|
مقتطفات حياتيه ،،! السلام عليكم ورحمة الله ،، صباحكم/ مساءكم يشع بنور قلوبكم ،، حكمة: التخطيط بدون عمل عقيم ،، لكن العمل بدون تخطيط قاتل ! امور لاحظتها في حياتي ،، حبيت اشاركها عل وعسى تكون مفيدة لغيري • • الغربة : تنتهي من سنوات اللعب بالمدرسة واللف والدورانوفجآه تكون مسؤول عن نفسك في هذي الحياة تحاول بديرتك محدن يبيك ،، وكل اللي حولك ينصحك بالخارج تروح وتكتشف الحياة وتستفيد الكثير ،، لكن بالنهاية تبقى فكره في بالك تدور تهوجس بنفسك وتشوف من حولك ،، ايه نعم انا فلان عرفت وش الدنيا عليه ببداية الطريق وصار هالحكي وشلون بعد كم سنه !! الكل يتخلى عنك فجاه ،، والكل ينساك ويتناساك مع الوقت تبقى بالغربة انت محتاج ،، تسال وتتطمن تحاول تبين اهتمامك ولكن ما من مجيب اما اللي حولك " الله بالخير " دراسة وكرف وتعب ،، والويكند استمتاع للاخير عايش حياته بدون تفكير بمسؤوليات والتزام واهم شي ،، انت ابنيلي وانا انبسط ولا افكر فيك ! باستبعاد الفئة القليلة اللي تحاول تكون من العرب يد وحدة واذا كلمت فلان وقال لك مقدر اجيك اليوم يوم الاهل تحسرت على عيشتك بدونهم ودعيت ربك بالثبات • • الحب : تعجب في انثى وتعجب فيكتحاول توصل لها ما تقدر اما لان الاهل مو راضين ،، او لسا بدري عليك ،، او اختلاف في التقاليد والانساب اختلاف وجهة نظر بين اوليا الامور يفرقكم ولا كلمة قالها الابو قدام الرجال ما يغيرها تشوفهم بعد شهر شهرين سنه سنتين عشر ,, كلواحد باقي يحاول ينسى الثاني ولاهو قادر والاهل حكمو عليهم بالتعب المميت لمدى الحياة وياقلب لا تحزن ,, ولا الفئة الثانية انا حاجزك لفلانه بنت عمك فلان واختار لك منهو في حياتك ،، اما انا وبنت عمك فلان ولا هاللي من ورانا ولعبت فيك وروح يا فلان قارن وش تبي بحياتك رضا والدينك ورضا ربك منهم ،، ولا قلبك وراحتك في حياتك وبكلا الحالتين ،، كلام الناس ما يوقف :) • • الصدق : تعيش على نياتك مسكيين ما تعرف شيتتكلم مع كل احد بصراحة واللي بقلبك على لسانك تنغر بفلان وتستانس على فلان وتحب صراحته وجرأته معك بالحكي ,, مسكييين تمر الايام والشهور ،، وتلقى اللي حولك مجتمع كاذب !! تحاول تلاقي صاحبك الصادق تلاقيه هذاك اللي كنت تصد عنه وتخليه • • الشباب دجة : فلان سوا وفعل وتطوع ،، ايه هذا اللي قدر عليه !فلان اخترع ،، ايه واحد من مليون فلان قايم باهله ،، نادر يابختهم فيه فلان تحرش بفلانه ،، اييييييه كلهم كذا الله لا يوفقهم !!! شبابنا ما يصلح والبنات مو عاجبهم منهم شي شبابنا صاين روحه ولا راح للحرام يحبون الاجنبي ويتمنونه بدالهم الاجنبي اللي ما يغسل بالحمام ويتسبح مره بالاسبوع الاجنبي اللي كليوم سكران ومعه بدل الوحده ثنتين وثلاث ويعيشون مليون ولا ثنين سمعتهم تسوى سمعة 22 مليون ! • • مخرج :: يقوم الاخ "شاكر علي" بجمع 100 مقطع فيديو بالاضافة لعديد من الصور يجمعها ويكون فيها مونتاج شكر وعرفان لوالدي الملك عبدالله ،، اللي اعطانا فرصة اننا نبتعث ونكتسب خبرات وتجارب اكبر بالاضافة الى الدراسة القوية عسى ان نكون خصلة من خصال سببت في ارتقاء دولتنا شكرا بابا عبدالله :) >> في نظري كل نقطة تستوجب وجودها في موضوع خاص بها حتى يتم الاهتمام والتركيز بها اكثر ،، :) ولكن قد تعتبر فضفضة في هذه المرة • • |
عـنـووووونـــي :s5s: بليـز عدل الخط لانه مره صغيــررر :d ولي بـآآآك :ba1: |
كبر الخط الله يرضى عنك ولي رجعة اذا ربي اراد |
إقتباس:
:cry: لاهنت موضوع جميل :rose: |
اخوي الخط مو واااضح عدل الخط ولي عودة |
الخط طالع عندي كبير مادريت انه طالع صغير لكم حطيته 4 مدري ينفع ولا لا :) |
موضوووع جميل وكلام يعبر عن احوال اغلب الناااااااااااااااس الله يعيناااا على هاذي الدنياااااا |
^ ^ مشكورين عالمرور ... |
تسلم يالزعيم ابدعت صراحة والله يحينا بهالدنيا حياة طيبة |
^ ^ شكرا عالمرور بانتظار اراءكم وانتقاداتكم :) |
| الوقت المعتمد في المنتدى بتوقيت جرينتش +3.
الوقت الان » 12:14 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd