نادي الهلال السعودي - شبكة الزعيم - الموقع الرسمي - بابا بابا تكفى يا بابا !!! لن نقف حتى تقفون !!!

السلام عليكم ورحمة الله وبركاته

للحرب النفسية اثر في توجية المعارك لذلك لن اتوقف حتى يعلن الهلال تأهله رسمياً لنهائي كاس الابطال بأذن الله ويجب على الجميع الوقوف مع الزعيم بالردود وتنزيل المواضيع التي تضرب البيت الخرب المتهالك ولكن بسخرية حتى تصل للاعبيهم من دون ان نزيف الحقائق واليكم الحوار التالي :

الاب : هلا وليدي كيفك عساك طيب .
الابن : والله ماني طيب ليه الهلال يفرح ويسوي اعتزالات لنجومه ولاعبي الي احبه من يومني صغير ما سوينا له شئ تكفى يابابا اعطني فلوس ابي اسوي له حفل اعتزال .
الاب : ابشر يا وليدي تدري اني احبك ولا اقدر اقولك لا .
الابن : تسلم يا بابا والله اني ما ادري وش اقولك .
وبعد اقامة المهرجان
الاب : انتبه لا تروح للنادي كثير تراهم بيطمعون فيك ويكبرونها في راسك ولابتحط من جيبك ريال تراها من عندي وانا ماني مستعد اشقى واتعب واكافح وتصرفها على الكورة . شفني اعلمك من بدري .
الابن : ابشر يا بابا .
وياكل المقلب من الجماهير الفقيرة بعد ان اعطوه لقب ( لكم عليه )
الابن : بابا ان تدري وش يقولون عني يبوني امسك ناديهم .
الاب : بكيفك انا نبهتك من قبل تراهم داخلين على طمع .
الابن بعد ما مسك النادي الي يقول ان المادة تنقصنا هذا خبل ( وداخل نفسة يقول الله يخلي لي بابا )
الاب : هاه وش سويت .
الابن : حطوني رئيس بس تكفى يا بابا ابي فلوس علشان يخافون مني الاندية الثانية .
الاب : وش قلت لك ما راح اعطيك ريال واحد .
الابن : طيب انت عضو في نادي ثاني اعطني لعيبتهم ونقول انها كلفت مبلغ وقدرة علشان يقولون ان معه فلوس .
الاب : ما اقدر اكذب رح واتفق معهم بيستحون مني ولا تدخلني في الموضوع .
الابن : ابشر يابابا .
الحين رواتب متأخره خمسة شهور وشردوا لاعبين واجد ولاعبين كديش يدرون لو طلعوا من النادي ما راح احد ياخذهم الا اذا كانوا لحاقين كور ...
الابن : الو الو بابا .
الاب : هلا وليدي امر وش تبي .
الابن : شفت وش كتبوا عني في الجرايد .
الاب : ابه ياما نصحتك لا تورط نفسك مع ناس تجيب الفقر واهله .
الابن : تكفى يا بابا ابي فلـ .....طوط طوط طوط .
الابن : شكل ما عند بوي ابراج بتصل فيه وقت ثاني لعل وعسى .

الى اللوبي الاصفر اوقفوا اسقاطاتكم على الزعيم ورجاله حتى نقف ..
( اهزوجة جديده)
بابا بابا .... تكفى يابابا
بابا بابا .... تكفى يابابا
بابا بابا .... تكفى يابابا
بابا بابا .... تكفى يابابا
بابا بابا .... تكفى يابابا

الروح يا لاعبي الزعيم هي السلاح القوي ادخلوا اللقاء بهدف تقديم دروس مجان لجمهور المجان ولاعبي المجان .. ولازلت ابتعد عن التحدث عن الزعيم حتى ينتهي الموسم لان الجابر قال دعوا القيادة لنا واستمتعوا بالرحلة

هذا الموضوع كتب اليوم الجمعه

وهذا موضوع يوم الخميس
http://vb.alhilal.com/showthread.php?t=884818&page=3

وهذا موضوع يوم الاربعاء
http://vb.alhilal.com/showthread.php?t=884655&page=5

وانتظروا كل يوم موضوع حتى يتأهل الهلال للنهائي

عن اذنكم طوط طوط طوط