!!! هذه نتيجة تشجيعكم (رادوي ) على الخطأ ! وسوف يحرج الفريق قريبا هو والمرشدي !
 

بصراحة وبدون مقدمات ماقام به رادوي اليوم من تصرف (ارعن ) بكل ماتحملة الكلمه من معنى وهي استمرار لتصرفاته الهوجاء و(الغير مسئوله ) في الفتره الاخيره واعتقد ان من اكبر اسباب هذه التصرفات هو ماوجده من تشجيع من بعض (صغار السن) بعد مباراة الاتحاد الاخيره (رغم انه اخطأ بشكل كبير جدا )

يجب على الادارة والمدرب الوقوف بحزم مع تصرفاته

الان بيجي ناس مطفين الانوار ويقولون لاعبي الاتحاد اول اخطأو والحكم اليوم سيء ووووووو عارفين كل هذا الكلام ولكن انا اتحدث عن تصرفاته حتى اليوم (ليش معصب !!! لااعلم المباراه تعادل وتسير لصالحك وكوره ميته في وسط الملعب وفاول لك ليش تضرب بهذا الشكل !!!!!

ملاحظه / المرشدي كثير الاعتراض على الحكام دائما حتى لو كان غلطان !! ودائما مستعد للمهاوش ( والفزعه) ماهي في المباريات والكوره يامرشدي اعترض عادي بس لاتنفلت مطاقه مع كل واحد _ اليوم كان ممكن ينطرد ايضا هو والاعب الافريقي حق السد لو كان الحكم مستقصد (ويجب وضع هذا الاحتمال مستقبلا ) عموما أنا لا انتقد مستوى المرشدي الفني فهو بالذات الفتره الاخيره رائع ماشاء الله تبارك الله ولكن مايقلقني كثيرا اندفاعه (للخناقات ) مع لاعبي الخصم عند حدوث مشكله !! قد تستغل من الاخر حتى بالتمثيل

عموما الحمد لله على التأهل والصدارة والله يقوم الزوري بالسلامه يارب

انا اتفق معك ان رادوي اخطأ وانه يحرج الهلال احيانا

وبالتأكيد كلنا مانبي في يوم من الايام يلعب الهلال ناقص او رادوي موقف في مباراه مهمة

وبالتأكيد الاداره والمشرف على الفريق والمدرب لهم دور بتنبيه رادوي

لكن اليوم الاعب القطري يقهر بصراحة

واللي قهرني بزياده حمد الجاسم :ranting: مقدم الجزيره وهو يتكلم عن رادوي وهو معصب ويقول رادوي مشهور بالاكواع :ranting::ranting: الله يقهره :ranting: حنا ناقصين استفزاز وهو مسوي فيها مقدم محايد

وليش ماتكلم بنفس الاسلوب عن ضرب رقم 27 لياسر وضرب الزوري ومخاشنه ويلي اليوم او التي بقطر او كل شيء ضد الهلال يكبر ويضخم وحنا ياجمهور الهلال ساكتيين

اما المرشدي حرام عليكم كل مباراه تطلعون عليه شي :cry: يمكن احتجاجة كثير

لكن ليش محد اشاااااااااد بمستواه اليوم ابددددددع وخلص كذا كوره خطره

والله اليوم ابدع ليش المرشدي والزوري مهما ابدعوا بالمباراه محد يشيد فيهم

وغيرهم من اللعيبه لو يمرر كوره فنيه وطلعت برا نلقى التصميمات والمواضيع والصور عنه

شجعوا كل اللعيبه ياجمهور الهلال

سلامات !!
اللي يسمعك يقول إن رادوي ماعنده شغله إلا متابعة المنتدى الهلالي ؟؟!!

اتفق معك وبهذا المستوى لا تشدون بفريقكم الظهر انه بيفوز على النصر

انا معك في جزئيه المرشدي بسس

وكنت اقول ان اغلبيه لاعبين الهلال يبيون يكسبون الجماهير بنفس طريقة رادوي

وهذا بيحرج الهلال كثيرا .. بآختصار المرشدي حدث ولا حرج ,,

تحيتي

ابختصر بكلامي بتصريح الاسطوره سامي ..



في ااحدى المباريات السابقه والموسم الماضي..
تكلم الحكم مع سامي الجابر وسط المباره ...بأنه يتكلم مع رادوي ويطلب منه الهدؤ..



وكان جواب سامي في التصريح ..::

يقول || اللاعب يضحي ويحترق من اجل الفريق وجاي تطلب مني ان اخليه يهداء.!!!


طبعآ انت بمثابة الحكم يابعدي ..



وعن المرشدي ...الصراحه اي لاعب يسوي هـ النرفزه وهي نرفزة الكباتنه واعتراضهم على لاعبهم الي جاته خشونه غير عاديه ..وانت تشوف الزوري كيف مصيره الحين !!



وجهة نظرك احترمها..

واتمنى تحترم وجهة نظري ^^




البايسـن

يا معووووووووود خلها ع الله

اليوم السد ماقصر في الاحكاكات

واذا عن رادوي واحد وراك مسوي قلق شتسوي يعني تقوله ((ممكن يابابا تبعد )

شباب تكفوون ابي اللقطه واضحه

لاني كنت حاظر المباراه وماشفتها

تكفوووون

ما ادري وش اقول
لكن صادق رودوي اخطا بس المرشدي
اعارضك

اولا اشكرك على الموضووع ..

ثانياا ..

غلط انكم توقفون مع رادوي الحين ..

وهذا اكبر غلط ..

لان هذا راح يؤثر على مستوى الهلال كثيرا ..

وسنخسر رادوي ..

تحياتي..

انا ماسك الكوره وبوزعها قدام ويجي لاعب يمسكني والحكم طبعا لايسمع لايرى لايتكلم شي طبيعي اني اكفخه
ياناس تصرف رادوي عادي لان الحكم ماله شخصيه المفروض من يوم مسك لاعب السد رادوي كان الحكم صفر وعطا السداوي كرت اصفر
مانلوووم رادوي ابداً

صراحة المرشدي اليوم نجم المباراة ياكثر الكور اللي خلصها

اما رودوي الله يستر منه صاير عنيف بزياده

على كل الحب الذي احمله لك يارادوي لكن .......لابد من التوبيخ لان اذا مشت مره ماتمشى دووووم