هذا الأزرق يرتفع ثم يكبرا
بالامير اللي على راس الكبير
سعود أميره,, للمكاسر يجبرا
سعود بن تركي على قدرٍ كبير
بشان الازرق للبطولة يعبرا
للمعالي باتجاهاته يسير
هذا الازرق لكل فج يسبرا
ما يكنكن, مثل حرٍّ له هدير
خاض موجات البحر هو والبرا
وللبطولة وين ما هي به يطير
طاقمه للمملكة دوم سفرا
كل دولة تعرف الأزرق تشير
من جهل فيه؟ ومن اللي مادرا
هذا الازرق, هذا الازرق يا ضرير
هذا الازرق بدم جمهوره سرا
هذا الازرق بانطلاقاته تحير
من يديره؟ من أميره؟ يا ترا
ما تعرفون الاسد عنده يزير
سعود هو عزه ومجده مفخرا
سعود بن تركي على الأزرق سهير
مثل حر يا طرا له ما طرا
يكفخ الجنحان ما بكفّيه سير
داج بالعالم ثم جاب خبرا
للملاعب ما يجيب الا الخبير
دام مستقبلك وأشرق وأزهرا
طال عمرك صاحب الماضي المنير
جعل تسلم يا سلالات وأُمرا
للهلال اللي الى العليا جدير
بالدقيقة رقم تسعين أحضرا
للتعادل,, والهزيمة ما تصير



حمود بن مطلق اللحيدان
حائل
<br><font size=1 color="#000080" face="tahoma">[عدلت بواسطة asheg alzaeem التاريخ:01-02-2001 الساعة: 11:18 PM]</font>

صح لسانك ولسان الشاعر اللحيدان ...
واللحقيقة يشكر على هالأبيات الرائعة اللي نشرت بجريدة الجزيرة اليوم .. وأذكر أنه كان لنفس هذا الأسم رائعة بعد بطولات الهلال الأربع العام الماضي ومن مايحضرني في بعض الاعبين :
يوسف وسامي للمواهب براهين
....... عاش النمر ويعيش ذيب الذيابه
وهذا الدعيع حارس العام ألفين
........ ولطف وشريدة قويين المجابه
وسيرجيو مع كورته فن وتلحين
.... هو قال ( قف مي ) صوبه ثم جابه
وفن المدرب خطة وزود تقنين
..... ومن كثر من (العسل) زاد إلتهابه
وباقي لعيبتنا تراهم موفين
..... هم جاعلين الموج فوق السحابة

صح لسانك وبدنك

وياليت نشوف شعر في التحكيم وعمايله