في صالة تزلج الزعيم يلعب بإستراحة في النظيم .. والسماء تمطر ديزل هههههـ موضوع للفرفشة و الضحك - نادي الهلال السعودي - شبكة الزعيم

عاشق الهلال 79 · #1 27/04/2010, 07:35 PM

السلام عليكم ورحمة الله وبركاته

مسيتم بالخير جميعا واللي جاي متأخر نقوله صبحت بالليل !!

اعذروني مانمت من امس مواصل وتابعت المباراة و انا مواصل..
آخر المباراة منعمي على قولتهم (( تشوف الحمار ديك !! )) هههههههـ

مباراة أقرب وصف لها بأنها ترفيهية للزعيم يعني فاضين ورحنا نطقطق
معاهم شوي أنا توقعت نهاية المباراة يجي واحد ويقول : يالله العشاء ياشباب !
>>> ليه طالعين استراحة بالنظيم هههههههههـ

من جد مباراة مدري وش تبي لا من لعيبتنا ولا من الفريق الإيراني !!
اما الفريق الإيراني والله ياهو من جنبها والله ياهو مايديرها ..
ولايدري وينها مفترة .. أكثر شئ ضحكني اللاعب الخطير حقهم
اللي مسجل هاتريك على السد يوم إنفرد بالدعيع وشاتها سماء
ماهي يم ديرة ههههههههـ اول ما شاتها طاح علينا عصفور من السماء !!
والا حارسهم الكذاب اللي قام يتبطح يوم شاف محد عطاهـ وجهـ
نفض فلينته وقام هههههــ توووحفه على باله نهائي بطولة حواري ..!
من جد الخوجلي أسس له مدرسة حتى في إيران يطبقونها ..!

أما لعيبتنا حدث ولا حرج .. ضاعوا وسط صالة التزلج الإيرانية ..
ماعاد فيه بريكات حسيت إن السماء امطرت ديزل مهو بماء ..!
وبالذات الدعيع و الغنام ... وعلى طاري الدعيع شفتم يوم طلع للكورة
التسلل هذيك يوم زحلط الله يجزاهـ خير أبو عبدالعزيز ..! ههههههـ
احس إنه يوم قام بعدها قاعد يردد : يالله حسن الخاتمة هههههههههـ
والا العابد يوم عجز يمسك بريك وضف له لاعب جابه على أقصاهـ
والفريدي اللي حسسني إننا من جد نلعب مباراة تحصيل حاصل
هو الوحيد اللي ادى دورهـ صح .. استهبال وضحك وونااااااسة
وماخذ الدعوة هيط نوعا ما الله يصلحه بس ..!
هجمة يسحبهم لك ويصنع هدف .. وهجمة يسلمها للحارس ومعها بوسة
على الراس ..! من جد ماعرفنالك يا أحمد بس تبقى الموهبة تفرض
نفسها بس لو الله يفكك من النرفزة الزايدة وتهدي اعصابك ..!
المحياني .. العابد .. الدوسري .. الغامدي .. الدفاع ماقصروا صراحة
قدموا اللي عليهم .. والحمد لله تاهلنا على خير .. اللي علينا نسويه هالحين
إننا ننسى هالمباراة بخيرها وشرها ونبدأ نفكر بشكل إيجابي لمباراة النصر
وكذلك يجب علينا أن ننام إذا سهرنا و أن ننصفر إذا تطلب الامر ..
>>> ننصفر يعني ننام بعنف هههههههههـ

موضوع للترفيه والضحك والفرفشة لاتأخذونه على محمل الجد
حتى الآراء اللي فيه معرضه للإنقلاب بأي لحظة ..
>> الدنيا ماعاد فيها أمااااان زي أول كل شئ ممكن يتغير خخخخخ

دمتم بود
تصبحون على خير
عاشق الهلال 79

هلاااالي ولي الشرف · #2 27/04/2010, 07:48 PM

ههههههههههههه

يالبى الي يفهمون ياعالم مباراة تحصيل حاصل لا تلومون الدعيع ترى شايل حمل دفاع شاب واضهره شابه ومرتبك مهما كان هو بشر خفوا شوي على الزعيم

تحيتي لك اخوي وموضوع توووحفه

كارلوس العنزي · #3 27/04/2010, 07:52 PM

هههههههههههههه

ياخوك شف تصاريحهم يقولون بالمعنى , حنـا رايحين نبي نطقطق وكلن يطلع مهاراته ونرجع هههه

والدعيع يوم هدفهم الملغي , الاوف سايد , هههههههههههههههههههههههههههههههههههههههههههه < فاجر ضحك على آبو عزوز

..

كل الشكر لك صاحب الموضوع

غرشوبه }~ · #4 27/04/2010, 07:59 PM

والله حتى انا مواصله مانمت , بس ماقدرت اتحمل بديت اغفي وانا قاعده من الصغار
وخذيت لي غفوه , ثم صحيت وجلست اشوف مباراه

ذكرت مباراتنا آخر مره بالاستراحه , لا بعد حراستي احسن من حراسه ابو دعيع اليوم .

صح متأهل , وباقي متأهل , بس عالاقل لا يحرمنا متعة اللعب .
الله يعطيك العافيه ,

انسه رجه · #5 27/04/2010, 08:06 PM

iههههههههههههههه الله يوسع صدرك

لكن احنا عصبنا سبب حبنا لفريقنا مو حلو الواحد يسكت على الخطاء
بس مو معناها زعلنا
بالعكس الحمدالله ع كل شي

مكشور ع الموضوع الشيق والعلمي <<من جنبها

الهلال بـ ع ـيوني · #6 27/04/2010, 08:19 PM

هههههههههههههههههههههههههههههه
وربي تمتعت بموضوعك يرد حرتي من الدعيع<الله يهديه هع

،، ζ ĠάŝǿǾS ░█ · #7 27/04/2010, 08:25 PM

هههههههههههههههههههههههه

الله يسعدك ياشيخ

بس عجبتني حقت الدعيع يوم يقول

.. يالله حسن الخآتمة ..

غشاهم موج · #8 27/04/2010, 08:35 PM

ههههههههههههههه الله يوسع صدرك

على قولت عدويه ... وبحب الناس الرايقه .. اللي بتضحك على طول اما العالم المديئه .. انا لا مليش في دول ...
كككككككخ يسلمو على خفت الدم

وارثــ الزعامه ــــة · #9 27/04/2010, 08:39 PM

إقتباس

الرسالة الأصلية كتبت بواسطة عاشق الهلال 79


	السلام عليكم ورحمة الله وبركاته وبالذات الدعيع و الغنام ... وعلى طاري الدعيع شفتم يوم طلع للكورة التسلل هذيك يوم زحلط الله يجزاهـ خير أبو عبدالعزيز ..! ههههههـ احس إنه يوم قام بعدها قاعد يردد : يالله حسن الخاتمة هههههههههـ تصبحون على خير عاشق الهلال 79

وعليكم السلام والرحمه

ههههههههههههههه
أتمنى ادخل في مخ الدعيع ابي اشوف وش كان يفكر يوم انطلق

وانت من اهل الخير

العشق أزرق · #10 27/04/2010, 09:03 PM

ههههههههههههههههههههه

تحياتي يا زعيم

هلالي ياسري 20 · #11 27/04/2010, 09:07 PM

ههههههههههههه

يالبى الي يفهمون ياعالم مباراة تحصيل حاصل لا تلومون الدعيع ترى شايل حمل دفاع شاب واضهره شابه ومرتبك مهما كان هو بشر خفوا شوي على الزعيم

تحيتي لك اخوي وموضوع توووحفه

Moath434 · #12 27/04/2010, 09:33 PM

هههههههههههههههههههههههه

الله يسعدك ياشيخ

keefee · #13 27/04/2010, 09:42 PM

بعض الاعضاء يبحث عن زياده عدد المشاركات

تقبلوا تحياتي

برنس الشوق · #14 27/04/2010, 09:41 PM

مباراااة للصغااااار لكي يتعودون ع اجواء المبارياات القوية وشارك اكثر من 7 لاعبين من الصغاااار يعتبر انجاز لهم بالعب في ايرااان والطق طقه معهم هع هع هع

الفريدي لاتعليييق هو الي فهم المباراة لو حدة اخذها عباااطه ههههههههههه

تحياتي