|
المري والذوادي على حق .. خلاص اصحوا يا جمهور الهلال ولا تنصدمون بالقادم السلام عليكم ورحمة الله أدري كثيرين منكم زعلان من العنوان .. ولكن هذي هي الحقيقة الجمهور الهلالي واثق ثقة عمياء في مستوى الفريق في البطولة الاسيوية , وتقريبا نسبة كبيرة تعتبر ان مسألة فوز الهلال باللقب هي مسألة وقت فقط أولا من قابل الهلال في مجموعته ؟؟ السد القطري : مستوياته في الفترة الأخيرة سيئة جدا و يعاني الكثير من الاصابات في صفوفه واللي يتابع الدوري القطري (( الضعيف فنيا )) يعرف هالشيء مس كرمان الايراني : فريق حديث عهد في كرة القدم فما بالك بالمشاركات الاسيوية !! ويحتل المركز ال16 في الدوري الايراني ويعاني ايضا من بعض الاصابات خصوصا لاعبينه الاجانب الأهلي الاماراتي : فريق مثخن بالاصابات ومتواضع جدا في السنتين الاخيرة .. وللمعلومية فالهلال الموسم الماضي قابله ذهاب واياب وانتصر عليه وكان وضعه افضل من الان بكثير .. ورغم ذلك فزنا عليه بالراحة رايح جاي وللمعلومية كل الفرق الثلاثة غير جماهيرية وغير قتالية ولا تملك تاريخ اسيوي قوي ولا اسماء رنانة و90 % الفريق اللي راح يصعد مع الهلال راح يطلع من دور ال16 وللمعلومية كثير من الفرق رتمها في ارتفاع وللأسف الهلال في انخفاض مخيف والحين تعالوا شوفوا فرق المجموعة اللي راح تقابلنا من مجموعة الاتحاد بنوديكور الأوزبكي : متصدر الدوري الأوزبكي الآن دون خسارة ، وبطل الموسم الماضي دون أي خسارة وبفارق 20 نقطة عن الوصيف باختاكور ، ويدربه فيليب سكولاري مدرب تشلسي ومنتخب البرتغال في كأس العالم 2006 وبطل كأس العالم مع البرازيل في 2002 وفي صفوفه أغلب لاعبين المنتخب الأوزبكي ، ودينلسون هداف دوري أبطال آسيا الموسم الماضي وهداف كأس العالم للأندية الأخيرة في أبوظبي ، وكذلك اللاعب العالمي ريفالدو كابتن الفريق :to: الإتحاد السعودي : تعرفونه كلكم بالتأكيد والصحوة اللي هو فيها ذوب آهن أصفهان الإيراني : ثاني الدوري الإيراني ومتصدر المجموعة برصيد عشر نقاط الوحدة الإماراتي : متصدر الدوري الإماراتي بالعربي فرق شااااسع عن مجموعتنا ، خلونا واقعيين .. لازم نفتح شوي ونتطور بدل ما ننصدم بفرق أقوى من اللي نلعب معها بكثييير ، وفرق مقاتلة بالعربي وعنيدة ناظروا الاستقلال والشباب والاتحاد وذوب اهن وبونديكيور وباختاكور وتشونبوك وكاشيما وكاواساكي وسيونغنام وجامبا اوساكا وسامسونغ وبوهانج وسابهان ... شي يدوووخ بالعربي :to: وبالعربي لا تطيرون بالعجه وتنفخون الفريق ثم تنصدمون بالنهاية فريقنا ما يستغل الركنيات فريقنا ما فيه احد ينفذ اخطاء (( شوفوا مارسينهو بالاهلي ومحمد نور بالاتحاد وكماتشو في الشباب)) هدف واحد فقط سجله تياجو في كل المسابقات وللأسف صدقنا انفسنا اللعب أصبح بطيء جدا جدا جدا نيفيز + الشلهوب + الفريدي + العابد + رادوي + الزوري + المرشدي+ ياسر أتحدى أي واحد يراهن على مستوياتهم ، الأسماء اللي ذكرت مباراة فوق وثلاث أربع مباريات تحت خصوصا نيفيز والشلهوب والفريدي ومن بعدهم العابد ورادوي والزوري والمرشدي فيه أسماء في الفريق تراهن عليهم مثل الكوري وويلي وعزيز وهوساوي ... سؤال يطرح نفسه وين رجال إمبراطورية الهلال عن الحضور المكثف خلال هالفتره المهمه !!؟؟ أعضاء الشرف لهم هيبة ودور كبير في كيان الفريق الهلالي وهو أهم ما يميزه عن أغلب الفرق في القارة بدورهم الجبار وحضورهم الإيجابي والقوي والسلام .. |
اوافقك الراي نعم الفريق مستواه بدا في التذبذب ولكن هذا مايعفي عادل البطي من المنافحه عن الهلال في مثل هذه المواقف |
اوافقك الراي نعم الفريق مستواه بدا في التذبذب |
ماراح يتاهل الهلال لدوري الثمانيه وهو مايستفيد من ارضه وحتى لو تاهلنا مارح نستمر روحوا شوفوا الاتحاد في جده يأدب الفرق |
إقتباس:
اضم صوتي الى صوتك وانشاء الله يوفق هلاللنا |
الف شكر اخوي وكلامك في محلة والهلال وضعه لايطمئن |
ياخي والله موضوعك و عنوانه استفزوني و باحلل كلامكـ حبة حبة :yes: إقتباس:
يعني بالله كيف تبي ان الدوري يجي وضعه نلعب في دوري يلعب فيه الاتحاد وصيف دوري ابطال اسيا و الشباب اللي بمحترفينه و لاعبيه و ميزانيته و مستواه الفني العالي غير باقي الفرق القوية و العالم كلها تقول الدوري السعودي اقوى دوري عربي و اسيوي و الثاني البطولة الاسيوية والله ما لنا حق المفروض اننا انسحبنا من المجموعة لان المجموعة سهلة و مستواها ما يساعد ....!!! يعني بالله فريق ماخذ الثاني في دوريه و معه هداف دوري ابطال اسيا الموسم الجاي و مع ذلكـ الفريق ضعيف اللي هو السد...!!! إقتباس:
اي فريق بيتأهل بيطلع من دور 16 لا تقول لي خبرة هاذي كورة و كل شيء ممكن و اكبر و اقرب مثال ام صلال اللي انهزم 7-0 من الاتحاد و مع ذلكـ وصل دور 4 منطق ياخوي ...!!! إقتباس:
يعني بالله تقول بنودينكور متصدر من دون هزيمة طيب يابو متى بدأ الدوري الاوزبكي ؟؟؟؟ اللحين في الجولة 4 http://kooora.com/default.aspx?c=5168&stage=1 ما شاء الله بنوديكور متصدر بدون هزيمة من 4 مباريات ؟؟؟؟:ranting: و طيب على اللاعبين يعني بالله وش تبي اكثر من محترفي الهلال رادوي كابتن رومانيا ويلي يلعب في منتخب السويد و نيفيز حنا نعلم ما هي صعوبة اللعب في المنتخب البرازيلي بس يكفيه انه احد المرشحين من الصحافة للانضمام للمنتخب البرازيلي ...!! و لي احد افضل لاعبي كوريا على مدار التاريخ و ما زال يلعب في كوريا و بيلعب ان شاء الله كأس العالم القادم و نجي محترفي بنوديكور رويفالدو عمره 37 يعني شايب و هذا اصلاً واضح على لعبه يعني لعب من لمسه واحدة و دينلسون عمره 33 بس مع ذلك يعتبر لاعب مفيد و صاحب مستوى كبير اما المستوى في دوري ابطال اسيا فهو فاز على الاتحاد 3-0 و على الوحدة الاماراتي 1-2 و كلنا نعلم وش وضع الوحدة في البطولة يعني هو مركز على الدوري اكثر من الاسيوية و انهزم من ذوب اصفهان 3-0 و 1-0 ( ذهاب و إياب) و تعادل مع الاتحاد 1-1 يعني مستواه ما هو اللي نقول افضل شيء و لا هو سيء يعني متوسط نجي للي بعده ذوب اصفهان الايراني لا هنا احقاقاً الفريق الايراني لعبه خطير و مقدم مستويات كبيرة و لكن على مقاس كلامكـ يعتبر مستواه نازل لانه اليوم انهزم من فريق الوحدة الاماراتي و الوحدة اللي لعب بالصف الثاني اللي بعده الاتحاد والله ما دريت ان الاتحاد مستواه كبير و مكسر الدنيا و هو اللي طلع من ولي العهد امام نجران و الدوري خسرانه من قبل نهاية الدوري بثلاث جولات و في ابطال اسيا نتايجه هزيمة 3-0 من امام بنوديكور ( مع الرأفة ) و تعادل مخيب للامال 2-2 مع ذوب اصفهان الايراني بعد ما كان متقدم 2-0 و على ارضه و كذلك تعادل 1-1 اليوم مع بنوديكور و بغى ينهزم و فوزين على الوحدة الاماراتي 1-0 و 4-0 اللي انا اشوف الوحدة الاماراتي المفروض ما يدخل في اي تصنيف و يكفي القول ان الاتحاد في الجولة الاخيرة اللي برا ارضه يا يفوز و لا مع الباب و اخر الاندية الوحدة اللي ما يحتاج اتكلم عنه نتايجه تتكلم عنه 4 هزايم من الاتحاد و بينودكور و ذوب اصفهان الايراني و فوز واحد على ذوب اصفهان الايراني و هو رسمياً من الجولة الرابعة طالع من البطولة بعد هذا كله نقول ان فرق هذه المجموعة لا يوجد بينها و بين الهلال اي وجه مقارنة لا من ناحية المستوى و لا الاسماء و لا النتايج ......:alzaeem: إقتباس:
و الشباب لا تعليق هزيمة من العين و سباهان و فوز على باختكور و العين بشق الانفس و تعادل مع سباهان و على كلامكـ مستوى الشباب من جرف لدحيدرة :s5s: باختكور فريق متذبذب المستوى يعني شوي فوز و شوي هزيمة فاز على سباهان و العين 2 و انهزم من الشباب و سباهان و على كلامكـ الفريق هذا سهل لاننا الموسم اللي فات هزمنه و حنا سيئين :yes: اما فرق شرق القارة انا شخصياً ما اعطيها هذه الهالة الكبيرة في دوري المجموعات لانهم طايحين في الاندية الصينية و السنغافورية و الاندونيسية يتخمون شباكها بالاهداف :yes: إقتباس:
و ثانياً استغلال الركنيات ازمة على الكرة السعودية بشكل عام باستثناء الاتحاد و قريتيس للي يتابع المباريات صح جرب اكثر من طريقة لحل هذه المشكلة و سجل هذه الموسم بعض الاهداف من الركنيات اما فريقنا ما فيه احد ينفذ الفاولات غلط لان الفريق فيه الشلهوب و نيفيز و رادوي و لكن الخطأ في الاستغلال الامثل و بعض الاحيان الحظ اما لاعبي الاندية السعودية اللي قلتهم فمارسينو ما جاب الموسم هذا الا فاول واحد = زي نيفيز ما فرق ان نيفيز افضل من الناحية التهديفية من غير فاولات يعني اللعب المباشر اما محمد نور و كماتشو جب لي هدف واحد الموسم هذا جابوه من فاول .....!!!:yes: اما باقي موضوعكـ انا اتفق معكـ في غالبه.. يعني خلاصة الهرج انه الهلال يعتبر حاليأ افضل فريق في اسيا ليس بشهادة الهلاليين و لكن بشهادة منافسيننا و يكفي اننا حالياً افضل فريق عربي و ثاني افضل فريق اسيوي في التصنيف الدولي 83 اللي والله لو انه غير الهلال كان تلقى انواع الاحتفالات بهذا الانجاز حبيت اقول بس ان النقد الجارح والله ما وقته و الفريق يحتاج اللحين بس الدعاء و من ثم الدعم الدعم الدعم الدعم الدعم الدعم للفريق و تشجيعه و اخيراً انا والله ما كتبت اللي فوق.... الا من شيء يحز في خاطري ان فيه ناس يقولون انهم هلاليين واذا جاء الحاقدين على الهلال امثال المري و الذوادي و سبوا الهلال بدال ما يدافعون عن الهلال لا يقولون صادقين و هم اللي صح :ranting: و عشان كذا انا والله ما استغرب ان الصحافة الصفراء تتطاول على الهلال و تسبه في الرايحة و الجاية لان حتى جماهيره ما تدافع و تسبه :cry: و اخيراً الله يوفق الهلال و ان شاء الله الاسيوية هلالية بأذن واحد احد . أبو اسامة |
يعطيك العافيه والله يكتب اللي فيه خير للزعيم |
فعلآ في برود من الاعبين خصوصآ ببطولة آسيآ أتوقع بالمستوى هذآ وصولنا لدور الثمآنيه يعتبر آنجــآز |
الزعيم بطل هذه البطووووله ان شاءالله |
اللهم وفق الهلال فوق كل أرض و تحت كل سماء .. أنا متفائل و عندي إحساس أننا سنحتفل بالبطولة إن شاء الله |
انا واثق من خروج الفريق بدور ال16 لأنها عقدة ولعنة الفريق الهلالي |
أكثر مايجنني الركنيات :ranting::ranting::ranting: ياتروح للدفاع ولا ضربة راس من لاعبينا بالعلاااااااااااااالي بالتوفيق للزعيم :alzaeem: |
اوافقك الراي نعم الفريق مستواه بدا في التذبذب بس برضوا لاتنسوا كثرة المباريات تسبب للاعبين ملل من اللعب وانشاء الله ربي يوفقنا في البطولة ياااااارب |
هههههههههههههههههه القطري والبحريني حاقدين ع الهلال شي طبيعي يقولون هالكلام وانا معك ان الفريق صار اقل من اول بمستواه لكن باين ان اللعيبه مرهقين يبيلهم راحـه اذا تبون كاس اسيا لازم يريحون الحمدالله تأهلنا بدري والمباراه القادمه بكأس اسيا ماراح يلعبون الاساسين تسلم ع الموضوع |
| الوقت المعتمد في المنتدى بتوقيت جرينتش +3.
الوقت الان » 06:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd