بسم الله الرحمن الرحيم

السلام عليكم ورحمة الله وبركاتة




أول شي أبارك لكم التأهل لدور الـ16 والي يعتبر هو المفصل الحقيقي بهذي البطولة

لسبب بسيط تلعب مباراة واحدة , ولو كانت المباراة بأرضك ما راح يشفع لك الحظ

لأن حتى وأن تأهلت بالمركز الأول , وفزت بجميع المباريات الـ 6 وبأهدااف كثيررة وبمستويات رائعة

جميع هالأمور ماتشفع لك أبداً , لأنها مباراة واحدة يعلق فيها مصيرك بغض النظر عن نتائجك ومستوياتك قبلها

وغير كل هذا مافيه أي أمل لتعويض , لأن أحتمال تكون بأرضك عندك ظروف ومستواك يكون غير جيد أو فيه أنخفاض بالمستوى

ولا فيه مباراه أياب عشان تقول أنك تقدر تعوض فيها , وهذي هي أكبر مشكلة بهالدور المخيس


هالحين بنتقل للموضوع المهم والي مخوفني من هالدور بشكل كبيررررررر



تذكرون قبل تبداء التصفيات لكأس أبطال أسيا , وبالتحديد بعد ما تم تقييم ملعب الملز وأستاد الملك فهد من لجنة التفتيش بالأتحاد الأسيوي

جميعاً بعد ما ظهرت نتائج التفتيش قلنا نتمنى تكون مباريات الهلال بأستاد الملز , وكنت أظن الأدارة راح تستمع لمطالبات الجماهير

لكن وعلى غير المتوقع تم لعب مباريات الهلال الى بأرضة جميعا بأستاد الملك فهد

بصراحة أنا غير متفائل بهالأستاد أبداً أبداً , وحتى بتلك الفترة جماهير الرياض أشتكو من بعد الأستاد وذكرو سلبياات كثيرة لاتحضرني

الي بنوصل له , دائماً ما نلاحظ مستويات الهلال باستاد الملك فهد تكون ضعيفة جداً جداً مقارنة بمستوياتهم خارج هالملعب

أنا بعطيكم مقارنة بسيطة جداً , بالتصفيات لعبنا لحد الأن 5 مباريات , ثلاث منها بأستاد الملك فهد وواحدة بقطر وواحدة بالأمارات

الي بأستاد الملك فهد فزنا بمباراة واحدة , وتعادلنا بمبارتين , لكن الى بخارج أرضنا فزنا فيها جميعاً



أستاد الملك فهد


داااااائماً دائماً وحتى بالدوري نلاحظ أنخفاض ملحوظ بالمستوى لمن يلعب الهلال بأستاد الملك فهد حتى ولو فزنا فيها تلاقيها بدون مستوى


والسبب بأنخفاض مستوى الهلال بأستاد الملك فهد أتوقع

(( مساحة أستاد الملك فهد لأن مساحتة أكبر من أستاد الملز بشكل ملحوظ وواضح جدااااا

أو السبب من أرضية الملعب الي واضح أن العشب فيها كثيف نوعا ما مثل ملعب الشرائع بمكة ))
وأنا متعمد أخلي لون هالكلام بالأحمر , عشان لحد يقولي يفارس ترى التطير والتشاؤم يدخلك بمحضورات شرعية أنا ذكرت الأسباب الي أتوقعها بشكل كبيرررر عشان لحد يفهمني غلط



أستاد الملز


أما بأستاد الملز فهالموسم حققنا فيه الخماسيات وماهو أكثر من الخماسيات ودائماً ماتكون مستوياتنا فيه مرتفعة ولنا فيه الذكريااات الجميلة

وغير هيك أستيعابة للجماهير لايترك مكان فارغ لجماهير الهلال بالعكس الجمهور تلاقيهم يتحمسون للحضور للمباريات

لأنه يكون في علمه لو ماحضر من بدري ما راح يلقى له أي مكان فاارغ ,

البعض يحتجون بأن أستعياب أستاد الملك فهد للجماهير أكبر بكثير من أستاد الملز

لكن وش ينفع إذا كان الأستيعاب كبير , والحضور ما راح يغطي كل هالأستيعااب ويترك مكان فارغ

ونفسياً لمن يحضر اللاعب ومايكون فيه أي مكان فارغ يكون تـأثيره أكثر من أنه يلقى جمهور كثير لكن فيه بعض الفراغات والأماكن الشاغرة


أتمنى من كل قلبي تكون مباراة الهلال بدور 16 بأستاد الملز ياااااااااااااارب



وودي أشوف ردودكم

ياترى توافقون الرأي أو لا وأتمنى تعطوني أرائكم لأني والله شايل هم دور 16 من هاللحين


تحيتي للجميع

طرح أكثر من رائع ,,’’

ألف شكر لك أخووي ع الموضوع والابدااع ,,’’

وبالتوفيـــــــــــق للهلال ,,’’

استاد الملك الفهد فيه دنبووشي

يالبــى الملز بس

الف شكر

وبااااااااااالتوفيق للزعيم

أستاد الملك شؤم شؤم شؤم على الهلال

والله انك صادق بالله عليكم ماتلاحظون ؟

مشكوور وياليت دوري ابطال اسيا على بالملز

استاد الملك فهد تشائم دائماا فيه

والله انا كاتب نفس الموضوع تقريبا وانته ريحتني المهم هل هناك قانون يمنع الهلال من اللعب في الملز والله شي يرفع الضغط الملعب هذا لعنة على الفريق

اتمنى نلعب بالملز



استاد الملك فهد دائما ضدنا

ياهو عقدنا درة الملاعب ياهو عقده ياهو عقده


لاهنت أخوي .

شدعوه شدخل الملعب الحين لا يكون عندك تطير ياخوي ترى مايجوز
اللاعبين هم الي يقررون تكون المباراه رائعه او لا , مش مكان شوف الأفرقه الاجنبيه والله لو يلعبون في براحه او على صبه تركيزه كله على اللعب ممتااز وعلى احراز الاهداف
اختلف معك بهالشي
تحياتي لك

نحسسسسسس استاد الملك فهد


نحسس

تكفون لبو طلباتنا ولو مره نبغى الملززززز