صحّ إنّه قلق .. لكنّه في صالحنا ..
خلّنا نشوف كم زدنا في 5 مدري 6 سنين :razz:
وإلا كم زادوا الأجانب عندنا :s3s:

أذكر آخر إحصاء اللي قبل كم سنة كان الوالد مسافر في رحلة عمل ..
وأنا الكبير :wub:
يا أنا انقهررررت قهررر يوم جاني أخوي لـ الملعب العصر يقولي حقّين التّعداد جوا ولازم الكبير يكون موجود :s2:
وراحت عليّ الكورة ذاك اليوم :cry: ..

شسمه تصدّق اللي قاهرني إنّه كرت العائلة بـ يده ويسألني عنه أسئلة :s5s:
مدري لأنّي كنت وقتها نوعًا ما بزر :s2: , وإلا شغلكم كذا !!
الله يعينكم .. صحّ تتعبون بس تذوقون كلّ أنواع الشاي القهوة , والتّصريف :s2:

موفّق يـ الغالي :rose:

ههههههه من ناحية القهوة ايه وياليت الواحد اذا جيت يسدحلي مفطح عشان تتعبا كرشتي واخلص ال 160 استمارة اللي بيعطوني السنه الجاية :naughty:

بالنسبة للكرت لايطلب من قبل العداد نهائيا الا اذا اعطاك رب الأسرة لكن ماعدا ذلك ليس من حق العداد المطالبة بالكرت الا للضرورة الملحة :s2:

يعني راح التمرين عليك قهرررررررر :s2: تصدق بعض التمارين ماتعوضها تمارين سنين وتنقهر اذا تكلموا عنها بالليل بجلسة ولاشي :s2:

ترا بنعد حتى اللي ماعنده إقامة يعني اتوقع عدد السكان 30 مليون هههههههه


منور يالغالي s13s

يالله عاد حقين التعداد جيبولي مرض:yes:>>>>انت:rose: ماهو منهم انت عزيز وغالي ههههه
والله من جد اذكر مره عطيت واحد كرت العائله يكتب ويقعد يسالني اسئله والكرات عنده
وهذاك الوقت كان عندي شغله ضروريه وانا معصب:ranting: وحالتي حاله
لكن الحين حياهم الله في اي وقت
الله يعينك ويقويك :wub:
وعمي:smilie47: مثلكم مع حقين التعداد>>>>يبي يعلمك انه عمه في التعداد هههههه
يعطيك العافيه ع الموضوع الرائع..!!

هههههههههههه عاد تصدق اخوي جاه التعداد بحارتنا:s2:
وقصمن آآوم الفشله اح انه متوهق:to:

واللهي اكبر غلط هالتعداد
طيب الناس تطوروا فيه مليون طريقه وطريقه:yes:
بس ماعندك احد:s4s:


طيب سمعنا من شعرك:d

مدري ليه احسها وناسه هالشغله بغض النظر عن التعب والفراره وتصريف +سؤ معامله بعض الناس
إلا إني اشوفها ممتعه<<إلا والله من اللقافه :d

طيب نبي موضوع ثاني عن مواقفك مع الناس يعني احد صرفك او جلدك:to: او قدم لك مفطح :razz:وكذا

الله يعينكم ويسمح اموركم
عن نفسي بقول لابوي لا يعلمه باسماءنا حتى يعلمنا باسماء بنات جيرانا :D

ههههههههه , الصراحه الصراحه
حظ اللي بيعدد بحينا , شويين ورآقين , والحي مرتب
ويفتح النفس ..


سين سؤال /
مسموح نقهويكم ونضيفكم لا شرفتوا ؟

القحماني...@....^....

بماأنك من حقون التعداد ....بقولك سالفه صارت اتوقع الي طق بيت اهلي بينسحب من هالشغله

شوف هو يالطيب دق باب بيتنا....رن الجرس ...رديت انا بالسماعه مين..!!

قال : انا موظف التعداد ..!!!

قلت: وش تبي<<<فهاوه^^

قال: الوالد موجود؟

قلت: لا في شقراء^^

قال: طيب في رجال كبير هنا؟

قلت: لا مافيه احد بغيت شي<<للحين وانا احسبه ولد خال ابوي احسبه يوم قلت مين قال ولدسعد
((احسبه جايب بطاقات عرس فرحانه))^^
قال: طيب بسئلك كم واحد ساكن فالبيت؟؟!!

قلت : سلامات ليش تسأل؟^^

قال: التعداد السكاني انا

قلت اهااااااا قول من اول

قال كم ذكر؟ وكم انثى؟

واعطيه عدد اهلي قلت اعد الخدامه

قال لا
قلت طيب انا عند نفسي معهم^^<<فهاوه ثنين^^

قال انتي ساكنه هنا

قلت انا اجي هنا واروح عندي بيت

قال خلاس يعدونك مع بيت زوجك ((قالها بنفخه))


بس^^

بس الغريب سئلوني يقولون مايحاكون حريم بس الرجال؟؟!!!

تحياتي

تصدق من النكت الي صارت قبل 10 سنوات تقريبا ان واحد من هالعدادين راح يبي منطقة بعيدة شوي المهم دخل وحدة من هالعماير وبدى فيها شقة شقه ويقول كل شقة يضيفونك احسن من اللي قبلهم وكيك وحلى يقول مرة طفحت

اللي حصل اخر شقة قالو انه ما يجي الا قليل بس على كلام الحارس انه موجود اللي مستاجرها وطق الباب عليه عاد توقعو من طلع هههههههههههههههههههههههههههههـ

نسيبه ماخذ على اخته مسيار

الله يعينكم على ذا الشغله من بيت الى بيت غير انك بتشوف اجناس من الناس العصبي والمتعاون واللي على نياته...

عندي سؤالين: اهل البر وشلون بتعدونهم لانهم ناس شديد مهوب ثابتين في محل واهل الهجر لان بعضها نائيه اتوقع الحكومه :s5s: ماتدري عنها>> ولا الحكومه تعرف اللي تحت التراب الله يعزها:razz:

سؤالي الثاني بتسوون تعداد لبيوت الامراء:naughty: وتسأله كم عدد خواتك واساميهن وش اسم امك وكم تلفزيون :s2: عندكم

الله يقويك ويعينك

الكرت مافيه وين تدرس ووش تدرس واذا موظف وش وظيفتك :s2: كل اللي فيه يادوب الاسم والعمر ومكان الميلاد بس :s2: و16 خانه من خارج الكرت

منور ياغالي والله يعين عمك s13s

انا ماقول المليون طريقة هي مايعتمد عليها ولكن تكون وسيلة مسهلة او مساعدة .. بالضبط اذا جات بمكان تعرف اللي فيه احراج :s2:

ايه متعه :s2: لا بس واجب وطني :yes:

بالنسبة للمواقف ماعليك بفتح موضوع يومي واخبار ومتابعة مستمرة من قلب الحدث :s2:

من الأشياء المهمة يمنع الافشاء لاي شخص بأي معلومات حتى لو من باب تهدئة رب اسرة يعني مانجي عند رب اسرة ونقوله شوف جارك تعاون معنا وعطنا كل المعلومات لأن كذا بيقول هذا ينشر الغسيل ههههههههه بكل مكان

لامانع من القهوة بس بالله جهزو كبتشينو وبسبوسه حنا بنعد الوطن ونشوف كم عدد السكان يعني اقل شيء بسبوسة .................>>> البسبوسة عنده كل شيء :s2:

لا عادي يتكلمون مع حريم :s2: اذا رب الأسرة مشغول بالدوام بالفترة المسائية ابعطل شغلي عشان يفضالي الا الله لايهينها حرمته تقوم بمقامه ويكون احسن لو ينشغلون كل أرباب البيوت عشان نشتغل صح ونعد الوطن تعداد سليم :s2:

بس البينات اللي ادليتي بها قبل خمس سنوات كانت مختصرة الان سالفة طويلة واذا تبون صورة منها بشوف بهالمواقع او صور اللي عندي هههههه

قسم تشوفون بيانتها تقولون ماهذا s121s