نادي الهلال السعودي - شبكة الزعيم - الموقع الرسمي - لو فيه جمهور وفي فهو انتم + 8 تصاميم لكوزمين + خاطرة على اهزوجة

بسم الله الرحمن الرحيم
السلام عليكم ورحمة الله وبركاته

من هنا من القصيم << -- فكنا يرحم والديك :d

مااحب اكثر في الكلام ..

رغم اني معكم أحب أكثر في الكلام .. :d

تذكر الكثير من جماهير الأندية ( حول العالم ) بالوفاء والإخلاص لفريقها ..

حتى بعيداً عن كرة القدم .. من مبدأ الإنسانية .. من قوانين القلوب الحية ..

في مصطلحات الحب وأيامه ..

في محيط أشخاص عشنا معهم لحظات من الفرح لاتنسى ..

هاهو يعود كوزمين .. ( طبعاً مايحتاج كوزمين غني عن التعريف )

صحيح معاه طلعنا من دوري ابطال آسيا .. ( امام الوحدة )

لكنه قهر الإتحاد في أرضه في جده ورجع لنا في الرياض بالدوري ..

سيطر على كاس ولي العهد

مدرب طالما اسعدنا .. وطالما أبدع مع الهلال .. وقهر الخصوم ..

مدرب جنن النصر .. وفاز عليهم في أصعب الظروف وألعنها .. ( من منا لا يتذكر مباراة طرد المرشدي في الشوط الأول ! )

ورغم ذلك يخرج الهلال فائزاً بمجمل نتيجة المباراتين .. ذهاباً وإياباً ..

مدرب ذكي ورائع ..

اعترف امام الملأ واقر ولا استطيع ان انكر ان هلال جيريتس لا نستطيع مجرد التفكير فقط التفكير في مقارنته مع هلال كوزمين

لان جيريتس اعاد لنا هلال زمان .. هلال الهيبة والمتعه والدك .. هلال يقولون عنه برشلونه من كثر ماامتع وابدع واقنع .. وسيطر وقهر كل الخصوم ..

لكن يظل كوزمين .. له نكهه خاصه .. له كاريزما أخرى مختلفه عن جيريتس ..

فالجماهير الهلالية عشقت رومانيا حتى الثماله .. بسبب كوزمين ورادوي ..

من منا ينسى .. هذا الثنائي الرائع الجميل .. الذي سطر لوحة من ذهب

http://www./lives/12710291181.jpg

جميعاً يتذكر .. صحف رومانيا وماذا تكتب عن العشق الجنوني ..

كيف بدأت القنوات الرومانية تلهث خلف الزعيم وكوزمين ورادوي ..

في كل مباراة .. حتماً سترى علم روماني هنا أو هناك ..

ماأجمل تلك الأيام ..

وماأروعها ..

هاهي الفرصة امامكم ياجمهور الزعيم .. لتكافئوا كوزمين على ماقدم لكم ..

اعترف لم يقدم ذلك لوحده كان هناك دعم اداري رهيب .. وقفة لاعبين وجدية لا مثيل لها ومجهودات خرافيه

لكن يبقى هو طرف .. وعمود من اعمدة نجاح الهلال في تلك الحقبة ..

لا تخذلوه

لا تخذلوه

أرجوكم لاتخذلوه ..

فهو يرجو ويتامل منكم ..

تحية تجعل قلبه يخفق مره اخرى ..

لنادي احبه حتى أصبح احد اعضاء الشرف فيه !

لجمهور عاشره ..

لمكان اعتاد الانتصار فيه ..

لتفاصيل عشقها ..

لعريجاء .. لونت حياته ..

لأشخاص قمة في المثالية ..

دعونا نبهره .. دعونا نصرخ حباً .. دعونا نجعله يحصد ثمرات العمل الذي قام به

حتى لو بعد سنة !

جمهور الهلال ..

دعونا نجعل رومانيا تتكلم .. بل وتهتز ..

تراكم وتذهل .. !

الكلاب وهي كلاب ! ( أعزكم الله )

من أشهر المخلوقات في الوفاء .. وفي الاخلاص ..

فمن أولى ..

فمن لها ؟؟

نحن لها ..

يجي شخص يقولي من الاولى ان نهتف لجيريتس .. ونشجع جيريتس .. و نعشق جيريتس .. احق من كوزمين بهذا الشي

اقول له .. جيريتس موب دايم لك .. ويبي يجي اليوم اللي يترك الفريق فيه .. طالت المده او قصرت .. دعوه يتاكد ويتيقن اننا سنخلص له كما اخلصنا لكوزمين

اننا لن ننساه .. كما لم ننسى كوزمين .. اننا سنظل نحبه ونتذكره .. كما احببنا وتذكرنا كوزمين ..

اكرموا ضيفكم ..

اكرموا من يقف على الخط دائماً .. ويوجه ويعصب ويقطع في نفسه ويحترق على الخط من أجلكم .. اخلص واي اخلاص ؟؟

تقولي يستلم راتب مبلغ وقدره .. اخذ من الهلال الملايين .. اقولك يكفي انه قهر الإتحاد والنصر والاهلي والشباب .. يكفي انه افرحنا اسعدنا جعلنا نتقطع فرح وسعادة ..

غيرك يتمنى بطولة ! غيرك يتمنى انتصار مجرد انتصار .. غيرك يتمنى ربع اللي انت فيه ايام كوزمين ..

الكرة في ملعبكم ..

والمدرج ينتظركم

يوم الثلاثاء 13 / 4 / 2010

انا جاي من القصيم 300 كيلو لعيون الزعيم الكيان .. ثم ابو فيصل .. واللاعبين .. وكوزمين .. وسبق لي ان حظرت 4 مباريات هالموسم ( النصر والشباب والاهلي والرائد ) عشان بس مااتهم اتهامات ماحسبت حسابها هع هع

وهذه المباراة الخامسة بإذن الله .. وان شاء الله انتصار هلالي كاسح .. وضمان للصدارة بحول الله وقوته ..

قبل الختام ... بعيداً عن كوزمين ..

بعد المقاطع اللي شاهدتها في المنتدى لجماهير بروسيا دورتموند وجماهير بشكتاش مابقى إلا الحلاقين يصيرون احسن منا ..

حنا نادينا افضل نادي بآسيا وملعبنا جميل اللي هو ملعب الملك فهد إذاً لابد ان نصبح افضل جمهور بآسيا ..

كل الإمكانيات عندنا .. مافيه عذر .. والله فشيلة ياعالم .. 22 الف .. و12 الف .. و18 الف ..

بإختصار .. نبي الملعب أزرق .. ونبي نعيد ايام اول .. نبي العالم كله يتكلم عن جمهورنا ..

ماودي أطول .. مير الله يعلم مافي جعبتي من كلام وووو.... :smilie47::wub:s13s

التصاميم ..

http://www./lives/12710289135.jpg

http://www./lives/12710289136.jpg

http://www./lives/12710289137.jpg

http://www./lives/12710289138.jpg

http://www./lives/12710289134.jpg

http://www./lives/12710289133.jpg

http://www./lives/12710289132.jpg

http://www./lives/12710289131.jpg

المزيد من التصاميم .. عن الهلال بشكل عام .. تابعوني هنا ..

http://www.flickr.com/photos/brhomnew

رسالة لكل من ضرب على صدره وقال انا هلالي

تعال نجنن العالم بقصة عشق مجنونة ..

مامرت ولا بالحلم على قلبين عشقانة ..

تعال ندرس العشاق معنى الحب وفنونه

ودنيا عشق مافيها ولا اي لحظة خيانه

يوم الثلاثاء الظهر شغل واكوي .. لا تخلي المسافة حاجز بينك وبين عشقك زعيم آسيا ..

الخاطرة أو الأهزوجة ..

مستوحاه من طريقة فارس عوض في التعليق وتحديداً في هدف الفريدي على النصر هذا الموسم .. الهدف الشهير مايحتاج غني عن التعريف هع هع

وانا موجود في الملعب لو تبون اقولها باي طريقة تروق لكم .. بس تراني جديد على هالحركات ماعندي خبرة .. خخخخ

والحقوق مفتوحة على مصراعيها أو واحد يبي يلطش حياه الله مرحب فييييه .. هههههه

يقولك ..

((

الله ياهي طلة ياكوزمين

الله ياهي رجعة ياكوزمين

انا اشوف بلاتشي ولا مين

انا اشوف باكيتا ولا مين

انا اشوف يوردانيسكو ولا مين

الله ياهي طلة ياكوزمين

ماننسى ذيك السنتين

اللي قضيناها مستمتعين

كنا معاك متوجين

بالدوري والكاس فرحانيين

على البطولات مسيطيرين

الله كم حنا مشتاقين

وفي فرقاك متجنين

تروح شمال ولا يمين

تروح لقطر ولا البحرين

ماحنا بناسييييييين

بنبقى لك مخلصين

وبحبك وفييييييين

هلا والله ومرحبتين ..

يابعد كل الرومانيين

هلابك انت والقطريين

ياكوزمين يانور العين

ياللي كلك حلا وزيين

نهديك الكاس ودوري وزين

لا تروح وتخلينا ياكوزمين

عشاقك هنا بالملايين

خلك لو مدرب الناشئين

أحبك .. أحبك .. أحبك ياكوزمين

))

خلوا صدوركم شماليه ..

وترى الاهزوجة او الخاطرة .. للفرفشة فقط ..

يعني طولوا بالكم علي شوي .. خخخخ

لعيون كوزمين .. شال وفنيلة .. بقلمي ..

http://www./lives/12710731581.jpg

http://www./lives/12710731582.jpg

جبت العيد بخطي .. بس يالله اهم شي المضمون .. :smilie47:

الوعد الدرة ..

وتكفوووون .. نبيها ليلة للتاريخ ..

نبيها ليلة سامية كسمو الهلال

فيها من شموخه .. فيها من تاريخه .. فيها من هيبته .. فيها طلة من قرن آسيا اللي مضى ..

فيها من شخصيات الهلال .. فيها من مثاليته اللي تربينا عليها ..

نبيكم أوروبيين .. :alzaeem:

الله يوفق الجميع ..

وشكراً لإتاحة الفرصة ..