كيف تبيني اغيره <<<صدق انه احلى اسم
لو رجعت عجلت الزمن الى الخلف لو ما فيه امل (ولا حصه ) اختار اما بحر العيون او صوت المحبه...

وياليت بطاقتك الشخصيه

المشكله بطاقة الاحوال متقطعه وحالته حاله يعني باقراء اللي واضح <<<افهموها يصرف
الاسم/سليمان الـ***** <<<ماني معلم
العمر/ قاعد اركض في التسعة عشر
التعليم/توني متخرج من الثانويه والحين بكلية الاتصالات قسم شبكات حاسب الالي
الحاله الاجتماعيه/توني خاطب وحده من بنات المنتدى
الهويات / النت شي طبيعي واشياء اخرى احتفظ بها
السكن/باحد بيوت الرياض بجنب جيرانا ساكنين
الطول/طويل بس ما ادري كم
الوزن /عصقول يعني نحيف ولا ادري كم
يسد هذا والا اكمل

[c][gl] شهدالدلوعه [/gl] [/c]
حــبــيــت أرحــب با العــضــو الرائــع بل والأكـثر من رائــع ((( .... صمـــــــت العـــيــــــووون .... )))

مشكووووووووووووووره على المقدمه اللي خلت شدوقي حمر يعني احرجتيني بالمقدمه وطبعا هذي مجامله لا تخليني اصدق

(( إذا قال لك أبـوي الكـنـز نـوااف... متى بـتــجــيب المهــر..؟شــراح تــرد عــلــيــه...؟

مزهب المهر بس انتظر اقابله خالي وان شاء الله الزواج قريب

(( صمــت العــيــون..... وش يعنــــي لك هـــا الإســم ..؟ وليــــه اخــــتــرته...؟

كنت افكر باسم اسجل فيه بالمنتدى وانا قاعد اهوجس وبنات افكاري يطلعن من راسي طلعت اثنتين وحده تقول صمت والثانيه تقول العيون بعدين ربطت الاثنتين مع بعض وطلع اسمي كذا... بس السبب الحقيقي اللي خلاني اختار الاسم ما ادري

(( لــو شــفــت ابو الذهـــب وجــهــا لــوجــه...!!!!.... وش راح تقــــوووول له...؟؟؟

اتمردغ في بطنه <<<<دليل على الترحيب الحار

((لو كــنــت وزيـــر... مــيــن تـرشــح مـن اعضـــاء المنتـــدى يــكـــون وكـيــل وزااااااره.......؟

وزير <<<<<<<تخيلوا الوزير صمت العيون
اما اختار وكيل وزاره مع حبي وتقديري لكل الاعضاء اختار خالي الكنز نواف

(( لو ربحت مــلـــيوووون ... في برنــامج ( من سيربح المليووون )...,, كــم راح تــعــطـــيــنـــي....؟؟؟هههههههه

اعطي خالي المهر والباقي نتقاسمه بيننا

أرجـــــــــو انــي أكــــــــــون مـــــاثقــلــت عليــــك با الإســـألــه....

يسلمووووووووووا على الاسئله الحلوه والصعبه بنفس الوقت واذا عندك اسئله بعد حطيها <<<فاضي
[c][gl] ahmad_351 [/gl] [/c]
س1/ كم وجبه تاكل في اليوم ؟

بعض الايام وجبه والغالب وجبتين اليوم من الصبح الى الى كتابة الرد ما طب فمي الا اني تقهويت وقعدت اقدع من التمر <<<<بس وش السالفه على هذا السؤال

وكم مره تنام في اليوم ؟

ما احب النوم كثيييييييييييير انام باليوم بالكثير 6ساعات<<<بس وش سالفة الاسئله اليوم

ولو سمحت ممكن صورتك‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍!!!!!!!!!!!!!!

مشفرها صالح كامل يعني ادفع وتجيك

[gl]مشكووووووووووووووووورين على الاسئله وراجع لاكمال الاجابه على الاسئله بعد الفاصل الاعلاني[/gl]

زين ما اختروا والله ...

هلا اخوي صمت العيون ...

عندي لك كم سؤال :

1/ ما الفرق بين صمت العيون و عيون الصمت ...؟؟؟

2/ لو انك مكان كوفي بن عنان وش راح تسوي في ظل الازمه الحاليه بين العراق وامريكا ...؟؟؟

3/ ضع لنا مرادفات على الاسماء التاليه :
حبي تيماوي ، البارق ، ابو سليمان ، سهل 888 ، المملكه ، نجمه الابداع ، الهلاليه للابد ، ولا يهون الاعضاء الباقين ...

4/ الصداقه تحمل في معناها الكثير ...
هل لك ان تكتب لنا اربع كلمات تحمل معنى الصداقه بشرط ان لاتتجاوز الاربعه احرف ...؟؟؟

واتمنى ان لا اكون قد اثقلت عليك ...

ولك مني اجمل التحايا ...

اخوك / عــــ الهلالي ــارف ...

هلا وغلا أخوي صمت العيون


أولا ليش تزعل إذا أحد رد عليك يا أختي ؟؟

ماذا يعني لك السعودي أسامه بن لا دن و الأمريكي جورج بوش ؟

هل ترى أن نلسن مندلا وفق بخاتمة كتابه ؟

والسلااااااام ..

الاخت العزيزه / صمت العيون

أولا : اتمنى لك التوفيق في الاجابه على أسئلة الاعضاء

ثانيا : ما رايك في العضو i.f.a بكل صراحه .

ثالثا : من يقول الزين ما يكمل حلاه

******كل شي في حبيبي اكتمل

******الله اللي كمله و الله عطاه

****** ما بقي للزين في خلي محل

رابعا : تقبلي تحياتي .