السلام عليكم..

مبروووووك للزعماء.. وأحلى ليلة مع أحلى خمسة تاريخية ياكلها الأصفر الصغير بعدما أكلها قبله الأصفر الكبير..

بصراحة لوما عثرات خليل جلال اللي ما ألومه بصراحة.. لأن منصة علوك ابو بس، ودخان (في أمي وابوي) تداخلت بين الشوطين بإيعازات شفناها وشفنا من يمليها بعد المباراة..

والمشكلة حتى اللي مستغلين ناديهم لأغراض تجارية، ومن هم يستغلون ضعف إدارة ناديهم الحالية هم من تتعالى أصواتهم ولا نسمع الا عويلهم ونواحهم.. اما صوت المتعقلين منهم.. فلم ينجح أحد..

ألف مبروك مررة ثانية.. طبعا مو عشان الفوز على النصر له طعم خاص وبس.. لا.. وعشان بعد هزيمة تكتلهم الإعلامي المنقطع النظير.. والسياسة الإعلامية الجديدة لهم..

ما دروا انهم لو يستلفون بعد إعلام الولايات المتحدة الأمريكية.. عشان يسوق لناديهم الدجوجي ما راح يربحون قدام الزعيم وطوفانه العاتي.. ولو ان لي شوية ملاحظات على لاعبينا الله يهديهم..

لكنهم في الأخير أهدونا الفوز.. وأبوا الا أن تكون خماسية على وزن تلك الخماسية التي ناصفت الموسم..

وطبعاً بكرة التبريرات شغالة مع الأصفر الكبير.. وسواق للأصفر الصغير..

فريق ناشئين وفريق مصعب العتيبي.. يحرج الزعيم وكاد أن يسلب النقاط.. وفريق الألمبي للنصر يحرج فريق المحترفين للهلال.. وفريق 20 بالمية يسلب النوم من فريق الربع مليار..

وزي ما تشوفون الكلام الأصفر.. كلام فرقعات إعلامية وإزعاج وبالعامية البحتة (مهايط).. وفي الأخير ما يكتب بالأصفر.. يذهب أدراج أرياح..

وخذوا من الحين كلام واجد من هالنموونة..

خمسة مؤلمة.. والله مؤلمة..

وأسألوا عن الآمها الأصفر الكبير.. اللي باذن الله نقابله عالنهائي.. ولو اني اشك في هالموضوع وخصوصاً أن الشباب يبدولي انه طرف ثابت في نهائي هالبطولة..

الصفر اللي ماخلوا (لعانة) العام الماضي ما سووها في الزعيم.. ولا خلوا مكيدة ما دبروها.. هاهو يذيقهم العلقم..

لا تعلقوا على الأخطاء رجاءاً في هذهـ الليلة بالذات.. الفريدي لم يخطئ، بل ترك الخطأ لحكم الساحة خليل جلال.. وأعذر خليل على أخطاءه حتى لو كانت مؤثرة.. ولكن يبقى خليل جلال يستحق منا كل دعم وتشجيع..

أهنيك يافريدي على مستواك الرائع والمتصاعد.. وياسر لا تعليق سوى أنك عدت كما كنت (لمبة الفريق)..

تركنا لهم الجانب الإعلامي ليربحوا فيه كما يشاؤون.. وسحقناهم في أرض الملعب.. وبدون عزيز حتى..

الحين ابيكم تقولون لي النتايج اللي ممكن تأهل النصر المباراة الجاية.. وفي المقابل وهو الأهم كيف يتأهل الزعيم في مباراة الإياب؟؟

ومبروك مرة أخرى..