جد ولعب،،، وسالفتي مع الوالد ( والخمسه )،،، واللي ما طقطق يجي يطقطق ،،، تفضلوا :: - نادي الهلال السعودي - شبكة الزعيم

هلالي بالعقل · #1 21/04/2010, 12:27 PM

ألف مبروك هذا الفوز الغير مستحق لان المستحق كان سبعه صفر

وليس خمسه ثلاثة ،،،،،،،

قبل نبدا ترا الموضوع طويل اوله لعب واخره جد لحد يجي يستهبل ويقول طولت علينا ومدري وشو اللي ما يحب القراءة لا يكمل ،،،،،،،،

بالنسبة لعنوان الموضوع اللي ما طق طق يجي يطق طق ،،،،،

يالربع وش السوات شوفوا لي حل مع أبوي هبل فيني ذا الشايب ،

اليوم بعد مباراة الخمسة وطريقة العد الجديدة( -1 2 3 4 نثر ) ابتلشت أنا وياه

جالسين نتقهوا ذا الصبحية وحاكر لكم ذيك الدله البغدادية المهيٌلة والمزعفرة اللي تقول

انا عاد تعرفون جو شياب وقصايد

:

للكيف ذوق ولاستماع القصيدي **** لا قلطوا رسلان وإلا بغاديد

ثنتين هيل وثالثتهن عويدي **** وكل على ما تطلب النفس وتريد

الوكاد حسيت ان الاخ في الله ( ابوي ) خرمان قمت احقنه بذا القهوة أبيه يقول بس

بروح للدوام عيا عاد جت لعبتي ( مسوي ذيب ) قلت يا ولد هذا يوم القصيد وبغيت

المح له قلت البيت المشهور :

(خمسة) عشر فنجال لحنيف صبيت *** لو إن بطنه قربة قد ملاها

الشايب الله يطول عمره ما اهتم بمحتوى البيت لكن شوفوا المفاجاه :

قال لي الله يهديك يا (هلالي بالعقل) ما تعرف السنع قلت وشو ؟؟ قال:

(نصر) عشر فنجال لحنيف صبيت *** لو إن بطنه قربة قد ملاها.

هذا الكلام وأنا أبوك ما سمعت بطريقة العد الجديدة ؟؟ قلت إلا . قال اجل لازم تمارسها

في كل نواحي الحياة قلت عطني مثال يا أبو الحبيب قال استلم :

*اضرب ( بنصرٍ) ولا تاكل بملعقة *** ان الملاعق للنعماء كفران .

قلت وشووووووووو !!!!!! قال اسمع :

*وزنه على الميزان (نصرٍ) وخمسين

ووزنه في قلبي واحد وعشرة أصفار.

*(نصر) ليالي ما تهنيت برقاد *** من ونةٍ في وسط ذيك الليالي.

وأنا فاق خشتي قلت كل هذا قالوه في الخمسة . قال ميب خمسه

يالثــــ...... قل كل هذاقالوه في (النصر) ولا شفت شي ، قلت

ابشر ابشر ولا يهمك يوم ناظر الساعة وإلا

هي (ثمانية وخمس) قال قم الساعة ثمان و (نصر) قم اقلب وجهك

داوم،،، قمت عاد من عنده الله يخليه لي ما ودي تزيد نسبة

الشماتة عاد تعرفون الشياب العيارين ما ينقعد معهم خفت اطول

يقلبها عليٌ .
،،،،،،،،،،،،،،،،،،،

هنا انتهت السالفه مع ابوي وانتهت بعض المداعبات وجينا للجد:

1/ سامي انا بكتب موضوع كامل عنه وان شاء الله ينال استحسانكم.

(بس تراني بهاوشه لحد يزعل)

2/ اتمنى من قريتس عدم اشراك اللاعبين المهددين بالايقاف في

المباراة النهائية ان شاءالله : عيسى بدال ياسر والغامدي بدال

رادوي والزوري مكان الكوري والغامدي ايضا مكان نامي اذا

مالعب عشان الاصابة و خيرات بدال المرشدي واذا اشتد الخطب

على خيرات عادي يطلعه ويلعب المرشدي ولا كأن أي شي صار

مع العلم إن قيرتس دائما ينهي المباراة ورصيد التغيرات موجود

حتى انه بعض الاحيان يلجا للتغير في رفع معنويات اللاعب ( كان

يصفق له الجمهور ) وهذا فكر احترافي كبير في حال

انخفاض مستوى اللاعب أو ما شابه .

3/ خاص بالادارة ( اعضاء خرف ) نادي الخمسه يفخرون بجماهيرية فريقهم المزيفه

ويقارنونها مع جماهيرية الزعيم ولو كانت مباراتهم مع غير الهلال

اما انتم يا اعضاء الادارة ما قد سمعنا احد منكم يقول شف هذا

الجمهور واخرها مبارات امس جلست اشوف كل التصاريح احتري

احد يقول شي ( لا حياة ) والغريب والمزعج ان الامير

عبدالرحمن واخوه عبد الله متصلين على الجولة وكان المقدم

(الهراج ) اللي كان قبل فتره مسوي برنامج عن جماهيرية الفقر

ولا واحد من الاميرين اشار الى هذا الجمهور

ولا واحد منهم سال الهراج وش رايك بالجماهير مع العلم اننا ما

ننتظر رايه والاكيد ان ما فيه مقارنه لكن مسالة انه يغفل حق

جمهور معبي 85% من مدرجه او اكثر

وجمهور ثاني ما عبئ ولا 25% ويمدحونه هذا شي يقهر يا سمو

الامير وحنا ما نرضاه لما نشوف المقصر يعطى اكبر من يحجمه

ويراهن عليه ونشوف الوافي و الكفو والمجتهد يبخس حقه ولا يجد

الإشادة حتى من اقرب الناس إليه ولو قصر هذا المجتهد ( جمهور

الهلال ) لسمعنا كل الإدارة واللاعبين يعاتبون اشد العتب وشفناها

ذا الموسم أكثر من مره.

4/ الحمد لله لاعبين امثال الغامدي والفريدي يشاركون على فترات

متقطعه ومتباعدة ويقدمون في مبارات مثل هذه مستوى رائع واداء

مميز .اللهم لاحسد وعقبال ما يكون عندنا احتياط مميز للأظهرة

كما هو في الوسط .

،،،،،،،،،،،،،،،

(نصر)5/ مباراة الاياب يجب ان لا يجازف قيرتس باشراك

جميع الاساسيين لان المبارات بحول الله محسومه وحنا محتاجين

اللاعبين في النهائي ان شاء الله لان هذه الكاس يجب ان تدخل في

الخزينة الهلالية وغير كذا لا ما نبغى الهلال (يتمرمط ) قدام ابو متعب .
،،،،،،،،،،،،،،،،،

6/ امس في برنامج ما قبل المباراة اللي يجي على القناة السعودية

الرياضية اتصل عماد ( الدختور دحدوحه ) حسب تسمية العضو

تابط سرا، عاد مدري هوهو والا لا لكن الاخ متصل يهاوش

مخرج القناة والبرنامج يقول انه متعصب وما جاب مقابلات كافيه

مع جمهور الحالمي هو في الحقيقة لي هذا ما اغاضه ولكن

الكميرا اللي كان مركز عليها المخرج هي الكميرا البعيدة اللي

تجيب كامل الواجهة وكان واضح التفوق الجماهيري الهلالي وهذا

الشي اللي جنن الجماد عماد وخلاه ينقهر ولا ننسى ان المذيعين

اللي في القناة خاصة الشباب الصغار الاثنين توهم على التقديم ولا

يتكلمون الا باللي يشوفونه وهم ما يشوفون الا مدرج ازرق مليان

وقالوا الصدق لانهم باقي ما تعلموا اصول اللكاعة من مسؤوليهم

في القناة ( يعيشون ويشوفون) ( والحقيقه تزعل يا عماد)

،،،،،،،،،،

*** نقطة ختام : بالنسبة لك يا شبيه الريح ترا اذا ما جيتنا حنا

اللي بنجيك لكن صعبة نخلي هلالنا ونروح وتزعل علينا بعدها ،،،

وبعدين انت اخف مننا الله يطول عمرك ودنا تجي ونشوفك باسرع

وقت لو تجي وتروح ما عندنا ما نع طلتك في الملعب تكفي ومثل

ما قالوا : ساعة من الغني تغني ،،، ابد تعال بالطيارة على ما

يمديهم يشيكونها في صيانة المطارالا وانت عندهم واذا فاتت الرحلة اعرف واحد في القبول والتسجيل بجامعة الامام يدبر لك تخفيض لا تشيل هم ،،،

تراني امزح وهذه مجرد مداعبة ،،،، تعرفون الشوق غلاب.

شكرا للجميع ،،،،،،، وعذرا للاطالة ،،،،،،،،،

،’،’،’،’،’،’ هلالي بالعقل ،’،’،’،’،’،’

هلالي بالعقل · #2 21/04/2010, 06:29 PM

يالطيييييييييييييييييييييف ولا رد ،،،،،،، واعيباه ،،،،،،،،،،،،،،،،،

Ј00Ј00㋡ } · #3 21/04/2010, 07:10 PM

مــــــــــشكــــــــوور مــااقــصرتــــ
منــ قــاالــكــ خــمســـه تــرااهــــااا عشـــــــــــــــــــرررهــ هههههههههه
لانــ الهدفــ بهـــدفــييــن

Faisal za3amt alza3eem · #4 21/04/2010, 07:19 PM

ربي يخليك ماقصرة...........

هلال234 · #5 21/04/2010, 07:29 PM

هههههههههههههههههههههههههههه

يعطييك اااالف عافيه

لبيه وش ذا الحكي · #6 21/04/2010, 07:58 PM

الله يوفق الزعيم حتى لو فزنا خمسه باقي مباراه اتمنى نفوز بنفس النتيجه

فاارس الهلالي · #7 21/04/2010, 08:05 PM

ههههههههههههههههههههههههه
الله يخليلك أبووك ولايحرممممممك منه قل آآمين

أولا مبروووك الفوز فااايف ثرررررري...5=10

لا لالا ويييييييييين يلعب عيسى بدل يااااسر؟؟؟!!!!!
لالا المباراه الجااااايه صععععععععععععبه

يلعب ياسر ...ولي ...رأأدووي ..الشلهووب..

الامير الساهر20 · #8 21/04/2010, 08:05 PM

ههههههههههههههههههههههههههههههههههه

t.silva.33 · #9 21/04/2010, 08:09 PM

هههههههههههههههههههههههههههه

يعطييك اااالف عافيه
اضافة رد مع اقتباس

القيصر 13 · #10 21/04/2010, 08:10 PM

الله يحفظه لكم

والفقر طلع عشان يتمصخر بس هههههههههههههههههههههههه

βяĦǿṀЎ ‏ĀĶẅŝ · #11 21/04/2010, 08:17 PM

.. مشكور يالغالي ، والله يخليك لآبووك ..

ااالشمري · #12 21/04/2010, 08:19 PM

مشكورررر مافقصرت ويعطيك الف عافيه

وارح ننتظر مقال سامي الجابررررررررررر

**الـــــــــواوا** · #13 21/04/2010, 08:19 PM

الله يخليلك الوالد ويحفظة إن شاء الله,,,,,,,,,

أما مستوانا مع الفقر اللهم زد وبارك ياليت يديم هالحال على لاعبينا

وبلاشي من التهاون والتفريط في آخر الدقايق..

أحمد الفريدي أبدعت فالمباراة وياليت نشوف إبداعك بالنهائي
نامي ألف شكر لك على هالمستوى. من تألق لاخر
ياسر غني عن التعريف هذا مستواك الحقيقي.

وياليت تتكرر الخماسية فالإياب وبحكم أجنبي حتى أشوف وجيه عمادوووه بعد المهزلة

طموح رجل · #14 21/04/2010, 08:26 PM

2/ اتمنى من قريتس عدم اشراك اللاعبين المهددين بالايقاف في

المباراة النهائية ان شاءالله : عيسى بدال ياسر والغامدي بدال

رادوي والزوري مكان الكوري والغامدي ايضا مكان نامي اذا

مالعب عشان الاصابة و خيرات بدال المرشدي واذا اشتد الخطب

على خيرات عادي يطلعه ويلعب المرشدي ولا كأن أي شي صار

مع العلم إن قيرتس دائما ينهي المباراة ورصيد التغيرات موجود

حتى انه بعض الاحيان يلجا للتغير في رفع معنويات اللاعب ( كان

يصفق له الجمهور ) وهذا فكر احترافي كبير في حال

انخفاض مستوى اللاعب أو ما شابه .

يالحبيب انت ظامن الفوز علشان مانلعب اللاعبين المهددين بالإيقاف

انا قبل كنت مرتاح على بالي الهدف عن هدفين وطلع مو كذآ

2_0 يتعادل النصر

3_0 يفوز النصر

والنصر جابك 3 بربع ساااعه

ولا بعد لاعبيننا الله بهديهم يستهتروون الشوط الثاني

يعني مافيه شي مظمون

هلالي قديم15 · #15 21/04/2010, 08:29 PM

.. مشكور يالغالي ، والله يخليك لآبوك ويخليه لك