توضيح هااام بخصوص عدد جمهور الهلال في لقاء السد ( صورة توضيحيه ) وعدد الحضور هو .........!!! - نادي الهلال السعودي - شبكة الزعيم

ابو راما الهلالي · #1 14/04/2010, 03:09 PM

السلام عليكم

في البداية احب اهني جميع الهلاليين التأهل لدور 16 وعقبال الكأس بإذن الله

طلع لنا اليوم موقع الاتحاد الآسيوي وكالعادة بإنقاص عدد الحضور وتحديده لـ 17 الف متفرج

انا ابي اعرف كيف يحصوون الحضور هل عن طريق ضربة حظ او يتم تزويدهم بعدد الحضور

من قبل اشخاص داخل الملعب ام بعدد التذاكر المباعه

, ماعلينا بعد ماشفت الوضع طال وشمخ

من قبل الاتحاد الآسيوي في تنقيص عدد حضور جمهور الهلال في كل مباراة حبيت اوضح لكم اخواني الزعماء

ومايمنع ان الاتحاد الآسيوي ياخذون نسخة من موضوعي ويحددون عدد الجمهور اللي حاضر بدون تنقيص

التوضيح :

مايخص عدد جمهور الهلال في لقاء الأمس وبالارقام وبالصور التوضيحيه لتقسيم مدرجات

استاد الملك فهد نلاحظ في الصورة التاليه مخطط لمدرجات الملعب مع تقسيمه بفئات لتحديد

عدد المقاعد المتوفرة ( A , B , C , D ) كل فئة بلون مع تحديد عدد المقاعد نشوف الصورة ونكمل موضوعنا

بعد ماشفنا التقسيم والخريطة للمدرجات نجي نشوف صورة من الحضور في الواجهة وهي ممتلئة في الصورة

التاليه وندققها مع الخريطة اللي فوق ونشوف عدد الحضور فقط في الواجهة

بعد ماشفنا الصورة وتم تطبيقها مع خريطة الملعب فوق والمحددة باللون الأخضر اتضح لي ولكم ان عدد

الحضور في الواجهة فقط هو ( 25244 ) متفرج <<< ماجبت شي من عندي كله بالدليل القاطع من نفس المصدر

في هذي الحاله نقول ان الرقم اللي خرج لنا هو مخالف للواقع ولاصحة لما ذكر عن عدد الجماهير .

نكمل حديثنا عن الحضور ,,, مثل ماشفنا التوضيح اللي فوق وبعد ماخلصنا من الواجهة نجي لباقي المدرجات

نبدأ في الأولى والممتازة وكما هي محدده في الخريطة فوق باللون الوردي عدد المقاعد 3060 مقعد نقول عدد

الحضور (3000 ) متفرج لوجود بعض المقاعد فاضية ..

نجي للمقاعد بجانب المنصة والممتازة كما هو محدد باللون الأزرق وعدد المقاعد 9027 مقعد والمخصص لنادي

الهلال هو 4513 بحكم الفريق الخصم اخذ الجهة اليمين وبحسبه بسيطة نقول عدد الحضور في المكان المخصص

للجماهير الهلاليه 4000 مشجع .

ونجي للنقطة الأخيرة وهي المقاعد خلف الابواب كما هي محددة باللون الأصفر

وماراح نحسب فيها شي

لأن الحضور فيها كان متواضع واحتمال يكون الحضور فيها اقل من 500 <<< مانبي نحسبهم مع الباقي علشان

مانكون طماعين

بكذا يطلع لنا بعد عمليه حساب عدد الجمهور ونقول ( 25244 + 3000 + 4000 = 32244 متفرج )

بكذا لن نرضى بأن يتم هظم حق الجماهير الحاضرة من قبل الموقع اياه او من اي اطراف أخرى وتعودنا نحن

الزعماء ان نذكر جميع الحقائق بالارقام والأثباتات حتى نكون اكثر مصداقيه من مزيفي الحقائق وطمسها

واتمنى من موقع الأتحاد الآسيوي تعديل عدد الحضور بالأرقام الصحيحه والمثبته في الأعلى وان يكون اكثر حياديه

ويبتعد عن مصدري الارقام المزيفة .

ملاحظة : من لديه صور توضح الحضور في الجهة المقابلة للواجهة ان يطرحها لنا للإثبات فقط هنا .

في الختام اتمنى ان أكون وفقت في طرحي للموضوع وأشكركم على المتابعه يازعماء

أحبك لو تجافيني · #2 14/04/2010, 03:21 PM

والله مو هذا اللي يهم المهم الاعبين عارفين ان الملاعب كان مليان ...ولم يقدرو الجمهور اللي يحضر بالرياض ...

دائماُ يخذلون الجمهور بمستواهم الباهت ... الا ماندر ... اسيا تحتاج لاعب اجنبي مهاجم صريح بدلاً من نفيز ...

اللي يبي هو بس يسجل ...

والهلال يحتاج لكابتن قوي الشخصية ويوجه الفريق .... الدعيع لاعب كبير وخدم الهلال والمنتخب لكن مايصلح كابتن لانة حارسة ولايشوف وش يصير بالملاعب ..

²ķάķά² · #3 14/04/2010, 03:24 PM

الهلال عايش على الظلم

الله لا يوفقهم بس

الهلالي100% · #4 14/04/2010, 03:27 PM

لا حــياة لــمن تنادي,,,

لكن لا تــهم الارقااام الــي يــهم التأثــير,,,,

شـــكرا لــكل من حضـر,,,

أبو صالح 1377 · #5 14/04/2010, 03:28 PM

موضوع متعوب عليه اشكرك عليه أخوي ... بس انك خصمت وااااجد
والحضور بكل تأكيد يفوق 40000

سلام

الثرباني · #6 14/04/2010, 03:28 PM

يمكن الحضور في حدود 30 الف

بالنسبه للواجه فهي ليست ممتلئه وهذا شيء واضح بالذات العلوي منها

لكن 17الف فقط احس انه قليل

لكن يالله ان شاء الله الحضور في كاس الملك

وفي دور ال16 يوازي جماهيرية الزعيم

صمام الامان 3 · #7 14/04/2010, 03:29 PM

والله كفييييت وووفييت

والله اني انقهرت امس لما قالوو الحضور 17 الف بسسس

لكن مشكور وعقبال الأفضل

سمووو العنزي · #8 14/04/2010, 03:33 PM

بيض الله وجهك اخوي

جبتها على الجرح

البارح انا من ضمن الحضور

وكنت متوقع اقل شي يكون في الملعب 30 الف

وانصدمت لمى شفت احصائيه الحضور

يمكن التقييم كان حسب التذاكر المباعه

تحياتي لسموك

جدعان · #9 14/04/2010, 03:33 PM

زين انهم قالوا 17 الف لأن المجنون بيدري ان حضور الهلال امس كان اعلى من 17 الف !!

اتحاد اسيوي فــاشل

رسـ2006ـاوي · #10 14/04/2010, 03:35 PM

والله من يوم شفت موقع الاتحاد الاسيوي كاتب 17 الف مشجع بس

غسلت ايدي منه اصلا الواجه لحالها 25 الف شلون صارت 17 الف

على العموم يعطيك العافيه على الموضوع

بالتوفيق لنآدي القرن ...

. فارس الزعيم . · #11 14/04/2010, 03:41 PM

حضورنا هذا كان مثل حضور جمهور النصر مع الوصل . او اكثر بحكم ان الدرجة الاولى لدينا كانت مليانه بعكس جماهير الفقر الي ياله ملت الواجهه فقط

ومع ذلك يقولون ان حضورهم كان اكثر من 40 مدري 50 الف ويقولون عن جمهور الزعيم ما تعدا 17 الف !!

حسبي الله ونعم الوكيل

.