|
][ .. وتقولون وين جمهور الرياض ..!! .. اسباب غياب وعزوف الجماهير .. نمتنى تحرك من الإداره لحل هذه المشاكل .. ][ السلام عليكم اول شي ابارك للجميع التأهل الذي كان مستحقا ً .. حتى لو كانت مباراة البارحه لم تنتهي بفوزنا لكن تأهلنا لأننا الأجدر .. عموما ً موضوعي هو عن امور تحدث في الملاعب وفي استاد الملك فهد بالتحديد اولا ً .. الأمن الذي تخلى أهم مهامه وأصبح يتفنن في إستفزاز الجماهير .. في كل مباراة نجد أنواع القرارات الغريبه والعجيبه والتي هدفها نرفزة وتطفيش الجمهور الهلالي .. من هذه القرارات / اي شخص يطلع يصلي قبل المباراه ما يرجع .. وكأنهم يقولون اجلس ولا تصلي وتراك لو طلعت منت براجع .. !! اي شخص يحمل شال موبايلي ما يدخل الملعب ولو لقاه احد العساكر يحمل هالشال يا ويله ..!! ( وكانت في مباراة مس كرمان ) . اي شخص يحمل اي شال واي علم ما يدخل الملعب .. شخص قدامي اعجبني باستفزازه للعسكري وقال له انا جبت معي شالين شال هلالي ونصراوي انت منعت الهلالي طيب الشال النصراوي تقدر تمنعه ..!! :s2: ممنوع دخول المشروبات موية او بيبسي او عصير .. لكن عادي تخش بشاي :s2: ثانيا ً .. الزحيف [ واعذروني على هاللفظ بس ما لقيت لفظ يشيرلهم ] هالفئه ذي تكرهك في شي اسمه كورة .. تكره اوم الملعب منهم .. همهم بس انه يظهر للناس انه وخوياه أقوى ناس في الدنيا .. واكثر ناس زاحفين واكثر ناس كوميديين ومهسترين .. وهم على العكس تماما ً .. ازعاج وهياط وقلق وغباء مستفحل وفوق هذا كله فضاوه وبطاله .. هالفئه تلقونهم بثياب نوم دائما ً لا وفيهم ناس يربطون شاش على روسهم ولا على يدينهم وهم اساسا ً مافيهم الا العافيه .. بس عشان يبين للناس انا راعي مشاكل .. وتلقونهم دائم عند الرابطه ويتجمعون في مكان يكون مكشوف على العالم كلها وتلقى الي يقط ذبات على ذاك ولا الي يستهبل ويستخف دمه وهو اصلا ً سامج .. والله من اشوفهم اكره المباريات واقول في نفسي هذي اخر مباراه اجيها لكن حبي للهلال يمنعني .. ثالثا ً ... المدخنون : هالفئه الله يهديهم .. بعضهم طيب بس تقوله يالغالي لو تكرمت طف زقارتك على طول تلقاه يتقبل برحابة صدر ويطفيها .. وبعضهم يطالع فيك بنص عين ويكمل زقارته .. وفي ناس اكثر بجاحه يطالع فيك ويقول كل العالم تدخن .. والله اني صرت احرص اجلس في مكان اتأكد ان الي قدامي ما يدخنون .. وفي احد المباريات اقسم بالله كرهت الكورة على ابوها .. تخيلوا قدامي ثلاثه يدخنون وجنبي واحد تخيلوا يوم يدخنون الدخان يصير كنه سحابه تجيني وانواع الكح والقروشه .. الله يعينا عليهم بس ويهديهم لكن اعظم شي لا كانوا هالمدخنين من الزحيف هنا ام المصايب .. رابعا ً .. الشوارع والزحام : معروفة الرياض بالزحمه والقلق .. تخيلوا والله الذي لا اله الا هو اني البارح طلعت من الملعب بعد ما انتهت المباراة .. وما دخلت الحي الي انا فيه الا على الساعه 12 وربع من قو الزحمه .. خصوصا ً يوم تقفل خريص من الامطار الي جت .. والي كان فيه راح يذكر المكان .. قبل كوبري المعيزيله وانت مع خريص بإتجاه الغرب .. يالله الشارع توقف والى الان ما ادري وش السبب يمكن اخذنا نص ساعه والشارع واقف تماما ً اخر شي تحرك .. بعد طلعت الروح .. خامسا ً .. شباك التذاكر : هذي المشكلة قليلة الحدوث لكنها تحدث بشكل كبير في المباريات الي على ملعب الملز .. زحام الله لا يوريكم .. خصوصا ً في رمضان .. تمسك الدور وشف عاد متى يجيك الدور .. اذكر مرة جيت بعد صلاة العشاء وجلست انتظر الدور وما دخلت الملعب الا في الدقيقه 20 .. وقت مباراة الهلال ونجران [ 5 / 0 ] .. لكن زي ما قلت هالمشكلة قليله وما تأثر بشكل كبير .. كل الي أتمناه ان ادارة النادي ممثلتا ً برئيس النادي الأمير عبدالرحمن بن مساعد .. أن يولي هذه الأمور أهمية ويحرص على متابعتها وعلى إيجاد حلول .. وأخذ حقنا من هذا التسلط وإيقاف مسلسل تطفيش الجمهور الهلالي سواء في ملعب الملز او في ملعب الاستاد شكرا ً لكم :smilie47: :rose: |
الله يكون في عونك ... أن اصلن في حياتي رحت الملعب 1 مره واحده .... ويوم سمع كلامك .. حلفت يمين مأروووح .. خخخخـ ألف الف شكر لك .. وبالتوفيق ..,, |
عزيزي طلال كل ما ذكرته سابقاً , يحكي الواقع المرير ! في نهائي ولي العهد السنة الماضية حضرت مباراة الهلال والنصر 0 - 1 للهلال والهلال والشباب 1 - 0 للهلال - هدف المفرج ! طبعاُ هذي فقط اللي حضرتها في إستاد الملك فهد طول حياتي ! وكل نقاطك التي ذكرتها مرت علي حرفياً .. لكن وش نقول وش نخلي ؟ أتمنى من الأمير التدخل وحل الأمور سريعاً .. قبل ما يطيح الفأس بالرأس ! ونشوف عزوف مفاجئ للجماهير .. موضوعك جميل وأتمنى أن يصل لإدارة الهلال ورجال الهلال الذين لامسنا منهم الوفاء في كل مكان وحتماً سيساعدوننا |
اي والله , امس بغيـت أتهـاوش مع عسكـري .. يقولي تطلـع تصلي ماترجع الا بتـذكرة ثانيه .. قلتله تستهبل انت وش الي مارجع بتذكره ثانيه بصلي ياخوي ترا الصلاة أهم من المباراة وكل شي .. وهيـاط وقلق .. قسم بالله ماصارت كانهم يبون يقولون لك بس بطريقة غير مباشرة اذلف لاتحضر .. الى متـى يعني .. يعني معقولا ماوصلت للنمشـان ..!! قسم بالله استفزاز عيني عينك .. والكل ساكت انا مدري هي بس بمباريات الهلال , اما المباريات الثانيه ماتوقع يسوون كل ذا .. اما الهلال اوم القلق واللجه .. والله اقعد بالبيت روقان اناظرها بالتلفزيون ومكيف وهدواء ازيلي من اني اروح وأنهان كاني وش .. لكل انسان كرامه ترا .. وإلـى متى هالإهـــانة بالجمهـور الهـلالـي .. ؟! وتقولــون وين الحضـور ..؟! لهالإسـباب تشوفون مافيه حضور قسم بالله .. ... طـلال وربي موضوعـك جاء بوقته , يعطيك العافيه يابطل , |
هلابك اخوي طلال :smilie47: الف مبروك التأهل و كلامك عين العقل اولا ً .. الأمن الذي تخلى أهم مهامه وأصبح يتفنن في إستفزاز الجماهير .. في كل مباراة نجد أنواع القرارات الغريبه والعجيبه والتي هدفها نرفزة وتطفيش الجمهور الهلالي .. من هذه القرارات / اي شخص يطلع يصلي قبل المباراه ما يرجع .. وكأنهم يقولون اجلس ولا تصلي وتراك لو طلعت منت براجع .. !! اي شخص يحمل شال موبايلي ما يدخل الملعب ولو لقاه احد العساكر يحمل هالشال يا ويله ..!! ( وكانت في مباراة مس كرمان ) . اي شخص يحمل اي شال واي علم ما يدخل الملعب .. شخص قدامي اعجبني باستفزازه للعسكري وقال له انا جبت معي شالين شال هلالي ونصراوي انت منعت الهلالي طيب الشال النصراوي تقدر تمنعه ..!! ممنوع دخول المشروبات موية او بيبسي او عصير .. لكن عادي تخش بشاي هههههههههههههههههههههههه حسبي الله ع العساكر الهمج :mad: قدام عيني العسكري يدخل نصراوي ومعه علم النصر والشالات الي مكتوب عليها موبايلي مايدخلونها!؟ < وش هالتخلف :ranting: ثانيا ً .. الزحيف [ واعذروني على هاللفظ بس ما لقيت لفظ يشيرلهم ] هالفئه ذي تكرهك في شي اسمه كورة .. تكره اوم الملعب منهم .. همهم بس انه يظهر للناس انه وخوياه أقوى ناس في الدنيا .. واكثر ناس زاحفين واكثر ناس كوميديين ومهسترين .. وهم على العكس تماما ً .. ازعاج وهياط وقلق وغباء مستفحل وفوق هذا كله فضاوه وبطاله .. هالفئه تلقونهم بثياب نوم دائما ً لا وفيهم ناس يربطون شاش على روسهم ولا على يدينهم وهم اساسا ً مافيهم الا العافيه .. بس عشان يبين للناس انا راعي مشاكل .. وتلقونهم دائم عند الرابطه ويتجمعون في مكان يكون مكشوف على العالم كلها وتلقى الي يقط ذبات على ذاك ولا الي يستهبل ويستخف دمه وهو اصلا ً سامج .. والله من اشوفهم اكره المباريات واقول في نفسي هذي اخر مباراه اجيها لكن حبي للهلال يمنعني .. هههههههههههههههههههههههههههه والله انك صادق ياخي ناس تكرهك بالكوره !؟:cry: ودي أفقع وجيهم هالمهايطيه :d ثالثا ً ... المدخنون : هالفئه الله يهديهم .. بعضهم طيب بس تقوله يالغالي لو تكرمت طف زقارتك على طول تلقاه يتقبل برحابة صدر ويطفيها .. وبعضهم يطالع فيك بنص عين ويكمل زقارته .. وفي ناس اكثر بجاحه يطالع فيك ويقول كل العالم تدخن .. والله اني صرت احرص اجلس في مكان اتأكد ان الي قدامي ما يدخنون .. وفي احد المباريات اقسم بالله كرهت الكورة على ابوها .. تخيلوا قدامي ثلاثه يدخنون وجنبي واحد تخيلوا يوم يدخنون الدخان يصير كنه سحابه تجيني وانواع الكح والقروشه .. الله يعينا عليهم بس ويهديهم لكن اعظم شي لا كانوا هالمدخنين من الزحيف هنا ام المصايب .. يارجال انا مثلك يضيق صدري اذا احد يدخن بجنبك أو قدامك الحل الوحيد أنك تلطم في الشعار مثلي والله يهدي جميع المدخنين لكن كل هذا لن يمنعنا من حضور لمباريات الهلال الف شكر لك أخوي طلال :rose: |
انا وصلت للملعب متأخر بالدقيقه 23 اشووف الشالات عند العساكر مقططه مدري وش يبون فيها ههههههه واقول والله انهم صازين الي يقولونه بالمنتدى من تعامل وكأنهم يقولون انقلعو لبيوتكم لاتجون ولازم موضوعك ياطلول يوصل لأداره الهلال للنظر فيه جمهور الهلال يعاني من التعامل من العساكر ماقول الا الله يكون بالعون ان شاء الله كل شى يهون لأجل الهلال واخيرآ صدقت بكل شى قلته اخووي طلال والله كلامك عين الصواب بس مافي احد يسمعك |
انا مايقهرني الي يدخن الي يسوي نفسه يدخن قبل كل مباراة تلقاهم تقريبا 5 في بكت واحد!! مدري متقاطين مدري وش يحسون فيه ويحط السقاره في وجهك يعني شفني انا ادخن:ranting: مشكور على الطرح مبروك لزعيمنا بتأهل .. وان شاء الله ضد الاتحاد في دور الـ(16) :laugh: |
اتمنى ان شبيه الريح يشفولنا حللللل مع مهزله الجوازنه المللللللللللحجه!!؟ يعني انت هلالي بطفششك وماخليك تحظر وتشوف مباراه فريقك اما انت منت هلالي خذ راحتك وسو الي تبيه !!!!!!! اتمنى يووصل للادااره هالمووضوع |
يالبى قلبك بس .. والله انك جبت الموضوع اللي في بالي والنقاط اللي ترفع الظغط !! كفيت ووفيت .. بالتوفيق |
موضوع ممتاز طلال ولازم نشوف حل مع ها المشاكل لكن ما اتوقع انها تصير مع النصر |
وربي صاااااااادق خااصه بالزحف والتتدخين قمه التخلف بهم |
هذي مشاكلنا كلنا اخوي قرارات غريبه من رجال الامن |
طيب يالغالي انت ذلحين جالس تقول رجال الامن ما يعرفوا يتعاملو مع الجمهور ومضايقات طيب يالغالي ليش ماتصور او تسجل ع الاشياء الي تحدث للجماهير خارج الملعب من قبل رجال الملعب وروح النادي واعطيهم المقطع اذا لم يعملوا شئ نهاجم الادارة ونقول غير مهتمة بالجماهير اما بالكلام لا يمكن ان نتهجم ع الادارة الهلاليه لانه مافي شئ مثبت اتمنى انك فهمت الي اقصده |
يا أخوان لاتجلسون تتعذرون وليرحم والدايكم اوكي زحمه الرياض معروفه بزحمه من تطلع لبيتك وتروح لجامعه ولادوام ولامستشفى زحمه ! اكيد بيكون طريق الملعب زحمه !! الي يدخنون في كل مكان مقاهي مطاعم إستراحات !! و ريحة تشق الراس !! وفئات الناس مختلفه فيه الصالح وفيه الطالح في العربجي والمشكلجي وفي العادي والعاقل وتلقى الاشكال هذي في كل مكان في الملعب ولا في شارع ولا في مدرسه ولا في جامعه !! قولو مانبي نحظر وبس وش تبون من الامير عبدالرحمن والامير نواف يقولون للي يدخنون لاتدخنون ولا يربون لكم الناس !! عموما الحظور الجماهيري امس كان رائع جداً ولكن الاعبين ماقدرو حظور الجماهير ودائماً يخيبون ضنكم وتتعبون وتحضرون من كل مناطق المملكه ولكن نقول الجاي أحلى ان شاءلله وبيض الله وجيهكم على هالحضور .. |
السلام عليكم.. قد يكون هناك بعض المشاكل لمن يحضرون مباريات الزعيم بالملعب ... ولكن من أجل الزعيم تهون كل المصاعب والمشاق .. دمت بود ... |
| الوقت المعتمد في المنتدى بتوقيت جرينتش +3.
الوقت الان » 12:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd