|
والله وماحلفتني يابو مساعد , مارجعت البيت إلا وأنا مصدع !! .. وهذا السبب , ( صوره ) . بسم الله الرحمن الرحيم الف مبروك التـأهل ,, رساله لسمو الأمير عبدالرحمن بن مساعد ولـ الأمير نواف بن سعد وللكادر الإداري مايحدث في مدرج الهلال في المباريات الرسميه والغير رسميه ليس إلا مهزله تحدث تشجيع همجي وتشجيع أقل مايقال عنه " أطفال " وإزعاج وطقطقه وشي لايدخل العقل انا لاأدري هل رابطة الهلال تعتبر تشجيعها وإزعاجها بالمايكات والطبول هو دعم ؟ والله لا هو دعم ولا هم يحزنون هذا إزعاج وحاطينه للي يرقصون معهم الله لايبلانا شي يقهر وينرفز والله ماتقدر تشوف المباراة طول المباراة موقف مع الرابطه هذي المشكله الأكبر أن الرابطه ماتدري عن المباراة يكون وجه رئيس الرابطه للجماهير ومعطي الملعب مقفاه يعني مايدري شي عن الهلال ولو تقوله اليوم مين ومين مايدري اسألكم بالله وشلون نحظر والرابطـه هذي موجوده ؟؟! روسنا تصدع قسم بالله !!! بتقولون لي الجمهور مايتفاعل .. طيب لاتزيد الطين بالله وتشجع تشجيع ردي !! إذا ماتفاعل الجمهور فـ السبب منك انت واللي معك البطاطي وحماده المصري !! وش معنى جمهور الإتحاد وجمهور الأهلي يولعون لك الملعب نار ويتفاعلون ؟؟ الخلل منك يابطاطي وياعبيد اهازيج قديمه ونصها مسروقه من الأنديه وتشجيع سيء وتشجيع ردي والله مايعرفون من التشجيبع الا اسمه حتى ان جريتس يضحك علينا والله شي يرفع الضغط لين متى هذي الرابطه موجوده تكفى يابو مساعد نبي حل .. وانا امس قدر الله علي انا وخويي وجلسنا بالواجهه وصادفنا الرابطه قدامنا بالضبط وللأسف إني جلست قدامهم بالضبط وراسي والله يون يوووون من ذالرابطه السيئه نبي نشوف حل نبي الاربطه تروح او على الأقل يخففون من ياهلال عزك عزنا .. شوفوا الصوره وشوفا اللي لابس شماغ هذا اللي يقول " ياهلاااااااال " والله العظيم يوم قالها إني طلعت للملعب ورجعت يوم خلص وربي صوت نشااااااز :( يابو مساعد إذا تبينا نحظر تكفى شف حل للرابطه لإن العزوف الجماهيري بسبب الرابطه .. مع السلامه :rose: , . |
. بصراحه انزعجنا بالملعب البارح مافيه تنسيق وتحتاج الرابطه لشغل كثير بدل الصراخ الزائد بدون فايده ورغم استهجان الجمهور عليه إلا انه يزيد بعد وهذا شي غريب انسان غير مرغوب ويجبر نفسه لاحول الله وأزيدك كذلك مسألة التدخين مقلقه بشكل كبير . |
والله انك صادق نتمنى رابطه مثل رابطة(الاتحاد) والحق يقال احسن رابطه في اسيا رابطة الاتحاد |
والله صدقت رابطتنا تجيب الهم قسم بالله واللي يقول ياهلاااال لو يجلس في بيتهم احسن ازعج الناااااس :( |
يا رجال اللي بيروح الملعب تقول رايح يتعذب لا اكل ولا شرب ,, وازعاج ,, وحولك كم واحد متخلف ما غير يسب باللاعيبه وياليته اي سب .. تلقاه يشتم اهله وعرضه .. والدخان !! لا وغير الامن المتخلفين الله لا يوفقهم .. عسكري معه شهاادة سادس ابتدائي ويقعد ينافخ وكانه ملعب ابوه .. تبي تروح تصلي ترجع ما يدخلك !! ,, ما ادري الى متى وحنا نتكلم ,, لا ويقولون وين الجماهير !! ,, طيب انت شف اللي قاعد يصير بالمدرجات ودي .. |
والله انك صادق نتمنى رابطه مثل رابطة(الاتحاد) والحق يقال احسن رابطه في اسيا رابطة الاتحاد |
إقتباس:
يعني الدعوه تخريب !!! .. |
والله العظيم أني معك ملياار بي الميه ... هههه .. عليكم رااابطه .. مأقوول الا ماشاء الله ع " الاهلي , والاتحاد .. خصوصاً الاهلي مشكوور ع الموضوع |
كلامك جميل وهذا ماشاهده باستمرار في التلفزيون واسمعه المايكرفون عالي ومزعج ولانعرف ماذا يقول والاهازيج قديمه حضرت نهائي الدوري الذي فاز الاتحاد به العام وكنت جالس باستاد الملك واذهلني ماذا فعله الرابطه في جمهور الاتحاد تنظيم وصوت مميز وكانك تلعب في جده وليس بالرياض الهلال يملك المقومات التي تجعله من افضل الرابطات بالعالم وليس باسيا فقط مشكور على الطرح |
حبيبي ماأقول لك الا انتضر جديدي وتقريبا اليوم (القطار الاوكراني )^^^ |
تبي الصراحه شينه وزينه شينه في الاهازيج اللي تصدع الراس وزينه انها تحمس الجمهور على الوقوف والمسانده |
صدقت أخوي ~ من جد شيء مخجل أن تكون هذه الرابطه لنادي القرن في آسيا هل يعقل أن تسمع اهزوجة " نصرة الله قويه " والمباراة بعدها في بدايتها والحكم بعده ماجهز اسلحته السيئه شيء يقهر من جد نادي بحجم نادينا يملك رابطه سيئه وبعدين هم عندهم عادي أهم شيء يأخذون فلوس وإلا النادي " بالطقاق " مب مهم . . ! لازم الأداره تتحرك وتعمل شيء مب يتم تنبيههم فقط لا ~< نبي نجددهم ونجيب رابطه تساعد اللاعبين مب تنفر الجماهير وتربك لاعبينا ما حصل في مباراة البارح شوه المباراة واهي من اصل مشوه منذ وطئت قدم هالحكم كل التوفيق للعشق الأزرق ق1 |
والله كم مرة قلناها وتعبنا واحنا نقول الهلال حضور كبير لكن تنظيم سئ وللاسف اقولها حبا للهلال لكي يتغير وليس كرها وسبا له بس كلمه بسيطة ادخلوا اليوتيوب وشاهدوا تفاعل جمهور نادي الاهلي والاتحاد والله اني صرت ارددها في البيت من كثر الحماس اللي فيها يارب يارب يارب يتغير رئيس رابطة مشجعين لهلال إلى واحد افضل ويكون له تنظيم افضل مثل [ القرني ] . |
ياخي والله انك صادق ولا اظيف نقطه بعد .. ياخي ابو خشم حق الرابطه مرييض ياخي ما يقول اهازيج يقول قطعه كامله يعني ما تدري وش تقول يقرق ساعه ودك تشجع معه بس ما تدري وش يقول ! الله يبعده عنا هو وياهلال عزك عزنا ! اللي يوم راح حقوي قلت اشوا نفتك منها ! الله يعين بسسس رابطه زفت وعسكر زففت بس حااضرين حااضرين ..., |
إقتباس:
...................... |
| الوقت المعتمد في المنتدى بتوقيت جرينتش +3.
الوقت الان » 03:48 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd