المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

 
   
 
LinkBack أدوات الموضوع طريقة عرض الموضوع
المشاركة السابقة   المشاركة التالية
  #1  
قديم 14/04/2010, 07:40 AM
الصورة الرمزية الخاصة بـ أبـو زآيـد
زعيــم متألــق
تاريخ التسجيل: 09/07/2008
مشاركات: 962
جريتس + نيفيز + الاستاد + المجاملات لو نبعدها كان طلعنا أجدع ناس ..!! ( صورة )

بسم الله الرحمن الرحيم




نواف الهلالي يعود لكم وفي الحلق غصه << إيه بس انتبه لا تشرق وتموت



هاردلك للكل على التعادل وعلى هالمستوى



مهب من عادتي الانتقاد بعد الهزيمة مباشرة - والتعادل عند الهلاليين يعتبر هزيمة -

مع إنه يعتبر فوز عند جيراننا بالعريجاء



المهم الموضوع بكتبه على نقاط بسيطة .. والنقاط هذي قراءة لمباريات السنة هذي كاملة

ماهو بس المباراة هذي .. وأكتبها بعيدا عن أي مجاملة أو عاطفة ..!!







أولا : المدرب القدير جريتس ( البشر ) والبشر لابد أن يخطئ إلا المعصوم عليه الصلاة والسلام ( صلوا عليه )

المهم هذا المدرب له إيجابيات كبيرة أكبرها وأهمها :
1- الانضباطية الشديدة . 2- تدريب اللاعبين على اللعب الأوربي السريع .



أما السلبيات فهي : 1- ضعف التبديلات دائما وهذا بسبب عدم قراءة المباراة بالشكل المطلوب ..!! يعني نادرا ما نشوف

تبديل يقلب المباراة وهذي بالمناسبة تعد أكبر مميزات المدرب كوزمين ..!


2- عند قدوم المدرب قال في تصريحه أنه ( لا يجامل ) .. لكن اللي نشوفه إنه ( كثير المجاملات ) وإلا كيف يلعب الشلهوب

المنحدر المستوى بدل العابد أو حتى بدل الدوسري عزوز ..!


أيضا من ضمن السلبيات الاستهتار بالخصوم والغرور .. وأيضا الإصرار على مشاركة ويلي في الجهة اليسرى

مع أنه غالبا لا يستطيع أن يفعل شيء في هذه الجهه بعكس الجهة اليمنى التي يصبح فيها من أفضل لاعبي العالم ..!!



هذي بعض سلبيات المدرب اللي أتمنى من إدارتنا مناقشتها معه






ثانيا : نـيـفـيـز .. هذا اللاعب إذا حضر فهو لاعب الفرصة الواحده .. وأقصد بالفرصة الواحده إنه ما يصنع

إلا فرصة فرصتين في المباراة يعني بيضة ديك إن حصل توفيق وتسجلت ولا لن تشاهده في غيرها

بإستثناء مباراة أو مباراتين في الموسم كامل ..!

أما إذا غاب فالواقع يقوول غيابه غير مؤثر ..! ولكم أن تتأكدوا من هذا بعكس ويلي أو رادوي أو لي يونق

فهم إذا غابوا فإن مكانهم شاغر ..!


غير كذا الضربات الثابتة .. اللاعب الذي يجيد تنفيذ الفاولات : من كل خمس فاولات يسجل واحد أو اثنين ..!

نيفيز من خمسين فاول سجل واحد !!!! وش رايكم هل فيه أحد مقتنع الآن إنه شوّيت فاولات ..!

باختصار نيفيز ( لا يجيد الضربات الثابتة ) ..!

بينما لو كان اللي يسدد الشلهوب أو رادوي كل هالفاولات باعتقادي كان الحال أفضل مما نحن عليه ..!



عشان كذا يا شباب لـ نبتعد عن العاطفة والمجاملات فـ مصلحة الزعيم فوق كل لاعب ..

لذلك أقترح وربما يوافقونني الرأي كثير من الجماهير الهلالية العاقلة أن تقوم الإدارة في فترة الانتقالات

القادمة بـ بيع أو إعارة نيفيز واستبداله بلاعب آخر لسببين :

الأول : أننا نبحث عن الأفضل يعني يكون لاعب من طينة ويلي يحرث الملعب ويحدث الفارق فـ آسيا لا تقبل المجاملات ..

والثاني : الحاجة إلى مهاجم بديل لياسر يكون في مستوى ياسر أو أفضل من ياسر ..!

والمهاجمين كثير وأعتقد إن قيمة عقد نيفيز كافية لإحضار اللاعب المطلوب ..!



وإن كنت سأقترح فأنا أشوف إن فيه لاعب تنطبق عليه المواصفات اللي نبي بس السؤال هل ناديه

يبي يتركه وإلا لا خصوصا وأنه مقدم مستويات كبيره ..!

اللاعب هذا طراز أوربي برازيلي من فئة ويلي في حرث الملعب والحركة الدائمة المزعجة ويتميز أيضا

بالتسديدات القوية بكلتا قدميه ويمتلك مهارات فردية عالية ( دوّخ منتخب إنجلترا على أرضهم ) ..!

وهذي لقطات للاعب
:



ارعـص هـنـا






الاستاد وما أدراك ما الاستاد

يا إدارتنا الموقرة يا ناس يا عالم انبحت حلوقنا وحنا نقول الاستاد فيه عيوب كثيره ما تساعدنا على الفوز

وإلا بالله عليكم التعادل مع الكويت الكويتي ومع الوحده الإماراتي وأم صلال والأهلي الاماراتي والسد القطري كلها صدفه

ماهو معقول يعني وترا فيه عدة عوامل غير الحظ وهي حجم الملعب وضغط الجمهور !! والمشكلة الإدارة لما ناقشت

الموضوع بداية الموسم حسب ما سمعنا إنهم اختاروا الاستاد بسبب اتساعه لأكبر عدد من الجماهير ..!!!

طيب قولوا لي بالله عليكم أيهم أفضل عندكم ما يحضر ولا مشجع واحد ونفوز ولا يحضر ميتين ألف ولا نفوز !!!

هذا غير أصلا إن الحضور الجماهيري الكثيف وكما قال كوزمين وهو يعرف لاعبي الهلال جيدا قال إنه يشكل

ضغط على لاعبي الهلال
!!! يعني يضرنا أكثر مما ينفعنا ..!!

يعني أنا أقول مثل ما قال أخوي الصخرة
( يا إدارتنا الموقرة خلوووها تملّز يرحم والديكم )






قـفـلـة





أما عاد يابو كلبشة لو هذي جايه قوول
اضافة رد مع اقتباس
   

 


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:19 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube