21/04/2010, 05:24 PM
|
| زعيــم مميــز | | تاريخ التسجيل: 17/09/2009 المكان: فوق الارض تحت السماء
مشاركات: 1,896
| |
|
نقاط متفرقه عن الفوز الغريب.. شكرآ شباب النصر
بسم الله الرحمن الرحيم لن اطيل عليكم بالمقدمه يازعماء ولكن سوف ابارك لكم الفوز كما فعلتم ليلة
البارحه بعد نهاية المباره التاريخيه الغير طبيعيه كما وصفها سلمان القريني
وهاردلك للنصر الذي كان قريب من المباركه بالفوز..
ليلة البارحه انزل الستار على الشوط الأول من مباريات نصف نهائي كأس الابطال ومابتكلم
عن الفوز وعن التصاريح اللي ظهرت ولن أتكلم عن خليل جلال الحكم الذي يستحق الطرد قبل ان
يطرد الفريدي ولكن سوف أتكلم عن المستوى الفني للفريق..
في البدايه عندي سؤال وأتمنى الاجابه عليه بكل بصراحه!!
* لو المباراه لايحتسب بها الهدف بهدفين يعني الأهداف بالمثل كيف راح تكون
ردت فعلكم؟!!
* الهلال يتقدم بالأربعه والنصر يجيب ثلاثه وبغى يقلبها لخمسه لولا سوء التصرف من لاعبين
شباب النصر أمام كبار الهلال وخبرة الهلال!!
* لو رادوي مادخلت كورته( صدها الحارس اللي المفروض يصدها بس قلة الخبره لدى العنزي
خلته يتقدم عن المرمى وما وقف بالمكان المناسب،او جت عارضه،او خرجت وانا على بالي طلعت
بس الحمد الله دخلت كان انتهت المباراه 4/3 وش بتكون ردت فعلكم؟!!
سألتكم بالله جاوبوا اذا من جدكم فرحانين بالفوز فأنا والله جلست حزينه الى هالوقت وانتظرت الى
اليوم ابي اشوف واحد منكم بيتكلم عن المستوى وأداء الفريق بس للأسف مالقيت الا المدح
والثناء والثقه المفرطه بالفوز في مباراة الاياب..
في مباراة الامس طبعآ انا الوحيده الهلاليه في البيت والباقي نصراوي وكنت اطالع
المباراه عالجزيره اللي جالسين كلهم بعد ماجاء هدف الهلال الرابع استسلموا على اساس
انها حسمت انا قلت كلمه بعد هالهدف الرابع قلت ياخوفي تتكرر مباراة 4/4 وقالت اختي
مستحيل انتوا لاعبين خبره والنصر مستحيل يعادل يمكن يجيب هدف بس مستحيل يجيب
اكثر وحدث مالم يكن بالحسبان شباب النصر وروح النصر قسمت ظهر الزعيم شلت خبرة
الهلال جعلته عاجز على المحافظه على هدوئه ومستواه والدليل الهلال متوتر ولاعبين النصر
بقمة هدوءهم وهدف تلوى الاخر يلج مرمى حسن بطريقه غريبه جدآ..
خلاصة الموضوع سوف أجعله في نقاط متفرقه..
*الهلال لم يقنع في الشوط الاول حتى وهو يسجل الثلاثه واللي ساعده ضعف خبرة النصر اللي
ماتعاملة مع الشوط بشكل صحيح ولو عند النصر مهاجمين صاحيين كان جابوا عالأقل هدفين
بها الشوط..
**حسن العتيبي ابدع في هذه المباراه ولكن لاحظت فيه عيب الكرات الثابته والبعيده لايستطيع
ردها لذلك سوف يدفع جريتس ثمن ذلك غاليآ في مباراة الرد نقاط ضعفه كثيره والنكبه ان البديل
خالد اللي كله نقاط ضعف..
انا بس ابيكم تتخيلون لوخالد دخل وش كان بصير بالفريق!!
لازم جريتس يراجع نفسه ويرجع الدعيع عالأقل يخليه بديل..
***دفاع الهلال أمس في الشوط الأول لم يتم اختباره بشكل صحيح لأن الهلال ماسك اللعب وحسين
في بعض الكرات تدارك أخطاء الدفاع ولكن في الشوط الثاني انكشف الدفاع بعد الغزو النصراوي
ولاحظنا الاخطاء الفادحه من المدافعين يمكن الحاجه اللي أبدعوا فيها وصراحه عجبوني مصيدة
التسلل..
****طرد الفريدي وخروج نامي يجب الا يؤ ثر بالفريق ياجماعة الخير احنا الرديف أقوى من شباب
النصر اللي لعبوا امس كيف يهتز الفريق وصير فيه هالخلل كله والله وانا اشوف الشوط الثاني
احس اللاعبين اول مره يشفون بعض مومعقول العام في مباراة الشباب بكامل نجومه في الدوري
دخلناها بظروف قاسيه والله تدمع العين كوزمين طرد وهزه بالفريق قويه وطرد رادوي اللي أعتبره
نجم الهلال الاول وفوق كذا قدرنا نتعادل ونافس عالدوري لأخر لحظه..
اللي صار أمس من تخاذل ومستوى متدني في الشوط الثاني غير مقبول اطلاقآ..
*****نيفيز أنا مازلت مصره ان مايفيد الفريق أمس بس صنع هجمه والهدف الثالث الكوره كانت
طالعه ولحقها رادوي هذا وهو متخصص كرات ثابته والله نامي صنع أكثر منه
المفروض يطلع من الشوط الاول..
******بإختصار ياخواني يجب ان نعترف ان النصر أمس هو من أهدى الفوز للهلال في ظل أخطاء
لاعبينهم الكثيره يعني لوكان كامل كان سوا العجب اذا ناقص جاب ثلالثه وهدد المرمى اكثر من مره
كيف لو اكتمل الله يستر من المباراه الجايه والله لو قدامنا امس الاتحاد اوالشباب كان صارت تاريخيه
علينا في ظل النقص النصراوي مايكون كذا الاداء في الشوط الثاني والله اداء مخزي..
*******خروج سامي على الحكم لن يلام فيه منا كهلاليين ولكن هل سيسكت اصحاب النفوس الضعيفه!!
كنت اتمنى لومسك نفسه حتى لايأخذ عقوبه وان كنت ارى انه لايستحقها..
اتمنى محد يزعل من كلامي خاصه في كلمة شباب النصر لأنها الحقيقه أنا ماأقلل من فوز الهلال بس
هذا الواقع في الشوط الثاني خرجنا من عنق الزجاجه وبنفس الوقت مانكر ان الهلال قدم مستوى فقط
في الشوط الاول على ان من وجهة نظري خبرة اللاعبين النصراويين القليله هي اللي ساعدته عمومتآ
بالتوفيق لزعيم القاره وبرشلونة اسيا في جميع المبارايات انا أشكر هنا شباب النصر لعل الصحوه
تكون في المباراه القادمه هذا عتاب انسانه عشقة الهلال 16 سنه ولم
ارى الهلال بهذا التهاون في ظل اكتمال الصفوف..
تحياتي لكم..
**سفيرة الهلال**
اخر تعديل كان بواسطة » **سفيرة الهلال** في يوم » 21/04/2010 عند الساعة » 07:16 PM |
الوضع الشجري
