|
كواليس مباراة شباب الشباب والهلال+ شبيه الريح مطلوب عصرا مع الدعيع+ياأهل العريجاءوالسويدي والدخل والبديعه الوعد الملعب اليوم بسم الله الرحمن الرحيم ألف تحيه للزعماء ونتمنى للجميع ان يكونوا بصحه وعافيه وبصراحه عندي موضوع من مده كنت أبغى اكتبه عن الفئات السنيه لكرة القدم لكن العجز ومايسوي وكل يوم يوم لكن جت الظروف اللي لازم الواحد على الاقل يكتب شي يخدم هذا الكيان وأفضل شي ان يكون الموضوع على شكل نقاط: (كواليس مباراة شباب الشباب والهلال ) 1-كانت المباراه على ارض نادي الشباب وكان الحضور جيد خاصه في الشوط الثاني ولكن كانت اغلب الجماهير هلاليه كالعاده ولم نسمع لاي صوت شبابي وكأن المباراه تقام على ارض الهلال. 2- كانت الاجواء قبل المباراه مميزه وكان الجو كروي وكانت السماء ملبده بالغيوم لكن سرعان ماتغير الى الاسوأ. 3- بعد مرور 25 دقيقه أوقف الحكم المباراه حرصا على سلامه اللاعبين بسبب موجة غبار قويه ودخل اللاعبون داخل غرفة الملابس واستمر الجمهور في المدرجات والبعض داخل الممرات وفي الدرج بسبب الاتربه والرياح القويه. 4- بعد أكثر من 30 دقيقه خرج الحكام للملعب لرؤية الجو وبعدها امر الفريقين بالنزول للملعب . 5- أجرى الفريق الهلالي تبديله المبكر بدخول عبدالكريم القحطاني وذلك في الدقيقه 25 من الشوط الاول. 6- كان الشوط الاول شبابي بحت وفي الشوط الثاني تفنن فهد الجهني والسويلم في اضاعة الفرص المحققه امام الباب وسط حماس واندهاش كبير من الجمهور. 7- أثرت الاجواء السيئه على المباراه وكانت التوقفات مسيطره على المباراة فقد اوقف الحكم المباراه حينما رفع الاذان لصلاة المغرب. 8- تابع مدرب الهلال المباراه من المدرجات وذلك بسبب طرده في مباراة الاتحاد السابقه. (شبيه الريح ونواف بن سعد وجريتس والدعيع) أعزائي اللي تابع مباراة شباب الزعيم والاتحاد اكيد شاف وقفة ادارة نادي الاتحاد ومحمد نور مع اللاعبين في الملعب ومتابعتهم للمباراه ووعدهم بتدبيل المكافئات اذا فازوا على الزعيم وهذا الشي للاسف لم أجده في نادي الهلال ففي الحقيقه اتمنى ان يكون شبيه الريح وبقية اللاعبين من الفريق الاول أول المتواجدين عصرا في المباراه كدعم للفريق معنويا وتخيل نفسك لو انك لاعب في الفئات السنيه وتشوف الجميع حريص ويتابعك اكيد انك بتحرث الملعب وتقدم أفضل ماعندك وكلمتي لشبيه الريح أعتقد ان حضورك لمباراة الشباب في الاسيويه لايقل اهمية عن حضور مباراة شباب الهلال مع الاتحاد خاصه انها مباراة مصيريه. (كلمة للجمهور) اتمنى حضوركم ومؤارتكم لشباب النادي وانتم تعرفون ماحصل للفريق في جده من جماهير الاتحاد فقد كان حضور الاتحاد مميزا لكن كان على مستوى الاخلاق سيء ومخجل والذي اتمناه منكم ان تكونوا مميزين حضورا وأخلاقا وان نبتعد عن السلوكيات الخاطئه والسيئه. الوعد نادي الهلال اليوم الاثنين 1431/5/12هــــ بالتوفيق لشباب الزعيم......... |
يعطيك العافيه ,,, وبالتوووفيق للشباب الزعيم,,s13s |
يعطيك العافيه ,,, وبالتوووفيق للشباب الزعيم,, كلامك عين العقل |
الجمهور ماراح يقصررررررررررر |
ما قصرت على هذا الموضوع وبالتوفيق لشباب النادي وعقبال ما نحقق البطولة لا تخاف ما ادم ورا النادي اعضاء شرف وإداريين على مستوى عالي |
يعطيك العافيه أخوي ماااقصرة بتوفيق لشباب الزعيم |
سلمـت . يـإ بطل .. إن شأء الله أحضر .. لاكن متى حزت المباراة ..! |
أولا أشكرك أخي الفاضل على مبادرتك الطيبة لكن أحب أقولك شئ لو حضروا لاعبين الإتحاد كلهم في جده ترى ما تسوى حضور الأمير بندر بن محمد صانع الإنجازات وصانع الأجيال الهلالية وإذا هم يعطون مكفآت لمباراة واحده ترى بندر بن محمد يعطيهم عيونه ومشاءالله عليه دائما معاهم وإن شاءالله نشوف اللاعبين والإدارة اليوم موجوده لزيادة المعنويات ومشاركتي في موضوعك بس للتوضيح للمندسين وعشان لايقولون انه نحن نعمل مثل غيرنا وبالتوفيق للهلال اليوم وإن شاءالله خمسة في الإتحاد |
ألف شكر للجميع على مرورهم الطيب والجميل وبالنسبة للامير بندر بن محمد فأنا اقول كثر الله من امثاله واحنا محسودين عليه ورايته بيضاء ولكن كان مقصدي ان الفريق الان في مرحلة حصاد ويحتاج الوقفه من الجميع. |
الساعه كم مباراة الهلال والاتحاد اليوم افيدونا |
إقتباس:
اليوم الاثنين الساعه 4:10 عصرا في نادي الهلال على ملعب الامير سلمان بن عبدالعزيز |
اولا : احب اشكرك على الطرح الأكثر من رائع ،، واخيرا لقيت ضالتك ( والمقصود شبكة الزعيم ) يمكنني القول الآن الرجل المناسب في المكان المناسب هع وافهمها عاد انت ,, ثانيا : جماهير الزعيم ( الرقم الصعب ) همتكم في الحظور لرد اعتباااركم امام شباب الأتحاد وذلك بالتشجيع والمؤازره والأبتعاد عن التصرفات الغير اخلاقيه , كما حدث من جماهير الأتحاد في المباراه السابقه , باختصار سلاح الفوز اليوم هو حضوركم وتواجد اعضاء شرف نادي القرن . بالتوفيق للزعيم اليوم |
يعطيك العافيه ,,, وبالتوووفيق للشباب الزعيم,, كلامك عين العقل http://vb.alhilal.com/images2/images14/fasel3.jpg |
| الوقت المعتمد في المنتدى بتوقيت جرينتش +3.
الوقت الان » 04:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd