|
جريتس + نيفيز + الاستاد + المجاملات لو نبعدها كان طلعنا أجدع ناس ..!! ( صورة ) بسم الله الرحمن الرحيم نواف الهلالي يعود لكم وفي الحلق غصه << إيه بس انتبه لا تشرق وتموت :to: هاردلك للكل على التعادل وعلى هالمستوى مهب من عادتي الانتقاد بعد الهزيمة مباشرة - والتعادل عند الهلاليين يعتبر هزيمة - مع إنه يعتبر فوز عند جيراننا بالعريجاء s121s:naughty: المهم الموضوع بكتبه على نقاط بسيطة .. والنقاط هذي قراءة لمباريات السنة هذي كاملة ماهو بس المباراة هذي .. وأكتبها بعيدا عن أي مجاملة أو عاطفة ..!! أولا : المدرب القدير جريتس ( البشر ) والبشر لابد أن يخطئ إلا المعصوم عليه الصلاة والسلام ( صلوا عليه ) المهم هذا المدرب له إيجابيات كبيرة أكبرها وأهمها : 1- الانضباطية الشديدة . 2- تدريب اللاعبين على اللعب الأوربي السريع . أما السلبيات فهي : 1- ضعف التبديلات دائما وهذا بسبب عدم قراءة المباراة بالشكل المطلوب ..!! يعني نادرا ما نشوف تبديل يقلب المباراة وهذي بالمناسبة تعد أكبر مميزات المدرب كوزمين ..! 2- عند قدوم المدرب قال في تصريحه أنه ( لا يجامل ) .. لكن اللي نشوفه إنه ( كثير المجاملات ) وإلا كيف يلعب الشلهوب المنحدر المستوى بدل العابد أو حتى بدل الدوسري عزوز ..! أيضا من ضمن السلبيات الاستهتار بالخصوم والغرور .. وأيضا الإصرار على مشاركة ويلي في الجهة اليسرى مع أنه غالبا لا يستطيع أن يفعل شيء في هذه الجهه بعكس الجهة اليمنى التي يصبح فيها من أفضل لاعبي العالم ..!! هذي بعض سلبيات المدرب اللي أتمنى من إدارتنا مناقشتها معه ثانيا : نـيـفـيـز .. هذا اللاعب إذا حضر فهو لاعب الفرصة الواحده .. وأقصد بالفرصة الواحده إنه ما يصنع إلا فرصة فرصتين في المباراة يعني بيضة ديك إن حصل توفيق وتسجلت ولا لن تشاهده في غيرها بإستثناء مباراة أو مباراتين في الموسم كامل ..! أما إذا غاب فالواقع يقوول غيابه غير مؤثر ..! ولكم أن تتأكدوا من هذا بعكس ويلي أو رادوي أو لي يونق فهم إذا غابوا فإن مكانهم شاغر ..! غير كذا الضربات الثابتة .. اللاعب الذي يجيد تنفيذ الفاولات : من كل خمس فاولات يسجل واحد أو اثنين ..! نيفيز من خمسين فاول سجل واحد !!!! وش رايكم هل فيه أحد مقتنع الآن إنه شوّيت فاولات ..! باختصار نيفيز ( لا يجيد الضربات الثابتة ) ..! بينما لو كان اللي يسدد الشلهوب أو رادوي كل هالفاولات باعتقادي كان الحال أفضل مما نحن عليه ..! عشان كذا يا شباب لـ نبتعد عن العاطفة والمجاملات فـ مصلحة الزعيم فوق كل لاعب .. لذلك أقترح وربما يوافقونني الرأي كثير من الجماهير الهلالية العاقلة أن تقوم الإدارة في فترة الانتقالات القادمة بـ بيع أو إعارة نيفيز واستبداله بلاعب آخر لسببين : الأول : أننا نبحث عن الأفضل يعني يكون لاعب من طينة ويلي يحرث الملعب ويحدث الفارق فـ آسيا لا تقبل المجاملات .. والثاني : الحاجة إلى مهاجم بديل لياسر يكون في مستوى ياسر أو أفضل من ياسر ..! والمهاجمين كثير وأعتقد إن قيمة عقد نيفيز كافية لإحضار اللاعب المطلوب ..! وإن كنت سأقترح فأنا أشوف إن فيه لاعب تنطبق عليه المواصفات اللي نبي بس السؤال هل ناديه يبي يتركه وإلا لا خصوصا وأنه مقدم مستويات كبيره ..! اللاعب هذا طراز أوربي برازيلي من فئة ويلي في حرث الملعب والحركة الدائمة المزعجة ويتميز أيضا بالتسديدات القوية بكلتا قدميه ويمتلك مهارات فردية عالية ( دوّخ منتخب إنجلترا على أرضهم ) ..! وهذي لقطات للاعب : ارعـص هـنـا الاستاد وما أدراك ما الاستاد يا إدارتنا الموقرة يا ناس يا عالم انبحت حلوقنا وحنا نقول الاستاد فيه عيوب كثيره ما تساعدنا على الفوز وإلا بالله عليكم التعادل مع الكويت الكويتي ومع الوحده الإماراتي وأم صلال والأهلي الاماراتي والسد القطري كلها صدفه ماهو معقول يعني وترا فيه عدة عوامل غير الحظ وهي حجم الملعب وضغط الجمهور !! والمشكلة الإدارة لما ناقشت الموضوع بداية الموسم حسب ما سمعنا إنهم اختاروا الاستاد بسبب اتساعه لأكبر عدد من الجماهير ..!!! طيب قولوا لي بالله عليكم أيهم أفضل عندكم ما يحضر ولا مشجع واحد ونفوز ولا يحضر ميتين ألف ولا نفوز !!! هذا غير أصلا إن الحضور الجماهيري الكثيف وكما قال كوزمين وهو يعرف لاعبي الهلال جيدا قال إنه يشكل ضغط على لاعبي الهلال !!! يعني يضرنا أكثر مما ينفعنا ..!! يعني أنا أقول مثل ما قال أخوي الصخرة ( يا إدارتنا الموقرة خلوووها تملّز يرحم والديكم ) قـفـلـة http://upload.alhilal.com/img/019/AC...l0-0Sadd-4.gif أما عاد يابو كلبشة لو هذي جايه قوول s121s:ba1: |
أول رد :D مشكور نواف على الموضوع .. نقاط مهمه بالنسبة لقريتس أووما لو اللاعب اللي قلت يجي :D |
يالبى قلبه ابو كلبشة لو جا هذا الهدف بس يكون افضل هدف لهوساوي ،،، مشكوور اخووي نوااااف على الموضوع ،، واتمنى مباريات الهلال الاسيوية تكون في ملعب الملز افضل مثل ماقلت اخووي >>>> يا زين السحب على الدرآسة والقعده الصبح :d |
بصراحه بالنسبه لتبديل الشلهوب اشوف انه منطقي لأن نواف العابد ماسوى شي في الشوط الأول واشوف ان تغييره له من وجهة نظري في محله وفي وقته أما بالنسبه لنيفيز فمعك حق أخوي نواف ضيع كثير من الفاولات والمشكله ما يسدد الا هو رغم وجود رادوي والشلهوب حتى لما تنقطع منه الكوره ما يضغط على اللاعب بصراحه نيفيز لما تشوف مقاطعه قبل يجي للهلال بصراحه مبدع وفنان بس هنا مابعرف ليش هل هو ما تأقلم او ما ادري وش القصه ياليت نشوف نيفيز يبدع ونيفيز في هالموسم ما قدم ولا 15 في الميه منه كلاعب بحجم نيفيز نتمنى انه يتوفق في المباريات القادمه واذا ثبت كذا مثل ما قلت بيع عقده والتعاقد مع غيره في خانته أو خانة الهجوم كما تكرمت أخوي بالتوفيق للهلال في جميع مشاركاته وإن شاء الله الاسيويه تقبل مروري |
يا عالم والله اللي يسمعكم بيموت من الضحك عندنا نيفيز وتقول تبي لاعب مصري والله حقها اللي يكسر التلفزيونات اللي في بيتكم عشان ما عاد تشوف لاعبين يسحبون تسحيبة وتجي تكتب عنهم هنا 1_ ابغى اعرف وش مقياس النجاح عندك لصانع اللعب هل هو صناعته للاهداف وتسجيلها والا الكباريات لاعب وسط في اول موسم يسجل 14 هدف ويصنع مثلها تقريبا وتقول بيضة ديك وعلى الفاولات الشلهوب ورادوي العام موجودين ولا شفنا شئ عالاقل نيفيز جاب هدفين 2_ اشوف التدريب عندك سهل حط وشل بس 3_ لو في بداية الموسم رئيس النادي قال للجماهير( اننا بنحسم الدوري قبل نهايته ب 3 جولات وفارق 11 نقطة عالثاني ونفوز بكاس ولي العهد ونتصدر المجموعة الاسيوية قبل الجولة الاخيرة ونوصل نهائي فيصل وننافس على كاس الملك ) فيه احد بيتوقع هذا ؟؟؟؟؟؟؟؟؟لا لا لا لا لا لا عشان كذا ....... موسم بهذا التميز المفروض ولا واحد ينتقد الفريق ابد |
والله كلامك عين العقل بس التنفيذ فين يارب احد يقراااء موضوعك من الاداره النادي |
إقتباس:
ولا كمان تبديلات المدرب >>>>>>>>>>بالعكس الهلال هالسنة غيررررررررررررررررررررررررررررررررررر ربي يحفظهم من كل شي |
يا جماعه ليت فيه مجال لاعب خامس ويجي محمد زيدان .. يا جماعه هاللاعب مجنون .. هداف ومهارة وكل شي .. |
إقتباس:
|
صراحة نفيز وضعه مايطمن مرة وبالنسبة للملز ياليت تكون مبارياتنا هناك افضل واقرب |
اختلف معك بأول نقطتين ,, المدرب يدخل الشلهوب كبديل وبهالحالة الشلهوب يبدع , ومباراة امس اكبر دليل نواف العابد ما قدم شي ,, اما بالنسبة لغروره ماشوف عنده غرور هذي اسمها ( ثقة بالنفس ) .. النقطة الثانية وهي نيفيز ,, لعلمك في اخر 3 مباريات لعبها نيفيز صنع اهداف المباراة وصناعة اقل ما يقال عنها انها مجنوووووونة وانظر لاحصائيات اللاعب منذ قدومه للهلال وقارنه بطارق التايب ,, اتفق معك انه نزل مستواه في تنفيذه للكرات الثابته فقط ,, شكرا لك حبيبي نواف |
إقتباس:
نيفيز كم صنع هدف ؟ خلاص باكلمه واقوله اذا جتك فرصة هدف ضيعها هذي نكتة الموسم بعدين من قال لك ان مستوى نيفيز امس زين |
كلامك سليم أتمنى تغيير ويلي ونيفيز واحضار افضل منهم وشكرا لك |
إقتباس:
|
انت شكلك النوم مغطي علييك وش قال قال لييه يدخل الشلهوب ومستواه ناازل يا عمي طيييييييييييييير بسسس :ranting: .. والشئ التاني يقول ان نحضر مهاجم بديل لباسر :smilie47:بالله وش تحس فيييييييييييييييييييييه وانت تكتب ... ما اغرب امرك ووجهة نظرك ؟؟؟ |
| الوقت المعتمد في المنتدى بتوقيت جرينتش +3.
الوقت الان » 02:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd