ولو .. رادوي ( تخنّها ) وطالت وهي قصيرة - نادي الهلال السعودي - شبكة الزعيم

ابو طـــــلال · #1 14/04/2010, 12:59 AM

الخشونة مرفوضة . جملتاً وتفصيلاً ... عادوش الخشونة اللى تعرضنا للإحراج وقدامنا بطولة مهمة

رادوي ( صفّق ) نور وطاروبة ربعنا إلى حد إن واحد سمى ولده عليه بس يقولون إنه غيره إلى عمر والحمد الله إنه ترراجع ...

بس خشونة ررادوي غير مقبولة ياجماعة ... لابد من إيصال هالفكرة لرادوي مهيب توصلة كلمات الثناء والإعجاب والمديح كونة ( خشن ) اجل وش يفرق هو عن برناوي ... ومصطفايا ... والخليوي وأسامه المولد ... او حتى صمدو !؟؟؟

مايفرق عنهم ... إذا في كل مباراة يبي يحرجنا مانبي له قعده ... يطير الله لايهينه لرومانيا وماعليه حسوف

ترك لعب الكورة وتفرغ للخشونه وناس حاطين صورة له بتواقيعهم بالمنتدى وكاتبين ( اللى ماتربى نجيب رادوي يربيه )

>> طيب أفرض إن رادوي ( مهايطي ) وتجيه مثل هالأخبار يبي ينتفخ و( ينززرق ) علينا وبكرا ينطرد في كل مباراة ... عاد الأعداء يحترون الزله وهو بصراحة مهوب مقصر معطيهم الفرصه بزياده

رادوي إعقل ....

=========

وطنيه .. وطنيه ...

اليوم واحد نصرراوي في مقابله قبل المباراة على قناة السعوديه الرياضيه وساله المذيع عن رأئيه في مباراة الشباب وتمنى الوطني المشجع النصراوي وهو يقول بحكم إني نصراوي اتمنى فوزز الشباب .... وبعدها سأله عن مباراة الهلال والسد ... قال أتمنى فوز السد لأنه قدم مستوى وحرام مايفوز ولايتأهل .. ( طيب وين الوطنيه ياجعري ) وبعدين يصعد على حسابنا ؟؟؟ وفي الاخير يقول مايهمنا فوزالسد او الهلال ... !! بالله هذا آدمي ! وكرر إنه مشجع نصراوي ؟؟

وفعلا هذا المشجع النصراوي يمثل شريحة كبيرة وهي ( غالبيه ) كبيرة من الجمهور النصراوي واللى يخلع عباة الوطنية عند أي لقاء للهلال خارجياً وماننسى تشجيعهم الأندية الخليجيه ضدنا ...

شي مقرف بصراحة ... الله يقرفكم ومن هالحال وأردى

=====

مالك معاذ مسوي كميه كبيرة من الأكشنات هالموسم .... يتفلت على اللاعبين ... يصيح حتى بالتمارين ... يتحايل وبعدها يصرح إنه تحايل على الحكم وكنه يقول ( تكفون لعبوا الدوخي ضد الهلال )

مالك معاذ في نفسه شي ضد الهلال .... أبصم على العشرة

=====

ماتوقعت نتعادل مع السد اليوم ولاحتى كان في بالي نقدم هالمستوى ... لكن بعد نهاية المباراة إستانست علشان ينفجر الهلال ويحط حيلة في النصر ... ( إن شاء الله )

=====

محمد نشوان العنزي الكاتب بجريدة الررياضيه يبرر ويدافع عن جمهور النصر بعد تصريح الفريق خلفان بعد الإساءات والتهديد والسب والشتم في منتدى النصر الرسمي واللى جا فيه التعرض حتى للقادة والشعب ومسمى الدولة الإماراتيه بشكل متخلف بصراحة دون حذف للمواضيع .. وذكر الشيخ محمد العنزي إن النصر تعرض كثير للظلم التحكيمي وماصار مشاكل من جمهورة ... ونسى الاخ محمد مطاردة جمهور النصر للاعب حسن معاذ ... يبونه حي او ميت بعد إصابة سعد الحارثي ... وماجاب سيرة طلال الرشيد يوم يفق خشة مشجع بعد تعديه على مرزوق العتيبي .. هذا وهم ربع واصحاب ميول واحد ... إلا إسمح لي يامحمد فيه من جماهيركم ( مهبل ) وبعيد عن الرقي بعد مستوى وبطولات النصر عن الهلال ... يعني بعييييييييييدين بقوه

=====

انا للحين ضد تضامن الهلال مع النصر في قضية ( زعبيل ) لكن رئيس الهلال خذلني وكالعاده ضرب أروع الدروس في الوطنيه ... والحين نسمع من إعلاميين النصر تفسيرهم الغريب عن موقف رئيس الهلال .. ( هماني قايلكم بقلعتهم )
إجتمعت الاندية كلها ضدنا واتفقوا على كره الهلال ومع ذلك الزعيم حقق ماعجز عنه الآخرين

خلهم يواجهون خيبتهم مره وحده دون تدخل الغير .. وبالتوفيق لنادي الوصل الشقيق

وبالتوفيق بعد لنادي الخليج لكرة اليد بعد فوزه على نادي الاهلى لكرة اليد ( لعانه بمالك معاذ )

واللى صارت فيها مطاقّه يحبها قلووبكم .. للاتفوتكم باليوتوب

أخوكم الصغير ابو طلال

أنا الهلالي والنعم · #2 14/04/2010, 01:00 AM

شكرا لك ، و أعتقد بعد هذه المباراة لو ذهب رادوي و نيفيز عن الهلال فلا مشكلة .

راكــــان البرنــس14 · #3 14/04/2010, 03:41 AM

إقتباس

الرسالة الأصلية كتبت بواسطة أنا الهلالي والنعم


	شكرا لك ، و أعتقد بعد هذه المباراة لو ذهب رادوي و نيفيز عن الهلال فلا مشكلة .

والله ما في راسك كوووووووووووووره

7moot AL HILAL · #4 14/04/2010, 01:01 AM

كلاااااااااااااااااام سليــــــــــــ م ويعطيك العافيه

بالتووووووفيق للهلال
يآآآآآآآآآآآآآآرب

al-mogbel · #5 14/04/2010, 01:03 AM

يا عزيزي والله ما شفتى المباراة من الملعب ..

أفضل لاعب من حيث التحرك والتغيطة وصناعة الكور ..

أكثر لاعب يحرث الملعب ..

بعدين من ناحية الخشونة لاعب يحتظنه !!

ابو طـــــلال · #6 14/04/2010, 01:10 AM

إقتباس

الرسالة الأصلية كتبت بواسطة al-mogbel


	يا عزيزي والله ما شفتى المباراة من الملعب .. أفضل لاعب من حيث التحرك والتغيطة وصناعة الكور .. أكثر لاعب يحرث الملعب .. بعدين من ناحية الخشونة لاعب يحتظنه !!

حتى لو كان إحتظنة يعطيه كوع بغى يموت اللاعب .. بعدين وش يفيدنا الكوع والحكم عطاه كرت احمر وطلع ؟؟ وتحركاته ماعليها كلام ومو هذا موضوعي .. انا أتكلم عن خشونته بس

خلك واقعي

شكرا لحضورك يالغالي

عاشق الاعصار · #7 14/04/2010, 01:04 AM

كلاااااام حلللللللللو
يعطيك العاافيه ع الطرح

STS2005 · #8 14/04/2010, 01:07 AM

بالعكس وضع ومركز رادوي يحتم عليه اللعب الرجولي والعنيف ورادوي يعرف تماما متى يستخدم هذه الخشونه

ولو كان كل لاعب بنطرده عن الفريق عشان اكواع كان يوسف الثنيان مالعب الا مباراة وحده والله يذكر خالد الزيد وحسن حمران واحمد جميل بالخير نخاع رقبتهم صار تحت سرهم من كثر تصفيق الثنيان لهم .

مشكلة جماهير الهلال انها تتأثر بالاعلام الاصفر وتساعده بطريقه غير مباشرة في محاربته للاعبين ..

يعني لا نفعت الفريق في الحضور ولا حتى في الانترنت .

وكبير يازعيم بنجومك ..

يعطيك العافيه ..

ابو طـــــلال · #9 14/04/2010, 01:21 AM

إقتباس

الرسالة الأصلية كتبت بواسطة STS2005


	بالعكس وضع ومركز رادوي يحتم عليه اللعب الرجولي والعنيف ورادوي يعرف تماما متى يستخدم هذه الخشونه ولو كان كل لاعب بنطرده عن الفريق عشان اكواع كان يوسف الثنيان مالعب الا مباراة وحده والله يذكر خالد الزيد وحسن حمران واحمد جميل بالخير نخاع رقبتهم صار تحت سرهم من كثر تصفيق الثنيان لهم . مشكلة جماهير الهلال انها تتأثر بالاعلام الاصفر وتساعده بطريقه غير مباشرة في محاربته للاعبين .. يعني لا نفعت الفريق في الحضور ولا حتى في الانترنت . وكبير يازعيم بنجومك .. يعطيك العافيه ..

تررى فيه فرق بين اللعب الرجولي والهبال ...

يقدر يلعب برجولة من غير ماياخذ كروت حمرا ينطرد فيها وينقص الفريق ونخسر المباراة ... وبعدها ولا الف رادوي يبي يعوضنا الخسارة خصوصا لو نطلع من الآسيويه ...

ولاتقارن يوسف الثنيان بأحد .. على الأقل يوسف أحد أبناء النادي ... ثانياً جاب لنا بطولات بالهبل ... ثالثاً يوسف من كثر مايرقص ويراوغ يتسبب في خروج البطاقات الحمراء للاعبين المنافسين بس إنت غلطان

ومانبي جمهور يطير بالعجه
لأنه لا بحضور نافع ولا بالإنترنت نافع ...

حياك

مبارك الفضلي · #10 14/04/2010, 01:08 AM

ياخي انت مهما صار شوف هذاك يوم يكسر الزوري وشوف هذا الي يحضنه تقول زوجتة

ياخي ماهي مبارة هذه ما ينفع معها الا عشرة مثل رادوي وبس

والله جدي لاحظ لعب السد تقول مصارعه

ابو طـــــلال · #11 14/04/2010, 01:31 AM

إقتباس

الرسالة الأصلية كتبت بواسطة فاقد الـحـنـانـ


	ياخي انت مهما صار شوف هذاك يوم يكسر الزوري وشوف هذا الي يحضنه تقول زوجتة ياخي ماهي مبارة هذه ما ينفع معها الا عشرة مثل رادوي وبس والله جدي لاحظ لعب السد تقول مصارعه

طيب هذا كسر الزوري .... يعني نسوي مثله !! طيب لاعب السد بايعها ونادديه ماعنده فرصه او رغبه بالبطولة الآسيويه ... وماعنده بطولات مثل بطولة خادم الحرمين الشريفين قريبه ... خصوصا إن رادوي مؤثر في مركزه وبنتوهق لو غاب عن الفريق فجأءه ؟؟

تحياتي لك

متعب بن زعيم الهلالي · #12 14/04/2010, 01:12 AM

ياحبيبي انا كنت في الملعب
ويا حلالاه من طب مع رادي وترفس في لاعب السد

ابو طـــــلال · #13 14/04/2010, 01:35 AM

إقتباس

الرسالة الأصلية كتبت بواسطة متعب بن زعيم الهلالي


	ياحبيبي انا كنت في الملعب ويا حلالاه من طب مع رادي وترفس في لاعب السد

طيب أفرض ترفس في لاعب السد وجاه كرت أحمر ... وبعدها يجيه توقيف من لجنة إستعباط وإنت خابر الكل يدور شي ضدنا ... ليه نعطيهم الفرصه ...؟

أشكرك بعنف ياجدي

فيني منك وفيك مني · #14 14/04/2010, 01:14 AM

أولآ احترامي لك يابو طلال

من ناحية رآدوي ../ ياخي لكل فعل ردة فعل
هو قطع الكوره وكانت مرتـده يعني يمكن يجي منها ششي
ومثل ماشفت البلوشي مسسكه من ورآء ياخي قسم بالله قهر
أكيد بيسوي ششي

في نظري أبد مافيها ششي سواء انها ردة فعل

أجل لو سسوا سوات اللعب رقم 25 وش بتقول عنه

لاتكبرون السسالفه وهي صغيره

/

ابو طـــــلال · #15 14/04/2010, 01:39 AM

إقتباس

الرسالة الأصلية كتبت بواسطة فيني منك وفيك مني


	أولآ احترامي لك يابو طلال من ناحية رآدوي ../ ياخي لكل فعل ردة فعل هو قطع الكوره وكانت مرتـده يعني يمكن يجي منها ششي ومثل ماشفت البلوشي مسسكه من ورآء ياخي قسم بالله قهر أكيد بيسوي ششي في نظري أبد مافيها ششي سواء انها ردة فعل أجل لو سسوا سوات اللعب رقم 25 وش بتقول عنه لاتكبرون السسالفه وهي صغيره /

اولا أشكر لك حضورك وتواجدك يالغالي

ثانيا . ترى السالفه كبيرة مهيب صغيرة صدقني ... هذا عيب من العيوب الكبيرة وهي العصبية الزايدة او الخشونة الزايدة ... يضر الفريق بكثرة الإيقافات والطرد في مباريات حاسمة ... ترى للحين مانسينا مرارة خروج خالد عزيز بالبطاقة الحمراء أمام الإتحاد في بطولة الدوري العام الماضي ؟؟ والحين خالد عزيز ركد والحمد الله ... لذا نتمنى من رادوي يركد لانفقد من هالخشونة بطولات محتاجينها كثير ... وخصوصاً الآسيويه ..

الف شكر وسعيد بتواجدك