نادي الهلال السعودي - شبكة الزعيم - الموقع الرسمي

- منتدى المجلس العام (http://vb.alhilal.com/forumdisplay.php?f=1)

- - الأجرب قي الرياض !! (http://vb.alhilal.com/showthread.php?t=886082)

الأجرب قي الرياض !!

مرحبا بالجميع :d:d:d
ومن زمان عن المواضيع في المجلس العام:d:d:d

الأجرب كلمة تناقلتها وكالات الأنباء في اليومين الماضيين وربما الكثير منا يجهل حكايتها وأنا اولكم :d:d:d

الخبر يقول:

إقتباس:

ملك البحرين يهدي العاهل السعودي السيف الأجرب !!!

أول ماسمعت الخبر أثارني أسم السيف الغريب !!!:s5s: فذهبت مباشرة الى الصديق العزيز Google وسالته ؟ فأجابني بالكثير عن هذا السيف الرمز !! ولأنه جزء من تاريخ هذه البلاد اوجزت لكم اهم النقاط التي يجب ان يعرفها ويعتز بها كل سعودي على ثرى هذه الأرض الطاهرة:smilie47::smilie47::smilie47:

http://www.aleqt.com/a/381244_100258.jpg

السيف الأجرب يعود الى مؤسس الدولة السعودية الثانية الأمام تركي بن عبدالله رحمه الله والذي اشتهر بالشجاعة والإقدام والشهامة وكان شاعرا متميزا !! وبهذا السيف استطاع الأمام تركي استعادة ملك ابائه واجداده ووطد الأمن في الجزيرة قبل قرنين من الزمان!!!

تسميته بالأجرب: هناك من يرجح أن تسميته تعزى إلى وجود صدأ في بعض أجزائه. وآخرون يرجحون تفسيرات أخرى وبعضهم يربطه بالجراب وهو بيت السيف .

وقد قال الأمام تركي بن عبدالله قصيدة طويلة في هذا السيف اشهر مافيها البيت الذي يقول:

يوم ان كل(ن) من خويه تبرا***حطيت الاجرب لي خوي(ن) يباري

كيف وصل السيف الى البحرين ؟؟

هناك عدة روايات لكن اشهرها :

أن الإمام سعود بن فيصل آل سعود أرسله - وحفظ كأمانة - إلى أخيه الجد الكبير الشيخ عيسى بن علي آل خليفة - رحمهما الله قبل 140 عاما !!

إقتباس:

الرواية الأخرى والتي رواها أشهر صانع سيوف في الخليج العربي شاكر الصايغ، الذي ينتمي إلى عائلة بحرينية عرفت بصناعة السيوف العربية لكثير من القادة والشيوخ.

ويعد الصايغ هذا السيف «بمثابة سيف الحكم للدولة السعودية وموروث ملكي مُهم جداً». ووصل «الأجرب» إلى المغفور له الملك عبدالعزيز بعد توحيد المملكة، وبعد أن اجتمعت القبائل تحت ظله». ويكمل الصايغ: «نزل الملك عبدالعزيز ضيفاً على أسرة آل خليفة، في الوقت الذي كان الصاغة وصانعو السيوف منهمكين في تجهيز الأسلحة، ومنهم من أمروا بالسفر إلى عمان والهند والدول المجاورة، لتأمين السلاح. وكان الملك متمسكاً في جميع تنقلاته بهذا السيف الغالي، الذي كان من الموروثات الملكية التي وصلت إلى الملك عبدالعزيز. وخلال زيارته للبحرين قمنا بصيانته وتجديده، من خلال الجراب الخارجي الذي كان من الذهب، فيما كانت القبضة من العاج. وكان الملك عبدالعزيز يتفاءل به كثيراً».

وقال إن هناك أمراً «ربما يجهله الكثيرون، وهو أن السيف الذي يوجد أسفل عبارة التوحيد في العلم السعودي هو دلالة على السيف الأجرب»، مؤكداً أن الأخير استنسخت منه ثلاثة سيوف طبق الأصل، سُلمت إلى الملك عبدالعزيز قبل مغادرته البحرين.

وأضاف أن الملك عبدالعزيز أعطى «الأجرب» لجماعة استجاروا به، فأمرهم بأن يخرجوا إلى البحرين، ويسلموا السيف إلى آل خليفة، وأخبرهم بأنهم ما ان سيروا السيف سيكرمونهم، ويستقبلونهم بحفاوة. وسُلم السيف إلى الشيخ حمد الأول.

وتناقله بعد ذلك حاكم تلو آخر في البحرين، إلى أن وصل إلى الشيخ محمد بن سلمان آل خليفة، عم ملك البحرين، وكان حريصاً عليه جداً. وقال الصايغ: «كان الشيخ محمد بن سلمان يردد دائماً أن هذا السيف شريان دم، يربط آل خليفة بآل سعود. وكان يرى فيه علامات الأخوة والصداقة والمحبة والسلام بين العائلتين الملكيتين. ووضع «الأجرب» في حجرة خاصة، لم يسمح لأحد بأن يقترب منها. وكان يقوم بتنظيفه شخصياً، تكريماً له».

وبالأمس والذي كان يوما تاريخيا أهدى ملك البحرين الشيخ حمد باسمه شخصيا وباسم عائلة ال خليفة الكرام أخاه خادم الحرمين الشريفين السيف الأجرب ليعود بعد 140 عاما الى بيته في نجد عرين اسود الشرى
:ba1::ba1::ba1:

http://www.aleqt.com/a/381244_100257.jpg

الملك عبدالله يقبل الأجرب :smilie47::smilie47::smilie47:

اوب 140 سنه ياساااتر ....

مدام شغلة فيها مليار لو يبون عشرة سيوف مستعد أسدحها لهم بس فيه مليار :to:

اكيد بيقبله فيه من ريحه الغالي الله يرحمه ..

والله الشعب مدري وش اقول الحين كل ويك اند تسدحون عندهم وباخلين عليهم بمليار على الاقل لارحتو هناك تلقون شي يريحكم تتعالجون بفلوسكم ..ض1

استغفر الله :D ...

قسم لحستني انت وعنوانك ..

ع بالي ملك البحرين

بصراحه شدني اسم الموضوع كثير فكرت قلت وش هالاجرب اللي زايرالعاصمه
اثاريه سيف من سيوف مؤسس الدولة السعودية الثانية الامام تركي بن عبد الله
رحمة الله .

شكرا على طرحك وعلى المعلومه الجديده :rose:

لهم مليار ريال ولنا سيف اجرب

الحمد لله والشكر بس

اللي يقول مليار ومدري وش .. ياخي وش حارقن رزك

احمد ربك عايش مكرم في صحه وعافيه وش تبي اكثر من كذا ؟

واللي موب عاجبه .. البحرين مافيه اقرب منها يروح يسكن فيذاك :d

إقتباس:

الرسالة الأصلية كتبت بواسطة alqnas%20 (مشاركة 14799041)

لهم مليار ريال ولنا سيف اجرب

الحمد لله والشكر بس

ههههههههههههههههههههههههههههههههههههههههههههههههه

لي باك :s2:
بس لعيون الامام تركي :smilie47:

اللي يقهر بعض الأعضاء اللي مقتنعين بأن شعبنا مكتفي ماديا،، فالحقيقة تقول أن نسبة الفقراء في السعودية أكثر من نسبة الأغنياء و نسبة الطبقة المتوسطة هي الأقل !!
يعني ما عندنا إلا أغنياء و فقراء و الفقراء أكثر..
أنا أتحدث من خلال معرفتي الشخصية لبعض الزملاء اللي رواتبهم ما تتعدى 4 أو 5 آلاف ريال و ديونهم أضعاف أضعاف !!

أما بالنسة للموضوع فأشكر الأخ قرقاص على طرحه..
و مبروك على السعودية الأجرب و عقبال الــ"أبرص"!!

إقتباس:

الرسالة الأصلية كتبت بواسطة الـبـيـانـكـونـيـريـ (مشاركة 14799350)

شكل كلام عادل أمام بمسرحية الزعيم يطبقونه ربعنا لابد أن الشعب يكون فقير ويموت جوعا والفقراء يدخلون الجنة ومن يريد السعادة فليموت :naughty:

وخير جليس في الزمان الاجرب :to::d

حياك الله اخوي قرقاص :wub:

وبصراحة هدية ثمينة جدا .. والله على ذيك الايام يوم السيوف لها قيمة :yes: وتسوي الهوايل :d
ويا اعضاءنا الكرام :smilie47::rose: الموضوع عن الاجرب ياليت ما يصير عن موضوع ثاني :to:
شكرا لك ابو جنا والشكر موصول للعم غوغل :d:smilie47:

سلام :smilie47::rose:

مبروووووووكـ علينا الاجرب :d

الف شكر لكـ اخوي على المعلومات الي تهم المواطنــ السعودي جداَ جداَ :to:

واصليــ يابلادي والله معاكــ

:s3s::smilie47:

ارفع راسك انت سعودي ..

غيرك ينقص وانت تزودي .. :D

والله يبارك لنا بالأجرب ..

وعالج الجرب .. الزيت المحروق :D

.. لك انت بس قرقاص .. لا احد يشوف غيرك ..:D
(وش رايك بالي عند الصيدليات .. يكتبون لكل دواء بدائل تؤدي نفس الفائدة الطبية وبسعر اقل .. )

اعتقد المليار اولى لفقراءنا والله في ناس ذابحهم الجوع

انا لله وانا اليه راجعون

والله السيف الأجرب أنا مادريت عنه إلا أمس يوم جيت عند عيال عمي وعم أبوي بينهم يسولف عن الأجرب ويعطينا القصة كاملة

أقول مين يعطيني مليار وأعطيه سيف وبندق وخنجر يرجع لأيام الملك عبدالعزيز لأحد جنود الملك عبدالعزيز

بس تدرون مع أن السيف له مدة طويلة وماشفت صدا عليه بس والله إنه ثقيل وعريض وحاد

يستاهل ابو متعب السيف الاجرب ..!!

والمليار حلال ع البحرينين .. ^^

مجرد معدن لايحكم ولايعدل ولايفصل إلا بأمر قلب شجاع وعقل سليم
الأجرب ولو كان غمده من ذهب ومقبضه من العاج إلا أنه أرخص من حجر يرميه أطفال يتامى في فلسطين على أعدائهم
فالقيمة في الفعل لا في الأداة

اللهم أرحم حالنا وبدلها بحالٍ أكرم منها
عوافي قرقاص

إقتباس:

الرسالة الأصلية كتبت بواسطة إحساس خالد (مشاركة 14799005)

استغفر الله :D ...

قسم لحستني انت وعنوانك ..

ع بالي ملك البحرين

يا تسبدييييييييييييييييييييييييييه هههههههههههههههههههههههههههههههههههههههههههه
اقسم بالله اقوى رد قريته من شهور ههههههههههههههههههههههههههههههههههههههههه
اممممممممممممما ملك البحرين اجرب ههههههههههههههههههههههههههههههههههههههه
قوية قوية قوية هههههههههههههههههههههههههههههههههههههههههههههههههههههههه
يا ويلي ويلاااااااااااااه هههههههههههههههههههههههههههههههههههههههههههههههههههه
احساس خالد .. امسح ردك يابن الحلال هههههههههههههههههههههههههههههههههههههه

إقتباس:

يوم ان كل(ن) من خويه تبرا***حطيت الاجرب لي خوي(ن) يباري

والله يا اني حفظتها من توقيع الصخرة :s2:

انا استغربت من شكله مو مثل باقي السيوف ,,

مقوس شوي !!

يلا معلومه جديده ,, مشكور ,,

شكل المليار لـ السيف :p

يعطيك العافية اخوي

ما شاء الله 140 عام ؟
واحنا لو يضيع واحد من عيالنا ماسوينا هالزحمة :d ..

إقتباس:

و مبروك على السعودية الأجرب و عقبال الــ"أبرص"!!

وشو ذا بعد ؟ سيف ضايع هههههههههههههههههههههههههه :s2: ..

عوافي يا عم قرقاص :ba1:

أقول وش دراكم انه بمليار !! جد كيف عرفتوا ؟!...

يعطيك العافية قرقاص .. و الصدق أحلى ما في موضوعك انك ذكرتنا بهالقصيدة الرائعة ..

سر ياقلم واكتب على .... *** ....
يوم كل من عميله تبرا *** حطيت الاجرب لي عميل مباري
ونزلتها غصب بخير وشرا*** وجمعت شمل بالقرايا وقاري

الله على طيبة الملك عبدالله مليار ريال لاخوانا البحارنه يستاهلون !!
انه ملك الانسانيه الله يحفظه لنا :)
والاجرب يكفي انه تراث وتاريخ بآكمله !! يعني مليارات الدنيا كلها ما تجيب غلاته علينا كشعب سعودي!!
والي يلقا شي من هنا ولا هناك يعلمنا ^^ يمكن فيها مليار ^^

ههههههههههههههههههههه الاجرب رجع لبيته

هههههههههههههههههههههههههههههههههههههههههههههههههههههههه

ياخي شعبنا مهبل :D والله انك فلاويه يا اعضاء المجلس :D

عوافي ياعم قرقاص

مرحبا بالجميع !! :d:d:d

اشوف الغالبية فهم الموضوع غلط !!:to::to::to:

المدينة الطبية التي أمر بانشائها الملك عبدالله بقيمة مليار ريال هي هدية منه شخصيا باسم شعب السعودية لأخوانهم في البحرين الشقيقه وليست مقابل السيف !!!

وشي أخر المدينة الطبية الجديدة تتبع لجامعة الخليج والتي يقبل فيها ويدرس كل ابناء الخليج !! والكثير من الطلاب السعوديين يدرسون في الجامعة ويترددون بشكل يومي وهم من اهالي المنطقة الشرقية !!

وبعدين البحرين صايره مكان لقضاء الويكند للسعوديين ولو صار للواحد شي وين يروح ماعندهم الا مستشفى السلمانية وقديم مرة!! على الأقل الواحد يلقى مكان يتعالج فيه لو صار له شي في اجازته :d:d:d

وتراها ماهي حسافة في ارض البحرين لأن الخليجي هناك يعامل معاملة البحريني والعلاج بلاش!! لكن لو رحت لدولة عربية ثانية وبغيت تتعالج ان ينظفون جيوبك قبل كل شي :d:d:d

معلومات قيمة عن السيف ..

والله أحياناً يعز على الإنسان أشيائه القديمة ولا يفرط فيها ولو بأغلى الأثمان .

تسلم يدك ويسعدك ربي .

فهمت العنوآن غلط ض1
الله يوفق حكآمنآ الكرمآء ..
رآسنآ فوق دوم ..
يعطيك العافيه