عزيز ... عزيز ... عزيز
بسم الله
السلام عليكم ورحمة الله
بدخل بالموضوع على طول وبدون مقدمات
الهلال عنده بكره مباراه مفصليه مع الغريم التقليدي النصر
وهذي المباراة لها مباراة عوده يعني مباراتين مهمه للغاية في هذي البطوله الوحيدة اللي مادخلت خزائن الزعيم
وبعدها عندنا مباراة للتاريخ مع مس كيرمان الايران
وبعدها عندنا دور الـ 16 من البطوله المشتاقه لنا
واحتمال يكون هناك نهائي كأس خادم الحرمين الشريفين
بس اللي يدخل المنتدى مايقرأ ولا موضوع يخص اي مباراة من المباريات اللي قلتها فوق
صار شغلنا الشاغل غاب خالد عزيز
خالد ارسل رساله للمشرف
خالد امه بالعنايه
خالد مسافر برا
خالد رجع يتمرن
خالد طلع من التمرين بدري
خالد ... خالد ... خالد
وبعدين
الهلال مايتوقف على لاعب متلاعب مثل عزيز
الوقت مو وقت تصفية حسابات الحين
اتركوا حسابكم وعقابكم للاعب بعد نهاية الموسم
حنا الحين بأهم اوقات الموسم
قدامنا بطولتين احدهما لم نحققها حتى الآن والأخرى غائبه عننا من زمان
ياجماعة الخير اتركونا من المواضيع اللي ماتودي ولا تجيب
مدربنا داهية واعرف وادرى بالفريق
مثل ماقال ابو عبدالله
دعوا القياده لنا وساتمتعوا بالرحله
تركنالكم القياده وحققتوا بطولتين وباقي ثنتين ننتظرها واتوقع كل جمهور الهلال لن يسمح بخسارة احداها
~.~.~.~ نقاط على السريع ~.~.~.~
ياسر راح يواجه حرب من جمهور النصر مثل مانقرأ في منتدياتهم اتمنى عندما نسمع هتافاتهم التافهه الصياح باستهجان لأخفاء صوتهم
اتمنى نوفر اصواتنا لتشجيع زعيمنا وليس للهتاف ضد غيرنا كما يفعل السفهاء
هناك تخدير اعلامي بأن النصر هو الحلقه الأضعف في المباراة واحتمال خسارته بنتيجه كبيره ولكن في الديربي تختلف الحسابات
من بعد صلاة العصر لاشوف احد في بيته الوعد الاستاد بلا عصام الشوالي بلا هم خذ معك اخوك جار صديك هندي البقاله اللي جنبكم لاتخلون مكان فاضي
اتمنى من نجوم الزعيم تسجيل هدف مبكر قبل الدقيقه الـ 25 واتوقع اذا جاء هدف بهالوقت ان تنتهي ثلاثيه بإذن الله
في الختام دعواتكم للزعماء وبالتوفيق للزعيييييييم
الوضع العادي
