|
من الي ياخذ بحق جماهير الهلال..يا إدارتنا العزيزه ؟؟ ابي شرح للأسباب..؟ ممكن السلام عليكم ورحمة الله وبركاته صراحه يا جماهير ان ادارتنا العزيزه على قلوبنا والي نحبها حب مو طبيعي ما تقرى المواضيع التي في المنتدى. ولم نشاهد اي تحركات او تطورات في استرجاع حقوق الجماهير ..ما ادري انا.. الي قاعد يصير للجماهير من ظلم مهم بالنسبه لإدارتنا او ما تدري عنه ..صراحه لا اعلم لماذا الاداره صامته .. وصل السيل الزوبى احنا الجماهير ما عاد نقدر نتحمل المضايقات الي تصير لنا في ملعب النمشان ..نعم ملعب النمشان لانه يتصرف فيه على كيفه و يتعامل بعنصريه ضد الهلال..توجد اشياء كثيره على النمشان ..الكل يعرفها واخر شي سالفة عدد الجماهير ..هذي الاكاذيب في اعداد الجماهير من بداية البطوله والاداره ساكته عن الموضوع ولم تحرك ساكنا ..نبي حل نبي تحقيق المساواة نبي عدل ليه الظلم هذا .. انا مع الاداره في سكوتها عن بعض الاشياء ..ولكن سالفة اضطهاد الجماهير من قبل رجال النمشان في اكثر من مره و ايظا سالفة عدد الجماهير المفبركه في البطوله الاسيويه هذي ما ينسكت عليها ابدا ... واذا الاداره ما اخذت حقنا احنا الجماهير من الي ياخذه..؟ احنا الجماهير لا نريد اكثر من حقنا الطبيعي .. لا نريد التمميز بين جماهير الانديه للمعلوميه للاداره ..سبب عزوف الجماهير عن الحظور في ملعب النمشان بسبب الظلم والمضايقه ..وايضا ان اول من يحضر في الملاعب التي خارج الرياض هم جماهير الرياض لانهم يريدون ان يشاهدوا فريقهم وهم مسانسين بدون اي مضايقه.. من اي احد انا هنا انتقد انتقاد محب ..والله ثم والله اني احب الهلال حب مو طبيعي واني انقهر لما يضيع حق من حقوق الهلال وانقهر زياده اذا الاداره سكتت عن الظلم .. انا اعلم ان الاداره حريصه على الهلال اكثر من اي واحد..ولكن اتصور ان الاداره منصب تفكيرها في الفريق فقط لا غير .... اتمنى من اعماق قلبي خلال الاسبوع القادم ان يكون هناك ردة فعل قويه من الاداره اتجاه الظلم الحاصل .. |
يعطيك الف عافية (مشعل القناص) يجب على الادارة الهلالية ايقاف هذه المهازل التي تحصل للجمهور الهلالي من قبل رجال الامن وعدم المتابعة من قبل سلمان النمشان واستفزاز الجمهور الهلالي والشواهد كثيرة هذا الموسم بالتوفيق للزعيم في المنافسات القادمة |
الله يعافيك اخوي الهلالي17 |
يارجال والله اننا ننفخ بقربة مشقوقه والله ماحد حوولك إدارتنا أخر همها الجماهيـرر فاتحين إيميل للشكاوي وملاحظاات الجماهير والظاهر انهم ما يشيكون عليه وقبل كل مباراه يطلعون يقولون ياجمهور هااه ننتظركم المباراه الجايه لاتخيبون أملنا ياخي حنا مارح نخيب أملك وبنحضر بس الله يرحم والديك فكنا من الإهانات الي ناكلها تبي تنهـان .؟ تعآل أحضر مبآراة للهلال .. والله الهلال يستاهل ناكل إهانات علشانه ماعندنا مشكله بس الغبنه إن ادارتنا تشوف وساكته ماتبي ترد لنا حقنا .. اوو خلاص مانبي حق خلاص اهم شي المباريات الجايه ماننهـان ياجماعه والله العظيم يالصلاة الي هي عامود الدين مايسمحون لنا نصلي واذا تبي تصلي انقلع واذا فيك خير ارجع حرمونا من الاكل والشرب وقلنا اوكي يمكن فيه مجموعه جماهير متخلفه تشتري العلب علشان تحذفها لكن تمنعون الاعلام ليه .؟ حنا بعـام 2010 ياناس علم لونه ازرق وابيض ليه تمنعونه .؟ يعني اوكي اعلام موبايلي لا تدخلونها وحنا اصلا مانبيها كأننا جايين نشجع موبايلي لكن إعلامنا الي مافيه كتابات ليه تمنعونها يآمتخلفين ..؟ ومسوين لي فيها يمنعون الدخان والولاعات و الجرايد والأقلام والسبحه والاشياء الي تدخل الملعب هي المفتاح والجوال والبوك فقط ياعالم وشلون تبونا نتطور وهالعقليات موجوده ..؟ انا أدرس برى والله ياسالفه انك تحضر مباراه يعني زي انك طالعه نزهه وتمشي عيالك تاخذ معك كل شي وتجلسون وتسولفون وتاكلون وتتابعون المباراه وتوسع صدرك وصدر الي معاك وترجع لكن هناا اعووذ بالله تقول كنك رايح تضيق صدرك وينلعن والديك وترجع وكأننا مغصوبين وبالحقيقه الي غاصبنا هو حبنا للهلال إلى جماهير الهلال والله ماقصرتوا وبيض الله وجيهكم والمباريات الجايه اذا ما شفتوا ان الوضع تغير ترى ماتنلامون لو خليتوا الهلال يلعب ومايحضر له الا البطاطي ومايكروفوناته وصياحه هو والمصري الي معه |
عوااااااااااافي اخووووووي ون شاء الله ينصلح الحاااااااااااااااال |
أشكرك ياولد عمي على الموضوع وفعلا الملعب ماعاد صار ملك الدولة نقلوا ملكيته للنمشان واللي يقهرك ان ادارتنا تطالب بحضور الجماهير وش الفايدة اروح وانجلد والا ينفقع راسي الزم ماعلي كرامتي والله صحيح انه لعيون الهلال يهون كل شي بس خلاص الى متى هذا موضوع مايحله غير الادارة الهلالية وعلى العموم انت وش اخبارك وعساك مرتاح وماعطيتنا علومك على الايميل ومتى بتجي بالسلامة في اقرب وقت يالبى قلبك والله لك وحشة باابو بلك مع التحية ولدعمك ابو خليفة سعود بن عبدالعزيز |
صورة مع التحية لمجلس إدارة نادي القرن |
الله يكون في العووون واللي يضيع في الدنيا مايضيع في الاخرة |
اي والله انك صادق يعني مس كرمان اكثر شعبيه ؟؟؟ والله امك صادق في كل كلمه كتبها شكراً |
اشكرك على ردودكم ..وعلى تفاعلكم معي ..وصراحه الوضع ما ينسطت عليه لازم في ردة فعل من الجماهير |
بالنسبه لعدد الجمهور النمشآن طلع وقآل ان هذي مسؤولية موبآيلي !!!! آتمنى ان آحد من مسؤولين موبآيلي يوضح لنآ امآ المضآيقآت صدقني رآح يتمآدون آكثر وآكثر دآم ادآرتنآ سآكته عن مهآزلهم !! |
تدري ان المشكله محد يرد عليك لا الاداره ولا موبايلي اظاهر انهم مطنشين الجماهير |
يعن الزبده وش تبون تبون الادارة تدخل في مهترات مع الي يسوى والي مايسوى واذا صار هالشي تتوقع النمشان وغييرة بيعقلون ياناس ترى ورانا بطولات مهمة ماهي فاضية تفقد تركيزها وتشتته بالاشياء هذي وبعدين دام الادارة تجيبلي بطولات وترفع اسم الهلال فوق احضرو احضرو للملعب ولايكثر |
السلام عليكمـ (◕‿◕✿) . الله يكون بعونكم هم يبغون يطفشون الجماهير وماحد يحضر انا ماقهرني الا عدد الجماهير وخاصه بمباراه السد حسبي الله على من تسبب يعني معقوله الواجهه مليانه والمنصه وخلف المرمى فيه عدد مو سهل وبس 17 الف والجار خلف المرمى فاضي وبس الواجهه ملينانه و 55 الف حسبي الله ونعم الوكيل :: Thank you يعاااااااافيك ربي وبالتوفيق للزعيم دائماً وابداً . |
اخي hrs انا ما ابي الاداره ترد على الي ما يسوى ..انا ابي تاخذ حق النادي مثل ..الي صار في عدد الجماهير في البطوله الاسيويه هذا يحسب ضد الهلال ..وهذا الي ما نرضى ان الاداره تسكت ..على الظلم .. |
| الوقت المعتمد في المنتدى بتوقيت جرينتش +3.
الوقت الان » 05:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd