|
سرعة نقل الكرة اين اختفت ياهلال + يوتيوب السلام عليكم ورحمة الله وبركاته في البداية اسمحوا لي معاشر الزعماء ان اتقدم بالتهاني الخالصة لصاحب السمو الملكي الامير عبدالرحمن بن مساعد رئيس مجلس ادارة النادي ولسمو نائبه الكريم وللجهازين الفني و الاداري و لنجوم الفريق و لكم ايها الشعب الهلالي العظيم وذلك بمناسبة تاهلنا للدور القادم من بطولة دوري آسيا للمحترفين سائلا الله العلي القدير ان يكلل هذا النجاح باللقب الغالي ان شاء سبحانه وتعالى .. احببت هنا فقط احبتي ان اناقش معكم مشكلة بدات الاحظها في الاونة الاخيرة في لعب الهلال و مستوى بعض نجومه .. الا وهي مشكلة الاحتفاظ الزائد بالكرة .. وهذه الظاهرة يااخوان بدات اراها كثيرا في المباريات الاخيرة وهي ظاهرة لها سلبيات عدة لاتخفى عليكم لعل من ابرزها تعرض اللاعب للخطر بدخول المنافس عليه بعنف ونحن في غنى عن هذا الامر اعني تعريض نجومنا للخطر .. بالاضافة الى ان كرة القدم كرة جماعية ومااروع الهلال وهو يقدم الكرة الجماعية التي تعتمد على النقل السريع و الحركة بدون كرة والوصول الى مرمى الخصم باقصر الطرق .. اضف الى ان هذه المشكلة تعنى سرعة قراءة الخصم للملعب و معرفة اماكن انتشار زملائك وسرعة التقفيل وبالتالي يصعب عليك نقل الكرة بشكل صحيح لاسيما وانك تكون في حالة اقوى وانت تمتلكها بمعنى انه يكون لديك حينها القدرة على قراءة الملعب اسرع من الخصم الذي لايملك الكرة ولايرى سواك واياها ... ونقل الكرة بسرعه ياسادة يشتت اذهان الفريق الخصم و لايمكنه من الضغط على حاملها .. وكم غضبت وانا اشاهد عددا من نجوم الفريق وهم يحتفظون بالكرة ويركضون بها مسافات طويلة حتى يقطع منهم و تعود خطرة على مرمانا .. وهنا اسمحوا لي ان اقدم لكم مقطعا لهدف هلالي خالد وخيالي تمت صناعته من اربع لمسات و بواسطته ضرب وسط الهلال الناري الفريق المنافس ووضع الاسطورة سامي امام المرمى باسرع كرة و اقصر طريق .. ضربة مرمى نفذها الرشيد ــ الله يذكره بالخير ــ >> التيماوي >> العويران >> التيماوي >> يوسف >> سامي قوووووووووووووووووووووول ولافيهم احد ركض بالكورة اكثر من عدة خطوات ابدا ... وسلموا و استلموا و لاعبي الخصم يتفرجون عالابداع .. شوفوا الفيديو http://www.youtube.com/watch?v=4PYk7...eature=related اتمنى اني اسمع ارائكم بالموضوع وبهذا الهدف ... (( نقاط مفرقة )) ــ في مباراة النصر القادمة اتمنى ان توكل مهمة مراقبة باسكال لخالد عزيز لان هذا اللاعب خطير اذا كان خلف المهاجمين و يجيد صناعة اللعب و ياخوفي منه . ــ سيعمد النصراويون في المباراة القادمة الى الارهاب الكروي و خصوصا مع ويلي ونيفيز .. لذا آمل الزج بعبدالعزيز الدوسري مكان ويلي و الشلهوب مكان نيفيز خلف ياسر وذلك من باب ارهاق الخصم . ــ عصبية رادوي لابد ان تجد لها الادارة حلا فليس من المنطقي ان يحرجنا لاعب بحجم رادوي بدون ادنى سبب و ماضربة البلوشي في مباراة السد الاخيرة الا مصدر قلق لنا كهلاليين خصوصا وانها بلا مبرر اطلاقا . ــ مع رادوي مرة اخرى وانا الاحظ مستواه بدا في التراجع فمنطقة المناورة اصبح يتملكها الخصم باسهل الطرق وعودوا للمباريات الاخيرة و ستلاحظون مااعنيه .. ماذا حل بك يازورو ..؟!! ــ انا من اشد المعجبين بمستوى محمد نامي في الاونة الاخيرة واعتقد ان وقوع اللاعب في اخطاء التغطية نتيجة ضعف المساندة من خط الوسط . ــ لاخوف عليك ياهلال وانت تمتلك كوكبة النجوم ولكن حذاري من الثقة المفرطة فكرة القدم تخدم من يخدمها فقط . ختاما دعواتي الصادقة بان يوفق الله الهلال فوق كل ارض وتحت كل سماء .. و على منصات البطولات بحول الله نلتقي |
// // // ثواني ------------------ أستشهد بهدف الفريدي ه السنه ع النصر كآن فيه سرعه نقل كره وتمكن الفريدي يعدي ويسجل اتمنى يركز على هالنقطه المدرب لانها مصدر قوة للهلآل أمممآ الهدف :to: بصراحه ذكريآت لآتنسى سآمي + يوسف :smilie47: بالتوفيق يارب |
رائع جداً .. بس تبينا نطلع ويلي ونيفيز ..!! شي غريب منّك .. وإلا موضوعك ممتااااااز .. وان شاء الله نرجع للأربعات والخمسات في مباريات النصر .. بـ إذن واحد أحد ..~ وشي طبيعي ان الفريق يتعرض لـ (درُب) .. وزين انه جا في مباراة السد .. وان شاء الله كل شي يتصحح في مباراة النصر .. ودمت بـ ود .. |
نطلع ويلي ونيفيز ؟؟ لاااااا بس كل اللي قلته صح الهلال كان يتمتع بسرعة نقل الكرات اما الحين مدري وش صاار فييه |
أنت من أشد المعجبين بـ محمد نامي وأنا أول المطالبين برحيل محمد نامي |
اخوي مدري مدري .. يعطيك الف عافية على مرورك و تعليقك .. وشكرا على الاطراء ياغالي ================================ اخوي جمجووم مشكور اولا على مرورك .. إقتباس:
اما ويلي فمشكلته قدام النصر مشكلة خصوصا اذا كان الحكم ضعيف ولاقدر يوقف العنف المقصووود و اذكرك في مباراة النصر اول كم كورة راح يتعرض لدخول عنيف الله يستر منه بس .. ================================ اخوي صداها هلالي اشكرك على مرورك ونفس الفكرة اللي ابقولها لك بخصوص ويلي ونيفيز بالذات في مباراة النصر شفني قلتها للزعيم جمجوم ياذيب .. وانا قصدي نستغنس عنهم الشوط الاول فقط لين نستهلك مجهود لاعبي النصر و ينزلون اذا احتاجهم الفريق الشوط الثاني .. انا تراني اتكلم عن مباراة النصر يعني تراني مااطالب بالغاء عقودهم .. اشكرك مرة ثانية على مرورك يازعيم .. ================================= اخوي ابو يوسف .. اشكرك اولا على مرورك يازعيم الشيء الثاني وانا اخوك الاختلاف في الرأي امر صحي .. ونامي بصراحة ارتفع مستواه كثير و تأكد لو اللاعب ماهو مالي خانته ماكان صبر عليه جريتس لحد الان .. بعدين ياغالي بلاش نخلي الصورة النمطية اللي في اذهاننا تغلب عقولنا .. نامي مقدم مستوى حلو والمباريات اللي لعبها مؤخرا كان قدها وقدود .. اتمنى تعطى له الفرصة كاملة صدقوني اللاعب عنده شي يقدمه ... تحياتي لك مرة اخرى |
اخي العزيز : محمد نامي في الهلال لا يلعب في مركزه الاصلي (وسط) لذلك نجده إذا تقدم يشكل خطورة بالغة . الحقيقة أنا أسحب رأيي برحيلة إذا تم تغير مركزه إلى وسط لكن إذا تم في هذا المركز (ظهير أيمن ) أصر على رأيي . وشكرا |
كلامك سليم ابو يوسف .. بس حط في بالك ان خانة الظهير مايبيلها امكانات غير اللياقة العالية والانضباط في تنفيذ التكتيك يعني متى تطلع و متى تغطي و تمسك ارضك .. لكن فيه نقطة حنا دوم نغفلها .. اللي هي دور الوسط الايمن في المساندة الدفاعية .. الدفاع يابو يوسف وانا اخوك يبدا من النص .. ولك ان تتخيل خط وسط لايساند كيف راح ينكشف الدفاع ولو كان عندك من اسامة وتفاريس مية مدافع ..!! اعذرني عالمبالغة لكن فعلا اذا النص مايساند الدفاع في التغطية راح ينكشف الدفاع غصب .. اشكر لك تفاعلك ياغالي و لك مني فائق الود يازعيم وباذن الله نبارك لبعض ببطولة كاس خادم الحرمين الشريفين و بطولة اسيا بحول واحد احد |
الله يكتب اللي فيه الخير للزعيم |
بصراحه موضوعك أعجبني والنقاط أعجبتني ... وأتمنى يخف شوي رادوي والعصبيه تضر فيه كثير وتضر بالزعيم أكثر اما بالنسبه لسرعة التمرير والهدف ما تفرق معي لو كان الهلال متقدم بهدفين أقل شي لكن يعجبني بالهلال التمرير من لمسه واحده لكن اذا كان تعادل او لا قدر الله خساره للهلال فأكثر شي المفروض يركزون فيه الهلال التركيز اول شي وسرعة التمرير ويعطيك العافيه يابطل ,, , |
الله يكتب اللي فيه الخير للزعيم |
لاتنسـ كلامـ الكوريـ يومـ سألوهـ عنـ مستوى ناميـ رد وقالها حرفيا "انا استغربـ منـ الهلاليينـ انهمـ جابونيـ ومحمد ناميـ موجود" وربيـ انو بطلـ بسـ عندكـ جمهور الليـ يبدعـ مبارتينـ ورا بعضـ صار احسنـ لاعبـ والعكسـ صحيحـ |
الله يوفق الهلال في مباراتة امام النصر يعطيك العافية |
عزيزي انت تتكلم عن اساطير الثنيان التيماوي الجابر |
شكرا يالغلا وبالتوفيق للهلال ويجب بصراحه ان نحترم النصر لان مستواه متطور جدا |
| الوقت المعتمد في المنتدى بتوقيت جرينتش +3.
الوقت الان » 02:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd