|
ملاحظة على جمهور الهلال وملاحظة مهمة للمسؤلين باستاذ الملك فهد بسم الله الرحمن الرحيم تحية طيبة للزعماء واقول الف مليون مبروك للتاهل الى الدور 16 وان شاء الله عقبال مانبارك لبعضنا البعض بالكاس لككن لي عتب وكلام كثير نختصره لكم في كم سطر انا حضرت المباراة انا واحد اخوتي قادمين من الطائف واخي لاول مرة يحضر مباراة بالرياض وهو اتحادي لكن تفاجأ بجمهور الهلال غير حماسي وغير كثير بعكس ما قد يتصوره هو شخصيا لانه متعود بجده يحضر مع فريقه الاتحاد ولكن تفاجا بالحضور اللي كان قليل على كلامه وايضا تفاجا برجال الامن وتشديدهم بكل شي حتى الماء لم يدخلوه بعكس ملاعب جده وهذا السبب الاول والاخير هو جمهور الرياض اللي ما يطالب بدخول الماء وايضا الشي المهم جدا جدا هو اثناء اذان صلاة العشاء وذهبنا للصلاة والله ما عرفنا كيف نصلي وذلك للمسؤلين بتشغيل الاغاني بوقت مبكر بعد الصلاة وان لم تكن تنتهي امل من المسؤلين ان يركزوا من ناحيه الصلاة وعدم تشغيل الاغاني وايضا ارجوا ان نركز على الجمهور بالحضور المبكر والمؤازرة الى اخر وقت والتشجيع المستمر لتعطي حماس ودافع للاعبين ولكم شكري وتقديري واسف على الاطاله |
والله تدري وش امنيتي نادي مثل الهلال ونادي القرن الاسيوي يعني مو مثل اي نادي اتسآءل! ليش ماله ملعب خاص والله قاهر ياليت يشوفو ذا الموضوع ماينفع كذا متقاطين بملعب واحد بالنسبه للجمهور ذاك اليوم كان ناااااايم لابعد حدود انا تابعتها على ابو ظبي المعلق يعلق والجمهور ساكت بعكس متابعتي لمبارات البرشا ياااااااحلو جمهورهم صوت واحد برشا برشا ماعلينا منهم بس لازم جمهورنا يصحصح شوي اشكرك اخوي على موضوعك الطيب ياليت تقولولي هل الهلال يكر انا يبني ملعب جديد لان ماعندي معلومه حرام نادي كبير ماله منشأ كامل هذا وينطبق الحال على جميع الانديه |
ملاحظااااااات مهمه يااااااااااليت تختفي شووووووووووكرن وبالتوفيق للزعيم |
اه بسس وش نقووول قسسم بالله اممن فااااااااشل مع جمهوور فااشل والله لو تناظروون مبارة كانت في ايراان المبارة اللي راحت مع الشباب الظااهر شف وش لوون الجمهوور بدوون مايكاات ولا شييي وصووتهم يغططي ع المعلق ياليييت يتطووور الشعب شووي موو كلهم الاقلييه |
يا أخوان والله أنا قلتها أكثر من مرره لا تلوم المشجع هو ما جاء يشجع ويصايح صحيح يشجع ويتفاعل , لكن مع حدث ! يعني مع هجمه عارضه , حكم ظلمك , أما تبيه يغني ومع الرابطة , طيب أنا إنسان متعصب وجاي ومتحمس وحاط يدي على راسي وأتابع المباراة بكل صمت هذا التشجيع لكن إن كانك تبي الملعب يلعلع , جب لك ناس ما تدري وش الكورة اللي بعض الأيـام يطلعون في الكاميرا يترقّصون وفريقهم خسران |
سؤال الهلال له ملعب ولا لا اقصد يفكر يبني ملعب ولا لا ؟ افيدوني |
ياخوي الرابطة توقف عند الصلاة استغفر الله ياشيخ عطني دليل انت !!!!!!!!!!!!!! ناس |
نااااااااااااااااااااااااااااااااااس تقهر |
السلام عليكم وش داعي تشغيل الاغاني انا من الناس اللي مااحضر بسبب الاغاني والطقطه كننا في عرس اللهم لك الحمد قلنا الف مرة التشجيع الجماعي ماحولك احد تظنون مثلا اب معه عياله بيجي ؟؟؟ وهو يربي فيهم كل يوم مدرس فاضل بيجي ؟؟؟؟؟ لو شافوه طلابه قالوا ذا يبي من يدرسه موظف مستقيم بيجي ؟؟؟؟ لو شافوه زملائه في العمل ضحكوا عليه ونقصوه قدره ياناس اللي يبي الشكشكه والرقص والطقطقة يدورها في غير الملعب وادارة الملعب ماكاننا في بلد تطبق الشرع الواحد حتى الفاتحة اللي حافظه مثل اسمه مايعرف يقراها كثير من الاعضاء كتبوا مانفع ازيدكم من الشعر بيت قابلت واحد معنا في العمل حضر مباراة الاهلي معه ولده اللي في المتوسطة يقول استحيت من ولدي من التصرفات الموجودة والاغاني وقلت هذا اخر مرة وانا ابوك اقتراح لماذا لايعمل استفتاء عن سبب انقطاع الجمهور عن الحضور وبتعرفون الاسباب |
إقتباس:
الجمهور الصامت لن يفيد لوحضروا بالملايين إذا لم يتفاعل الجمهور مع كل هجمة وحركة ولمسة جماعيا وبصوت مخيف ومربك للخصم فلا فائدة من حضوره ولك في الجمهور الايراني والاوزبكي خير مثال واللاعب لابد ان يستفز الجمهور بحركة بسحبة بلاعب الخصم مثل ماكان يفعل سامي ويوسف وفقكم الله |
سجل 3 من عندك جايين من حايل بأذن الله لدره يوم الثلاثا ضد الفقراويه |
الرابطه تعبانه قسم بالله نادي زي الهلال ماعنده رابطه ترفع الراس والله عيب اتمنى من المسؤلين تغير الرابطه او مانبي رابطه نبي نشوف المباراه بدون ازعااااااااج بذات ذاك اللي يقول ياهلال ويصارخ بلا سنع :mad: اخ بس ياجمهور الاهلي وناسه ع كيفك جمهور حماسي قهر مافي شي يكمل يابطولات يا رابطه بس الحمدالله الاهم بطولات هههههه بالتوفيق للزعيم |
الله يكتب اللي فيه الخير للزعيم |
ومن قال انه الاغاني والازعاج والصراخ الي مال امه داعي تشجيع ياخي انا من ورى الشاشة انزعج كيف اللاعبيين كيف يركزون ياخي الحلو انه الجمهور يتحمس ويحمس اللاعبين بشكل جماعي وبصوت واحد وبحركات موحده وبوقت واحد وذا الالات الموسيقية فكونا من ازعاجها تبون تشجيع يازين التشجيع والحماس الاوروبي بلا موسيقى واغاني ورقص وهبال وخرابيط |
الله يستر وبس من جمهورنا بصراحة لاتشجيع يواكب العالم.. الله المستعان..! |
| الوقت المعتمد في المنتدى بتوقيت جرينتش +3.
الوقت الان » 10:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd