كبير يابو دعيع .. وهذه كبووة جواد يالغاااالي

وتبقى كبير بعيووونا

وشيء أكيد ماراح ننسا ماقدمت للزعيم يااازعيم

الدعيع مو طبيعي اليوم ...!!!!!

ماحدث للدعيع لا يتجاوز نطاق المعنويات فقط

كان ودي نتأهل لدور الـ 16 من غير خسسسـآره


والدعيع بها المباراه جــآآآآآآب العيد


بس يـــــلآ

كبوووة جواد يالدعيع ونعوض بالجاي ان شاء الله

لكن الدعيع في الاونه الاخير صار تجيه اهداف سهله جدا


الله يعين بس

إقتباس أي كبوة جواد ياعم ! الدعيع خلاص انتهى يجب على الدعيع إذا كان يحترم تاريخه يجب عليه إعلان إعتزاله نهاية هذا العام

هذا الكلام وبيض الله وجهك

ان شاء الله البطوووووووووولة من نصيب الزعيم

اتمنى ان الدعيع ما يلعب في مباراه النصر لانه بصراحه كان مبدع في الدوري هالسنة هدف حسين عبدالغني وهدف القرني الي راقب في القائم

ياخي الدعيع الله يهديه مستهتر بزيادة واهداف والله لو تشوفها سهلة تجي عليه والله ما تدخل حتى على حارس عمارة يعني الهدف الثالث يطق الكورة ويروح وراها والله لو انه هيقيتا واحنا ما ندري

ياخي المشكلة لو تتذكر هدف محمد نور البلنتي والله الدعيع مدري وش يحس فيه حسيت انه يمثل في كابتن ماجد والهدف الثاني من زيازيه مدري وش اسمه الدعيع كأنه بيصد بلنتي ولا تقدم

الاهداف الصعبة يصدها لكن السهلة تدخل عليه وتذكرو هدف التعادل للاهلي الاماراتي كيف ثبت الكورة لمهاجم الاهلي

الدعيع ما قصر لكن نقول لا تلعب باعصاب جمهور الزعيم وخلاص دع الفرصة لغيرك

نقول مبرووك لـ الزعمآإء المستوى المشرف
وهاردلك النتيجه

والدعيع يبقى كبير ، والاخطآء عاديه يسويها اي حآرس بالعالم .. بحكم ضعف الدفآإع اليوم .

يرجال مبارات تحصيل حاصل مو مهم الفوز ولا اللعب بجدية اهم شي الاحتياطيين شاركوا بعد انقطاع طويل

الدعيع فقد حساسيتة على الكرة اخر مباراة لعبها كانت امام الفتح قبل 3 اسابيع

الدعيع في المباراة مو في الفورمة والهدف فدوة لعيونه بس الادوار المقبلة ما تبغى نصف غلطة

سلامات انت واياه لعبو الفقراويه واعلامهم في عقولكم ترا والله مالشوكة في حلوقهم إلا الدعيع

ياخي بوفون ديدا كاسيس الحضري الخ يغلطوا وأخطاء فادحه ..ليه الدعيع لحاله في الفريق

وين الدفع اللي متقدم وش تبون من الدعيع يسوي يعني ..اجل عزيز جناح سلامات
بعدين ترا الارضيه ماهي ارضسة ملعب إلا زريبة غنم وانتو بكرامه


خليكم واعين وهذا ابد ابدا مو وقت انتقاد وانتقاص


الف الف شكر للدعيع وبيض الله وجهك يابوعبدالعزيز وإلى الامام يابطل ..كما عهدناك واثق الخطى يمشي ملكاً

بعض التعليقات تذكرني بتعليقات أطفال النصر ..ياربي لك الحمد