صديقي الاتحادي يقول واحدة بواحدة ....... وانا اقول الزعيم مايرضى
السلام عليكم ورحمة الله وبركاته
هذا الموضوع يمكن يكون سابق لوقته بس محتمل يصير واقع والعلم عند الله محمد البكر على غفلة
بعد نهاية مباريات الذهاب في كأس خادم الحرمين صار نقاش بيني وبين صديق اتحادي وهو للامانة برغم عدم حبه
للهلال الا انه يعترف بقوة الزعيم
اثناء الحديث بيني وبينه قال الحين الهلال والاتحاد هم الاقرب للتأهل لنهائي خادم الحرمين واحتمال كبير يتواجهون
في ثمن النهائي في دوري المحترفين الاسيوي يعني بيلعبون ضد بعض مباراتين حاسمتين واتوقع والكلام له طبعا
ان كل فريق بيفوز في مباراة وصعب فريق ينتصر في المواجهتين وسألني عن المباراة اللي اتمنى يفوز فيها الهلال
رديت عليه انه اذا حصل توقعه والتقى الفريقين في المباراتين انا متأكد ان الزعيم مايرضى بانصاف الحلول
ومستحيل يتنازل عن الفوز في اي مباراة مهما كانت
قال الاتحاد رجع لمستواه ومايفوز عليه الهلال مرتين متتالية قلت رجعة مستوى الاتحاد كذبة وصدقتوها والسبب
فوزكم على الزعيم ساعدكم نفسيا مع انكم تعرفون كيف تحقق الفوز وباي طريقة رجعتم للمباراة بس بتشوف
لما تتساوى الفرص وكل فريق ياخذ حقه ان مافي فريق يوقف في طريق الهلال باذن الله
ختنما الحديث انه واثق من كلامه ومن توقعه اما انا ثقتي في الزعيم بعد الله سبحانه وتعالى مالها حدود وان
غد لناظره قريب ننتظر ونشوف
الوضع المتطور
