|
التشخيص الهلالي بعد مباراة السد .. شي يزعل .. ليش ؟ لآن مو ناقصنا شي . . جمهور الهلال له تأثير كبير جمهور الهلال وللأسف ومن دون زعل مني الجمهور هو من سيضيع الهلال شي يزعل ومو بس يزعل الا يجيب الضغط والسكر ويبكينا دم من يوم ماتجي الكروه بين اقدام نامي تسمع الشتائم والصفائر بكل مكان بالملعب وليش ؟ مستواه ؟ تشجيع له على قول بعض الاعضاء وهذا المبرر يبكيني دم تبرير ولا ابليس يقدر يصدقه نامي لاعب يقدم كل اللي يقدر عليه لاعب حماسي درجة اولى يراوغ ويمرر ويغطي له هفوات صحيح لكن الجمهور مايرحمه ليش ؟ عشان مستواه لا وألف لا انا ادري لكن ماني حاب اقول لأنكم عارفين ؟ سؤال ثاني تعتقد الزوري النايم البارد اللي هفواته ماتنعد افضل من نامي ؟ جوابي نفس اللي قلته فوق ماقدر اقوله انا مااقلل من الزوري ولا غيره بس اتمنى من الجمهور العزيز الغالي اللي عرف بإخلاصه ينتقد كل الاعبين سواسيه ياسر اللي 90% من المباراه يقضيها تمشايه بالملعب ماينتقد ليش ؟ لانه ياسر المدلل مو لكل الجمهور بل لاغلبه نيفيز الاعب اللي بس يدور على ركلات حره ويبرد الهجمات ويبطيها ماينتقد ليش ؟ ماادري شي يحيرني عيب جمهورنا العزيز ان الاعبين مصنفين عندهم الا صنفين لاعب فوق النقد مثل ياسر والزوري ونيفيز ولاعبين يعشقون بالتجريح فيهم زي نامي أقسم بالله شي يبكي اللي يحصل من الجمهور ماتشوف غير تصفير وصراخ عليه مثل طريقه الاتحاد مع عبيد الشمراني أقسم بآيات ربي ان افضل تشكيله للهلال وجود نامي ولي يونغ وياسر انا من عشاقه بس لازم يراجع حساباته ويكون ياسر اللي ياما عودنا على تحركاته وحماسه الآن ياسر للأسف يبغا الكوره تبحث عنه مايبغا يروح ورا الكوره شوفو لعب ياسر اول واللحين اول كان يحرث الملعب حرث مافي فريق مابهذله من غانا لا تونس <<< اخترق امهر لاعبين بتونس الطرابلسي والجعايدي مااظن حد ينسى هدف البلياردو بالشباب ماخلا ولا بقا ماشالله عليه بأي فريق لكن الآن ياسر للأسف تغير وزنه ولعبه وحماسه امنيات اتمنى اشوفها : * نفسي الجمهور بالملعب يقتدي بجماهير الاستقلال والاهلي بطريقة التشجيع مو بكثرة المشجعين وش الفايده من الكثره اذا ماكان في فعاليه وربي جمهورنا كثره بس ولا في اي تفاعل مانبغا لا طبول ولا مكيرفونات خلونا مثل الجماهير الاروبيه ابعرف بس اش ينقصنا ؟ وربي لو اتبعنا الاسلوب الاروبي لا تشوف لعيبة الهلال مايشبعون اهداف تشوف الحماس طاغي عليهم لآخر دقيقه * محمد صالح نامي لاعب هلالي اوقفو معه مثل ربع وقفتكم مع ياسر وتشوفون العجب ولحد يقول التصفير اللي عليه امس تشجيع لانه شي يبكي والله ويضحك * انتقدو نامي ولا اقولكم قدسوه لان لكل لاعب هفوه لكن اتمنى تنتقدون كل الاعبين انتقاد موحد اتمنى والله * لحد يقولي مندس وعدو للجمهور او للعيبة انا عشقي للهلال من يوم ماكنت ببطن امي بس هالحال اللي نشوفه مايسر اي احد هلالي * لازم نتبع سياسه حب الهلال والوقوف معاهم بكل ذرة حتى نشوف الهلال بالنهائي اما باللي نشوفه ويقهرنا صدقوني ماراح نعدي دور الـ 16 واذا ماعدينا لاسمح الله صدقوني ماراح احد يلوم الجمهور لآن الجمهور تعطش لهالبطوله عطش ولا راح يروي عطشه الا بالفوز وبهالبطوله بالتحديد وليش ؟ لان مو ناقصنا شي سلامي |
مو ناقصنا شي ولله الحمد ناقصتنا الروح فقط |
يعطيك العافيه اخوي على الكلام المميز ,, وانا من المعجبين بالكابتن محمد نامي وبالتوفق له ,, لكن المبارة امس القطريين كانو كلهم دفاع وتكسير ,, ان شاء الله القادم افضل,, |
اخي العزيز.. اولا انت بموضوعك ماقصرت ماخليك احد الا وانتقدته كله عشان ترضي لاعبنا المحبوب ابو نامي :d اولا كل الي ذكرتهم يقدمون احيانا مستويات سيئة لكن الغالب ان مستواهم مؤثر وممتاز مثلا ياسر هو هداف الهلال لو جمعت كل اهدافه بكل البطولات واعتبر هالموسم واحد من افضل مواسمه مع الهلال حتى لو فيه مباريات مالعب فيها بمستواه :( والزوري صراحة شهادتي فيه مجروحة وانا معجب فيه يعيبه البرود احيانا والسرحان بس انطلاقاته وتغطيته ودفاعه تعجبني والله يقومه بالسلامة لما رجعت للبيت وشفت دخلت يوسف على رجله كرهت الكورة كلها :( اما نيفيز ماتحس به الا بعد المبارة تلقاه مسجل هدفين وصانع هدف وانا اني استمتع بلعب الهلال اكثر لما يكون خارج التشكيلة لانه يثقل الرتم احيانا ومايرجع يدافع عن كورته المقطوعة ولو ان هالشي بدا يتعدل باخر مباراتين لكن يظل اني استمتع بالهلال وهو خارج التشكيلة اكثر اما محمد النامي اولا الي كان امس والاصوات الي تسمعها كل ماستلم النامي الكورة هذي تشجيع وانا حاضر الملعب :) وهالتشجيع كان موجود من مبارة الهلال والفتح واسال اي احد حضر هالمباراتين محمد النامي يعد واحد من لاعبين الهلال وبنوقف معه رغم هفواته القاتلة خلال الفرصة الي اتيحت له الموسم السابق كامله وبعض مباريات هالموسم وماشفنا منها الا النكبات ومع ذلك شجعناه امس والمبارة الي لعبها قبل :) يركض يركض ولما يوصل للمكان الي المفروض فيه يتصرف يشوت او يلعب اوفر او يلعب باص فجاة يطيح هذا الشي المبكي والمضحك فعلا :( على دروب حب الزعيم نلتقيs13s |
والله غريبه من الجمهور الكبتن محمد نامي مجتهد ولكل مجتهد نصيب ما فيه احد كامل نبي الجمهور داعم وليس مدمر ......... |
لا يالغالي ماكان فيه اي صافرات استهجان بل كان تشجيع وتحفيز لنامي |
اعنقد والله اعلم انها مو صافرات استهجان بل تشجيع والله اعلم انا شايفها من التلفزيون ع ابو ظبي فكانت الاصوات اوضح انا من سكان جدة وحاولت اجي الرياض بس الظروف المادية ماسمحت خصوصا اني طالب :( |
مو ناقصنا شي ولله الحمد ناقصتنا الروح فقط |
كلامك صحيح بخصوص نامي لكن أتحفظ على الباقي |
ناااااامي // لاااشوفه فالهلال نامي جابوه ب 6 مليون وجددوا معاه ب 3 مليون انا مااحسد اللاعب ولا اقول فيه شي الله يرزقه لكن لااشوفه فالهلال بس . ياسر // افضل مهاجم في الهلال وهداف الهلال . واصل ياسر فديتك . الزوري // في الهجوم توب لكن فالدفاع لك عليه وانا معاك في انتقاده . تياقو // نفس كلامك واتفق معاك في كل شي لاهنت يالغالي على حرصك ونقاطك واعلم بان وجهات النظر في الحياه لايمكن ان تتفق ولكن قد تختلف ويبقى الحب واحد كلنا نحب الهلال انا وانت وبيننا الاختلاف . موفق يالازرق . |
اذا كان مستوى نامي سيئ لايجب ان نسيئ اليه بل نسانده ونقف معه لانه لاعب فريفنا ليس لاعب الاتحاد ولا النصر او اي فريق آخر انه لاعب الهلال نتفترض ( لا سمح الله ) اصيب احد الاظهره ومافي الا نامي بيلعب بيقعد الجمهور يفصر ضده ؟!!! |
آرائكم على العين والراس وكلنا مع الزعيم انشالله تشكراتي لكم |
| الوقت المعتمد في المنتدى بتوقيت جرينتش +3.
الوقت الان » 08:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd